المساعد الشخصي الرقمي

مشاهدة النسخة كاملة : ... خليف ...


عبدالله المهيني
15-04-2008, 00:01
شاعر جميل جداً
يكتب السهل الممتنع

يعمل خليطاً مميزاً .. بين الجد والهزل
لتصل رسائله من بين أشطر القصيدة



لا يشبه أحداً



هو الشاعر
خليف راضي العجيلي الجعفري الشمري

سوف تنسكب قصائدهـ وأبياته
من خلال هذا المتصفح بشكل منتظم بين الفينه والأخرى





إلى البداية


roooose
عبدالله المهيني
15-04-2008, 00:08
البداية

من هذه الأبيات
التي قيلت في عام 1410هـ








الأمنية








ياليت عند خليف خمسة ملايين=وأربع فلل توجد بحي العليا
وأربع صوالين على شكل لونين=أحمر على أسود منيتي لو تهيا
وأربع بنات كل أبوهن مزايين=أدناهن اللي مثل نجم الثريا
حتى ليا منه غدا الليل ليلين=كلن تقول خليف عندي هنيا










roooose
عبدالله المهيني
15-04-2008, 00:22
القصيدة السابقة
قصيدة الأمنية إنتشرت في وقتها إنتشاراً كبيراً
وهناك من نسبها لنفسه وهناك من حاول نسبها للغير



أيضاً
هناك من زاد فيها أو نقص وكثير ماأنتشرت بالغلط




كتبت القصيدة التالية بعدما أخذ نسخة منها الشاعر هادي الجنفاوي
المسؤول عن تحرير الملف الشعري بمجلة فواصل



والقصيدة تعبر عن نفسها








هنا مربط الفرس






يا مسندي يا سعود يا جاك هادي
قله يقول خليف وين الوعيدة

أصيح أنا لهادي وأصوت وأنادي
من شان ينشر صورتي بالجريدة


أنا على هادي وضعت إعتمادي
بعد الله اللي ما يضيع عبيدة


يا ربعنا قولوا لهادي وعادي
عسى مساعي كل ربعي حميدة


شوفوا حلال خليف بالسوق غادي
خمسة ملايين إسرق من رصيدة


وأربع ركاب فاخرات نوادي
قصيت إثرهن مع مسيرة زبيدة


ادناهن اللي في ظهرها شدادي
وإسمي وعنواني رسنها وقيدة


وخذن من العارض لحد الرمادي
ولفن على عرعر ومرن بريدة


وخمن ضواحي نجد حضر وبوادي
احدن نقص بالعلم واحدن يزيدة


لاشك أنا أعرف وين مربط جوادي
عندي وأنا عنوان بيت القصيدة






الأسماء الواردة بالقصيدة


سعود بن سند العلي
هادي الجنفاوي
عادي الرمالي






roooose
عبدالله المهيني
16-04-2008, 00:04
نقطة أولى

بيض الله وجهكـ يا خليف




نقطة القصيد

أبيات في مدح عمي محمد بن سميان الجعفري الشمري
أطال الله في عمرهـ




يقول شاعرنا



قال العجيلي ثلاث أبيات
قولن على فعل ما يكذب

يقول هرجن عليه إثبات
عنده براهين ومجرب

تفضلوا عند أبو فزعات
ابن سميان أبو متعب

يامنها كثرة الهقوات
بين أهل الجاه والمنصب


ابن سميان له عادات
يمشي معك والولي يكتب










بيض الله وجهكـ من جديد




roooose
عبدالله المهيني
16-04-2008, 00:15
خيال شاعر
كان يحتوي على رساله .. قد يمر على البعض الأسلوب الهزلي
فيبعدهـ عن تلقي الرساله بشكل صحيح


لكن يبقى الإبداع إبداع يا خليف





يابو بشير عندنا لك بشاره
لقيت بوش بخنشليله يصلي

وقفت عنده دهشةٍ ببتهاره
ومن مرني وقف مثل وقفتلي

وخمن ودمعه ينسكب في غزاره
سلم علي ودموع عينه تهلي


قدم لكل المسلمين إعتذاره
يقول عن كل العراق امتخلي







سوف يتم إيراد القصيدة كاملة هنا في وقتٍ لاحق










* خنشليله أحد أحياء مدينة الرياض








roooose
عبدالله المهيني
22-04-2008, 00:25
.
.




إسلم يابو سامي وسلم على ملفي
وأرسل على عايد وراكان برقية

أنخى رجال التحالف معلنٍ حلفي
على الوفا والعلوم الدبلوماسية

صحيح أنا شايبٍ متجدد زلفي
ماني مثل عالم بازت براغية

لي صاحبٍ ياجماعة يسكن الزلفي
أبوه زلفاوي وأمه قصيمية

علامته بارزٍ صدامه الخلفي
وتمشي المسطرة من فوق شاصية


شفته وعرضت عنده وإنفلت بلفي
وأقفت تجر البليتين وبواجية






.

.



roooose
عبدالله المهيني
04-07-2008, 09:19
نقطة متجددة


.
.
.



الحظيظ اللي معه معرض نساء
حول سوق حجاب في حي النسيم

فاتحٍ بوابته صبح ومساء
وجالسٍ يقول يالله يا كريم

الزبون إليا دخل فيه إكتساء
جامعٍ ذوق المواطن والمقيم

به موديلاتٍ على ذوق إعرساء
وبه موديلاتٍ ليا حد البريم

وبه موديلاتٍ من إنتاج الحساء
وبه موديلاتٍ من إنتاج القصيم

معرضٍ ما يدخله راعي ........
مايجيه إلا زحازيح الحريم





:)
عبدالله المهيني
04-07-2008, 09:28
مخرج 7


.
.
.




صاحبي عزل من الروضه لمخرج 7
حل في حي المصيف وكب حي الروضه

وإنتقل يوم إنتقل جر المشاعر تبعه
المشاعر والكرامه بيننا محفوظه

من طفولتها وأنا أتليها وأرتب قبعه
لين صارت في حياتي عادة مفروضه

تكتب الجملة وتنطقها وتخصم ربعه
لين صارت عندها الخصمية آخر موضه

ياضحكت تسلسل السكر بصافي نبعه
وياحكت تقول تصرف لك علاج حموضه

إجتمع عقله على زينه لطيبة طبعه
لا تحب الإنعزال ولا تحب الفوضه

خلت خليف العجيلي خاتمٍ في صبعه
قدم المعروض عليه وإسحبت معروضه





مخرج 7
عبدالله المهيني
04-07-2008, 09:38
إدخل إبيت الكرم

.
.
.




حييت يا صاحب الحكمه وخلق نبيل
ياصاحب العرف والمعروف والمرجله

على هلا ومرحبا لو إنت عابر سبيل
في مجلسٍ به يدار العود ومهيله

إدخل إبيت الكرم مالك ومال البخيل
ابن سميان جعله عامرٍ منزله

ابن سميان يا بار العميل بعميل
بعد الكريم إزهمه ويحلحل المشكله

لو تتصل به بتال الليل ماقال ليل
ماقال وشفيك لين الصبح ما تجله

كانك موقف يحضر لك ورقة الكفيل
وإن كان خصمك يبي له مال قال إزهله

أقول خبري وشوف العين ماأقول قيل
يزور هذا لهذاك وهذا اللي يكفله

سوا أبو متعب كثير وقلت منه القليل
والناس اللي يفعل المعروف ما تجهله

وأعرف حياة البشر فيها رحيل ونزيل
من طال عمره تدرج مرحله مرحله

ياراحت أجيال تبقى سيرته عند جيل
تروح الأجيال ماراحت سوالف هله

والله يحب الشكور اللي يرد الجميل
لو المثل قال أخذها راعي الأوله

هذا الكلام الصحيح اللي عليه الدليل
صلوا على واحدٍ علمكم البسمله







.
.
.
عبدالله المهيني
04-07-2008, 09:47
roooose
roooose
roooose








ياناس أنا خاليٍ هرجي من الزله
عمري شبابي وأمارس لعبة الكورة

أنا لو أبغى على ما قيل حيا الله
كان إمتلت غرفتي شلحه وتنورة

أبي الذي ينسجم خاطر حليل له
اللي مع الزين مملوحه ومستورة

اللي فراشه يامني نمت ماأمله
تقول مزورعٍ الكادي بصرصورة





roooose
roooose
roooose
عبدالله المهيني
14-11-2008, 14:53
من جديد


.
.
.




يالله تجيب اللي يريح وجوده
اللي تزيح هموم قلبي سجاياه

اللي تجيب الخير معها تقوده
اللي حليله طاب فاله وملفاه






للهطول بقية من وقت لوقت

roooose
عبدالله المهيني
14-11-2008, 15:08
تجمع مياه الأمطار
وفشل عمل البلديات
قد يقدم لنا طبق شعري فاخر

فيه إعتراض ومطالبة
على طريقة محاولة الوصول لمجالس الرجال
وشبات الصبح التي تجلي هموم القلب


.
.
.




يا أهل السلي حطو لنا كبري على الخط السريع
على طريق المية اللي ينعرف باسم سعد

تكفون خلو كل فزعتكم وفزعتنا جميع
حنا علينا نخططه وأنتم تحطون العمد

نبيه يطلع لا طويل ولا قصيف ولا وسيع
عرضه ثلاث أمتار وطوله طمرتين للأسد

أحيان يا جينا نبي نزوركم ما نستطيع
بالذات يا انهلت أمزون الصيف به برق ورعد

يا سيل الله كل وادي مثل ما قال اللميع
وشلون اللي شمالي المية يجي على الوعد

أنخاكم اني خابرٍ ينشعكم البيت الرفيع
يابو بشير علم أبو حمود وأنخولي حمد

واليا عملتوا خير عند الله عملكم ما يضيع
اللي تعملونه نهار السبت يكتب بالأحد

بعد المشاعر والنسيم أطهر بقيع أغلى بقيع
البرحة اللي تذكرونه بين وعلان وسند

المعذرة لو زدت الأسماء صار ببيوتي رجيع
أخاف من كسرة عمود البيت لا زاد العدد

أجمل تحياتي لكم ويرافقه ورد الربيع
للي حظر واللي سمع واللي مشى واللي قعد





إنسكاب جديد في وقت قادم

roooose
عبدالله المهيني
17-12-2008, 01:31
اه يا دكتـور مـن دق الابـر
التهب شريان قلبـي وظهـري

صابرن والله يعين اللي صبـر
ياشرايين المعاليـق اصبـري

انتظر حتى خبر ينقـض خبـر
ياغواميـس الليالـي بشـري

اه يادكتور مـن طبـع البشـر
العسل يخلط على حب الشـري

العرج يصخر على شكل العـور
والمكانيكـي يسـب البنشـري

شفت انا بناس مجنون البقـر
وجه ثور وبالملامـح بربـري

يزرع النخله وقلبه مـن حجـر
فيه شك ويرتـدي بدلـة بـري

عرض السلـم وسنـد ونحـدر
انحدر يوم انحدر مشيـه قـري

والحضيض اللي متعافي وانستر
من يعز النفس مايغبط الثـري

يقصرانـا لاتسـدون النـهـر
ياعرب وش ذنب ري الشمـري
عبدالله المهيني
08-02-2009, 01:06
.
.
.




البارحه كلمت اوباما وبايعته
وقلت إله صار الخروف براتب الجندي





يتبع القصيدة كامله


:)
عبدالله المهيني
08-02-2009, 01:12
البارحه كلمت اوباما وبايعته
وقلت إله صار الخروف براتب الجندي

ماصدق (ن) بالخبر لين إني أقنعته
وأرسلت له بالفكس فاتورة (ن) عندي

أقسم بطخمت عجوز (ن) كان مرضعته
يقول لكشف فضيحة كل سرمندي

قلت إله باخر دقيقة يوم وادعته
أرجوك لا تعلم السندي ولا الهندي




أربع أبيات توصل فكرة
ولا 100 بيت فارغه


roooose
عبدالله المهيني
28-02-2009, 12:57
.
.
.



الله على سجتن في ضاحية لينه
في ديرتن نستريح لريح عرفجها

مع عالمن دين ابو صالح على دينه
فيها ام سالم يوانسني اتغنجها








.
.
.