لابغيت ابدع لي لغزٍ اجتهد يظهر جزيـل..........ولا استوى للفطن سقته وافتخر لو ينحره

[الاعصار]

السلام عليكم ورحمة الله وبركاته

اليكم لغز اتمنى ان ينال رضاكم

.........................

لابغيت ابدع لي لغزٍ اجتهد يظهر جزيـل=ولا استوى للفطن سقته وافتخر لو ينحره
الفطن جاس المعاني كل حرفٍ له دليـل=اول الرمعات حـروه تنحـره او تذعـره
والردي لو هو تقاوى ماقوى غير الهزيل=والهزيل يبقى هزيـلٍ مابذبحـه مفخـره
منشدي ورعٍ صغيرٍ حضن امه له يشيـل=نوب ونوبٍ ياصحيبي الوصايـف غيّـره
ينولد من قبل امه ولجل تولـد يازميـل=هالولد يوطا عيانٍ لـو عيونـك تنظـره
الولد شوفي بعيني في وسط قطرٍ نزيل=وفي حدود القطر امه شوف عيني تشغره

..........................

تحيتي وتقديره لكافة الزملاء

[راعي البيرق]

[/SIZE][/FONT][/CENTER]

لابغيت ابدع لي لغزٍ اجتهد يظهر جزيـل=ولا استوى للفطن سقته وافتخر لو ينحره
الفطن جاس المعاني كل حرفٍ له دليـل=اول الرمعات حـروه تنحـره او تذعـره
والردي لو هو تقاوى ماقوى غير الهزيل=والهزيل يبقى هزيـلٍ مابذبحـه مفخـره
[align=center]


[FONT="Arial Black"][SIZE="4"]ياسلام أخوي .. الاعصار ..
صح لسانك ..
لكن لغزك هذا هو اللي يذعر :)
وعندي رمعه .. لو انه متعجله شوي .. بس خله تفوت .. :)

وشرايك .. بعود الكبريت .. وعلبته امه ..
وهو يصير بحضنه .. وهي لجله صارت .. واذا جينا نولعه .. هذا شغره لوه .. :)
رمعه :)

[الاعصار]

هلا بنجم الحلول
اخوي راعي البيرق
صح بدنك يالغلا
والرمعه ماصادت الحل
انتظر مرماعك القادم

[راعي البيرق]

والله ما ني مخلي الرمعه تقرقع بقلبي :)
رمعه من الرمعات .. أخوي الإعصار ..
وشرايك بحرف الطا ..

[الاعصار]

اخوي راعي البيرق
لاتخلي اي رمعه تشغلك وانا ماعرضت اللغز الا لأتقبل الرمعات برحابة صدر
حرف الطاء مالك لوى
انتظر مرماعك القادم
تحيتي لك

[راعي البيرق]

رمـــعـــــه يالإعصار .. <------- متأثر بالكنود :)
وشرايك .. بالتشكيل على الكلمه .. عموماً ..
او الحرف عموماً ...
سلام ..

[الاعصار]

ياراعي البيرق
التشكيل على الكلمه او الحرف مالك لوى يابعدي
هاه اصلح مع حقين الكنود ههههههههه
تحيتي لك

[راعي البيرق]

يعطيك العافيه أخوي الإعصار .. على رحابة الصدر ..
لكن انفتحتلي الطريق .. ترني أغث :)
رمعتين وليست واحده .. مدام فتحت الطريق :)
وشرايك بالخيط .. والشمعه .
أو النوى .. والتمره .. أو التمر و النخله ..
صارن ثلات :)

[الاعصار]

اخوي راعي البيرق
بالعكس يالغالي اذا اتيت واللغز ماعليه مراميع احس بالاحباط
الرمعات مالك لوى
وفي عالم الالغاز وانت معلم ماشاء الله عليك ولكن كتذكير بعض الكلام يحمل معنى ظاهر ومعنى باطن ومثلك لماح
تحيتي لك

[عبدالله الجعيثن]

يمكن البيت والقصيده

[الاعصار]

اخوي عبدالله الجعيثن
سررت بمرورك يالغلا
والرمعه مالك لوى
تحيتي لك

[راعي البيرق]

طيب :232r:
قطر .. ماعرف إلا قطر الدائره :)
وشرايك بالدائره .. ومركز الدائره ..

والله مظبوطه :) وافق عليه يالإعصار :)

[الاعصار]

ياراعي البيرق

جبتها ياذيبان

نعم مركز الدائره وامه الدائره والذي ياطا الولد لجل تولد الام هو الفرجار . والاقطار كما تفضلت قطر الدائره حيث ياتي المركز وسطها والام تاتي على حدودها
بيض الله وجهك وعاداتك لاعدمناك

تحيتي لك وتقديري

[راعي البيرق]

لا هنت اخوي العزيز الإعصار ..
ولغزك والله جامد .. وعاداتك الألغاز الجزله ..
بس خويك الظاهر جابها رمية من غير رامي :) ..