X ريشة العود X
10-04-2008, 21:47
اولــى قصــآئدي .... في المنتدى التي اتمنى ان تنال الاعجاب والرضا..
أيه امطري جل وبلك ياهتون السحاب=ابغسل اللي ولج بالنفس واغتمها
ياطي حالي كما طي الورق بالكتاب=وياوجد عينٍ(ن) شكت عقب الهوى سقمها
البارحه ياخوي القلب زال الضباب=وش علم عينك تهل الدمع وش علمها
مدري دموعك ندم ولا فقدت الصواب=ولاان (حــية) ضميرك فرغت سمها
حاولت ابدمح وابغضي مير ذقت العذاب=ياحيف نفس(ن) تذوق الجور مايهمها
بالله تسكت قبل لافتح لك الفين باب=بير التحمل وصل ماها ليا فمها
البوم عند العرب (لادوا) على الارض الخراب=معناته ان القشر مايبطي بخمها
كذا العلاقه ليا غمست بكاس السراب=نذير شؤم المفارق بادر بضمها
يعني لانضحك على انفسنا بكلمة عتاب=الورده الميته من هو يبي شمها
ماتنستر شمس ربي يالخوي بالحجاب=والسالفه واضحه ياللي تبي فهمها
اسأل ضميرك لاطال ابك النوى والغياب=هو انت تذكر هنوف(ن) خانها حلمها؟
واليا ذكرني !! تذكر كيف طعم الجواب=وكيف نزع النفوس اخير من ظلمها
بقلمــي ريشة العود
أيه امطري جل وبلك ياهتون السحاب=ابغسل اللي ولج بالنفس واغتمها
ياطي حالي كما طي الورق بالكتاب=وياوجد عينٍ(ن) شكت عقب الهوى سقمها
البارحه ياخوي القلب زال الضباب=وش علم عينك تهل الدمع وش علمها
مدري دموعك ندم ولا فقدت الصواب=ولاان (حــية) ضميرك فرغت سمها
حاولت ابدمح وابغضي مير ذقت العذاب=ياحيف نفس(ن) تذوق الجور مايهمها
بالله تسكت قبل لافتح لك الفين باب=بير التحمل وصل ماها ليا فمها
البوم عند العرب (لادوا) على الارض الخراب=معناته ان القشر مايبطي بخمها
كذا العلاقه ليا غمست بكاس السراب=نذير شؤم المفارق بادر بضمها
يعني لانضحك على انفسنا بكلمة عتاب=الورده الميته من هو يبي شمها
ماتنستر شمس ربي يالخوي بالحجاب=والسالفه واضحه ياللي تبي فهمها
اسأل ضميرك لاطال ابك النوى والغياب=هو انت تذكر هنوف(ن) خانها حلمها؟
واليا ذكرني !! تذكر كيف طعم الجواب=وكيف نزع النفوس اخير من ظلمها
بقلمــي ريشة العود