ميِّتٍ ومهمةٍ له حددت.... في زمان فات فعلٍ له وكود

[الاعصار]

السلام عليكم ورحمة الله وبركاته
.....................

ميِّتٍ ومهمةٍ له حددت=في زمانٍ فات فعلٍ له وكود
يلفي عدٍ والفعايل وكدت= يلفي عدٍ يطرد اللي به ورود
كل وضحى من عقب طرده غدت= كل ملحاء من عقب طرده تعود


.....................

تحيتي وتقديري لكافة الزملاء

[العَـــروب]

وعليكم السلام

مو اقول لك انا الاولى دايما :P

صح لسانك
لغزك هذا شكله اصعب من اللي قبله


جااااااااااااااري التفكيييييييير




دمت بخير

[صلفيق]

ياويلييييييي .. لغزك هذا يبي له إجازة وتفرغ للتفكير مهي قصة يوم أو يومين .

صح لسانك يالعزوة ،، وجاري التفكير المبدأي !!!


.

[الاعصار]

بريئه ولكن
مرحبا فيك ودائماً سباقه واللغز يمكن مكمن الصعوبه فيه انه يتكلم عن حاجة قلت في يومنا واحتمال كبير انتهت
ولكن كبار السن مثلي يعرفونه وكذلك المهتمين بالقديم
تحيتي لك وتقديري

[الاعصار]

اخوي صلفيق
مرحبا بك ان كنت عود مثلي تبي تعرفه والا اعرضه على شيبانك
تحيتي لك وتقديري

[صلفيق]

هلا بالأعصار


الظاهر يالغالي أنا واياك بالهوى سوى !!

وأظن تفكيري حاليا يدور حوله !!!!!!!!!!!!!

[الاعصار]

يعطيك العافيه اخوي صلفيق وعطنا مرماعك لاتوخر يالغلا

[راعي البيرق]

عقب السلام ..
وقبل الكلام .. عليك السلام ( ورحمه ) .. بيني وبينك وبين الإخوان أجمع :)
هذي علشان تسهل الألغاز :thumb:

وأبي أفتح باب الرمعات .. :)
وشرايك بالمنقاش ..
اللي ينقشبه الشايب شيبه الأبيض ويزيله ، ويخلي الشعر الأسود ..

إذا سماوي عادي قل سماوي :d:

[الاعصار]

عقب السلام ..
وقبل الكلام .. عليك السلام ( ورحمه ) .. بيني وبينك وبين الإخوان أجمع :)
هذي علشان تسهل الألغاز :thumb:

وأبي أفتح باب الرمعات .. :)
وشرايك بالمنقاش ..
اللي ينقشبه الشايب شيبه الأبيض ويزيله ، ويخلي الشعر الأسود ..

إذا سماوي عادي قل سماوي :d:
اخوي راعي البيرق
ماشاء الله عليك تفكير طيب
ولكن الرمعه المطلوبه تنطبق عليه معطيات اللغز اكثر
ميت..عد..ويطرد .. جميع هالكلمات تعطي معنى ادق من المنقاش .بالاضافة ان من انشد عنه يطارد الوضح والملح والمنقاش اذا اعتبرنا ان الطرد بمعنى الابعاد فهو يطرد البيض فقط
انتظر رمعتك القادمه وعندي احساس انك تبي تذبحه
تحيتي لك وتقديري

[راعي البيرق]

عندي يرمعه يالإعصار ..
انا فاهم اللغز ميه بالميه :thumb: .. بس ماني عارف اللحل :d:
وهذا اللي قاهرني ..:puzzled:

وشرايك بيد المحماسه .. تطرد حبات القهوة .. لين يصرن ملح ..
أو اللي يحركبه السكر والشاي .. السكر يذوب والشاي يبقى ..
أختار أنت اللي يجوزلك:d:

[الاعصار]

انا قلت تبي تذبحه وانت دائماً ماشاء الله عند ضني بك
صح لسانك مليون
هو محراك السكر
بالقديم كان يستخدمون عود من الشجر وهذا ماقصدته بقولي ميت
يستخدم لتحريك الشاي بعد وضع السكر
طبعا حبات السكر يذوبن بعد طرده اما ورق الشاي فيعودن تحت الابريق
كفو يالغلا وعاداتك لاعدمناك

[راعي البيرق]

صح بدنك .. وتسلم على اللغز المليان ..
يالإعصار ..

ـــــــــــ
أشوى سبقت صلفيز على هاللغز .. قبل ما يذكيه .. :d:

[صلفيق]

الأعصار ... صح لسانك ولاعدمناك

المخضاض ...!!

عزالله انه لغز مليان ووارد ، بس تفكيري بعيد عنه .. كان تفكيري يروح ويجي على يد المحماسة ( ولكنه مؤنثة ) .



راع البيرق ... ماشاء الله عليك ، انشهد انك جبته .

وهقوتي لو أقعد سنين .. مايخطر على بالي ،

بس عادتك يالذيب حلال الألغاز اللي على مستوى أخوي الأعصار .

سلمت وصح لسانك لاعدمناك

[ريال الفسحه]

اسمعوا تراه زادت عن حدوده :(

\


اللحين ياراعي البيرق يوم عندك كل هالرمعات ليش
ماترسل لي وحده على الخاص ماني اخيك الصغير
خلن اجي هنا كنّي عارف الحل واقول مطفي النور :)




صح لسانك ولسان الاعصار لغز جامد وحل سريع


\



ريال الفسحه

حلّا الالغاز واكبر رمّاع :)