عبدالله معيوف المويس
19-04-2008, 10:37
هذه قصيدة للامير الشاعر/ محمد الاحمد السديري يرحمه الله يتذكر ويثنى على رفقة كلاً من محمد بن درزي الدغماني الرويلي ومحيلان بن عتيق النماصي وشاقي بن عتيق النماصي يرحمهم الله .
هذي منازل حيٍ اقفـوا عـن الـدار
وهذا مكـان ربوعنـا والأصاحيـب
وهذي مداهلهـم وذا مطـرح النـار
وهذي منـارة ناطحيـن المواجيـب
في شرقي السدرة لهم رسم ووكـار
ودلال يشـدن البطـاط المحـاديـب
يادار لاعلـك عـن الوسـم مبـدار
ولاثمرت فيك الغصـون المحاديـب
يلي سعيتي فـي تفاريـق الاخيـار
وانتي سبب تكدير صافي المشاريـب
والدمع من عيني على الخـد نثـار
من حاجري دمعـي علـى الجيـب
عيني تهل دموعهـا سـر وجهـار
وياكـن قلبـي يشلعنـه مخالـيـب
صار العوض منهم تنعـات وعبـار
بالخيـر ياربـعٍ تنحـوا مغاريـب
قفوا على الـواحٍ يبوجـن الإبحـار
راحوا وحنا فـي ديـار الاجانيـب
راحوا يبون ديـار حثـات الاوبـار
مع نشر بـدوٍ علقـوا بـه دباديـب
مقيظهـم يـم الرحيـه والابـيـار
وان شرقوا غربي الاجلال ونخيـب
ومرباعهـم مابيـن عذفـا وسنـار
واطيب مفاليهم شفا الخور والسيـب
ياراكب الي يسبـق الطيـر لاطـار
اشعل يكسر مـن عيـاه المصاليـب
اركب عليه ولاعلى الـرب تحيـار
نهار ثالـث بيـن زلـوم والجيـب
سلـم عليهـم عـد ماسايـر سـار
عد الجراد وعـد رمـل العراقيـب
سلامً احلى مـن لبـن در الابكـار
واحلى من العنبر على الورد والطيب
لاقيل منهم قلـت صلفيـن الاشـوار
ثلاثـة ماقيـل فيـهـم عـذاريـب
محمد الدرزي ذراء الضيف والجـار
زيزوم قـومٍ ياسمـون المشاعيـب
الشيخ ابوعفـات مامـون الاسـرار
من عرفتي له ماذكر لاحقـه عيـب
تلقـى مضيفـه يدهلـه كـل مـرار
يعزا على وايل وهو منقـع الطيـب
وشاقي وابوخالد بضيعات الابصـار
ورادةٍ حـوض المنايـا ليـا هيـب
ان جت من الله ماعلى الرب تحيـار
يمـلا محاليـبٍ ويكفـي محالـيـب
يالنودلي قم واضبـط البـن ببهـار
حيث اني افهم كل شغلـك بترتيـب
البن شربـه مـن قديـمٍ لنـا كـار
طب القلوب الي تخفـى لهـا عيـب
من واهج الفرقاء حشى مهجتي فـار
واطلع على المرقاب واقنب كما الذيب
حطيت لي بالرجم مـارد ومصـدار
وعزي لمن مثلـي يهـوم المراقيـب
افرح الا قالوا على نجـد الامطـار
وتهافت الانواء على مرتـع النيـب
نجـدٍ مفاليهـا بهـا جـرد ومهـار
وغاباتهـا فيهـا الاسـود الغواليـب
ياحلو هد الطير في وسـط الاقفـار
جنوبـي الباطـن شمـال بـويـب
الديرة اللي هي هـواء كـل صقـار
ماحدر السوبان والصلـب وصليـب
هذي منازل حيٍ اقفـوا عـن الـدار
وهذا مكـان ربوعنـا والأصاحيـب
وهذي مداهلهـم وذا مطـرح النـار
وهذي منـارة ناطحيـن المواجيـب
في شرقي السدرة لهم رسم ووكـار
ودلال يشـدن البطـاط المحـاديـب
يادار لاعلـك عـن الوسـم مبـدار
ولاثمرت فيك الغصـون المحاديـب
يلي سعيتي فـي تفاريـق الاخيـار
وانتي سبب تكدير صافي المشاريـب
والدمع من عيني على الخـد نثـار
من حاجري دمعـي علـى الجيـب
عيني تهل دموعهـا سـر وجهـار
وياكـن قلبـي يشلعنـه مخالـيـب
صار العوض منهم تنعـات وعبـار
بالخيـر ياربـعٍ تنحـوا مغاريـب
قفوا على الـواحٍ يبوجـن الإبحـار
راحوا وحنا فـي ديـار الاجانيـب
راحوا يبون ديـار حثـات الاوبـار
مع نشر بـدوٍ علقـوا بـه دباديـب
مقيظهـم يـم الرحيـه والابـيـار
وان شرقوا غربي الاجلال ونخيـب
ومرباعهـم مابيـن عذفـا وسنـار
واطيب مفاليهم شفا الخور والسيـب
ياراكب الي يسبـق الطيـر لاطـار
اشعل يكسر مـن عيـاه المصاليـب
اركب عليه ولاعلى الـرب تحيـار
نهار ثالـث بيـن زلـوم والجيـب
سلـم عليهـم عـد ماسايـر سـار
عد الجراد وعـد رمـل العراقيـب
سلامً احلى مـن لبـن در الابكـار
واحلى من العنبر على الورد والطيب
لاقيل منهم قلـت صلفيـن الاشـوار
ثلاثـة ماقيـل فيـهـم عـذاريـب
محمد الدرزي ذراء الضيف والجـار
زيزوم قـومٍ ياسمـون المشاعيـب
الشيخ ابوعفـات مامـون الاسـرار
من عرفتي له ماذكر لاحقـه عيـب
تلقـى مضيفـه يدهلـه كـل مـرار
يعزا على وايل وهو منقـع الطيـب
وشاقي وابوخالد بضيعات الابصـار
ورادةٍ حـوض المنايـا ليـا هيـب
ان جت من الله ماعلى الرب تحيـار
يمـلا محاليـبٍ ويكفـي محالـيـب
يالنودلي قم واضبـط البـن ببهـار
حيث اني افهم كل شغلـك بترتيـب
البن شربـه مـن قديـمٍ لنـا كـار
طب القلوب الي تخفـى لهـا عيـب
من واهج الفرقاء حشى مهجتي فـار
واطلع على المرقاب واقنب كما الذيب
حطيت لي بالرجم مـارد ومصـدار
وعزي لمن مثلـي يهـوم المراقيـب
افرح الا قالوا على نجـد الامطـار
وتهافت الانواء على مرتـع النيـب
نجـدٍ مفاليهـا بهـا جـرد ومهـار
وغاباتهـا فيهـا الاسـود الغواليـب
ياحلو هد الطير في وسـط الاقفـار
جنوبـي الباطـن شمـال بـويـب
الديرة اللي هي هـواء كـل صقـار
ماحدر السوبان والصلـب وصليـب