من هو اللي للشديده ينصي.......؟؟؟؟؟

[الاعصار]

السلام عليكم ورحمة الله وبركاته

من هو اللي للشديده ينصي =ناحفٍ في شدته يحكم جموع
لو يطول الوقت ذلل كل عصي=بالتقدم يجبره او بالرجوع



تحيتي وتقديري للجميع

[((عبدالله بن غيث))]

جاااااااااااااااااااااري التفكير هذار لغز يشيب وانا راسي يعورن بلياه يالاعصار ..


لكن رغم عوار راسي اشعلت الحرب مع شياطين فكري وطرت لي رمعه على الطاير جت على لساني عل وعسى تصيب.
وش رايك بالبنك؟

[الاعصار]

اخوي كحل المحاجر
حياك يالغلا
والرمعه ماصابت
تحيتي لك وتقديري

[((عبدالله بن غيث))]

أتمنى يكون الصبر....

استناك يالاعصار بكره انشالله الحين ماعاد اجمع..

[الاعصار]

كان الصبر رمعه مالك لوى
ولنا لقاء بكرى باذن الله
تحيتي لك اخوي كحل المحاجر

[صلفيق]

وش رايك بــ " الميزان " أو " المتر " ؟

[العَـــروب]

صح لسانك يالاعصار
مو زمبل الساعة؟ اللي يقدم وياخر؟ :-(

[الاعصار]

اخوي صلفيق
حياك الله
مالك لوى يالغالي هذا يتحكم بعصيين (اي عسرين التحكم) وكذلك لاتنسى ان وقته يطول فالميزان او المتر النتيجة تاتي لحظتها
تحيتي لك

[الاعصار]

اختي ام يوسف
صح بدنك وزنبل الساعه مالك لوى وزنبل الساعه نتيجته لحظتها
تحيتي لك

[راعي البيرق]

رمعه يالإعصار :)
وشرايك بالقيد ، أو العقال اللي يعقلبه الأبل ..

[الاعصار]

مرحبا بك اخوي راعي البيرق
والرمعه مالك لوى يالغلا
تحيتي لك وتقديري

[راعي البيرق]

رمعه ثانيه يالإعصار :d:
وشرايك بالخزام .. او العنان .. او الرسن ..

[الاعصار]

راعي البيرق
مرحبا فيك
ومالك لوى
تحيتي لك

[راعي البيرق]

رمعه ثالثه يالاعصار :d:<--- ما يرتاح يما ينحل اللغز
وشرايك بالسير .. سير الفلوس ( المغاط :d:) ..
والله أنه يطوعهن تطويع .. واذا صار عند بخيل يالله انك تستر مايفكه لدفنه :)

[الاعصار]

اخوي راعي البيرق
مالك لوى يالغلا
لو يطول الوقت ذلل كل عصي......بالتقدم يجبره او بالرجوع

[((عبدالله بن غيث))]

الاعصار انت للحين انت وهاللغز ؟
طيب بساهم برمعه اليوم وتراه الاخيره ان صابت ولا خابت .
ياخوي شيبي لغزك
جارررررررررررررررررررررررررررررررري التفكير
=======
وش رايك ((بتقويم الاسنان)) والله مدري يالاعصار ,,
الا وش رايك بالا((يارجل توكل على الله بس التقويم))

تقبل تحياتي
((عبدالله بن غيث))

[راعي البيرق]

ما يحتاج :)
والله جبته يا كحل المحاجر :mabrook:
اللغز الوارد حله واضح من تلقاه بقولك وقف :3ayyen_khair: ليقته ..
صح لسانك ولسان أخوي الإعصار ..

[الاعصار]

كحل المحاجر
صح لسانك مليون
نعم
سلك تقويم الاسنان
بيض الله وجهك يالغلا
تحيتي لك وتقديري

[الاعصار]

اخوي راعي البيرق
سرني تعقيبك على اللغز وتاكيدك على وروده
بيض الله وجيهكم جميعاً

[((عبدالله بن غيث))]

صح بدنك يالغالي وأخيراً .

مافهمتك يوم تقول لخوي راعي البيرق ((سرني تعقيبك وتاكيدك على وروده))
ان كان احد حله قبلي فلفضل له وانا اخوك ,

[الاعصار]

اخوي كحل المحاجر
انا من الناس اللي اذا ماحسيت ان ربعي ماهم حول اللغزتأخذني الشكه بعدم ورود اللغز او اني معميه بزياده وحين ماشفت تعقيب اخوي راعي البيرق على رمعتك فرحت بتأكيده على الحل يالغلا
تحيتي لك وتقديري

[((عبدالله بن غيث))]

لك الشكر مني يالغلا .



وانتظر تواصلك معي على قصايدي في قسم الشعر النبطي ياخوي ماشوف لك حضور هناك ..

[الاعصار]

اخوي كحل المحاجر
دعوه كريمه من كريم ولكن ياخوك انا مالي بالشعر ياجودي ان ركبت بيتين او ثلاثه على لغز وهذه حدودي وامكانياتي
تحيتي لك وتقديري