ابو راكــــــــان
16-04-2008, 23:47
بسم الله الرحمن الرحيم
حسن الجوار من الأمور التي حث عليها الإسلام ومن الأمور التي إهتمت بها العرب
فتغنت بها
ولله الحمد شـــــــمـــــــر كغيرها من القبائل إهتمت بهذه الخصلة فاشتهرت بها
يقول الفليحي السليطي الشمري يوصي ابنه:
اللي يحشم الجار قسمٍ من الناس = بليهان شيال الحمـول الثقيلة
الجار لوهو نازحٍ عنك بالساس = إلزم من الداني بكـل الوسيلة
وتقول الحربيه:
نطيت انا المستقلي = من نايفات العداما
ليت شمر هللـي = دخيلهم مايظامـا
يقول عموش الحربي بالاسلم من شمر عندما رحلوا عنه:
لا ولله الا شـدوا البـدوا ياذيـاب=كـلٍ تنحـر دار حــيٍ يــودّه
تفرقـوا عقـب المقاطيـن هـراب=وكلٍ حكا باللي جـرى لـه يعـدّه
اقفت ضعون اللي يفكون الانشـاب=وخلوا كلاثيـم الوجيـه المصـدّه
شدوا هل الهدلا عريبين الانسـاب=يامـن كـلٍ عـد باصلـه وجـدّه
للجار والمسكين يضفون الاسـلاب=مامثلهـم للجـار حــي نـعـدّه
وعن الضرر كنه على راس مرقاب=قمـرا عليـه بليـلـةٍ مجـرهـده
منزحه عن دارهم كـل الاجنـاب=يـوم كـلٍ لـه عــدوٍ يـضـدّه
خيالهم يضرب على الموت ماهاب=يفضي جموع الصم لو هي مسـدّه
ويقول رميح الخمشي بالتومان من شمر كذلك عندما رحلو عنه
ياليـت مايـم الطويلـه تعنيـت=اللي تعزل "جلاعده" عن "جليعيد"
هليّت فوقه عبرةٍ حيـن عديـت=طويلةٍ تاخذ على القلـب وتزيـد
ماينفعن كثر المنـا لـو تمنيـت=وعزي لمن مثلي جداه التواجيـد
شفت الضعاين غلسٍ حين راعيت=مغرورقات كنهـن همـل الغيـد
اقفو بها التومان يرعا بها هيـت=يرعى بها الاشقح بليـا تحاديـد
ترعى بضف مرفعة كسّر البيت=تتلي مقزين الحريـب المساعيـد
ترعى بظل حراب كسابة الصيت=اللي على شهب النواصي مواريد
ان غربو لوقه لزور البراريـت=وان جنبو لهم الضواحي مسانيد
تسقين يادار لهـم كـل ماجيـت=غرب الهشوم وقبلةٍ من تخاديـد
ويقول ابو جري المطيري بالفضيل من عبده:
ياجري دن لي القلم كـان تشفيـن=قلبي على قرب الاجاويد عـاوي
هات الدواة وهات لي من يحاكين=مـادام بالـي للتماثيـل نــاوي
نقـول قـولٍ للشيـوخ القديميـن=بريك هو والعرفجـي والفـراوي
شدو هل المعروف ياجري مقفيـن=هل الربـاع محرقيـن القهـاوي
شالوا على العتلات ماهن قعاديـن=طوال الخطا ماهن رحايل شواوي
ياجري دوك العجل راحو مقفيـن=دونك سلفهم مع هكا الريع هـاوي
استجنبوا ياجري مثـل الشياهيـن=يتلون قطعـان صخـاف مهـاوي
خيل وقطعان عليهـن تقـل طيـن=وكل افتخٍ قرمٍ شجـاع صخـاوي
يتلون من يصبر على العسر واللين=شيخ على عسر الليالـي يـلاوي
ويقول ساكر الخمشي بالطواله من الاسلم وارسله للشيخ ضاري:
طيت راس معمردٍ وقت الادمـاس=وعرفت رقي الرجم مابه لنـا زود
لازان شوفك لازمٍ شفت الاونـاس=لازم تشوف اللي ورا الجرع ابالدود
القلب مشتان يبي ناسٍ مـن النـاس=لو سيرو بي من مشاري على سعود
وجدي على اللي طبخته مالها قياس=لاجا يقلبها علـى الجمـر مرجـود
كنه يصالي من رعايا بـن حـواس=صكو بها الرعيان والجـو مـارود
يـاوي محمـاسٍ ويـاوي حمـاس=تحييك صفـرا ماباطاريفهـا سـود
لاولا سبيلٍ نطعسـه يقعـد الـراس=لاطق لامنه حضب عود من عـود
وقصيدة الاحمدي بالعليان من عبده من شمر:
لاواهني ياحمود من فارق الدوم=نبي عربنا ... يم اطاريف رمان
ياحمود والله ماعلينا بهـا لـوم=مستانس اللى وسط نزل العليان
ياحمود كني عندهم باشت الروم=ومزودن وزني على كل ميزان
هذه شاعرة من الدهامشه من عنزه تمدح الرخيص من الزميل من سنجاره من شمر على حسن الجوار والجيره اثناء وجود الدهامشه عندهم تقول الدهمشيه
ردوا سلامي على نـواف=وسلم على جملـة ربوعـه
نعمين يا نـازل الاطـراف=ويزنل على الخوف بنجوعه
(رخايصه) طيبهم ينشـاف=قصيرهـم راهيـا بوعـه
والاجنبي عندهم ما خـاف=مع حشمتـه زاد منفوعـه
وأبو الخلاوي بطيبه طـاف=له رايه الطيـب مرفوعـه
قرم يقود السلف بأسـلاف=لأضعان وأضعان متبوعـه
وهذه قصه جرت علي معتاد بن روضان الوهبي الحربي القصة ابتدات عندما تجاور معتاد بن روضان الحربي والعليان من عبده من شمر علي (اوثال) بضواحي عيون الجواء في القصيم واستمرت هذه الجيره ثمانية اشهر وهم يتساعدون ويتسامرون وعندما اقترب موسم نضوج ثمر النخيل استاذنه العليان من شمر بالرحيل والعوده الي ديارهم في جبل رمان في نواحي حائل وبعد رحيلهم تذكر معتاد جيرتهم وحبهم له وتسامرهم وقصصهم فتهيض وقال هذه الابيات يذكرهم ويذكر حسن معشرهم واخلاقهم ويذكر شيخهم معشي الذيب (مكازي ابن سعيد) وهذه بعض من ابيات القصيده
البارحة بالقلب شيـبٍِ وتشييـب=والقلب من طاري التفاريق شابـي
شدوا عربنا فوق عوج المصاليب=امس الضحا شفت الرحايل اتجابي
والرجل قامت تحترف للمراقيـب=ماهو هوى الي زاهـي ٍ بالثيابـي
لاولاد علـي مدلهيـن الاجانيـب=مع نزلهم كثـرة ثـلاث النوابـي
عشران للطيب ومن يشتهي الطيب=واللاش عصر الهـلالات هابـي
راحوا لغرس جدودهم بالشخانيب=يطلع ولا تفجر عليـه الجوابـي
غيدٍ بروس مشمرخات العراقيـب=غيد بروس مشمرخات الهضابـي
يامن خبر قدم بشاته علي الذيـب=عشاه يوم انحت عليـه الكلابـي
هذا كـلام ولا بهرجـي تكاذيـب=وتلقي شهودي مع مثابي جوابـي
وهذه قصه اخرى :نزل الشاعر عبدالله فراج السبيعي وأربعة بيوت من جماعته على فخذ الوريك من الجحيش من الأسلم من شمر 0فقامو في حقوقه خير قيام ، حتى أنهم يقدمونه على أنفسهم بالموارد وفيما يحتاجون اليه ، وقد جلس عبدالله ومن معه مدة سبع سنواة وهم في عشرة وصداقة ، وكانو اذا ما جاء الليل أجتمعو يتبادلون السوالف والأشعار ويتبادلون ذكر المعروف والجميل فيما بينهم ، ولكن الدنيا لا تصفو لأحد تجمع وتفرق حسب الظروف أو متطلبات حلالهم 0رجع الشاعر السبيعي الى قبيلته فتذكر جيرانه الوريك وتذكر فرقاهم وما أسدو اليه من جميل وحيث أن الطيّب لا يجحد المعروف ، فقال هذه الأبيات يخاطب ولده سعود وقد أمتلأت عيناه بالدموع :
البارحة سهران ما جاني نـواد=دموع عيني فـوق خـدي كثيـرة
أمضي الساعات وأعـد بعـداد=الله ياعـلام خافـي السـريـرة
ياعل عين مابكت عقب الأجـواد=عسى العمى ياسعود يدخل نظيرة
جيراننا ياسعود ماهـم بالأوجـاد=ويـا دعـو جيرانهـم للبـريـرة
قصيرهم يقعد على فراش وشـداد=وياخذ زمان وكل منهـم عشيـرة
ومجالس حلـوة ووجيـه جـداد=وجيه تجـدد والمراجـل كثيـرة
ياطيبهم للجار وأنحـاز للأضـداد=يفرح بهـم بـوش تذيـر نشيـرة
وريكات الياركبو على الخيل وراد=وياما وقع بنحورهم من عشيـرة
ما صفـح مركاضهـم بالتصـداد=مركاضهم ينطح شبـاة المغيـرة
ياوي جيران بهـم ربـح وأفـواد=واقفايتـي عنهـم علينـا كبيـرة
وهذه قصه اخرى حصلت على حربيه حينما جاورت الجعفر من عبده من شمر وكانو الجعفر مع اميرهم نهار الرزني المهم المره تذكرت جيرتهم بعد رحيلها عنهم وقالت هالقصيده :
ياعـم عينـي بالرزانـا مشـقـاه=عيت تود النوم وهي جـوف حيـه
أهل بيـوت (ن) بالعوالـي مبنـاه=أهل بيـوت (ن) مالجـو بالزويـه
أرقاب أركاب أضيوفهم دوم محنّاه=ريـف النشامـا يالفـو بعشـويـه
ولاداورو جاراتـهـم بـالـرديّـاه=أيضاً ولهم أهـل العلـوم الرّديـه
نهـار أبـو عايـد كالبـدر حليـاه=قليـل مثـلـه بالنشـامـا حلـيـه
خمسين كبش وحايل (ن) ذبح يمناه=سمّـى عليهـن كلهـن بضحويـه
وكم حايل (ن )للضّيف يجدع شواياه=دب الدّهر بالنّـار تلقـى الشّويـه
ولاقاس سمن الظرف وهزه بيمنـاه=ولاقـال ذا للبيـع أحرزيـه ليـه
معروفهـم ياعـم ماعـاد ننّـسـاه=شكران فضل الأجواد حقـن عليـه
نبي نجمع أكبر عدد من القصائد التي قيلت بجــــــــــــوار شمــــــــــــــر فلا تبخلوا علي
ربعكم بما لديكم
حسن الجوار من الأمور التي حث عليها الإسلام ومن الأمور التي إهتمت بها العرب
فتغنت بها
ولله الحمد شـــــــمـــــــر كغيرها من القبائل إهتمت بهذه الخصلة فاشتهرت بها
يقول الفليحي السليطي الشمري يوصي ابنه:
اللي يحشم الجار قسمٍ من الناس = بليهان شيال الحمـول الثقيلة
الجار لوهو نازحٍ عنك بالساس = إلزم من الداني بكـل الوسيلة
وتقول الحربيه:
نطيت انا المستقلي = من نايفات العداما
ليت شمر هللـي = دخيلهم مايظامـا
يقول عموش الحربي بالاسلم من شمر عندما رحلوا عنه:
لا ولله الا شـدوا البـدوا ياذيـاب=كـلٍ تنحـر دار حــيٍ يــودّه
تفرقـوا عقـب المقاطيـن هـراب=وكلٍ حكا باللي جـرى لـه يعـدّه
اقفت ضعون اللي يفكون الانشـاب=وخلوا كلاثيـم الوجيـه المصـدّه
شدوا هل الهدلا عريبين الانسـاب=يامـن كـلٍ عـد باصلـه وجـدّه
للجار والمسكين يضفون الاسـلاب=مامثلهـم للجـار حــي نـعـدّه
وعن الضرر كنه على راس مرقاب=قمـرا عليـه بليـلـةٍ مجـرهـده
منزحه عن دارهم كـل الاجنـاب=يـوم كـلٍ لـه عــدوٍ يـضـدّه
خيالهم يضرب على الموت ماهاب=يفضي جموع الصم لو هي مسـدّه
ويقول رميح الخمشي بالتومان من شمر كذلك عندما رحلو عنه
ياليـت مايـم الطويلـه تعنيـت=اللي تعزل "جلاعده" عن "جليعيد"
هليّت فوقه عبرةٍ حيـن عديـت=طويلةٍ تاخذ على القلـب وتزيـد
ماينفعن كثر المنـا لـو تمنيـت=وعزي لمن مثلي جداه التواجيـد
شفت الضعاين غلسٍ حين راعيت=مغرورقات كنهـن همـل الغيـد
اقفو بها التومان يرعا بها هيـت=يرعى بها الاشقح بليـا تحاديـد
ترعى بضف مرفعة كسّر البيت=تتلي مقزين الحريـب المساعيـد
ترعى بظل حراب كسابة الصيت=اللي على شهب النواصي مواريد
ان غربو لوقه لزور البراريـت=وان جنبو لهم الضواحي مسانيد
تسقين يادار لهـم كـل ماجيـت=غرب الهشوم وقبلةٍ من تخاديـد
ويقول ابو جري المطيري بالفضيل من عبده:
ياجري دن لي القلم كـان تشفيـن=قلبي على قرب الاجاويد عـاوي
هات الدواة وهات لي من يحاكين=مـادام بالـي للتماثيـل نــاوي
نقـول قـولٍ للشيـوخ القديميـن=بريك هو والعرفجـي والفـراوي
شدو هل المعروف ياجري مقفيـن=هل الربـاع محرقيـن القهـاوي
شالوا على العتلات ماهن قعاديـن=طوال الخطا ماهن رحايل شواوي
ياجري دوك العجل راحو مقفيـن=دونك سلفهم مع هكا الريع هـاوي
استجنبوا ياجري مثـل الشياهيـن=يتلون قطعـان صخـاف مهـاوي
خيل وقطعان عليهـن تقـل طيـن=وكل افتخٍ قرمٍ شجـاع صخـاوي
يتلون من يصبر على العسر واللين=شيخ على عسر الليالـي يـلاوي
ويقول ساكر الخمشي بالطواله من الاسلم وارسله للشيخ ضاري:
طيت راس معمردٍ وقت الادمـاس=وعرفت رقي الرجم مابه لنـا زود
لازان شوفك لازمٍ شفت الاونـاس=لازم تشوف اللي ورا الجرع ابالدود
القلب مشتان يبي ناسٍ مـن النـاس=لو سيرو بي من مشاري على سعود
وجدي على اللي طبخته مالها قياس=لاجا يقلبها علـى الجمـر مرجـود
كنه يصالي من رعايا بـن حـواس=صكو بها الرعيان والجـو مـارود
يـاوي محمـاسٍ ويـاوي حمـاس=تحييك صفـرا ماباطاريفهـا سـود
لاولا سبيلٍ نطعسـه يقعـد الـراس=لاطق لامنه حضب عود من عـود
وقصيدة الاحمدي بالعليان من عبده من شمر:
لاواهني ياحمود من فارق الدوم=نبي عربنا ... يم اطاريف رمان
ياحمود والله ماعلينا بهـا لـوم=مستانس اللى وسط نزل العليان
ياحمود كني عندهم باشت الروم=ومزودن وزني على كل ميزان
هذه شاعرة من الدهامشه من عنزه تمدح الرخيص من الزميل من سنجاره من شمر على حسن الجوار والجيره اثناء وجود الدهامشه عندهم تقول الدهمشيه
ردوا سلامي على نـواف=وسلم على جملـة ربوعـه
نعمين يا نـازل الاطـراف=ويزنل على الخوف بنجوعه
(رخايصه) طيبهم ينشـاف=قصيرهـم راهيـا بوعـه
والاجنبي عندهم ما خـاف=مع حشمتـه زاد منفوعـه
وأبو الخلاوي بطيبه طـاف=له رايه الطيـب مرفوعـه
قرم يقود السلف بأسـلاف=لأضعان وأضعان متبوعـه
وهذه قصه جرت علي معتاد بن روضان الوهبي الحربي القصة ابتدات عندما تجاور معتاد بن روضان الحربي والعليان من عبده من شمر علي (اوثال) بضواحي عيون الجواء في القصيم واستمرت هذه الجيره ثمانية اشهر وهم يتساعدون ويتسامرون وعندما اقترب موسم نضوج ثمر النخيل استاذنه العليان من شمر بالرحيل والعوده الي ديارهم في جبل رمان في نواحي حائل وبعد رحيلهم تذكر معتاد جيرتهم وحبهم له وتسامرهم وقصصهم فتهيض وقال هذه الابيات يذكرهم ويذكر حسن معشرهم واخلاقهم ويذكر شيخهم معشي الذيب (مكازي ابن سعيد) وهذه بعض من ابيات القصيده
البارحة بالقلب شيـبٍِ وتشييـب=والقلب من طاري التفاريق شابـي
شدوا عربنا فوق عوج المصاليب=امس الضحا شفت الرحايل اتجابي
والرجل قامت تحترف للمراقيـب=ماهو هوى الي زاهـي ٍ بالثيابـي
لاولاد علـي مدلهيـن الاجانيـب=مع نزلهم كثـرة ثـلاث النوابـي
عشران للطيب ومن يشتهي الطيب=واللاش عصر الهـلالات هابـي
راحوا لغرس جدودهم بالشخانيب=يطلع ولا تفجر عليـه الجوابـي
غيدٍ بروس مشمرخات العراقيـب=غيد بروس مشمرخات الهضابـي
يامن خبر قدم بشاته علي الذيـب=عشاه يوم انحت عليـه الكلابـي
هذا كـلام ولا بهرجـي تكاذيـب=وتلقي شهودي مع مثابي جوابـي
وهذه قصه اخرى :نزل الشاعر عبدالله فراج السبيعي وأربعة بيوت من جماعته على فخذ الوريك من الجحيش من الأسلم من شمر 0فقامو في حقوقه خير قيام ، حتى أنهم يقدمونه على أنفسهم بالموارد وفيما يحتاجون اليه ، وقد جلس عبدالله ومن معه مدة سبع سنواة وهم في عشرة وصداقة ، وكانو اذا ما جاء الليل أجتمعو يتبادلون السوالف والأشعار ويتبادلون ذكر المعروف والجميل فيما بينهم ، ولكن الدنيا لا تصفو لأحد تجمع وتفرق حسب الظروف أو متطلبات حلالهم 0رجع الشاعر السبيعي الى قبيلته فتذكر جيرانه الوريك وتذكر فرقاهم وما أسدو اليه من جميل وحيث أن الطيّب لا يجحد المعروف ، فقال هذه الأبيات يخاطب ولده سعود وقد أمتلأت عيناه بالدموع :
البارحة سهران ما جاني نـواد=دموع عيني فـوق خـدي كثيـرة
أمضي الساعات وأعـد بعـداد=الله ياعـلام خافـي السـريـرة
ياعل عين مابكت عقب الأجـواد=عسى العمى ياسعود يدخل نظيرة
جيراننا ياسعود ماهـم بالأوجـاد=ويـا دعـو جيرانهـم للبـريـرة
قصيرهم يقعد على فراش وشـداد=وياخذ زمان وكل منهـم عشيـرة
ومجالس حلـوة ووجيـه جـداد=وجيه تجـدد والمراجـل كثيـرة
ياطيبهم للجار وأنحـاز للأضـداد=يفرح بهـم بـوش تذيـر نشيـرة
وريكات الياركبو على الخيل وراد=وياما وقع بنحورهم من عشيـرة
ما صفـح مركاضهـم بالتصـداد=مركاضهم ينطح شبـاة المغيـرة
ياوي جيران بهـم ربـح وأفـواد=واقفايتـي عنهـم علينـا كبيـرة
وهذه قصه اخرى حصلت على حربيه حينما جاورت الجعفر من عبده من شمر وكانو الجعفر مع اميرهم نهار الرزني المهم المره تذكرت جيرتهم بعد رحيلها عنهم وقالت هالقصيده :
ياعـم عينـي بالرزانـا مشـقـاه=عيت تود النوم وهي جـوف حيـه
أهل بيـوت (ن) بالعوالـي مبنـاه=أهل بيـوت (ن) مالجـو بالزويـه
أرقاب أركاب أضيوفهم دوم محنّاه=ريـف النشامـا يالفـو بعشـويـه
ولاداورو جاراتـهـم بـالـرديّـاه=أيضاً ولهم أهـل العلـوم الرّديـه
نهـار أبـو عايـد كالبـدر حليـاه=قليـل مثـلـه بالنشـامـا حلـيـه
خمسين كبش وحايل (ن) ذبح يمناه=سمّـى عليهـن كلهـن بضحويـه
وكم حايل (ن )للضّيف يجدع شواياه=دب الدّهر بالنّـار تلقـى الشّويـه
ولاقاس سمن الظرف وهزه بيمنـاه=ولاقـال ذا للبيـع أحرزيـه ليـه
معروفهـم ياعـم ماعـاد ننّـسـاه=شكران فضل الأجواد حقـن عليـه
نبي نجمع أكبر عدد من القصائد التي قيلت بجــــــــــــوار شمــــــــــــــر فلا تبخلوا علي
ربعكم بما لديكم