المساعد الشخصي الرقمي

مشاهدة النسخة كاملة : ريشتي سيري ثبات واكتبي لغز اكتبي.......؟؟؟


الاعصار
22-05-2008, 13:31
السلام عليكم ورحمة الله وبركاته


ريشتي سيري ثباتٍ واكتبي لغز اكتبي=اطربي قلبٍ فطينٍ ماتلدد بالصعيب
ويش حيٍ مع هنوفه لاغدت له تصحبي=سرعته معها تزايد علّه للمسعى يصيب
بموقع لو هو تباطا موت هالحي يقربي=والهدف يخطف فتاتٍ عشقةٍ له يالبيب
مااقول عنّه رسول ولا اقول عنّه نبي=لكن العلم الوكيدي هالهنوف بنت الصليب




تحيتي لكافة الزملاء
راعي البيرق
22-05-2008, 14:26
السلام عليكم ورحمة الله وبركاته



ريشتي سيري ثباتٍ واكتبي لغز اكتبي=اطربي قلبٍ فطينٍ ماتلدد بالصعيب
ويش حيٍ مع هنوفه لاغدت له تصحبي=سرعته معها تزايد علّه للمسعى يصيب
بموقع لو هو تباطا موت هالحي يقربي=والهدف يخطف فتاتٍ عشقةٍ له يالبيب
مااقول عنّه رسول ولا اقول عنّه نبي=لكن العلم الوكيدي هالهنوف بنت الصليب





تحيتي لكافة الزملاء



تسلم .. وتسلم ريشتك اللي تخط أجمل الأبيات ..
في أجمل صوره .. وبأجزل معنى ..

أنا طربان مع جمالية الأبيات شوي وأفكربه .. :d:<--- خاف
الاعصار
22-05-2008, 14:30
حياك الله اخوي راعي البيرق
وانا والله مشتاق لرمعاتك اللي تاتي عن قراءه صحيحه لمتطلبات اللغز
تحيت لك وتقديري
راعي البيرق
22-05-2008, 15:10
محاولة أولى ..:d:
وشرايك بالصياد وطلقته وصيدته ..
الاعصار
22-05-2008, 15:22
اخوي راعي البيرق
الحمدلله زل مرماع ماصدته ههههههههههههه
مالك لوى يالغلا
انتظر مرماعك القادم
تحيتي لك
((عبدالله بن غيث))
23-05-2008, 03:10
الاعصار انت تسحقنا بهالالغاز شوي شوي علينا.



والله ياطويل العمر جاري التفكير.....
وافي الزنيدي
23-05-2008, 03:12
صح لسانك اخوي الاعصار على هاللغز

محاوله
اللي يحطونها الغواصين برجيلهم الله يكرمكم بالغوص بس مدري وش اسمها والفتاة اللي يخطفها المحاره اللي بها اللولو
((عبدالله بن غيث))
23-05-2008, 03:14
صدقت يالزنيدي توها على بالي والحين بما انه اتفق فكرين على الاجابه فكري وفكرك فهي صحيحه .



صح لسانك مقدما
وافي الزنيدي
23-05-2008, 03:24
اخوي كحيلان صح بدنك بس الاعصار ما يرحم لا تستعجل
الاعصار
23-05-2008, 03:58
وافي الزنيدي
صح لسانك ملايين
نعم حصاة الغواص
وتوضع لتسرع من تحركه عند الغوص
وبنت الصليب من الصلابه وهو الجبل
بيض الله وجهك
وصح لسانك ياكحل المحاجر على تأييد الرمعه
تحيتي وتقديري للجميع
وافي الزنيدي
24-05-2008, 00:09
صح بدنك اخوي الاعصار وجزل وماتجيب الا جزل بيض الله وجهك وننتظر جديدك
راعي البيرق
24-05-2008, 15:03
صح لسانك يالاعصار ولسان أخونا وافي الزنيدي ..
والله لغز وارد .. وبعيد عن مجال التفكير شوي
.. لكن والله أني خمشته .. بس ما عطوني فرصه :d: