يوم في المدرسة ...

[عجايب بنت الشايب]

سلام الله على البدوان كله يجيهم كل واحد في محلهم ..




اليوم الأربعاء .. كانت نصيحتي للمعلمات قبل ان اطلع ...



اخواتي .. أستمتعوا بكل ثانية .. في هاليومين .. تنفسوا الصعداء


فما وراكم الا السبت ..


ليت اليالي كل ابوها ربوعي



الوكاد يالربع


انا مرتن ... خلقة والشطه والمشتطه من طينتن وحده ..


ولا احب تبقط المدارس ...


وهالقرارات اللي مالها داعي غير تخسير المسلمين و تطفيش الطلاب


مهما كنت معلمه .. لدي احساس بالطالب >> ياهوووه



العلم يالربع


انا ادرس وغادين .. لا اختبارات ولا شيء تقويم .. وخلصنا ...


لأ وبمدرستنا .. مدارس القرنقش الكل ناجح .. دلخ فطين كلن ناجح



ومن الزهق يالربع اني من الطفش اعد الأيام متى يخلص المنهج


أملاء - رياضيات - قراءة-نشيد - تعبير - قران - خط- فقه - سلوك - توحيد

وكل ماخلصت ماده ذبحت خروف من الفرحه ..



ويوم جا ذاك اليوم السعيد وخلصت بوه المناهج ..


وهي تجتمع .. بنا المديره .. قالت .. يامعلمات .. النتائج 21/6 قرار وتعميم ومدري وشو

اصلاً انا طول الأجتماع .. أراعي .. للمكيف أبي احفظ ماركته .. أمي تبي تشري مكيف زين

بس يوم قالت ..


21/6 وحنا بـ21 /5


وانا انتخي .. أخت العيال .. زين ماقلت .. تعقبين


بس اشوا قلت .. لأ يرحم والديتس .. :) ماصدقنا ..

قالت قرار ومدري وشو


قلت طيب .. دروس خلصنا .. وش نعمل حنا وذاا لوغادين شهر .. لونعطيهم دروس السنه الجايه خلصنا


قالت .. وش نسوي .. قرار ..

قلت اسمعي


القرار من وين .. قالت من الوزارة


قلت الوزارة وين ؟

قالت بالرياض ..


قلت طيب

بيننا وبينها 700 كيلو .. وحنا بقرية ..وبيدرون اللحين ان صفي .. غايب ..؟؟


ياشيخه عيني خير ..



وهي تراعي لي .. كأنها تبي تقول على شحم



:(





وأدخل الصف .. قلت يابنات .. خلصنا وبنسوي حفله بكره ..

ويوم جا بكره .. واجيب لهن برندا حار وكيك علالي .. وفستق ..

ويووووم فرحن واستانسن


قلت .. اسمعن ..


شوف عيني .. اشوف بكره وحده طابتن ذا المدرسة الا في 21/6

دروس خلصنا .. وتقويم خلصناكن .. لاتجن ..


قالت وحده .. يعنني شاطره .


استاذه انا احب المدرسه ولااحب الغياب ..

قلت ...: قلت قسمن ان ماكليتي تراب .. وسكتي ماهو اشوا لك

مسويه فيها سبيس تون انتي ووجهك



قالن خلاص ..


طبعاً من الفرحه .. رايحه للمدرسة اتقهوا اليوم الثاني .. :) اوقع بس


موديه معي الاب توب ودلة قهوة وكاكاو بس ابي اتكي لين نطلع ..


الا اشوف رويس بنت بالفصل لحالها تقل جني ..


وانا .. اتلها .. قلت . وش جابك .. ؟


قالت : مدري >> مالقت جواب


قلت خلاص ..

عقابن لك .. راح انزلك صف ثاني .. بدل ماتروحين رابع


وهي تبتسي ..

اصلاً انا بادويها ثاني ..لأن مدرستهم تقول .. حطيها عندي مدام ماجا الا هي ..


بس انا باخليه عقاب ..


وهي تجغر .. وتبترم .. يعني ساقطه انا ..


ايه قلت .. ليه ماغبتي


هي على بالها بتنجح اذا ماغابت .. مادرت انها بحكم عجايب :)



واحطها مع ثاني .. وعيونها هالكبر ..



اليوم الثاني .. ماشفت اي اثر منهن ..


عاد بكره السبت .. لو اشوف وحده منهن بس . اتوقع انه اخر يوم بحياتها ..








قال ايش قال .. قرار وتعميم ..


على مين ؟



ونأسف على هالفصله .. والدخول في جو مدرسي


طحياتي .......,,

[ريال الفسحه]

ههههههههههههههههه



الله لايحط وغد من وغداننا تحت سلطتس


اجل الوغيده راحت لهله تقول تراني سقطت وراجعه سنه ورا :)




منتي هينه تطنشين الوزاره ؟ :)

[غالب]

حيلتس بهم هههه:315r:

[عجايب بنت الشايب]

هلا بمشرفنا


ريال


افا عليك وش تبي بعد


ماباقي الا الحكومه ثمن يعطوني ورقة تخريج من البلاد وترتاحون






الله حيك .. ياقايد




اسلم وسلم

[حمـود]

ـــههههههههههههــ

الحمد لله ان كل ربعي مهم عندتس

كان محد نجح

كان كل يوم يرجعون الى الخلف

كان تجينا البنت تقول بالخير طحياتيي

اقولها وشو تقول طحياتي

دمت بخير

يا اقوى مدرسه بالكرة الارضيه

[عجايب بنت الشايب]

سناعيس


ارحب يامحراث الشر


حقدت عليك


قلت هاللحين بينصحن





>> قلبت عليه الأيه






اررررررررررررررررحب

[يـــوسف]

أقول ياعجايب ..








واحظ جاركم وياعل المناهج تصير ماهو فصل تصير يومين وتخلص علشان الذبايح :)




كفو كفوووووووووووووووو والله يابنت الشايب ماهي غريبه عليتس الذبايح بس ماتشوفين انتس مقصرتن بحقنا ماشفنا شي من هالذبايح :)






اصلاً انا طول الأجتماع .. أراعي .. للمكيف أبي احفظ ماركته .. أمي تبي تشري مكيف زين





هههههههههههههههههههههههههههههههههههههههه هههههههههههههههههههههههههه
هههههههههههههههههههههههههههههههههههههههه هههههههههههههههههههههههههه


ياعليتس طلعات غير شكل هههههههههههههههههههههههههههههههههههه





الله يعين طالباتس هذا عقب منتي مدلعتهن فضختي قلوبهن :)




عجايب ,,,,












لاهنتي يالمبدعه :)

[عجايب بنت الشايب]

أرحب ياحمود الناصر


ايه المتابع الشقردي


يسعدني حضورك يالطربه




وبعدين ترى اهم شيء الاخلاق وحب الوطن ماهو اهم شيء الدراسه والقوانين





طحياتي ..........

[((عبدالله بن غيث))]

عجايب بنت الشايب ,, والله خوش مدرسه ,,

[شنقل]

مايغثك الا اللي يلهدك


انا متعقدن اكثر منك والسبه هالقراااااااااار


هاردلك وهاردلي

[ابو ضاري]

ويوم جا بكره .. واجيب لهن برندا حار وكيك علالي .. وفستق ..

خوش ابله تبي تفضى للسوالف ...

برندا برندا هههههههههههههههه
الله يعين وغدانا اذا صرتي وزيره



بنت الشايب لاهنتي

[منصور الغايب]

حسبي الله عليك ياعجايب

استفردتي بهالوغدة اللي تحب الدراسة ..

الله يسامحك :)

عساني مااصير طالب عندك ..

انا اشهد انك تبين تشبعين فيني ترفس .. :)


مشكور عجايب وسلمي على المديرة

[أبوطروق]

هههههههههههههههههههه الله يعين وغيداتنا المسيكينات اللي يحبن الدراسة والتعلوم وانتي تردينهن


عجايب كم رقم مديرتكم؟


طحياطي يالذيبة

[غالب]

والله أنك صاج والله أنه ذيبه ألا شيخة الذيابه أعوذ بالله منه متوحشه

[الشبث]

والله مقرد من وغد يطيح بيد عجايب


ياربع هو يا يصير مامثلوه ولا يزوغ عقلوه ويغدي ميح






عجوبه

هالحين الناس يجيبون وانتي تخبلين



خخخخخخخخخ







وتقلدي تحيتي

[الكاسح@]

تعاميم الدجه
تضييع للوقت فيما لاينفع
والمقصود المعلم يبون تقليص إجازته إلى أبعد حد
من عرفت التعليم والناس تقول (( المعلم يتمتع ويتسدح بإجازه طويله وراتب ضخم )) من عند موقق واردين سميراء ما يعانون مثل معاناة المعلم الطلاب اللي صاحي واللي مجنون واللي بينهم والمسافه من الفجر وانت تمشي.

الله يعين بس !!! وتعدي السنه هذه على خيرررررررررررررررررررررر

[عجايب بنت الشايب]

يوسف


ههههههههههههههههه وش دخل جارنا بيتنا لحاله مايكفيه ذبيحه





اسلم يالذيب والله مرورك الشيئ









كحل المحاجر

>>> احس ان فيني رمد


مرورك الخوووش



لاهنت









شممقل .. :)

اررررحب اجل نفس العله يابري حااالي


لا اشكي لك تبكي لي



ارررحب مرورك شرف ياقايد







الضاري 11

العدو اللدود


ارررحب


اثلج صدري مرورك >> اتعب






منصور الغايب


هههههههههههههههههههههه

اعوذ بالله ليه هالتحطيم .. ترا منا حليلي


مدرسه تواكب التقنيه




لاهنت يااستاذ






ابو طرروق

يامراحب شرفتن







سناعيس

لاعاد من قالك ان هوايتي تطفيش حياتك وتعكير مزاجك ماهو بس انت


والذيب ابوك اللي جابك :)


لاهنت على هيك مرور







الشبث

والله عاد هالورعان وقت الدروس غياب ولا جت نهاية السنه جو علشان اللعب

والله مايفرحون به





لاهنت يالذيب مرورك مكسب





طحياتي ......,, لاهنتم ..,,

[نـــفــود]

مرحبا عجايب ...

شكلي ابي اجيب مركا وأتربّع عندكم بالفلّه ..

اقول بعذرتس بطالباتس ترى ماينفع بهن إلا هالكرشه المحترمه والا الطيب ماينفع معهن ابد .. حيلتس عليهن

عجايب شكلي ابي ارز خشتي كل يوم عندكم ياوخيتي والله سوالفكم تجنن
:d:
.

[عجايب بنت الشايب]

الكاسح


يعنبا التحطيم


اللحين ناقصين حنا


تجينا انت تعدد الحياة القشره

ياشيخ حرام عليك


خلنا نكذب على ارواحنا ونقول مبسوطين


تهي تهي



الله يصلح قلبك بس










==>> فلم درامي للمعلمين والمعلمات




لاهنت يالكاسح مرورك شيء :)




طحياتي .....,,

[عجايب بنت الشايب]

نفووود

يالبا قلبك والله اني صادزه

تبطحي وتسدحي بالفله جعلها والله فداتس


أرحبي ياحيي ارحبي




طحياتي ......,,

[الغيوره]

عجايب .
عندي احساس انج بطه : )

<-- كسبتي فيها اجر وطلعتيها من ضيقت الخلق

ليتني طالبه عندج كان ماغبت ولا يوم من غلاج هههههههههه

[ابو عارف]

صح النوم يا ابلة عجبجب

المدارس مستمرة وباقي شهر ويش بلاس عطلتي

ماتدرسين محو أمية أبي البس مغاتير وأخذ شهادة بثلاثة شهور فقط.


مبروك التخرج

تشاو

[عجايب بنت الشايب]

الغيوره


بالعكس انا اصلاً مبين اني ... مو دبه .. لأن لو أني دبه ماتعربشت الجدران


ويوم السعد لو انتي طالبه عندي ... كان من غلاك .. أخليك كل يوم تمسحين السبوره


طالباتي . غرامهن مسح السبوره >> خبووول




لاهنتي يابنت الكويت .. أرررررحبي دوم مو يوم تعال كل يوم



طحياتي ........,

[عجايب بنت الشايب]

صح بدنك يالشايب


اصلاً لا درستكم


بتصير نحو الأميه ماهو محو الأميه ..




ارحب ولاهنت على المرور


طحياتي .....,

[مطلق الثنيان]

تعميم جديد وغريب سمعت عنه من بعض زملائي في العمل وأوجعني راسي هذا وانا ماني مدرس مثلك!.. ما ألومك لو أرتفع ضغطك وزين أنك مسكتي نفسك ولاغلتي مديرتك ونتفتي شوشتها بعد!! :361r:
:361r:

[مطلق الثنيان]

ويوم السعد لو انتي طالبه عندي ... كان من غلاك .. أخليك كل يوم تمسحين السبوره


طالباتي . غرامهن مسح السبوره >> خبووول





الظاهر ماوصلنا بحايل هالأختراع الجديد اللي سمعت عنه!!
هالحين فيه أختراع جديد عبارة عن مساحات كهربائية مثل مساحات القزاز بالسيارة تكون مثبتة أقصد مشبوكة بالسبورة وبالريموت كنترول تقدرين تمسحينها عن وجه الكره الأرضية وأنتي متكية على كرسيك!:361r:
بنت من بنات الجوف أخترعته وخرعتبه الوزارة !!
:361r:

[سارة الجرباني]

احلى ياعجايب



اليوم الثلاثاء منو منهم داوم بشري لو انا منها عناد اجي هههههههههههههه


دام اني بانزل صف ثاني بدل مااطلع رابع


هي خاربه خاربه



تقبلي مروري

[الغيوره]

حبيبتي والله : )

<--- 12 سنه وهي تمسح الصبوره من كثر مايغلوني ابلاتي

كثري من سوالفج الحلوه خلينا نوسع صدورناا : )

[عجايب بنت الشايب]

أأرحب ياولد الثنيان ...


يابري حالي .. ماعاد ورى هذاا نا اتفلت عليها تفلت ..





أما مساحة السبوره .. مايحتاج .. نزينها حنا ... ومسكينه هالبنت اللي اخترعتها ...


مادرت ظان ماحول بيشه عيشه





لاهنت على المرور يالذيب



طحياتي ..........’’

[عجايب بنت الشايب]

حيا الله سوير راعية الفال


ايييه يازين الحتسي بس لو انتس طالبه معهن والله ان ماتفكرين بالعناد

ياختي قلبي يعورني من قشارتي عليهن



هههههههههههههه
لا ابشرك ..


كل مادخلت .. الصبح وقطيت عباتي رحت الصف .. ما القا حتى الأشباح ..



ههههههههههههه والله اني اشتقت لهن ..





لاهنتي ياساره على المرور



طحياتي ........,,,

[عجايب بنت الشايب]

الغيوره

حبك الله



ابد هذا ملفي عندتس شوفي مواضيعي .. القديمه على ماانزل لعيونتس موضوع هاليومين


هو احد لاقي احد يحبه ويتابعه :)


هههههههههههه


لاهنتي



طحياتي .........,,

[الغيوره]

شايفتهم من اول ماسجلت بالمنتدى بس توني تشجعت ارد على مواضيعج : )

بانتظااار جديدج :)

[يـــوسف]

8
8
8
8
8
8
:)
أووووووخص يالمعجبه





عجايب ماعندكم شواغر ؟
ماتبون لكم بشر يمسح صبوراتكم كل صبح :)

لو سنع حارس غديني اتزوج لي مدرسه .
تروني فاضي .

[عجايب بنت الشايب]

الغيوره

ارحبي مرات ومرات








طحياتي ...

[عجايب بنت الشايب]

يوسف

الله يرزقك بمدرسه المهم تمسح سبوراتنا


عاد يافي فصلي سبوره تقل ملعب .. خط التماس وخط وسط ومدري وشو

يبي لي بنتين يمسحنها ومايمديني امسحها الا صفرة الحصه الثانيه شكلي باحط معاشات على مسح السبوره




لاهنت يالعطاوي على المرور اللي تقل دهن عوود




طحياتي ....,,

[معجبه بعجايب]

شوفي يا بنت الشايب
تراني شاكيتن عليتس
عند التوجيه
ألحين عرفت ليه بنتي
منفضخن قلبها
تبكي وحالتها حاله
ونفسيتها تعبت

اثاريتس أنتي إلي مروعتها
وكله تقول صقطت ورجعت ثاني

اجل مدخلين بناتنا المدارس الأهليه علشان تروعينهم
وتحطين حرتس فيهم
والوغدان وش دخلهم في الوزاره
-------------------------------------
تقبلي تحياتي
معجبه بعجايب