وش الذي ما شفتها في حياتك ..

[راعي البيرق]

.
..
...
....
لغز وإن كان قديم شوي .. بس رحت وجيت ولا فيه جديد ..
قلت أحط القديم لين يجي الجديد ..

وش الذي ما شفتها في حياتك .. وضحى غدت يوم اشتباك الرماتي
بنت الذي دايم معك في صلاتك .. بعيــد فــرقــه عن جميع البنــــاتي

وسلامتكم ..

[عبدالله الجعيثن]

مطفي النورررررر:puzzled:

[زاهي]

راع البيرق

تصدق رحت أصلي أبي اغدي أشوف هاللي دايم معي


الله يعافيك

والبحث جاري

[راعي البيرق]

ابو جعيثن ..
ما يطفي لك نور ..
وإذا تباطيت حل الشباب .. لا تقصربه .. عليك به .. حطه بين عيونه ..

شكراً ...

[راعي البيرق]

أخوي زاهي ..

والله أنت خطير .. ولا أظن تفكيرك راح يطول ..

نحن بالإنتظار ..

[العَـــروب]

يمكن السكينة او الراحة؟

تغيب وقت الحروب وتحضر بالصلاة

[الاعصار]

صح لسانك
عندي معرفه سابقه بالحل اترك الفرصة للربع

[راعي البيرق]

أختي 00 بريئة....

محاولة طيبة ، ولكن مالك لو ..

[راعي البيرق]

ولسانك أخوي الإعصار .. ولا يطفي لك نور ..

ولا تبطي عليه ..

[أبوطروق]

والله مادري بس لازم أرمع
مهي تكبيرة الاحرام

:

[راعي البيرق]

هلا .. بأبوطروق 00
والله ما لك لوا ..
لكن يابو طروق هي بنت وتنسب لرجل دايم معك في صلاتك ..
وهي غدت يوم اشتباك الرماتي ..

ما بعد هذا توضيح ..:)

[أبوطروق]

الروووح
!!!!!!!!!!

[راعي البيرق]

رمعة طيبة ..
لكن ما لك لوا .. يابوطروق 00

[العَـــروب]

لكن يابو طروق هي بنت وتنسب لرجل دايم معك في صلاتك ..
وهي غدت يوم اشتباك الرماتي ..

ما بعد هذا توضيح ..:)


رجل بالصلاة؟ :puzzled:



عجزت :(

[راعي البيرق]

لا ما تعجزين أختي .. بريئة ...
إذا قالوا رجل باللغز مايعني بظروره رجل على الحقيقة ، قد يكون وقد لا يكون ..
واذا قالوا معك لا يعني بالضروره على الحقيقه قد يكون بذكره وقد يكون على حقيقته ..
يحتاج الى تفكير .. لذا سُمي لغز :)

[ريال الفسحه]

الطاقيه ؟ <-- اطلع ووجع :)



عبدالله يالجعيييثن .. دق علي وعلمن بالحل :)



مطفي النوووور <-- اطلع برا :solh:

[عبدالله الجعيثن]

^
^
^
ترن...ترن....ترن!!!


جوالك مايرد



ابعلمك...ولا احد يسمع



















انزل






























عندك مثله!!!!:puzzled::puzzled:....





وش فيك...لاتضحك:a:...ياضاحكن بلا سن:)

[العَـــروب]

لا ما تعجزين أختي .. بريئة ...
إذا قالوا رجل باللغز مايعني بظروره رجل على الحقيقة ، قد يكون وقد لا يكون ..
واذا قالوا معك لا يعني بالضروره على الحقيقه قد يكون بذكره وقد يكون على حقيقته ..
يحتاج الى تفكير .. لذا سُمي لغز :)


طيب الصلاة هي الصلاة او انها ترمز لشي ثاني؟

معي بالصلاة؟
شي يعني اقوله بالصلاة؟
او شي اسويه بالصلاة؟
او شي احسه بالصلاة؟


وضحى غدت يوم اشتباك الرماتي


هي وضحى فعلا او ما اركز على الكلمة؟













اقول شرايك تعطيني الحل وتفك عمرك؟ :315r:








آخر رمعة





ما تكون التحية؟ :puzzled:
او رد السلام

[راعي البيرق]

ابن فسحه .. ارسى على بر دوختن :)
طيب وشرايك ما لك لوا لو تجيب الحل :thumb:

[راعي البيرق]

ابو جعيثن والله لو ترمع أني أشوفه مناسبه بهالوقت
تولجتن اللي اسمه بريئة :).. بس حقاً انها ولكن :) تستدرج تبي الحل :315r:

[راعي البيرق]

حاولي يابريئة .. وحتماً ستصلين ..
ولو بعد حين .. اي ولو بعد أن يحل :)
(وهي وضحى صحيح على الحقيقة) ..

[العَـــروب]

^

^

^



:315r:


خلاص بافكر فيه الليلة لا تقول الحل <<< احلفي :puzzled:


ابو جعيثن تكفى لا ترمع انطرني لي باجر بس - اذا ما عرفته قول


يا انا يا هاللغز :148r: <<<< هاللغز :d:

[ريال الفسحه]

ضاحكن بلا سن ؟ :puzzled:

واشتباك الرماتي ؟ :)


الرمات هي غزوة احد رضي الله عنه <--مسلم جديد :315r:



ثنية الرسول عليه الصلاة والسلام ؟

[أبوطروق]

أبوفسحة وش هالذكاء؟ مانت هين


أخلصوا علينا نبي الحل بسرعة تروكم دوختونا

يالله نبي واحد يقشعه لنا ويريحنا (وش رايتس يابريئة)

:

[راعي البيرق]

ريال الفسحة .. :)
ما شاء الله عليك .. جبته يا الذيب
صح لسانك ..
نعم هي رباعية الرسول صلى الله عليه وسلم .. يوم كسرت بغزوة أحد .. وشج جبينه ..
فقام بأبي هو وأمي وهو يمسح الدم عن وجهه ويقول كيف يفلح قوم خضبوا وجه نبيهم وهو يدعوهم إلى ربهم .. فقال من يشتري لنا نفسه ؟ فقام زياد في خمسة من الأنصار دون رسول الله يقاتلون حتى قتلوا واحداً بأثر الأخر وكان آخرهم زياد بن السكن .. فقاتل حتى أثبتته الجراح .. فنفر له فئة من المسلمين فأجهضوهم عنه .. فأدنوه من رسول الله فوسده قدمه فمات وخده على قدم رسول الله صلى الله عليه وسلم ، ثم ترس دونه أبو دجانه بنفسه فيقع النبل في ظهره وهو منحن عليه حتى كثرة فيه النبل ورمى سعد بن ابي وقاص دون رسول الله ، صلى الله عليه وسلم
وكان يناوله النبل وهو يقول أرمِ بأبي أنت وامي ، ..... ( وددت لو تقال لي وأن أقتل مئة مرة .. )

[ريال الفسحه]

تراني لاشتهيت ..ماني بسيط :qannaj:

[صلفيق]

أخس ياريال .. والله منت سهل ياملا الفشاش

ألعن أبو كذا .. أيوه يابوي كذا حلالة الألغاز والا بلاش .:goooood:

سلمان ..!! يالغالي أبيك تعلمن وشلون تحل صح ليابغيت .

والا يمكن بعد صداقتي لك تعديني عدوى بحل الألغاز shlwee7

[أبوطروق]

طلع اللغز مقاسي ولاهو حول الدعوى

ياحسافة تفكيري بس


لا وابوجعيثن يغشش أبوفسحة

:

[راعي البيرق]

ابو طروق ..
والله اللغز ما هو لي علشان أدافع عنه ..
لكن اللي أعرفه أنه لغز قديم .. مر على كثير من أهل الألغاز .. وشهدوا له بالورود ..
وإذا كنت تعرف لتحليل الألغاز ستجده وارد .. وخالي من الحشو ..
وخيره وشره أنا سالم منه :thumb: والعهده على صاحبه . :)

[ريال الفسحه]

عز الله لغز كذا :thumb:

راعي البيرق كثر منهن خص الي يعرفهن ابوغازي :315r:


ابوطروق تراه حاسدن لاني حليته والناس يقرون
ويدرون اني حلال الغاز وهو من جنب القده :solh::solh:

[عبدالله الجعيثن]

^
^
فعلا من حنب القده:puzzled:

[أبوطروق]

والله لغزكم اللي مضيع القده ويبيله مده

يالله يابوجعيثن مده لنا واشرحه بالتفصيل خلنا نفهم هاللغز الخطييير (يمكن نلقى قدتك انت وابوفسحة)

:

[راعي البيرق]

.


وش الذي ما شفتها في حياتك .. وضحى غدت يوم اشتباك الرماتي
بنت الذي دايم معك في صلاتك .. بعيــد فــرقــه عن جميع البنــــاتي




هذا والله اللغز اللي بلشنابه .. :)
يابو طروق .. هذا تحليل للغز ..
وش الذي ما شفتها في حياتك ..
ينشد عن مؤنث لم ترها في حياتك .. وهي رباعية رسول الله .. أنت شفتها .. طبع ما شفتها .. صحيح :)
وضحى غدت يوم اشتباك الرماتي ..
ينشد عن وضحى فقدت وقت حرب .. وهي الرباعية وضحى من البياض .. والوقت في غزوة أحد .. :)
بنت الذي دايم معك في صلاتك ..
أي أنها تنسب لمن يذكر دائماً في الصلاة .. وهو الرسول .. في (.. اللهم صلي على محمد .... ) صلى الله عليه وسلم .
بعيد فرقه عن جميع البناتي ..
أي أنها تفرق عن مثيلتها .. طبعاً رباعية الرسول صلى الله عليه وسلم ، ليست كرباعيتي ورباعيتك يا ابو طروق :)

لا عادة من لغز .. نشبوا بحلقي يوم معرفوه .. :)

[ريال الفسحه]

وين ابوطروق :solh::solh:

[أبوطروق]

^ ^ ^ ^
هاه وش تبي


والله ماعندك إلا الشماتة

بس مازلت اقول اني غير مقتنع بهاللغز وانه مقاسي-<<< شمري عنيد

:

[راعي البيرق]

يابو طروق .. بارك لريال الفسحه .. :)
وخل روحك رياضيه .. :thumb:

[ريال الفسحه]

ايه الغيره تدبّ في مناخر ابوطروق :3ajeeb:

[ثامر]

تسلون جميعا ولغز طيب صحة السنتكم