رجل في بيت .. ؟

[راعي البيرق]

.....
....
...
..
.


هذا لغز نتسلى فيه ليما الله يعقل علينا الإعصار .. :d:


انشدك عن رجل ليا صار في بيت = وتجمعت بالبيت حضر وبوادي
يسمع سوالفهم وهو كنه الميت = ولو يرفعون اصواتهم شي عادي
إلا ليا جاهم من البعد تصويت = يخرس لسان اللي عليهم ينادي


واتمنى لكم التوفيق ..

[الاعصار]

صح لسانك يالغلا
ماقصرت وانت البركه ولغز مليان
ولي عوده باذن الله

[العَـــروب]

اممممم

ماهو النجر؟ :puzzled:

[راعي البيرق]

صح بدنك .. اخي الحبيب ..
وبإنتظارك .. وبإنتظار لغزك القادم :)

[راعي البيرق]

هلا بأم يوسف ..
وصح لسانك .. والرمعه مالكِ لو ..
وبإنتظار مرماعكِ القادم ..

[الاعصار]

اخوي راعي البيرق
ان كان المقصود بالسوالف اي اصوات
فاعتقد هذا المسجد قبل الاقامه يجلس الامام بالخلف والمأمومين اللي يقرأ القرآن واللي يسبح لغاية مايقول الامام للمؤذن اقم
تحيتي لك وتقديري

[راعي البيرق]

صح لسانك أخوي الاعصار .. والرمعه مالك لوا ..
وإن كنت خمشته :d: .. بس انتظر اعلان نهايته ..
..

[ريال الفسحه]

الامام واذان الجمعه ؟

[راعي البيرق]

هلا ابو فسحه ..
لا والله يابو فسحه .. بس حاول مره ثانيه ..
انت تدري ليش الاعصار رمع بالمسجد :d:
اذا كنت تدري حاول .. واذا لا .. ريحنا :d: <---- خربها يعني ماين :d:

[الاعصار]

محاوله
الجامع والجماعه والمؤذن وخطيب الجمعه
الجماعه يقرأون القرآن والمؤذن موجود واذا مادخل الخطيب وسلم صمتوا ثم قام المؤذن للآذان ثم يخطب الخطيب

[راعي البيرق]

هلا بالاعصار ..
مــالك لوا يالغالي ..
طبعاً لو أبي أوضحلك ماراح ترضى .. :)
بس ابي اقولك أنت بالملعب بس غير الأدوات .. :)

[راعي البيرق]

توضيح ..
هذا اللغز ليس حله إمام ومأمومين .. وآذان ونحو ذلك .. :)
بس الميدان هو الميدان .. يا حميدان :)

[ريم الصمان]

يمكن التلفزيون

[ريم الصمان]

او الجوال

[راعي البيرق]

ما لكم لوا يا أهل الصمان ..
الله يعيدلكم بالمطر .. ويفككم من المزارع والشبوك .. :thumb:

[العَـــروب]

مو المباراة وصوت صفارة الحكم؟ :wallah_hoo:

[راعي البيرق]

ما لك لوا يا أم يوسف ..
حاولي .. لا يأس مع الحياة ..

[ريم الصمان]

راعي البيرق لاتروح ابفكر واقولك مو بعد شوي الاقيك مشوت
استنى شطور

[ريم الصمان]

جرس البيت

[ريم الصمان]

المايكرفون حق المسجد

[راعي البيرق]

ما لك لو .. يالصمانيه :)

حاولي مرة أخرى ..

[صلفيق]

راع البيرق _ شرايك بعازل الصوت ؟

[أبوطروق]

وشرايك بالمسجل (بس لاتسأل أي نوع لأن الماركات كثييييير)

شكرا

:

[العَـــروب]

عندي رمعتين هالمرة وادري بحظي ولا وحدة صح بس باحاول لعل وعسى :wallah_hoo:


الاولى الفصل الدراسي والجرس لما يدق يسكت المدرس ويطلع - والطلبة يهجون مثل الغنم :315r:


الثانية جرس البيت :wallah_hoo:او الانتر كم





تكفى لا تقول غلط :(

[راعي البيرق]

صلفيق .. يسلم تفكيرك ..
( وش أقولك .. مالك لوا .. ظلم .. صح لسانك .. غير دقيق )
بس أخوي صلفيق عازل الصوت لا يخرس اللي عليك ينادي ميه %
أنتظر رمعه ميه % :)

[راعي البيرق]

هلا بأبوطروق ..
والله الرمعه ما صابت يابو طروق ..
أنتظر رمعتك القادمه ..

[راعي البيرق]

أم يوسف ..
إلا بقول غلط :d: .. والرمعه الثانيه سرت ..
أنتظر المحاوله القادمه ..

[العَـــروب]

^
^
^



افااااااااا :(

والله على كثر ما احاول وتقول لي غلط المفروض آخذ جايزة ترضية :(


طيب شرايك بصفارات الانذار؟
أو انذار الحريق ؟



ها؟ ها؟



قول صح لسانج :a:

[راعي البيرق]

صح لسانك أم يوسف ألف مره ..
بس الرمعه مالك لوا ..

[راعي البيرق]

..
عندي لكم توضيح أخير قبل أن أطرح حله ..
هو اختراع فيه منفعه .. ثم اتضح أن له مضره .. أكبر من منفعته ..:d:
ــــــــــــــــــــــــ
عندي رمعه على توقيعك ياصلفيق .. أرمع .. :)
..

[صلفيق]

هات الرمعة على التوقيع ياراعي البيرق ..!

[صلفيق]

طيب ،، شرايك بــ " الزجاج " ؟

هو الذي تستشف من خلاله من يناديك ...!

[عبدالله الجعيثن]

راع البيرق



وش رايك بجهاز "كاتم الجوال" بالمسجد



قالوا انه ممتاز وبعدين قالوا يؤثر على القلب

[راعي البيرق]

أخي صلفيق
مالك لوا بالرمعه .. ورمعتك الأولى أقرب للصواب ..

[راعي البيرق]

اخي عبدالله
ما شاء الله عليك .. يسلم تفكيرك .. وتصويبك .. وصح لسانك ..
نعم ..هو جهاز قطع الإرسال عن أجهزة الجوال ..
والذي يوضع في بيوت الله وهي المساجد ..
إلا أنها منعت أخيراً لما فيها من الضرر الواقع على الصحة العامة ..
عبدالله :thumb:

[الاعصار]

اخوي راعي البيرق صح والله لسانك على هاللغز الصراحه ماشاء الله عليك لغز محبوك والحقيقه ماني لمه
ولكن اخوي عبدالله الجعيثن جاب خبره الله يزيده من فضله
صحت السنتكم جميعاً

[راعي البيرق]

ولسانك يالاعصار ..
وهذا لغز من مجموعة ألغاز أرسلت من الشاعر/ ذيب الشمري
وهو شاعر قدير ، وخبـير ، وجدير بطرح مثل هذه الألغاز الجزله ..
ولا يهون أخوي الإعصار ..

ونحن بإنتظار القادم من ألغازك .. والإخوه القديرين ..
..