المساعد الشخصي الرقمي

مشاهدة النسخة كاملة : القصيده التي قلتها في امير الطواله


عبدالله الجعيثن
06-06-2002, 18:41
هذه القصيده قلتها في الامير: عبدالله السالم الطواله عرفانا مني ومن جماعتي في موقف لاينسى له, جزاه الله الف خير



قال اللذي من ضامره شال قاله
ابيات ناداها من اقصى المجاذي

من منهل الاشعار يعقد حباله
مخصصه للشيخ وبالكل ترحيب

نعم ببوسالم امير الطواله
شيخ ولد شيخ قبل يبعث شعيب

امير في يمناه حاش الكماله
حر ليا هدوه عطب المضاريب

زبن الضعيف اللي شكا والتجاله
فك السجين وزاح عنه التعاذيب

لاجله ثنا بالسيف دونه وشاله
مانام طرفه لين فك الكلاليب

حاش المراجل وارتكاله لحاله
سبع السباع مكملين المواجيب

للضيف ياقف حين تبرك رحاله
كرامته دايم من شمخ النيب

يمناه ماتمنع عطايا شماله
يضحك حجاجه لو تزود المطاليب

nيعطي العطايا مايدور بداله
يجبر عزا المضيوم ويرخص له الجيب

حر شهر من راس عالي جباله
ماينزل الا في طويل المراقيب

رجل تربا في مجالس رجاله
مابين عم وخال ذيب ولد ذيب

الطيب لو يذكر بعيد عناله
للشمري فزاع وايضا الاجانيب

ماينكر المعروف كود الحثاله
اللي ليا ضاقت تبين به الشيب

ياشوق من يزهى الوطا في جماله
مصيونة العرضين ماداست العيب

من رجلها يامير حتى قباله
تخضع لها الشيخان شرق وتغريب

والله لو هي من بناتي وانا له
اني لاجيبه يم بيتك على الجيب\n
لي الشرف يامير باسم الطواله
ترخص لكم يامير ماهي تكاذيب

جمالتك يامير آغلى جماله
تاج على راسي وروس المعازيب

00000الغـــــازي00000000
فيصل اللويش
06-06-2002, 19:37
الغالي



الغازي



صح لسانك وبيض الله وجهك



وابو سالم يستاهل





فيصل اللويش
عبدالله الجعيثن
07-06-2002, 20:06
الاخ العزيز: فيصل اللويش

حياك الله وابقاك

وتسلم يالغالي
فلاح السعد
09-06-2002, 11:11
اخي الغازي


صح لسانك


وبوسالم يستاهل كل خير


وماهي غريبه عليه



ولكن انت مشكور لانه هالليومين


قليـــــــــــــــــــــــــــــــــــــ ــــل اللي يعترف بالمعروف



لاهنت



اخوك فلاح السعد
فيصل بن طواله
11-06-2002, 02:00
صح لسانك ياالغازي

وبيّض الله وجهك00


وأبو سالم يستاهل00





تقبل تحياتي
وتقديري0

000000000أخوك / فيصل بن طواله
سنـعـوسـي
11-06-2002, 11:41
بسم الله الرحمن الرحيم

اخي الكريم ........ الغازي

صح لسانك وعقلك وقلبك بل بدنك بأجمعه . كما تعودنا تأتي قصائد المدح قبل الفعل وذلك لحاجة الشاعر سواء كانت ماسه او على حد ذلك ولكن هذه المره أتت القصيده بعد قيام ابو سالم بواجبه تجاه أحد أبناءه فما كان من شاعرنا الا الوفاء لهذا الرجل ورد المعروف بتلك الطريقه النادره .

اخشى أن كلماتي لم تكن كافيه ووافيه لذا أرجوا المعذره علما بأن الوفاء لا يأتي الا من الأوفياء وأن كريم وأبو سالم يستاهل كل خير .

تقبل تحياتي .
أخيك .. أبو عادل .
القطب الشمالي
11-06-2002, 12:33
اخي الغازي

صح السانك

وبو سالم يستاهل.

وبما انني حضرت المناسبه , وشاهدتك وانت تلقي القصيده وجهاً لوجه امام ابو سالم وذلك الجمع الهائل . وبطريقتك المعهوده وانفعالاتك الهادئه في الالقاء, فانني اناشدك ان تنشرها على هذا المنتدى على وصله لكي نرى ونسمع صوتك كما وردت غي الحفل.




اخوك : القطب الشمالي
عبدالله الجعيثن
11-06-2002, 13:35
اخوي العزيز

فلاح السعد

صح بدنك



وعز الله انه يستاهل.
السنعوسي
11-06-2002, 23:48
صح لسانك

وابوا سالم يستاهل

ولاهي غريبه عليهم هذا فعل ابوه وجده رحمهم الله جميعا


وتقبل تحياتي ,,,,,
عبدالله الجعيثن
12-06-2002, 06:58
الاخ العزيز: الشاعر الكبير فيصل الطواله

هذا مازادني شرف على شرف

الشرف الاول: اني قدرت اكتب هذة الابيات المتواضعه في ابوسالم واعلم اني ماوفيته نصف حقه لانه راعي اوله.

الشرف الثاني: توقيعك الكريم وشهادتك بانها جميله
خلاني مااشوف القاع ياجدي.
عبدالله الجعيثن
12-06-2002, 07:05
الاخ سنعوسي

وش هالحكي وش هالدرر, وتقول ماوفيت.

عزيزي يكفيني منك توقيع ياحيي.
عبدالله الجعيثن
12-06-2002, 07:19
القطب الشمالي:

هلا وغلا وينك, من طول الغيبات جاب الغنايم.

عسى ماشر لاحس ولاخبر.

بخصوص الطلب انشاء الله احاول عن قريب.
مشعل الشمري
13-06-2002, 16:29
اخي الغازي
صح لسانك ومشاعرك
قصيدة كبيرة...بأنسان كبير
ومن انسان ايضاً كبير
لافض فوك اخي وتسلم
سلمان النبهان
13-06-2002, 18:58
اخي العزيز / الغازي سلمه الله
تحية طيبة وبعد :ـ
صح الله لسانك ويعطيك العافيه ماقصرت .
وافعال الطواله وشيوخ شمر المجد كثيره .
وليس غريب من الشيخ عبدالله السالم الطواله . ذلك لانه شيخ ابن شيخ وينتم للطواله .
شكرا على ذكر القصيده واحسنت مره اخرى .
******************************************

حـر شـهر مـن راس عـالي جباله
مـاينزل الا فـي طـويل الـمراقيب
رجـل تـربا فـي مـجالس رجـاله
مـابين عـم وخـال ذيـب ولد ذيب
الـطـيب لـو يـذكر بـعيد عـناله
لـلشمري فـزاع وايـضا الاجانيب
******************************************
عبدالله الجعيثن
15-06-2002, 09:35
الاخ السنعوسي:

حياك وابقاك الله, وارجو المعذره على التأخير وتسلم

على توقيعك على صفحتي

تقبل تحياتي واعتذاري
عبدالله الجعيثن
15-06-2002, 14:10
الاخ العزيز: مشعل

صح بدنك وتقبل تحياتي واشواقي الحاره لك.
عبدالله الجعيثن
16-06-2002, 07:13
الاخ العزيز: سلمان

مرحبا ومسهلا

تسلم عزيزي,

فعلا يستاهلون واكبر دليل ردودكم على قصيدتي المتواضعه

تحياتي لشخصك الكريم.