مشاهدة النسخة كاملة : هديتي بمناسبة تسجيلي بالمنتدى
بسم الله الرحمن الرحيم]
(( بقايا المشاعر))
قلبي وجرحي والبقايا تناســـــاك = يامخيب المشتاق في وقت شوقه
لاتشكي الايام في سير ممشاك = لاصار قلبك حبنا مايعوقــــــــــــــــه
عهداً نقضته بالوفا وين مبـــــــداك = يومك تقول اني لشوفك شفوقــه
حلمً رسمتك غايته في ملاقـــاك= وانت قطعت اللي بقى من عروقه
ماني على رجواي اول ابــــــرجاك= مراً شربته لازم انـــك تذووقـــــــــه
ياسود وجهك ياحصيلة خطايـــــاك= ياجعل روحك للمهــــالك سبوقـــه
نافع بن طواله
10-04-2008, 23:57
عزالله انها بقايا مشاعر
لا حول ولا قوة الا بالله
ياسود وجهك ياحصيلة خطايـــــاك
.......... ياجعل روحك للمهــــالك سبوقـــه
ياسواد القلب
هذي هديه ؟؟
بس تدرين هديه توحي بما هو اجمل
صح لسانك
وبإنتظار هداياك الجميله
الصراحه مدري نعزيك ولا نواسيك
لكن ما اقول الا نزف جميل
استأذنك ابي انسق القصيده
نوف الفهد
11-04-2008, 00:14
متاهات
حياك الله ويشرفني إني أكون من أول المرحبين
طبعاً بعد مشرفنا وشاعرنا وأخونا القدير نافع بن طواله
حياك الله بيننا يا متاهات
وصح لسانك على هذه الهدية
وننتظر منك هداياك الباقية
حياك الله بين أهلك وناسك مرة ثانية
أختك
نــ بنت الفهد ــوف
الله يبيض وجهك وطال عمرك وعزيزين وغالين ومشكور على الترحيب الحار roooose
((عبدالله بن غيث))
11-04-2008, 02:49
متاهات أرحب فيك ببيت شعري والله مدري من كاتبه
لكن يقول
يامرحبا ترحيبة تسبق الفار====لاصار في دربه ثلاثين بســـــه
مرحبا ومسهلا فيك بيننا يالغلا ,,,,,,
وصح لسانك على هالنزف الجميل والبداية الاجمل ,,,,,
تحياتي
((كحل المحاجر))
ماجد علوان
11-04-2008, 13:29
متاهات
مصافحه وهديه جميله
تبشرنا بقدوم مبدع
صح لسانك يالغالي
وحيالك الله:7ayyoh:
دمت بخير
شكراً على من رحب بي وياجعلكم على القوه
وللمعلوميه ترا انا رجال بس توضيح للي مو عارف من اكون
ريال الفسحه
11-04-2008, 18:50
\
عهدا نقضته بالوفا وين مبداك=يومك تقول اني لشوفك شفوقه
\
انت رجل حسب كلامك ..
بالبيت تقول [ عهدا نقضته بالوفا وين مبداك ]
كيف ينقض العهد بالوفا ؟
اللي نعرفه ان الوفا شي جميل وهو حفظ للعهد :d:
[ يومك تقول اني لشوفك شفوقه ]
يومك تقول .. انت هنا خاطبت رجل
اني لشوفك شفوقه .. هنا الكلام وكان الي كتب بنت ؟
شلون شفوقه وانت رجال ؟؟؟
المعنى ماخش مخّّي والي كاتب النص يبدو من قرائته مرأه
ولكنك ذكر ..وشلووون :puzzled:
\
نص محيّر
اسف اني اقوولك ان القصيده مافيه شي محير
ولكن شكلك صعب تفهما ......................
ريال الفسحه
11-04-2008, 23:57
8
طيب ياللي كتبت القصيده وضّح للجهله
\
س1 :- كيف ينقض العهد بالوفاء ؟
س2:- كيف تقول [ ماني شفوقه ] وانت رجل ؟
جاوب
نافع بن طواله
12-04-2008, 00:04
متاهات
نرجوا التوضيح والتفسير في ردك القادم
واذا لم نجد توضيح اسمح لي بان احذف مشاركتك واطالب بإيقاف عضويتك
لأن القصيده في البيت اللي آخره شفوقه واضح انه بلسان بنت
والله اذا كانت القصيده تشوفه انها بلسان بنت فاانا اقولك غلطان؟؟
عهداً نقضته بالوفا = الوفا يتضمن داخله عهود ومواثيق لذلك سمي وفا لانه توثيق للعهد والعهد عباره عن جزء من الوفا..........
يومك تقول اني لشوفك شفوقه = خاطبت باللغه العاميه بغض النظر بنت اول رجال واغلب الشعار
تمر عليهم قصيده من هالنوع كنوع عامي مناسبه للطرفين واذا مازعلك انا وش انا هههه
ياخي على هونك ماهي مستاهله توقف عضويتي خل صدرك شمالي هههههههههه
عهداً نقضته بالوفا وين مبداك يومك تقولي اني لشوفك شفوقه .........shlwee7
ريال الفسحه
13-04-2008, 23:31
\
هلا والله بمتهات وتوضيحه :d:
والله اذا كانت القصيده تشوفه انها بلسان بنت فاانا اقولك غلطان؟؟
وحنا ليش طلبنا التوضيح ؟ :puzzled:
عهداً نقضته بالوفا = الوفا يتضمن داخله عهود ومواثيق لذلك سمي وفا لانه توثيق للعهد والعهد عباره عن جزء من الوفا..........
يالربع من يدرسني هالبيت خصوصي ؟ :puzzled:
عهد وينقض بالوفا . . وشلوووووون shlwee7
يومك تقول اني لشوفك شفوقه = خاطبت باللغه العاميه بغض النظر بنت اول رجال واغلب الشعار
تمر عليهم قصيده من هالنوع كنوع عامي مناسبه للطرفين واذا مازعلك انا وش انا هههه
احد قال لك انك متكلم بالفصحى ؟؟
وشلون اغلب الشعار تمر عليهم .. ؟
فيه احد يتكلم على انه بنت ويقول عادي تصير وشعار يسوونه ؟؟؟؟؟
محير ونص :315r:
مشــــعل
14-04-2008, 00:19
صح لسانك يامتاهات
يااخوان كبرتو السالفه الله يهديكم وهي ماتستاهل
لاحذف عضويه ولايحزنون
القصيده رائعه
اللهم البيت المذكور ( يومك تقول اني لشوفك شفوقه )
الشاعر يقصد بأن القائل هي محبوبته يعني الهاء يرجع للمحبوبه وليس للشاعر
ولكن الشاعر اخطأ في تركيب البيت فقط
تحياتي
هند القاضي
14-04-2008, 00:23
وممكن تعود ع النفس أو تقيد بالقافيه :puzzled:
متاهات صح لسانك roooose
هايس الشمري
14-04-2008, 00:25
متاهات..
صح لسانك يا بعدي..
و لا هنت..
اخوووك
نافع بن طواله
14-04-2008, 01:29
متاهات
وبما انك رديت علينا واحترمت تساؤلاتنا
مالي الا اقول لك شكرا انك ما حديتنا على شي نكرهه
وصدقني اننا نحب نكسب ما نخسر
وانا ادري انك مستغرب ردة الفعل
لكن ياليت تراجع كلامك على ريال في اول رد عليه
كل اللي قلته له انه صعب يفهمها وماشرحت له
وهالشي تقليل من التساؤل وتقليل من السائل
وطبعا مرفوض هالاسلوب
وانا ايضا صار عندي نفس التساؤل
واكيد راح اقول لك اللي قلته
متاهات
انا اثنيت على القصيده يوم اني قريتها بلسان بنت
لكن مادام انك تقول ان القصيده بلسان رجل
يومك تقول اني لشوفك شفوقـه
وتقول ان كلمة (( اني )) عائده على الحبيبه
فأنا بكل تواضع اقول لك هنا خطأ
فيجب توحيد المخاطب
يعني كان لازم تقول
يومك تقولين اني لنفسك شفوقه <<<<< للتوضيح بعيد عن الوزن
حيث في بيتك كلمة شفوقه ماهي راكبه على البيت في جميع حالاته سواءا كان بلسانك او بلسان حبيبتك
بالتالي وبعد هذا اللي حصل
ارجوا تقبل ردي البسيط
قصيدتك جميله وهي بلسان فتاة
وفيها خلل في البيت الأزمه وهي بلسان رجل
وشكرا على توضيحك وسعة صدرك
صح لسانك يامتاهات
(صيدة حلوة يابن فسحة ورد جميل من مشعل الغفيلي)
:
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir