المساعد الشخصي الرقمي

مشاهدة النسخة كاملة : للتسجيل بمجموعةنخبة أعضاء الفله[ الوقت محدود ]


ريال الفسحه
15-05-2008, 00:19
\


بالخير ياهل الشفايه والنذاله ياهل الفله :)




ياهلا بعيالي اللي انا مشرفن عليهم غصبن عليهم :055r:




اسمعوا



حنا ياهل الفله معروفين بالتطور والاتيكيت والاستفاده من التقنيه
بتطوير انفسنا لدرجه ماحد يتخيله ..



مثال


الشبث منذو نعومة اظافره هاللي تقل ظلوف عنز كان يحط روحه
بغسالة الثياب ويحط كلوركس وتايد ويشلغه بدال مايتروش ويتعب
روحه :) بكذا غسل روحه وثيابه عليه حتى شماغه :)


\


المهم



انا يامشرفكم حطيت مجموعه جديده وهي خاصه للي يدخلون
الفله ولهم تواجد لو كان متقطع والميزه ان ماحد يقدر يرد هناك
الا هم :055r:

يعني اللي يبي يسجل يجي هنا ويقول حطن ياريال ضمن قائمة
اعضاء الفله وانا اسوي له دعوه وبعد قبوله يدخل ويرد على كيفه ..



الفائده


تدارس حال الفله ومشاكله والسعي لتطويره من خلال هالمجموعه واللي
هم النخبه واهل القرار ..


فائدة الفكره


بدال مايجي الشبث مثلا ويحط اقتراح هنا او بالاقتراحات وهذا يدري وهذا مايدري
ووو الخ
يحطه بصفحتنا هناك وحنا ندرسه ونشوف اذا يفيد نطبقه بالاجماع وبكذا اكون
ديموقراطي معكم واكسر قاعدة الدكتاتوريه حقت مشرفين الفله :)



المهم



من يبي يسجل يطلب من خلال هالموضوع ..!!




::





ryalooooooooooh


:055r:
ريال الفسحه
15-05-2008, 00:22
رابط المجموعه


http://www.shmmr.net/vb/group.php?groupid=10 (http://www.shmmr.net/vb/group.php?groupid=10)


للمعلوميه والانصاف الفكره مقتبسه من فكرة الاخ ملامح
بالاقتراحات والشكاوى اليوم ..






سلام :315r:
ابو ضاري
15-05-2008, 00:26
صباح الخير يالغالي وينك ماتبين الله يعينك على الدوام بشدقم

باركت للرجال يبي يعرس وراح لحايل اليوم
بالمختصر..
15-05-2008, 00:57
إذا ماتبون سيره ذاتيه .. سجلوني معاكم

أخاف تصير سيرتي على كل لسان :d:

‏^‏
‏^‏

ومن خلال هالرد أطالب بدكتور نفسي لأعضاء المجموعه . .


تشآآوو . .




.
.
ريال الفسحه
15-05-2008, 01:21
هلا بالضاري


ليش تقلب المواجع :za3lan: ..

الحمد لله على كل حال وتراني قصرت منكثر
المشاوير :solh:

الرجال ماهو خويي خلاص ابكرشه اقوله وش تبي
بالعرس عطن فلوسك وانا اعرس وانت اصبر ورافض :)


ياعله بالتوفيق الي يوفقه ويجعله مايتقشر



رايح لحايل ولاعلمن ؟




اوريه :puzzled:



الضاري تراك من المجموعه :)



لاهنت


\


بالمختصر



يبي لتس مطوع يقرا عليتس :)


حطيناتس بالمجموعه






شكرا
عبيد الضلع
15-05-2008, 01:37
صراحتن انا منذو نعومت ظفوري وانا ودي اسجل معكم بهالنخبة <<< تسذوب :)

وش ورانا لاوضيفه ولا هذي ولا هذيك اغديك تقمانا ياريال

علما باني احمل شهادة المتوسطه .. كتبه المواطن عبيد الضلع :goooood:

وصحيح اني توي مسجلن معكم لكن الدنيا دهر :7ayyoh:
((عبدالله بن غيث))
15-05-2008, 01:49
والله زيين اجل سجلن معكم بس من الحين , انتبه ترا مامعي شهادة الا ((محو الامية))

تقبل تحياتي
ابو عارف
15-05-2008, 08:47
أشوف الدعوة خاصة بالشباب بس.

وليه وحنا مالنا رب؟ ، يالله العجب واهولك ياعيني سجلن يخالي معكم لو فراش.


تر عاد مامن شهادة مول عطونن إياه ذيك السنين وضاعت وإلا والله كانت شهادة حلوة.


رابع إبتدائي ليلي وأذكر بأنني كنت متفوق على زملائي وقتها كان ترتيبي 15 على الفصل بالرغم من وجود 17 طالب.
غالب
15-05-2008, 20:45
طيب وليه ئانا عجست لا أسجل ولا على ناس وناس
صدىاجا
29-05-2008, 23:47
وانا الطالب 16بفصل الشايب ابو عارف الرابع عشر بالترتيب اقدم معروضي هذا ويعلم به من يراه اطلب يد التسجيل معكم ياريال العطلة
غالب
29-05-2008, 23:52
بالله أبي أسجل معكم:3abrah:
شنقل
30-05-2008, 08:14
بشرط
كفاله مااكفل سلف مااسلف
غالب
30-05-2008, 12:53
8
8
حلوه ههههه:315r:
ريال الفسحه
30-05-2008, 12:57
المعذره ابوقف هالمجموعه لمده معينه شاكر تواصلكم ..