ملحمة آل ضو !!!!

[ابوعمر الضوي]

( ملحمة آل ضو )

شعر : عيد العيسى

ابو عبدالله

الحــمــد لـلــبــاري عــزيــز الجـلالي ..... حـــمــد ٍ كــثــيــر ٍ عد رمل السْهَالي

الــواحــد الــمــعبــود أول وتــالـــــي ..... فــردٍ صــمد مــاله شــريك ٍ يسـاويه

الــبــاقي الــلــي دايــم ٍ مايــزولــي ..... تحــتــار فــي وصــفه جميع العقولي

مــنــزه ٍ عــن كــل قــول ٍ جــهـولي ..... بالــحــمــد والـتـــسبيح يذكر وندعيه

ياباني ٍ مــن فــوقـــنا سبـــع ٍ شداد ..... ورفــعـتهن مــن دون عمــدان واوتاد

وزيــنــتــهن بـكــواكــب ٍ مــاله اعداد ..... انت العــظــيــم الـلـي نخافه ونرجيه

وبســطت أرضــك للــخـــلايق فضيّة ..... وذللــــتها يَـمَـا غـــــــــدت كالمطيّة

وارسـيـت أركـانَهْ بـالــجــبـال القويّة ..... ودحــيــتها بالـقـــوت والرزق محصيه

وخــلــقــت آدمْ مــن تــرابٍ وطــيني ..... واودعــت نــســله مــن مــاءٍ مهيني

لك الثنا والحــمـــد فــي كــل حـيني ..... حــمــدٍ بــثــر حــمــدٍ نعــــيده ونثنيه

ومن بعــد ذكري للولي عالي الشان ..... هــو الكريـــم اللــي رحـــيم ورحمان

سبحان من يعطي الجزيلات سبحان ..... إلـــهــنـــا حـــــق ٍ عــلــيــنا نـــبـديه

نذكــر فــعــول ٍ مــاضـيـات ٍ قديماتْ ..... لـجــدودنا هــل الــشــرف والـمرواتْ

اللـي لــهــم بالــمـجد صولة وجولاتْ ..... اعــيــال الـضّـــوي جـدنا مــانخــفيه

سـالم ولد شمروخ من نسل الاخيارْ ..... وزمــيل ابن زوبــع له اخـبـار واذكـارْ

وشـمــر لنا عــزوة لــيــا صـارماصارْ ..... هــذا نــسـبنا نــفــتــخر به ونــبــديـه

وحــنا ثلاث فخــوذ ٍ عــدِّنا بالتــمـامي ..... السْـمـيـحْ والـمِــطــلِبْ رجال ٍ كرامي

وآل مْـحَمُوداللــي براس الــســنامي ..... مــن تــرثة الاجـــواد مــاهــم دنـاويه

اعـلومــهم عـنـد الـنـشـامى طـريفـهْ ..... اللي فـــعــايلــهم جــزالٍ شــريــفـــهْ

اهل النــقـا واهــل الــعـراض العفيفـهْ ..... تاريخــهم مــعـروف ياجــاهل ٍ فــيــه

يشــهــد لهــم بالطـيب هو والشهامهْ ..... راعي ســكاكا يوم يشـــكي سـلامهْ

ويـمــدح صــيـانــيــهم كـثـيـر طـعامهْ ..... هاكزمان اللــي بــه الــوقـت حــاديه

وبادي بهم يــقــول زيــنــات الامـــثالْ ..... ويذكر مـنــازلهم من الــشّــيـْر لقيالْ

بالخــوف مــاهــابوا مــن القـوم خيالْ ..... عنــد الــعــشــاير رميهم مـن يـدانيه

وخــفــيــج يوم يــمـدحْ رفاع الحمايلْ ..... طـلــقــين الايــدي كاســبين النـفايلْ

أولاد ســــالم عـــــدهـــم بالاوايـــــلْ ..... قصـــيـــدته كل ٍ دريــبـــه وترضـــيه

وصــفـــوق ابــولــزام شاهد ٍ لفعلنـا ..... عــد الصــحـيــح وقـال نعم ٍ بربــعــنا

مايــجــحد المــعروف والـطـيـب والثنا ..... ألا ردي الـجـدْ والــحــظ مــهــــفــيه

ويوم ابن مــعَــقِــلْ يمنا جــاك عادي ..... بـــاولاد وايــل دايــريــن الـــطــرادي

غدوا بهم ربعي صــطــام الــمـعـادي ..... عـقـيــدهم مذبـوح والفـود مخطيــه

وناقة غـــريِّب يــوم تِدْخَــلْ عــلــيــنا ..... وتــســبــبــت بشرورهــا وابـتـليـــنا

قــمــنــا بواجب حــقــنـــــا مانثـنيــنا ..... الثار ماننـــســاه والدّيــن نوفــــيــــه

ربعي قطــعــوا للـثــار ديــــــار ٍكثيره ..... من نجد ســاروا ما خـطــاهم قصيره

وصــطـــوا عــلى ابن دهيِّم ٍ بالجزيره ..... ماهابوا الجــربان لـوهــم مــلافــــيه

وتشهد لهم قارة الجِـنـَـبْ والكِظاميرْ ..... والرّوضْ والمركـوزْ والـحَـزِلْ والشِّيْرْ

ولوقة مقــيــض مدلهين الخـــــواويـرْ ..... ياسِعْــد بالشِّداتْ مــن هــمْ حواليــه

ونعم ٍ بضاري راعـي الكود والجــودْ ..... الفارس المــشـهور من نسل محمودْ

النــادرالـضِّـرْغام مايــقــبـــل الـــزودْ ..... ياعِدَّوا رجـــال الــعرب مــن يدانــيــه

ويذكرْ لنا ســـالم قــصــــير الدغـيراتْ ..... في كون ظـــفرة يوم الأذهــان خَفَّاةْ

ركــــض على الصَّابورمـــابه مـــراواة ..... وخـــذوا بناته مـــابقى مــن تولِّيـــه

وإن كان تنــشـد عن شفاقة وعبطانْ ..... طيــور شــلوى مـن صـواريم حورانْ

نعم ٍ بــــهـــم ياثــار عـــجّ ٍ ودخـــــانْ ..... يشــهـــد لهـــم بيت ٍ لــعـدوان بـانيه

وعايس ابو حــسـبــان ياوَيْ عـايــسْ ..... مِفْرَاصْ مــاص ٍ للــمـهـمات عايـسْ

به النِّدى والجـــــود مايــنــتــقــايــسْ ..... شيخ الجهامة والمــصـالــيـح تـتلـيه

ويامــنَّهم حــضـــروا رجــال الطــلايبْ ..... يقلـط لهم سـالم عطــيب الضرايــبْ

حلاّل عســرات القــفــول الصــعــايبْ ..... ياكبـــرت القالات ما حد ٍ يناحـــيــــه

عايـس وســـالــم كاســبين الحميدي ..... عصمــان الارياء عامـسين الضديدي

يشــهد لهم بالــطـيــب حـزل الفديدي ..... نقي عــرض ٍ طــيـبهم ماهو كاميـه

وســعــدي على الشَّقراء نهار الكتامهْ ..... ياصــــار بالمــيدان يرخي زمــــامـهْ

ياوَيْ خــيـــّــــال ٍ يفــك الجـــهامـــــه ..... شــحيــتان من فعــله دناياه تبكـيه

ونعــم ٍ بصــايل ْ زبون المــجـاهــيــمْ ..... صفر ٍ لهــن بالكون جضّ ٍ وترزيـــمْ

ينخن شـجاع ٍ ضــــاري ٍ للـــمـــلازيمْ ..... عيّ ٍعـــديم ٍ تايه ٍ من يلاقــيـــــــه

وانبيك عن حــسـبان زين الــفــعــايلْ ..... مركي على كبــد الحــريـب الملايـلْ

شــيــخ ٍ كريــم ٍ وافي ٍ بالخــصـايــلْ ..... بعـيـد صيت ٍ حتى الاجــنـاب تطريـه

وابو نفــــــود الليث ســبــع الضّواري ..... عوق العديم اللي بفــعـــله يـمـاري

ملــحــق خويّه مايهــاب الخـطـــاري ..... في سـاعة ٍ دمّ المــنــاعير كاســيـه

وعيسى اخو دهَيَا سلايل كحــيــلانْ ..... شيخ ٍعلى الطّولات والطّيب شفـقانْ

يوم الفـــــعايلْ والـــجـمايلْ والاكوانْ ..... عند الخوي خــمــس ٍ ذبحهم حوالـيه

وباني ليامنَّه ضوى البيت واحتــافْ ..... ســبع ٍ ضـــرير ٍ ماتراعــــد ولاخـــاف ْ

كساب وضح ٍ جابهن من وراء رافْ ..... عشرين مع عشـرين حــروة مغـازيه

وامّـا الدّليل اللي عـلـيـه الكلامـــي ..... دليل عــيــــرات ٍ تبـــــوج الظّلامــــي

هريش ســـتر مـردّعات الوشــامي ..... قِدَا عـبــدالله يوم حــــايل تجــليـــــه

ونعـــم ٍ بمقـــبلْ كريم الســـبـــالي ..... يذكر مع الاجــــواد ماض الفــعـالــي

يوم الكرم والجــــود لهــن مجـــالي ..... ذبح قعـود البيت مــــن دون عانيــــه

وذكرت اخــــو نوى نهـار الطـــرادي ..... مهــيــقيـص خيـال الطّـياح التــّـلادي

قلايـعـــــه بالكون تــسعــة جيـادي ..... وسمي غدير الخــيـل بفعـله نسمّيه

دايم على ســعـــدى براس الجذيبهْ ..... تهـــابه الغـــــزوان مايـــــنعـــدي بهْ

شر ٍ شــــرير ٍ مايـــقـــربْ شعيــبهْ ..... ياويل من هو يزحـــــمهْ أو يعاديـــــه

وونيس أبو جــــرمان حِبْس الكميني ..... راع الصّخى والجــــود طلق اليميني

في بـيـتـه الديـــوان دايم يــبـــينـي ..... من روس ربعــه عايزات ٍ مـماشيـــه

واذكرْ خليفة بالشّـرف والــبــتـــاعـهْ ..... صـلـيب راي ٍ من رجال الشــجـــاعه

امـنـاكد العـــدوان مـاهـــو رعـــاعـهْ ..... يــستـاهل الامــداح جامــعْ بنيـخيــه

ونعم ٍ بطــاري يوم جـدعْ المـلابيـسْ ..... ودعيثير ومــــنذرْ كاسبين النواميسْ

وقــطـيـّان حـمـاي البكار العـرامـيسْ ..... نعم ٍ باهـــل البلهاء رجــال ٍ مداليــه

وعايد الــعــقـــيّد يـوم كُـوره يـشـدّهْ ..... وركبوا مـــعـــه عيالْ عـمه وجـــدّهْ

طـلــعـه بعــــيـــد ٍ ما قريب ٍ مـــهدّهْ ..... ذود الدعيْدع حايشه من مــــــفاليه

وساير ابن هـــــــادي زبـون الــونيّاتْ ..... يثني قفا الشــردان والخيل عجلاتْ

هو الذي لمــــثله تشـوم الخَـــونداتْ ..... فــــــراج بن كلــيــب يذكر مـــواريه

ونعم ٍ باخــو فهـــــيدة غلام ٍ عنـيدي ..... اللي به الشّـــــاعر يعد القـصــيدي

ويقـول غـيـــره مالـــقـــيـنـا عضيدي ..... في لــقـوة الهلباء هني عين ناخيه

ونـــــومــان ورحَــمَــة ْ يـاويـّـا دوالي ..... وخِتْخُوت وهــديسان فِـــرْز العيالي

عــاداتهم يثـنـون خـــلــف الـتـــوالي ..... ويفــرح بهــم راعــي هـليـب مخليه

وعــايد ومــفـرج والحمــيــدي ونزالْ ..... نــعــم ٍ بــهـم ياصـار عــج ٍ وزلـزالْ

والجــيــش يصــلى بالمــوازر ويجتالْ ..... من ازرق الدخان والـــمـلح شـاويــه

والنّـعــم بجـعـيـثـن كعـام العــــداتي ..... بالكون يذكر مــن حــضاة الرمـــاتي

صــق ٍ صــحـيــح ٍ مابــقــولي رواتي ..... يشهد له عضيب السّعو ماهو ناسيه

واخــوان مــزنة واهـنــي من رجاهمْ ..... هبيكان وشـايـع بــعــيـد معداهــــمْ

ماذْكِرْ بالمــاضــيــن مـثـل مغــزاهمْ ..... وجـابوا حلال القــوم تسـمع حواديـه

ودهـام هــو دهــام راع الرشــومـي ..... عند الضـيـاغم قـالط ٍ ومـحشـومــي

نعـم باخـو مـزنة قــوي الـعـــزومـي ..... رجـل ٍ شــريف ٍ ماتـردتْ هــقاويــــه

ويذكر لـنـا شــلاش يـوم الزّحــامـي ..... على القـنِـيْـنَـة لاسـقاها الغـمــامي

قــدام ربــعه راســي ٍ مـايـضـامـي ..... نعـم ٍ باخـو حـســنـاء لـيـا حل طاريه

وحـسـن ابو صـالح ربيع الضّعــافي ..... يوم السـنـيـن الكايـدات الـعــجـــافي

راع الصـخــا ياوي والله ســـنــافي ..... كم مـــن ضعـــيف بربعة البيت غاذيه

وعودة وغـربي مـن خيار الاجاويدْ ..... ريف الخـوي والضّـيـف والجار له عيد

ورزق العَفَرْ كسّـاب جــزل التحاميد ..... اللي مــضـيــفه للـخـطــــاطير بانيـه

هذتا مــوجــز مـن فــعول ٍ حمـيدهْ ..... يصـعـب عـلــيـنـا عــــدّها وتعـــديدهْ

تاريـخ يـبــقـى للـقـرون الـبـعــيـدهْ ..... ماقـل دل وزايـــــدْ الهــــرج مــابـيــه

ذكرت طـــيــب ربــوعــنا بالـمـثايلْ ..... وتبـقــى الـمــثـايل للفــــعايل دلايلْ

مانا مـن اللـي يـجــحدون الفـعـايلْ ..... طـيـب الجــماعة كلهم نفــتــخر فيه

اذكرفــعــايلهمْ ولابه عـلـي عــيبْ ..... واخصـهم بالمـدح والـخـيـروالطــيـبْ

ولاانا بحــال مـــــدورين العـــذاريبْ ..... ولاخـيـرفـي رجــل ٍ تنكّر لماضــيــه

ويالله أنا طــالــبــك تغــــفر ذنوبهمْ ..... وتنزل عليهم رحــمـة ٍ في قبورهمْ

وبجنة الفـردوس تجمع شمـــولهمْ ..... أنت الكريم اللــي جـــزال ٍ حسانيه

وصلاة ربي عــــد ماهب نســناسْ .... على النبي الهاشمي صـفوة الناسْ

شفـيـعنا بيوم ٍ إيشـــيب به الراسْ ..... مايلـتـفـت به غــــالي ٍ يـم غاليـه

ابو عبدالله : عيد العيسى الضوي

[مشــــعل]

صح لسان الشاعر

والف نعم بالضو وبالزميل عموم

الله لايهينك

ولازلنا نطمع بالمزيد

تسلم يابوعمر

[سلمان النبهان]

تسلم ابو عمر ويعطيك العافية وصح لسانك
ولسان الشاعر / عيد العيسى وقواه الله
وفعلا ملحمة بطولية يستحق الشكر عليها
وننتظر المزيد من هذه المفاخر الطيبة الرائعة

[((عبدالله بن غيث))]

ونعم والله بالضو كلهم ,,

وصح لسان الشاعر,,,


تقبل تحياتي

[ابوعمر الضوي]

مشعل الغفيلي
نعم بلحيتك
سعدت بمرورك

[ابوعمر الضوي]

سلمان وانت تسلم

[خلف الرويتع]

ابو عمر صح لسانك ونعم بالضو والسبعه انعام قول وفعل تقبل تحياتي

[خالد الشمري]

صح لسان الشاعر

والف نعم بالضو وبالزميل عموم

الله لايهينك

ولازلنا نطمع بالمزيد

تسلم يابوعمر

[ابوعمر الضوي]

سلمان

وتسلم انت بعد

[ابوعمر الضوي]

كحل المحاجر
نعم بلحيتك

[ابوعمر الضوي]

ابو عمر صح لسانك ونعم بالضو والسبعه انعام قول وفعل تقبل تحياتي


ونعم بلحيتك وسعدت بمرورك

[ابوعمر الضوي]

صح لسان الشاعر



والف نعم بالضو وبالزميل عموم


الله لايهينك


ولازلنا نطمع بالمزيد



تسلم يابوعمر


ونعم بلحيتك وتسلم عبى المرور

[مقبل الضوي]

مشكور اخوي ابو عمر على النقل

وص لسان شاعر هذه الملحمه

تقبل تحياتي

[الشيحي2]

انا لا اعلم ما الدافع في الأونه الاخيره مثل كتابة هذه الملاحم ؟؟؟
التي لا تغني ولا تسمن من جوع وكأن الناس نبتت نبتاً هذه السنه من الارض!!!!


ام تأثرنا بالعصر الجاهلي؟؟؟

[مقبل الضوي]

الاخ مقبل الضوي الرد لاياتي هكذا هداك الله
فالرجل يسأل ولك حق الاجابة ولكن ليس بتلك الالفاظ
التى اراك اكبر منه بكثير ..

[ابوعمر الضوي]

انا لا اعلم ما الدافع في الأونه الاخيره مثل كتابة هذه الملاحم ؟؟؟
التي لا تغني ولا تسمن من جوع وكأن الناس نبتت نبتاً هذه السنه من الارض!!!!


ام تأثرنا بالعصر الجاهلي؟؟؟

ابدا يالشيحي لو ان الناس نبتت هذه السنة لم تكن هذه الأفعال والعلوم الطيبة المذكورة والتي مضى عليها عشرات السنين !!!
نحن لا نخترع ولا نؤلف ولا نبتدع أشياء من عند أنفسنا بل هي سوالف وعلوم مشهورة ومعروفة ويمدح بها أهلها في وقتها عندما كان الجميع على تلك الحال وكان لها مجال .

[الشيحي2]

ابدا يالشيحي لو ان الناس نبتت هذه السنة لم تكن هذه الأفعال والعلوم الطيبة المذكورة والتي مضى عليها عشرات السنين !!!
نحن لا نخترع ولا نؤلف ولا نبتدع أشياء من عند أنفسنا بل هي سوالف وعلوم مشهورة ومعروفة ويمدح بها أهلها في وقتها عندما كان الجميع على تلك الحال وكان لها مجال .

ماهي العلوم والافعال التي اتيت بها يابو عمر الماضيه منذ عشرات السنين؟

لا شيء جديد هل عاركت لاجل الاسلام وتحرير فلسطين؟
انت قلت سوالف وعلوم ولكنني سألتك عن سالفه ولم تجبني عنها:

(بئر الخوار الذي في لوقه ماهي سالفته بالضبط وانت رجل لديك من العلم الكثير والسوالف القديمه ) افدنا جزاك الله خير لكي نسطر هذه السالف بمنتدياتنا

[ابوعمر الضوي]

ماهي العلوم والافعال التي اتيت بها يابو عمر الماضيه منذ عشرات السنين؟

لا شيء جديد هل عاركت لاجل الاسلام وتحرير فلسطين؟
انت قلت سوالف وعلوم ولكنني سألتك عن سالفه ولم تجبني عنها:

(بئر الخوار الذي في لوقه ماهي سالفته بالضبط وانت رجل لديك من العلم الكثير والسوالف القديمه ) افدنا جزاك الله خير لكي نسطر هذه السالف بمنتدياتنا



الله يستر علينا وعليك يالشيحي

تقول : هل عاركت لأجل تحرير فلسطين وتقول : ان ماهنا من الجاهلية

وانا اسألك لماذا تخصني بهذا وآمل منك أن توجه هذا النداء لجميع الأعضاء والمشرفين في هذا الموقع لأنه قائم على مثل هذه الموروثات هذا اولا

ثانيا : اذا كنت ترى أن مايكتب هنا جاهلية ويهمك أمر الإسلام وفلسطين وترى أن مايكتب هنا يناقاض وينافي الإسلام ويضر القضية الفلسطينية فلماذا سجلت في هذا الموقع وأنت تعلم أنه قائم على هذه الأمور .

ثالثا : اذا كنت تنظر لما يكتب هنا هذه النظرة فلماذا أراك في مواضيع أخرى في هذا الموقع ترد بحماس وتناقش بجد وهي تصب في ذات الاتجاه .

انا انصحك ان تشغل نفسك بشي يفيدك واذا هالسالفة التي تسأل عنها تهمك بالحيل وتؤرقك فحياك الله عرفن على نفسك وتقهو عندي بالبيت في رفحاء في حي الروضة على الرحب والسعة وسأفرح بك وسأرويها لك كاملة .

وأما فلسطين والإسلام فأسأل الله أن يحرر فلسطين ويعيدها للمسلمين وأن يجعلني وإياك من دعاة الإسلام والمدافعين عنه ولكل مقام مقال يابن العم .

تقبل تحياتي

[الشيحي2]

الله يستر علينا وعليك يالشيحي

تقول : هل عاركت لأجل تحرير فلسطين وتقول : ان ماهنا من الجاهلية

وانا اسألك لماذا تخصني بهذا وآمل منك أن توجه هذا النداء لجميع الأعضاء والمشرفين في هذا الموقع لأنه قائم على مثل هذه الموروثات هذا اولا

ثانيا : اذا كنت ترى أن مايكتب هنا جاهلية ويهمك أمر الإسلام وفلسطين وترى أن مايكتب هنا يناقاض وينافي الإسلام ويضر القضية الفلسطينية فلماذا سجلت في هذا الموقع وأنت تعلم أنه قائم على هذه الأمور .

ثالثا : اذا كنت تنظر لما يكتب هنا هذه النظرة فلماذا أراك في مواضيع أخرى في هذا الموقع ترد بحماس وتناقش بجد وهي تصب في ذات الاتجاه .

انا انصحك ان تشغل نفسك بشي يفيدك واذا هالسالفة التي تسأل عنها تهمك بالحيل وتؤرقك فحياك الله عرفن على نفسك وتقهو عندي بالبيت في رفحاء في حي الروضة على الرحب والسعة وسأفرح بك وسأرويها لك كاملة .

وأما فلسطين والإسلام فأسأل الله أن يحرر فلسطين ويعيدها للمسلمين وأن يجعلني وإياك من دعاة الإسلام والمدافعين عنه ولكل مقام مقال يابن العم .

تقبل تحياتي
اولا انا ضد التفاخر بالصولات والجولات السابقه التي مضى عليها سنين عجاف وهي عادةً ما تكون بين ابناء العمومه والاقارب وحتى الجماعه او القبيله التي انت منها,حقيقه مافيه شيء يثلج الصدر مثلاً تقول معركه معروفه بين قبائل نده لقبيلتك او خلافه فجميع ما تطرقت اليه قصيدتك فهي سوالف دائره على بني عمومتك وبنفس الوقت ربما تزعل منهو حولك لا يوجد المبرر لذكرها يابو عمر فكبح جماح الشر افضل في هذا الشهر الفضيل وكي لاتكون سالفتهم ملحمة (الضوي) وانت تعرف قصدي جيداً؟
اما فلسطين مهو لازم انك تحررها ولكن سياق الكلام يجعل مثل هذا المثل دارج نوعاً ما,علماً ان فلسطين حارب فيها الكثير من السعوديين والعرب منهم من قتل ومنهم من جرح وفيهم الكثير من شمر؟
اما سالفتي الي ربما انني اثقلت عليك نوعاً ما بها ولكنني لم اجد اجابه فأعتبرها مسحوبه يا ابن العم واعتبر قهوتك مشروبه . ولكنني لست بديارك الشماليه كي اسير عليك ؟ لعل وعسى تجيبنا الايام ونتقهوى عندك بأذن الله.....