فواز الغسلان
16-04-2008, 14:12
هكالسنه حنا قطين على عرعر وابالقور والدنيا محل والقيظ يشوي
جنوب البعارين وهو يجيني جذع من جذعاننا يقال له المطنوخ وهو
يقعد عندي ويتقهوى وهو ضايق وينفخ تقل ضب داخلن عليه شكمان
ددسن وقلت وش بلاك؟ قال:
كبدي غــدت كـنـه لهــب نار دافور=ونيـاقــنـا شـفـهـا غـدت كـلـهـا جـرب
ودي بشوف الذود بالـرمي مذعـور=ووليد فسحه ساكـنــن حـولـنـا غـرب
ابي صباحي لـه عـلى فـجـة الـنـور=من شان يفهم كيف انا ساعة الحرب
اما رحـل عـنــا وغــادر لــدارفــور=والا نـدرسـهـم عـلـى جــدول الضرب
ابي ريال يصير قـرشـيـن مـصـرور=اذا كـربـتـه مـن شـعـيب العرب كرب
عرفت ان البلوى هذا مهتاش يبي الشر وناوي يغزي على وليد فسحه
وحنا بطلعة الجوزاء وقيظ وصعبن على الركايب تسير وهو يقول:
يابـوفــهـــد يالـقـــرم يـانـازل الـخــوف=ياللي طرحت الغوش من جند الاروام
شـفـي ريـال الـلـي غـدى تقل منـتـوف=صارت تـيـوسـه بالـعـدد خـمسة ارقام
ابي اضربه والناس طوفن على طوف=يمـشـي ورى وانا عـلـى الــدرب قـدام
اما لـقــيــتــه بالـكـفــن صـار مـلـفـوف=والا رمـى الـســروال هــارب بالاقــدام
يفـتــح بـوفـيــة جبن في مدخل الجوف=والا ورى عـرعـر قـعــد يرعى الاغنام
يوم شفت سوالفه كلها بالقصيد مثل بني هلال قلت له يذكرون ان الشيخة نجايب
وعربها مجاورينه على خب الجحش واخاف يفزعهم ونجايب يقولون تطرح الرجل
ابسط من براد ابو اربعه؟ وهو ينتفخ يوم سمع كلامي وهو يقول:
كـبـدي غـدت تـشـرب هـمـومه تقـل زاج=وانـتـه تخـرعـنـي بفـزعة نجايب
ارسـل لـهـا بالـلـيــل لــي طـقــم مكــيــاج=وتـشـوف منها بالـنـهـار العجايب
تـقـعــد تـصـبـغ وجـهـهــا لــون الامــواج=تـنـذخ قبال الزوج خارف وشايب
قلت عز الله انك الذيب 0 تبي تشغلها بالمكياج علشان نقش الحلال وهي بلشانه
بروحها عند هالشايب الخرفان؟ يالله مشينا00
وحنا ناخذ بواريدنا ونركب انا على ذلول عمياء وتمشي على الدبك والا شوفها وسط
والمطنوخ على شهريه بيضاء سبوق لكنها صقول والله ماتقدر تفوت من وراه 0
يوم اقبلنا على عربهم يمار مثل عمايم الروم كثرهم ويمار ريال فسحه اللي عنده
من التيوس فوق الثلاث الاف تيس قال المطنوخ يالله الا ويالله هذا الخير ابشر به
وهو يقوم يحدا من الفرحه يقول:
ياريـال وابـشــر بالــنــذيـر=طــنـخـان لـديـارك وصـل
ابي اشلع خياش الـشـعـير=وتعتاش من كيـس البصل
ان ذقـت ضـربات الشطير=من الموت سـروالك نصل
ابـيـك مع عــرعــر تطـيـر=ولاتدري عقبه وش حصل
يمار هذا السعد بعيون طنخان والشجاعه اللي تقدح شرار0
قلت هاه تبي نغير هالحين؟ قال لا اصبر ابي ادفق الماء حصران علشان
نطير بهن ماناقف الا عند عربنا بالتيوس كلها 0 وهو يبعد عني شوي
ويوم قعد يطير الشراب واثاري ريال وليد فسحه يراقبنا من بعيد وحنا مادرينا
وعلى قعدة المطنوخ وهو يقعد ينظر بالبارود وليد فسحه وهو يحطها بين رجلين
المطنوخ وهو يقبعه يمار يوم سمعت الصرخه وانا اراعي لخويي المطنوخ يمار
خصيانه طايراتن بالسماء تقل ميداليه مفاتيح00 شوفوا المسبوع ريال فسحه
مشهور بالرمي ولو يذبحه كان ذبحه لكن يبي يهبلن انا علشان اتوب0
وانا اجي اركض لطنخان يمار حفرة الفشقه بجردته تجي حول الشبر0 وانا اقوم
واشيله وقلت هاه نبي التيوس قال ابي اهلي ماني يمهن الحين0 واثاريه دايخ
ومنعمس من حر الموت ونسي ان شهريته صقول وهو يفوت من وراه وهي
تواسى له من قرد الحظ يمار بالعاده تصقل برجل وحده وهالمره تقل تدري
ان اللي فيه كافيه وهي تعطيه جوز رجول جميع لاهي جادعته هناك تقل طاقة
خام المسيكين وعيونه تقدح شرار لان حدى الرجلين صارت بجبهته الله يعافينا
وهو يقوم ريال فسحه فوق هكالرجم ويشيل طول حسه يقول:
تيــوسـنـا صعبن على الناس تاطاه=روحــوا وراكــم يارفاع الحــمـايل
طنخان في وسط المغازي خصيناه=وهذا جزاء اللي يلفي الدار صايل
لو هـو بغـاهـا طـيــب والله عطيناه=شــوفــوه دار بصيـدلـيــات حــايل
وانا اركده عند اهله وهي تهرب عنه زوجته ياحول من هكالسنه 0 وهذي
قصة مغزانا على خب الجحش الله لايعيده 000
جنوب البعارين وهو يجيني جذع من جذعاننا يقال له المطنوخ وهو
يقعد عندي ويتقهوى وهو ضايق وينفخ تقل ضب داخلن عليه شكمان
ددسن وقلت وش بلاك؟ قال:
كبدي غــدت كـنـه لهــب نار دافور=ونيـاقــنـا شـفـهـا غـدت كـلـهـا جـرب
ودي بشوف الذود بالـرمي مذعـور=ووليد فسحه ساكـنــن حـولـنـا غـرب
ابي صباحي لـه عـلى فـجـة الـنـور=من شان يفهم كيف انا ساعة الحرب
اما رحـل عـنــا وغــادر لــدارفــور=والا نـدرسـهـم عـلـى جــدول الضرب
ابي ريال يصير قـرشـيـن مـصـرور=اذا كـربـتـه مـن شـعـيب العرب كرب
عرفت ان البلوى هذا مهتاش يبي الشر وناوي يغزي على وليد فسحه
وحنا بطلعة الجوزاء وقيظ وصعبن على الركايب تسير وهو يقول:
يابـوفــهـــد يالـقـــرم يـانـازل الـخــوف=ياللي طرحت الغوش من جند الاروام
شـفـي ريـال الـلـي غـدى تقل منـتـوف=صارت تـيـوسـه بالـعـدد خـمسة ارقام
ابي اضربه والناس طوفن على طوف=يمـشـي ورى وانا عـلـى الــدرب قـدام
اما لـقــيــتــه بالـكـفــن صـار مـلـفـوف=والا رمـى الـســروال هــارب بالاقــدام
يفـتــح بـوفـيــة جبن في مدخل الجوف=والا ورى عـرعـر قـعــد يرعى الاغنام
يوم شفت سوالفه كلها بالقصيد مثل بني هلال قلت له يذكرون ان الشيخة نجايب
وعربها مجاورينه على خب الجحش واخاف يفزعهم ونجايب يقولون تطرح الرجل
ابسط من براد ابو اربعه؟ وهو ينتفخ يوم سمع كلامي وهو يقول:
كـبـدي غـدت تـشـرب هـمـومه تقـل زاج=وانـتـه تخـرعـنـي بفـزعة نجايب
ارسـل لـهـا بالـلـيــل لــي طـقــم مكــيــاج=وتـشـوف منها بالـنـهـار العجايب
تـقـعــد تـصـبـغ وجـهـهــا لــون الامــواج=تـنـذخ قبال الزوج خارف وشايب
قلت عز الله انك الذيب 0 تبي تشغلها بالمكياج علشان نقش الحلال وهي بلشانه
بروحها عند هالشايب الخرفان؟ يالله مشينا00
وحنا ناخذ بواريدنا ونركب انا على ذلول عمياء وتمشي على الدبك والا شوفها وسط
والمطنوخ على شهريه بيضاء سبوق لكنها صقول والله ماتقدر تفوت من وراه 0
يوم اقبلنا على عربهم يمار مثل عمايم الروم كثرهم ويمار ريال فسحه اللي عنده
من التيوس فوق الثلاث الاف تيس قال المطنوخ يالله الا ويالله هذا الخير ابشر به
وهو يقوم يحدا من الفرحه يقول:
ياريـال وابـشــر بالــنــذيـر=طــنـخـان لـديـارك وصـل
ابي اشلع خياش الـشـعـير=وتعتاش من كيـس البصل
ان ذقـت ضـربات الشطير=من الموت سـروالك نصل
ابـيـك مع عــرعــر تطـيـر=ولاتدري عقبه وش حصل
يمار هذا السعد بعيون طنخان والشجاعه اللي تقدح شرار0
قلت هاه تبي نغير هالحين؟ قال لا اصبر ابي ادفق الماء حصران علشان
نطير بهن ماناقف الا عند عربنا بالتيوس كلها 0 وهو يبعد عني شوي
ويوم قعد يطير الشراب واثاري ريال وليد فسحه يراقبنا من بعيد وحنا مادرينا
وعلى قعدة المطنوخ وهو يقعد ينظر بالبارود وليد فسحه وهو يحطها بين رجلين
المطنوخ وهو يقبعه يمار يوم سمعت الصرخه وانا اراعي لخويي المطنوخ يمار
خصيانه طايراتن بالسماء تقل ميداليه مفاتيح00 شوفوا المسبوع ريال فسحه
مشهور بالرمي ولو يذبحه كان ذبحه لكن يبي يهبلن انا علشان اتوب0
وانا اجي اركض لطنخان يمار حفرة الفشقه بجردته تجي حول الشبر0 وانا اقوم
واشيله وقلت هاه نبي التيوس قال ابي اهلي ماني يمهن الحين0 واثاريه دايخ
ومنعمس من حر الموت ونسي ان شهريته صقول وهو يفوت من وراه وهي
تواسى له من قرد الحظ يمار بالعاده تصقل برجل وحده وهالمره تقل تدري
ان اللي فيه كافيه وهي تعطيه جوز رجول جميع لاهي جادعته هناك تقل طاقة
خام المسيكين وعيونه تقدح شرار لان حدى الرجلين صارت بجبهته الله يعافينا
وهو يقوم ريال فسحه فوق هكالرجم ويشيل طول حسه يقول:
تيــوسـنـا صعبن على الناس تاطاه=روحــوا وراكــم يارفاع الحــمـايل
طنخان في وسط المغازي خصيناه=وهذا جزاء اللي يلفي الدار صايل
لو هـو بغـاهـا طـيــب والله عطيناه=شــوفــوه دار بصيـدلـيــات حــايل
وانا اركده عند اهله وهي تهرب عنه زوجته ياحول من هكالسنه 0 وهذي
قصة مغزانا على خب الجحش الله لايعيده 000