مشــــعل
15-04-2008, 21:15
بسم الله الرحمن الرحيم
خوعا بن مزيريب رحمه الله من المزيريب من الجرذان من الغفيله من شمر
اشتهر رحمه الله بالطيب والفروسيه والدلاله واشتهر بالدلاله اكثر شي
نهج واشتغل راعي عند بني خالد
وقديما عند اهل الباديه يعتبر الرعي من مهن الرجال
واللي مايرعى الحلال مابوه خير سواء حلالوه او حلال غيروه
المهم
ان خوعا عمل عند احد رجال بني خالد
يوم جاء اكا اليوم حول العصر وهو يشوف اكالطير خفق مع اكالروض
ماعطاوه بال وكمل مع الحلال اللي بعهدتوه
هالطير كان لابن عريعر هدوه عليلوه حبارى وعساوه غدا
وهو يرسل العبد يدوره .. وهو يقوم العبد ينشد الرعيان عنوه
ماواجه من راعي نشدوه .. مالقى خبر
قال العبد من بقي مانشدنا .. قال حديهم بقي راعي فلان توخر ويجي اللحين
(كانو يقصدون خوعا)
ماخذو شوين اليامار هذا خوعا جاي
قال العبد يارجل ماشفت لك طير هالون حلاياوه ..
قال خوعا لمحت لي جناح طيرن خفق بالروض الفلاني
مادري عاد هو طيركم الي تبون او لا
قال العبد امش معي يم بن عريعر
جو لابن عريعر علموه بالسالفه
قال بن عريعر حنا بليل هاللحين وياجاء الصبح انطن روحك نبيك تدلنا على حروة الطير
قال خوعا وشولوه عاد بالصبح هاللحين اجيبوه لكم
قال بن عريعر بهالليل .. قال بهالليل
قال اجل خذ هالذلول .. وعندك يالله
نهج خوعا بليلوه يوم جاء حول هالصبح اليامار هذا خوعا ناكس ومعوه الطير
قال بن عريعر وش انت يارجل قال خوعا شمري
قال كم لك وانت بهذا قال خوعا لي المدة الفلانيه
قال كم شرطك قال خوعا هالقد
قال اجل خذ شرطك ولاتشوفك عيني بهذا بوجهك لشمر
"طبعا بن عريعر سبب طردتوه لخوعا قديما يذلون من المغزى ويذلون من الرجل اللي يدل وينتبه للديار ويوم شاف خوعا هالون دلالتوه قال باكر يبي يدربي شمر علي "
خوعا نكس لربعوه
وعلمهم باللي جرى قال جبران بن فروان تدلهم ياخوعا
قال خوعا ياحيفك كيف مادلهم قال جبران اجل غزينا
وهم يغزون على بني خالد حول عشرة رجال عقيدهم بن فروان وعلى ماظن اسموه جبران
ودليلتهم خوعا ووالباقين من ربعهم القريبين
ويصبحون بني خالد اليامار هالوضح وهالصفر وهم يقشونهن ويجونك ناكسين
هذولا بني خالد يوم دريو قال بن عريعر ظهورهن يابني خالد حنا طلب ولاحنا مروين الا من الحفر
هذولا الغزو وصلو الحفر ..قال جبران او هو خوعا حديهم..
قال اشربو وكثرو الماء والياخلصتو اذبحو حدى النياق ودربوه بالقليب
نبي اليامن جوك بني خالد عطشا مايشربون
بالفعل مثل ماقال وصلو بني خالد للحفر عطشا يوم جو قليب الحفر
اليمار الماء لوه ريح .. اليامار اكا الناقه منتفخه بوسط القليب
قال بن عريعر اطلبو العوض عطشا ولابنا حيل والقليب هاللي انتم تشوفون
ولا غيروه شين مار ارجعو....
حاولت اني اجد قصيده تخص عالسالفه لكن للاسف ماوجدت
والموضوع لكم للتوضيح او التعديل او الاضافه
تحياتي
خوعا بن مزيريب رحمه الله من المزيريب من الجرذان من الغفيله من شمر
اشتهر رحمه الله بالطيب والفروسيه والدلاله واشتهر بالدلاله اكثر شي
نهج واشتغل راعي عند بني خالد
وقديما عند اهل الباديه يعتبر الرعي من مهن الرجال
واللي مايرعى الحلال مابوه خير سواء حلالوه او حلال غيروه
المهم
ان خوعا عمل عند احد رجال بني خالد
يوم جاء اكا اليوم حول العصر وهو يشوف اكالطير خفق مع اكالروض
ماعطاوه بال وكمل مع الحلال اللي بعهدتوه
هالطير كان لابن عريعر هدوه عليلوه حبارى وعساوه غدا
وهو يرسل العبد يدوره .. وهو يقوم العبد ينشد الرعيان عنوه
ماواجه من راعي نشدوه .. مالقى خبر
قال العبد من بقي مانشدنا .. قال حديهم بقي راعي فلان توخر ويجي اللحين
(كانو يقصدون خوعا)
ماخذو شوين اليامار هذا خوعا جاي
قال العبد يارجل ماشفت لك طير هالون حلاياوه ..
قال خوعا لمحت لي جناح طيرن خفق بالروض الفلاني
مادري عاد هو طيركم الي تبون او لا
قال العبد امش معي يم بن عريعر
جو لابن عريعر علموه بالسالفه
قال بن عريعر حنا بليل هاللحين وياجاء الصبح انطن روحك نبيك تدلنا على حروة الطير
قال خوعا وشولوه عاد بالصبح هاللحين اجيبوه لكم
قال بن عريعر بهالليل .. قال بهالليل
قال اجل خذ هالذلول .. وعندك يالله
نهج خوعا بليلوه يوم جاء حول هالصبح اليامار هذا خوعا ناكس ومعوه الطير
قال بن عريعر وش انت يارجل قال خوعا شمري
قال كم لك وانت بهذا قال خوعا لي المدة الفلانيه
قال كم شرطك قال خوعا هالقد
قال اجل خذ شرطك ولاتشوفك عيني بهذا بوجهك لشمر
"طبعا بن عريعر سبب طردتوه لخوعا قديما يذلون من المغزى ويذلون من الرجل اللي يدل وينتبه للديار ويوم شاف خوعا هالون دلالتوه قال باكر يبي يدربي شمر علي "
خوعا نكس لربعوه
وعلمهم باللي جرى قال جبران بن فروان تدلهم ياخوعا
قال خوعا ياحيفك كيف مادلهم قال جبران اجل غزينا
وهم يغزون على بني خالد حول عشرة رجال عقيدهم بن فروان وعلى ماظن اسموه جبران
ودليلتهم خوعا ووالباقين من ربعهم القريبين
ويصبحون بني خالد اليامار هالوضح وهالصفر وهم يقشونهن ويجونك ناكسين
هذولا بني خالد يوم دريو قال بن عريعر ظهورهن يابني خالد حنا طلب ولاحنا مروين الا من الحفر
هذولا الغزو وصلو الحفر ..قال جبران او هو خوعا حديهم..
قال اشربو وكثرو الماء والياخلصتو اذبحو حدى النياق ودربوه بالقليب
نبي اليامن جوك بني خالد عطشا مايشربون
بالفعل مثل ماقال وصلو بني خالد للحفر عطشا يوم جو قليب الحفر
اليمار الماء لوه ريح .. اليامار اكا الناقه منتفخه بوسط القليب
قال بن عريعر اطلبو العوض عطشا ولابنا حيل والقليب هاللي انتم تشوفون
ولا غيروه شين مار ارجعو....
حاولت اني اجد قصيده تخص عالسالفه لكن للاسف ماوجدت
والموضوع لكم للتوضيح او التعديل او الاضافه
تحياتي