(لغز)..البارحه للنـوم عينـي عيوفـه....قامت علّي افكار صوبي تقـاذف

[الاعصار]

السلام عليكم

.......................


البارحه للنـوم عينـي عيوفـه=قامت علّي افكار صوبي تقـاذف
واخترت منها لغز مابـه كلوفـه=أبي على حله ربوعـي تلاهـف
ورعٍ ولا ظنـي فطيـنٍ يطوفـه=حسب المقر يامن عرفته تضاعف
صغير في يدك ولا احدٍ يشوفـه=وليانزل منهـا وكـادٍ تضاعـف


..............................


تحيتي لكافة الزملاء

[صقر الجنيدي]

الصدقه

[الاعصار]

صقر الجنيدي
مرحبا فيك
الصدقه مالك لوى
تحيتي لك

[راعي البيرق]

صح لسانك .. أخوي الإعصار ..

وعندي رمعه ولا أدري ..

وشرايك .. بالصفر ..

محاولة اولى ..

[الاعصار]

راعي البيرق
صح بدنك يالغلا
والرمعه ماصادت الحل
انتظر محاولتك القادمه
تحيتي لك

[راعي البيرق]

الإعصار ..
محاولة جديده .. ولكن والله لغز جامد ..
وشرايك بحرف القرآن .. ( .. لا اقول الم حرف ولكن ألف حرف ولام حرف وميم حرف )
والله ما أظن ولكن رمعة تفوت ولا أحد يموت .. :)

[الاعصار]

اخوي راعي البيرق
حياك يالغلا
رمعتك الاولى اقرب
تحيتي لك وتقديري

[شليويح]

الكرم

[الاعصار]

شليويح
حياك الله يالغلا
الكرم وانت من اهله مالك لوى
تحيتي لك

[راعي البيرق]

رمعه اخوي الإعصار ..
وشرايك بالواحد اللي بالكف يسار الثمانية يتضاعف ويمينها يضعف
واذا نزل ينعكس بالتضاغف او بالضعف ..
رمعه لا تنقد علي :)

[الاعصار]

راعي البيرق
يازين تفكيرك يالغلا ولكن ماهي هي الرمعه
صغير في يدك ولا احد يشوفه
الواحد اللي تقصده برمعتك ينشاف من الكل
انتظر مرماعك القادم او بالاحرى انتظر ذبحته منك ماشاء الله عليك

[راعي البيرق]

يالله أنك تعين ..:)
وشرايك بالرقم في عمليات الجمع
يقولون / و باليد واحد .. ثم ينزل بزياده .. بعد انتقاله من خانة الى خانة ..
وشرايك يالإعصار :) والله لغزك هذا اعصار :)

[الاعصار]

اخوي راعي البيرق


ماشاء الله عليك مااخلفت ظني فيك


صح لسانك يالغلا

نعم هو باليد كقولنا باليد واحد باليد اثنين الخ . في العمليات الحسابيه سواء جمع او ضرب

[ثامر]

صح لسان اخوي الاعصار وراعي البيرق تسلمون والله