[ .. عيادة المضايف للتغذية .. ]

[العَـــروب]

بما اني ادرس علوم تغذية الانسان حبيت اشارككم بمعلوماتي المتواضعة



مقدمة بسيطة قبل الجد:


مقياس سمنة الانسان ينقال له BMI
وهو عبارة عن حساب وزن الجسم بالنسبة للطول


BMI= وزن الجسم (Kg) / (الطول (m) ) مضروب بنفسه ( يعني تربيع)



المعدل الطبيعي لكتلة الجسم يتراوح بين 19.5 - 24.5


اقل من 19.5 يعني نقص بالوزن
25 واكثر يعني زيادة بالوزن
اكثر من 30 يعني زيادة مفرطة بالوزن ( Obesity)



المهم نجي للزبدة <<< على طاري الزبدة لا تكثرون منها لانها عبارة عن دهون مشبعة :3ayyen_khair:



الزبدة ان اي شخص بالمضايف حاب يعدل من وزنه سواء يزيده او ينقصه تراني بالشوفة



ما عليه الا انه يجاوب على الاسئلة الجاية وعلي انا وضع نظام غذائي مناسب ودقيق


1- وزنك
2- طولك
3- امراض معينة تعاني منها؟ اذكرها .... بالاخص مرضى السكري
4- تمارس الرياضة؟ كم ساعة باليوم؟ ( 1/2 - 1 - 1 1/2 - 2 )
5- عمرك
6- محيط المعصم <<< اذا تقدر لحساب ادق
7- عطني فكرة بسيطة عن نوعية وجباتك اليومية (شنو الاصناف اللي تحبها وشنو الاصناف اللي ما تاكلها)



تبون الاجابات هني او عالخاص مو مشكلة .
تستحون ما تبون تجاوبون خير شر كمان ما في مشكلة :d: .


اهم شي اني ابلغكم يمكن احد يكون محتاج :qannaj:



ولا تخافون ترى كل شي دقيق ومدروس والانظمة بتكون محسوبة بالكيلو كالوري الواحد :thumb:











دمتم بود rooose2

[Gooold Girl]

•• •• • •• • •• ••
مشكورة يعطيك العافية على الخدمة المجانية
ان شاء الله نزورها قريباً
مع كل الود واعطر باقات الوردrooose2

[بالمختصر..]

Go ahead


ماعندي أي إستفسار حاليا . .

و وزني مناسب لطولي الحمدلله . .

بس يقول الدكتور عندك قولون عصبي :(



يسلموووووو أم يوسف :)




.
.

[أبوطروق]

والله ودي انقص وزني شوي بس المشكلة ماعندي ميزان علشان أجاوب على الأسئلة

شكرا بريئة

راجع بعد ماشوف وزني وطولي (واتأكد إذا كنت أمارس الرياضة ولا لأ)

:

[العَـــروب]

Gold girl

الله يعافيج حبيبتي
شاكرة لج مرورج الحلو
وبانتظار رجوعج



دمتي بود rooose2

[العَـــروب]

يا مرحبا

منورة بالمختصر

سلامتج ما تشوفين شر ان شالله
يا ليت اقدر اساعدج بس انا حدودي تنتهي مع الاكل :d:


يسلمج يالغالية حياج الله rooose2

[العَـــروب]

بو طروق

بانتظار عودتك مع الطول والوزن وباقي الطلبات ( لاحظ اني زدت طلباتي )

ان شاالله بتنقص وزنك بسهالات


شكرا لمرورك الكريم


دمت بخير rooose2

[يـــوسف]

أنا والله ودي أضعف وكل شي سويته ولانفع مابي طب نبي نشوف علاجك :)


الوزن ::::78
الطول ::::: 185
الامراض :::: يارب لك الحمد متعافي مابي شي :)
الرياضه :::: مالي علم به والله لأن مافيه وقت الواحد يسوي رياضه فيه :wallah_hoo:
العمر ::: بالهجري 24 بالميلادي 23 :)
المعصم:::: أسمحيلي ماقدرت ...
الوجبات ::: والله وأنا أخوك العزوبيه شينه ... يمر علي يوم أكل اربع وجبات باليوم ومرات يمر علي يوم ماأكل شي إلين تقوم معدتي تعض بعضه :za3lan:
أقدر شي أسمه لازانيا :)

شوفي لي حل أبي أضعف :qannaj:



الاجابه هنا ماعلي من أحد مافيه شي يحرج :thumb:

[العَـــروب]

^

^

^



يوسف وزنك يقع ضمن الحد الطبيعي
ال BMI عندك = 22.8

ما عندك أي زيادة بالوزن

بس اذا حاس انك محتاج تضعف – عندك مجال تنزل 6 كيلو بحيث تكون ال BMI = 21

اذا ضعفت اكثر من هالحد راح تدخل بمجال ال underweight او نقص الوزن << خطورته اكبر من خطورة السمنة


باسويلك نظام مدته 3 ايام
بعد انتهاء الايام الثلاث راح اعطيك نظام لاسبوع ولازم تتابع معاي وتعطيني أي تغييرات بوزنك على طول :3ayyen_khair:

اهم شي الالتزام ثم الالتزام ثم الالتزام

مو تقعد تخربط بالاكل بعدين تقول نظامج ما نفعني :puzzled:






لي باك مع ال Menu

rooose2

[العَـــروب]

اول شي اعتذر على التاخير اخ يوسف

الريجيم يبدأ من باجر باذن الله


يوسف جسمك محتاج 2600 سعرة حرارية يوميا - اذا زادت السعرات اللي تستهلكها يزيد وزنك واذا قلت السعرات وزنك يقل.

الوجبات اللي نظمتها لك تحتوي على 1800 سعرة حرارية تقريبا لكل يوم مع تنوع جيد للمكونات اللي يحتاجها جسمك.

ومثل ما قلت لك : اهم شي الارادة والالتزام






اليوم الاول:


الافطار:

- كوب حليب خالي الدسم
- 3 شرائح توست اسمر ( او ثلاثة ارباع خبزة (اسمر ايضا))
- قطعة جبن فيتا متوسطة.
- 3 بياض بيض مفيوح.
- نصف حبة طماطم + نصف حبة خيار


الغداء:

- صدر دجاج مطبوخ باي طريقة غير القلي *
- خبز اسمر ( عدد 1)
- سلطة ** (2 كوب)
- لبن خالي الدسم.


العشاء:

- ساندويش لبنة مع زعتر ( 2 صمون صغير او 1 متوسط (اسمر طبعا))
- عصير برتقال ***
- كوب سلطة.



اليوم الثاني:


الافطار:

- كوب حليب خالي الدسم.
- خبز اسمر ( عدد 1)
- ملعقة ونصف لبنة.
- بيضة مقلية مع نصف حبة طماطم.


الغداء:

- شريحة لحم مشوي ( يمكن استبداله بصدر دجاجة مثل اليوم الاول مع نفس الشروط)
- 2 كوب سلطة.
- روب خالي الدسم.


العشاء:

- همبرغر مطبوخ بالمنزل ( مع الخس والطماطم وبدون مايونيز او مخلل او جبن ومصنوع من الخبز الاسمر )
- حلقات بصل (مشوية بالفرن بدل القلي)
- عصير برتقال (كوب واحد)



اليوم الثالث:

الافطار:

- 2 شريحة مورتاديلا.
- قطعة متوسطة جبن فيتا.
- 3 شرائح توست اسمر.
- نصف حبة طماطم ونصف حبة خيار.


الغداء:

- 5 كرات لحم مطبوخة مع الخضار ( لا يستخدم السمن او اي اضافات مثل المايونيز او الجبن)
- خبز اسمر (عدد 1 )
- 2 كوب سلطة.
- روب او لبن خالي الدسم.


العشاء:

- 4 حبات من قطع الناجتس مشوية بالفرن.
- كوب سلطة.
- صمون اسمر حجم صغير (2)
- كوب عصير برتقال.



وجبات خفيفة ( Snaks):
(تتخلل الوجبات الرئيسية باي وقت تحبه)

- 3 حبات تمر (فقط لا غير) مع القهوة.
- 4 حبات بسكوت (غير مملح ولا مضاف اليه الككاو)







ملاحظات مهمة:

- قدّر اللازانيا بعدين :315r:
- مارس الرياضة لمدة نصف ساعة يوميا.
- لا تطوف اي وجبة - لا تظن انك اذا طنشت وحدة من الوجبات راح تخسر وزن اكثر - راح تكون النتيجة عكسية.
- انسى البيبسي والحلويات مؤقتاً.
- اذا تبي تعدل اي صنف بال menu قول لي وانا اعدله - لا تغير شي من نفسك.
- للشاي استخدم السكر الصناعي المخفض السعرات. مو اكثر من استكانتين.


- صدر دجاج مطبوخ باي طريقة غير القلي *
لا تضيف له مايونيز او سمن او جبن ( ممكن يكون من غداكم العادي )

- سلطة **
تتكون من اي نوع يعجبك من الخضار بس تاكد انها ما تحتوي على:
( dressing - مايونيز - بطاط - زيتون - مقليات - خبز محمص)

- عصير برتقال ***
مو شرط برتقال ممكن تغير النوع بس تاكد ان ما فيه اي اضافات من السكر. ولازم يكون فريش - لا تشرب العصير الجاهز ( ممنوع - ممنوع - ممنوع)




اذا التزمت بالريجيم راح تنزل 6 كيلو خلال 25 يوم باذن الله






بالتوفيق يا يوسف roooose




ام يوسف // Nutritionist

[بـنـت النـور]

بريئه ولكن


اهلييين والله
الوزن مهم جدآ صحيآ وشكليآ :315r:


مثبت
ولي عوده بعد السفر :d:

[العَـــروب]

^

^

^


هلا وغلا


شكرا على التثبيت
وترجعين بالسلامة rooose2

[عبدالله المهيني]

أختي

بريئهـ ولكنـ ..



الله الله عليكـ ياسلام
فكرة موضوع أكثر من رائعهـ


وزني وطولي وكلي مقبول عند نفسي :315r:

مجرد متابع لهذا الموضوع الرائع



لكـٍ الود أختي

roooose

[العَـــروب]

عبد الله المهيني

ملك الردود الــــــذوق


شكرا على التشجيع




دمت بود rooose2

[ملامح شمري]

طيب انا وزني نازل تحت المعدل بـ خمسة كيلو من كم شهر , ما عندك ريجيم أقدر امشي عليه ..؟

وزني مناسب لطولي اللهم , الا اني يوم حسبت الكتلة و المعدل , طلعت ناقص خمسة كيلو أو سبعة عن أول ..

أمراض : همممممم , بس ضعف المناعة , يعني امرض بسرعة ..

عمري : اكبر منك , وأصغر من عبدالله المهيني ..

الرياضة : كنت سابقًا مشترك بنادي رياضي صحي اما حاليًا لا بس ناوي اجدد اشتراكي متى

ما استقريت إن شاء الله ..

محيط المعصم : والله مدري , ولا ادري كيف احسبه ..

الأصناف : انا من النوع اللي معدته تتكيف مع أي شي , يعني عادي أي شي إلا الباذنجان المقلي

ما ادانيه ..

و شكرًا مقدمًا ام يوسف ..

[ريال الفسحه]

الرابط مايفتح معي

[العَـــروب]

طيب انا وزني نازل تحت المعدل بـ خمسة كيلو من كم شهر , ما عندك ريجيم أقدر امشي عليه ..؟

وزني مناسب لطولي اللهم , الا اني يوم حسبت الكتلة و المعدل , طلعت ناقص خمسة كيلو أو سبعة عن أول ..

أمراض : همممممم , بس ضعف المناعة , يعني امرض بسرعة ..

عمري : اكبر منك , وأصغر من عبدالله المهيني ..

الرياضة : كنت سابقًا مشترك بنادي رياضي صحي اما حاليًا لا بس ناوي اجدد اشتراكي متى

ما استقريت إن شاء الله ..

محيط المعصم : والله مدري , ولا ادري كيف احسبه ..

الأصناف : انا من النوع اللي معدته تتكيف مع أي شي , يعني عادي أي شي إلا الباذنجان المقلي

ما ادانيه ..

و شكرًا مقدمًا ام يوسف ..



اهلا اخوي ملامح
سلامتك ما تشوف شر ان شاء الله
موضوعك سهل ان شاء الله بس ما عطيتني المعلومات المطلوبة كاملة :puzzled:

طولك ووزنك مهمين علشان احسب عدد السعرات اللي يستهلكها جسمك واحدد النظام بناء عليها

عمرك - - < بيني وبين المهيني 6 سنين انت وين بالضبط؟ :3ayyen_khair:


ناطرة الاجابات علشان اسويلك المنيو



حياك الله rooose2

[العَـــروب]

الرابط مايفتح معي




:puzzled:






طيب ما عينت يوسف؟
من حطيت له الريجيم انحاش قاطع المضايف :d:

[العَـــروب]

ملامح شمري


اليوم سالت الدكتور عن حالتك ونقص الوزن وراجعت معاه كل الخطوات اللازمة علشان اسوي لك النظام

راح اطلب منك شي زيادة

ابي تكتب كل شي تاكله خلال الايام الثلاث الجاية (النوع والكمية)

كل يوم بيومه ولا تغفل اي صنف او اي وجبة خفيفة
حط نوتة صغيرة بجيبك وسجّل

ولا تنسى الوزن والطول والعمر :puzzled:




تحياتي

[ملامح شمري]

وزني 65 - 55 <<-- غير ثابت مرات ينزل و مرات يرتفع بس يبقى بين الرقمين , بس ناقص 7 او خمسة كيلو مقارنةًً مع قبل كم شهر ..

بالنسبة للأكل غير ثابت : مرات أفطر , ومرات لا , بس الوجبة الوحيدة اللي ما اتجاهلها وجبة الغداء <- رز و دجاج مع كوب لبن يوميًا ..

و كوب عصير برتقال او فواكه مشكلة صغير كفطور كل صبح , مع حبتين بيض مقلي بزيت ..

العشاء بالعادة أكتفي باكل شي خفيف و انام ( 1 بورغر دجاج و مرات فطيرة لحم متوسطة الحجم )
الغازيات ( بيبسي , كولا ) , أشرب نصف علبة واحدة فقط بالاسبوع أحيانًا , و احيانًا علبة كاملة مرة كل اسبوعين ..
و بالعادة أشرب عصير فراولة طبيعي أو برتقال , بعد صلاة العشاء كل ثلاث أو اربع ايام.

حبة سنكرز بس موب دايم يعني تقريبًا مرة كل اربع أيام ..

اممممم وش بقى ..
إيه صح , من أسبوع بديت أكل , 2 ساندوتش <-(خبز , موب صمون ) شاورما دجاج قبل المغرب مع عصير برتقال..
و مرة أو اثنتين كل عشر أيام صحن بطاطس مقلية من الحجم المتوسط ..
و مرات ما أكل شي باليوم و اكتفي بشرب كوب بودرة بروتين مخلوطة مع حليب كامل الدسم تحتوي على 2000 سعرة حرارية
هذا تقربيًا نظامي الغذائي من شهرين و ما أعتقد انه راح يتغير خلال الثلاث ايام القادمة ..
بالنسبة للنظام اللي بتعدينه لي , خليه شي سهل و اقدر اسويه بنفسي و اهم شي يحتوي على بروتين لأن أغلب عملي يعتمد على المجهود الذهني ..

على فكرة , انا من الصنف اللي ما يكسب وزن بسرعة إن زادت كمية الدسم بوجباتي ..

, و ترى ساعات نومي اربع او خمس ساعات يوميًا
اقوم بالعادة قبل الفجر تقريبًا الساعة اربع او خمس و أنام الساعة 12 بالليل أو وحدة ..
الظهر مرات أغفو نص ساعة و مرات لا ..
مدري هالمعلومات كافيه أم لا ..

وبسجلك كل اللي أكله و بجيب لك النوتة يوم السبت إن شاء الله ..

و ما قصرتي ام يوسف ..

[ريم شمر]

^
^
الهيكل العظمي هذا يبي له مشروع تسمين :a:


.
.
موضوعك جدا جميل وقيم يام يوسف

بالنسبه لي ولله الحمد كل شي تمام

ودائما اقول لنفسي ولغيري ان تنظيم الطعام وتنفيذ وصية الرسول صلى الله عليه وسلم

نحن قوم لانأكل حتى نجوع واذا اكلنا لانشبع افضل ريجيم ممكن نمشي عليه ..

والحركه مهمه جدا حتى لو مشى خفيف يوميا يكفي ...



تسلمين يالغاليه والله يخلي لك يوسف roooose

[العَـــروب]

ملامح

عطيتني فكرة ممتازة عن نظامك وان شاء الله انها كافية
بس المشكلة لازالت قائمة مع الوزن والطول
انصحك بالتوجه لاقرب صيدلية او عيادة وتاكد من وزنك وطولك
واضح جدا سبب نقص الوزن عندك – اكلك اقل من المعدل الطبيعي بالنسبة لطولك وسنك خصوصا ان تمر ايام ما تاكل خلالها شي


/


و مرات ما أكل شيباليوم و اكتفي بشرب كوب بودرة بروتين مخلوطة مع حليب كامل الدسم تحتوي على2000سعرة حرارية

/


ليش؟؟؟؟؟
اكبر خطا


باسوي لك نظام مريح ومناسب لك و flexible بالاضافة لقواعد وامور بسيطة لازم تلتزم فيها

بالنسبة للثلاث ايام – مافي داعي الحين – عندي فكرة كافية عن وجباتك اليومية
ما بقا غير الطول والوزن – ما اقدر ابدا الا اذا جبتهم

والنادي الرياضي لا تجدد الاشتراك فيه :puzzled: – على الاقل مو هالفترة



بانتظارك rooose2

[العَـــروب]

ريم شمر


الهيكل العظمي راح يتلبس شحم ولحم ان شاء الله بس اصبري عليه :d:

شكرا على الاطراء والاضافة – كلام سليم جدا

تسلمين حبيبتي كلج ذوق rooose2


نورتي

[ملامح شمري]

^




^

الهيكل العظمي هذا يبي له مشروع تسمين :a:




تأخرتي :3ayyen_khair:


مناقصة مشروع التسمين رست على ام يوسف , و بوقع معاها العقد عن قريب ..


وإذا نظامها جاب نتيجة معاي , بشاركها و افتح معاها عيادة تغذية خاصة بالمضيف الاسري ..


بس لازم نقنع بنت النور , تأجر علينا مساحتها بسعر مناسب و ما تاخذ علينا ضرائب .


ولك عمولة $ إن اقنعتيها 15 % من الأرباح وتنزل نسبة عمولتك كل ثلاث شهور بواقع 3 %


هاه وش قلتي ؟ :puzzled:




و ترى إن جددت إشتراكي بالنادي ما بمارس الا التمارين السويدية للياقة ساعة يوميًا


و رفع أثقال خفيفة للمحافظة على مظهري , مرتين بالاسبوع ..


وش اللي يمنع تجديد اشتراكي الحين ..؟

[العَـــروب]

و ترى إن جددت إشتراكي بالنادي ما بمارس الا التمارين السويدية للياقة ساعة يوميًا


و رفع أثقال خفيفة للمحافظة على مظهري , مرتين بالاسبوع ..


وش اللي يمنع تجديد اشتراكي الحين ..؟
[/center]


الحين احنا بمرحلة زيادة وزنك - الرياضة ما راح تساعدك - اذا وصل وزنك للحد الطبيعي وتعودت معدتك على النظام الجديد تقدر تمارس الرياضة مثل ما تحب
بس المهم انّا نطلعك من دائرة الـ Underweight

جاري عمل نظام غني بالبروتين مثل ما طلبت :thumb:


ما قلت جم أجار المساحة؟ :puzzled:

[ملامح شمري]

^
|

لا تكثرين الأصناف فيه , وابي النظام يكون أسبوعي أو 14 يوم موب أكثر ..

والاجار بنعرفه اذا جت بنت النور و وافقت , و خلي النظام يجيب نتيجة معاي بالاول .

أنتظرك ..

[العَـــروب]

^

^

^


انطرني شوي بس
عندي امتحان تيك هوم :449r:
ابي اكون رايقة وانا اسويلك اياه :thumb:

[بالمختصر..]

<< غشاشه أطلعي برا :d:


أقول بريئه رجعت تأكدت من وزني و طولي .. يبي لي أزيد 5 كيلو بس :qannaj:

سوي لي نظام ..


أقولتس أكلي بالتفصيل ..


الفطور /

يختلف إذا كنت أروح للكليه أول ماأقوم من النوم الساعه 7 أشرب عصير وبعده بشوي كوب ماء أو أكثر << تبي تنحف :)

والساعه 9 ( وقت الـ break ) آكل فطيرة جبن و فطيرة بيتزا مع عصير ( أي عصير ماعدا المانغو ) و كاكاو ( على حسب المزاج )


أما إذا إجازه أكل لبنه مع زيت الزيتون و زيتون أسود أو كرواسان ( لوزين ) أي نوع جبن , زعتر , كاكاو

وألا كيت كات و تويكس وهالخرابيط .. و أحياناً أكتفي بـ 7 تمرات << مزاجيه


الغدا /

كبسه طبعاً ( كبسة دجاج , إذا كان الغدا كبسة لحم أو سمك أنام بدون غدا :puzzled: )


العشا /

متنوع .. بس أميل لأكل الخضروات و المكرونه ..



نادراً ماأكل بين الوجبات ..!!

ماأشرب مشروبات غازيه ولا شيبس ..

أكــرررره لحم الغنم و السمك و البيض و منتجات الألبان ( ماعدا الجبن و اللبنه ) ..

عموماً أكلي خفيف و قليل .. يعني أشبع بسرعه ..




.
.

[العَـــروب]

باك مع النظام: :thumb:

ملامح شمري

عدد السعرات اللي تحتاجها يوميا هي 2300 كالوري تقريبا

النظام اللي عطيتني اياه حسبت له عدد الكالوريز طلع حوالي 2600 كالوري

اذا كان وصفك مضبوط لوجباتك فالمفروض ان وزنك يزيد ما يقل لانك تستهلك 300 كالوري اكثر من حاجتك

بس اتوقّع ان الوجبات اللي ذكرتها ما تكملها
ممكن تخلّي شي بالوجبة ما تاكله + الرياضة ( ساعة باليوم آيروبكس + 3 مرات اسبوعيا اثقال) + الايام اللي ما تاكل فيها شي اصلا \ او انّ في خطا بالطول او الوزن اللي عطيتني اياهم

هذي الاسباب اللي اتوقّع انها ادّت لنقص وزنك

لاحظت ايضا ان نسبة الدهون بوجباتك عالية
والخضار والحليب تقريبا زيرو :puzzled:


الحين النظام يا طويل العمر يحتوي على 3000 كالوري تقريبا
نسبة البروتين فيه 17.7% وهي نسبة جيدة
اذا التزمت بالنظام بالضبط راح تزيد كيلو واحد كل اسبوع باذن الله
ما غيّرت كثير بنظامك الاصلي - مجرّد اني زدت وغيرت بعض الاصناف بالاضافة لبعض الملاحظات المتناثرة - علشان ما تستثقل المنيو وما يكون تغيير مفاجيء

الفطور:

2 بيض مقلي
خبز ( واحد ونصف)
كوب حليب خالي الدسم
حبة واحدة من الخضار (او اكثر اذا ترغب) من اي نوع تحبه (طماط - خيار .... الخ)


الغداء:

كوبين ونص من الارز (الكوب هو مقدار علبة الروب او الزبادي)
قطعتين من الدجاج - كل قطعة بحجم اصابع ايدك (ما عدا الابهام) مجتمعة
كوب لبن
كوب سلطة ( اي نوع تحبه من الخضار ما تفرق)


وجبة قبل المغرب:

2 شاورما دجاج بخبز ( بس اطلبها بدون طحينة - لانّ نسبة الدهون عالية ولازم نخففها)
كوب عصير برتقال


Snak:

كوب حليب خالي الدسم


العشاء:

كوب عصير برتقال
برغر دجاج (بدون مايو)
ابدا بكوب سلطة - او ممكن تزيد كمية الطماطم والخس بالساندويش + نصف حبة من الخضار


Snak 2:

كوب حليب خالي الدسم




طبعا ما حسبت السنيكر والشبس
هذي تعتبر زيادة ( يعني زيادة الخير خيرين :315r:)

وانصحك قبل الفطور (يعني على الريق) تاكل 10 حبات جوز
الجوز ممتاز جدا لتصفية الذهن وتقوية الذاكرة :thumb:


لا تطوف اي وجبة من الوجبات
اذا في اي صنف مو عاجبك او تبي تغيره
او اذا بتزيد صنف للمنيو قول لي وانا اغيره
لا تغير شي من نفسك


بالنسبة للرياضة ممكن تمارس رفع الاثقال 3 مرات اسبوعيا اما الايروبكس فلازم توقفها خلال مدة النظام واللي هي اسبوعين وبعدها نبدا بزيادة جديدة لعدد السعرات



وسامحني على التاخير



بالتوفيق rooose2

[العَـــروب]

بالمختصر

هذا مو غش - هذا تشارك معلومات :d:

ارحبي حياج الله
اسوي لج النظام من عيوني المركبة تامريني امر
بس احتاج الوزن والطول - ما اقدر اسوي النظام من غيرهم :3ayyen_khair:



rooose2 Waiting

[العَـــروب]

عدد السعرات اللي تحتاجها يوميا هي 2300 كالوري تقريبا

النظام اللي عطيتني اياه حسبت له عدد الكالوريز طلع حوالي 2600 كالوري

اذا كان وصفك مضبوط لوجباتك فالمفروض ان وزنك يزيد ما يقل لانك تستهلك 300 كالوري اكثر من حاجتك

بس اتوقّع ان الوجبات اللي ذكرتها ما تكملها
ممكن تخلّي شي بالوجبة ما تاكله + الرياضة ( ساعة باليوم آيروبكس + 3 مرات اسبوعيا اثقال) + الايام اللي ما تاكل فيها شي اصلا \ او انّ في خطا بالطول او الوزن اللي عطيتني اياهم

هذي الاسباب اللي اتوقّع انها ادّت لنقص وزنك





نسيت شي مهم

يمكن يكون جسمك اصلا عريض (اقصد العظام) <<< يبين من محيط المعصم
هذا تفسير منطقي للتناقض بالارقام
بهالحالة تكون حاجتك اليومية 2550 كالوري تقريبا مو 2300
بالاضافة للاسباب اللي ذكرتها بالمشاركة السابقة - وزنك بينزل اكيد

النظام اللي عطيتك اياه استمر عليه لمدة عشر ايام فقط
بعدها ازيد عدد السعرات




وترى الدكتور ما غششني :315r:

[ملامح شمري]

باك مع النظام: :thumb:


ملامح شمري


عدد السعرات اللي تحتاجها يوميا هي 2300 كالوري تقريبا


النظام اللي عطيتني اياه حسبت له عدد الكالوريز طلع حوالي 2600 كالوري


اذا كان وصفك مضبوط لوجباتك فالمفروض ان وزنك يزيد ما يقل لانك تستهلك 300 كالوري اكثر من حاجتك


بس اتوقّع ان الوجبات اللي ذكرتها ما تكملها
ممكن تخلّي شي بالوجبة ما تاكله + الرياضة ( ساعة باليوم آيروبكس + 3 مرات اسبوعيا اثقال) + الايام اللي ما تاكل فيها شي اصلا \ او انّ في خطا بالطول او الوزن اللي عطيتني اياهم


هذي الاسباب اللي اتوقّع انها ادّت لنقص وزنك


لاحظت ايضا ان نسبة الدهون بوجباتك عالية
والخضار والحليب تقريبا زيرو :puzzled:



الحين النظام يا طويل العمر يحتوي على 3000 كالوري تقريبا
نسبة البروتين فيه 17.7% وهي نسبة جيدة
اذا التزمت بالنظام بالضبط راح تزيد كيلو واحد كل اسبوع باذن الله
ما غيّرت كثير بنظامك الاصلي - مجرّد اني زدت وغيرت بعض الاصناف بالاضافة لبعض الملاحظات المتناثرة - علشان ما تستثقل المنيو وما يكون تغيير مفاجيء


الفطور:


2 بيض مقلي
خبز ( واحد ونصف)
كوب حليب خالي الدسم
حبة واحدة من الخضار (او اكثر اذا ترغب) من اي نوع تحبه (طماط - خيار .... الخ)



الغداء:


كوبين ونص من الارز (الكوب هو مقدار علبة الروب او الزبادي)
قطعتين من الدجاج - كل قطعة بحجم اصابع ايدك (ما عدا الابهام) مجتمعة
كوب لبن
كوب سلطة ( اي نوع تحبه من الخضار ما تفرق)



وجبة قبل المغرب:


2 شاورما دجاج بخبز ( بس اطلبها بدون طحينة - لانّ نسبة الدهون عالية ولازم نخففها)
كوب عصير برتقال



Snak:


كوب حليب خالي الدسم



العشاء:


كوب عصير برتقال
برغر دجاج (بدون مايو)
ابدا بكوب سلطة - او ممكن تزيد كمية الطماطم والخس بالساندويش + نصف حبة من الخضار



Snak 2:


كوب حليب خالي الدسم





طبعا ما حسبت السنيكر والشبس
هذي تعتبر زيادة ( يعني زيادة الخير خيرين :315r:)


وانصحك قبل الفطور (يعني على الريق) تاكل 10 حبات جوز
الجوز ممتاز جدا لتصفية الذهن وتقوية الذاكرة :thumb:



لا تطوف اي وجبة من الوجبات
اذا في اي صنف مو عاجبك او تبي تغيره
او اذا بتزيد صنف للمنيو قول لي وانا اغيره
لا تغير شي من نفسك



بالنسبة للرياضة ممكن تمارس رفع الاثقال 3 مرات اسبوعيا اما الايروبكس فلازم توقفها خلال مدة النظام واللي هي اسبوعين وبعدها نبدا بزيادة جديدة لعدد السعرات




وسامحني على التاخير




بالتوفيق rooose2





الفطور زين , والغدا بعد زين مثله و مناسب .


وجبة قبل المغرب دايم اقوله يكثر الطحنية و ما يحط كتشب او شطة .


اما السناك , من جدك انتي حليب بس.. ! :a:


او قصدك حليب + سنيكرز او تشيبس.. ؟ :puzzled:



الجوز , على الصبح صعب و ما يصلح ..


ما عندك حاجة غيره ..؟







المشاركة الأصلية كتبت بواسطة بريئهـ ولكنـ .. http://www.shmmr.net/vb/images/aja/buttons/viewpost.gif (http://www.shmmr.net/vb/showthread.php?p=587962#post587962)




عدد السعرات اللي تحتاجها يوميا هي 2300 كالوري تقريبا


النظام اللي عطيتني اياه حسبت له عدد الكالوريز طلع حوالي 2600 كالوري


اذا كان وصفك مضبوط لوجباتك فالمفروض ان وزنك يزيد ما يقل لانك تستهلك 300 كالوري اكثر من حاجتك


بس اتوقّع ان الوجبات اللي ذكرتها ما تكملها
ممكن تخلّي شي بالوجبة ما تاكله + الرياضة ( ساعة باليوم آيروبكس + 3 مرات اسبوعيا اثقال) + الايام اللي ما تاكل فيها شي اصلا \ او انّ في خطا بالطول او الوزن اللي عطيتني اياهم


هذي الاسباب اللي اتوقّع انها ادّت لنقص وزنك




نسيت شي مهم


يمكن يكون جسمك اصلا عريض (اقصد العظام) <<< يبين من محيط المعصم
هذا تفسير منطقي للتناقض بالارقام
بهالحالة تكون حاجتك اليومية 2550 كالوري تقريبا مو 2300
بالاضافة للاسباب اللي ذكرتها بالمشاركة السابقة - وزنك بينزل اكيد


النظام اللي عطيتك اياه استمر عليه لمدة عشر ايام فقط
بعدها ازيد عدد السعرات





وترى الدكتور ما غششني :315r:





لا العظام عادية ميب عريضة ..


و الطول و الوزن صحيح ..


لكن ما انهي اغلب الوجبات اللي اكلها , واحيانًا اكتفي بوجبة الغدا و وجبة بعد المغرب و ما اكل شي بعدها لين انام ..


واحرق اغلب السعرات اللي اكتسبها باليوم بمجهود بدني , امشي , اصعد سلم و ما استخدم


الاسانسير او المصعد .. و حاجات زي كذا ..


و اكثر من شرب المنبهات اذا كان عندي عمل او مشروع يتطلب استخدام الكومبيوتر , منبهات


زي شاي ليبتون , قهوة إيطالية و احيانًا فرنسية ..


والله يستر لا يودينا الدكتور اللي غششك بداهية :puzzled:

[العَـــروب]

وجبة قبل المغرب دايم اقوله يكثر الطحنية و ما يحط كتشب او شطة



نسبة الدهون عالية ما تتحمل زيادة كانت 36% وقللتها الى 31%
اذا بتضيف الطحينة لازم تقلل نسبة الدهون بوجباتك الثانية
البيض يكون مقلي بزيت الزيتون <<< مع ان طعمه يصير مو شي :puzzled:
والبرجر يكون مشوي مو مقلي




اما السناك , من جدك انتي حليب بس.. ! :a:


او قصدك حليب + سنيكرز او تشيبس.. ؟ :puzzled:


الاخ شرهان على السنيكرز :3ajeeb:
اذا كملت وجباتك كلها ممكن تضيف السنيكرز للسناك الاخيرة
لان اذا كليته قبل ممكن يسد نفسك عن العشا

والشبس ممكن تاكله بس مو كل يوم وبشرط انك تكمل كل وجباتك بعدين تزيد على راحتك

الدهون بتضرب عندك يا شيخ :7ayyoh:





الجوز , على الصبح صعب و ما يصلح ..


ما عندك حاجة غيره ..؟



في غيره
بس ما في احسن منه :thumb:

ممكن تبدا بثلاث حبات يوميا وتزيد تدريجيا

اذا كلش ما تحبه استبدله بـ 10 حبات كشمش منقوع بالماي






لكن ما انهي اغلب الوجبات اللي اكلها , واحيانًا اكتفي بوجبة الغدا و وجبة بعد المغرب و ما اكل شي بعدها لين انام ..




واحرق اغلب السعرات اللي اكتسبها باليوم بمجهود بدني , امشي , اصعد سلم و ما استخدم




الاسانسير او المصعد .. و حاجات زي كذا ..






ليش ما قلت لي من زمان دخت وافتر راسي وانا اطقطق بالآلة عبالي الارقام غلط :148r:






والله يستر لا يودينا الدكتور اللي غششك بداهية :puzzled:




هههههههههههههههه
لا تخليني اسويها صج واخربط بالنظام واوديك بداهية :solh:



المهم ..
اذا محتاج اي تغيير قول لي

والمفروض ان وزنك يزيد الاسبوع الجاي باذن الله بين 1 و 2 كيلو

تعال بشرني




دعواتك rooose2

[المطنوخ]

ودي اشارك بس اخاف من الشماته :za3lan:

[العَـــروب]

^
^
^
^


الرابط مايفتح معي



الدنيا أمان :d:

[هند القاضي]

ما شاء الله عليج موضوعج روعه يعطيج العافيه حبيبتي rooose2
بصراحه أحس شكلي مناسب ولله الحمد بس ما يمنع نأخذ نظام غذائي
وخصوصاً :wallah_hoo:الدوخه عامله فيني عمايل

طولي 164
وزني سابقاً 61 حالياً 54 :za3lan:

الفطور /

أول ما أقعد من النوم لو المغرب أسمي الوجبه الفطور أشرب عصير أو أكل بسكويت معا شاي أو شابور


أكتفي بالوجبه لحد ما أحس بالجوع يعني نظامي مخربط مافي وجبه بوقتها وإذا تسنعت بيوم فـ الشهر

وأفطرت مثل العالم والناس :315r:

الصباح ..أكلت نفس وجبتي السابقه بـ الإضافه لـ توست مع جبن وزيتون و اللزم منو ^_^

الغداء /

الغداء الرز ما أشتهيه بتاتاً البته أكل سلطه معا زبادي أو كوب لبن

العشاء /

شي خفيف مثل بسكوت ومرات كثيره أكتفي كوب عصير واحياناً كثيره أنام خفيفه

ونادراً ماأكل بين الوجبات وإذا أكلت يعني قطعه أو قطعتين من المعجنات ..!!

ماأشرب مشروبات غازيه ولا شيبس ..

roooose

[بالمختصر..]

‏^‏
‏^‏


أجل تعالي صفي بجنبي :)


أنا إلى الآن مو متأكده من طولي !!

قبل 3 سنين كان 163 بس شككتني أختي تقول هي طولها 158 وحنا مابينا فرق بالطول

شكلها ملخبطه أختي ..

والله فرت مخي سالفة الطول .. لأني كنت ماأهتم له ..!!

بريئه / أصبري لين أروح للعياده وأتأكد لك من الوزن والطول والزي منو ..

لأن لي فتره ماوزنت ..!!



لي عوده ..




.
.

[المطنوخ]

بريئه

طيب واحد يموت بالاكل وغرامه شكل الاكل

يعني حطي لي حلتيته بس بشكل ذرب انتف الصحن نتف:)

وغرامي البيبسي واخوته كلهم وعلى الطاري تروهم يسلمون عليكم ويقولون الله يالدنيا عقب ماكنتم تندغون منا وانتم وغدان الحين تشيمتو علينا:)

وبصراحه انا بديت انفرش طولي 184 ووزني مادري والله لكن مهنا بطن

بس احساسي اني تقل بديت اخطي اولى خطواتي الى عالم الكروش بسبة الاكل والبيبسي

زبدة الحتسي هل فيه نوع من الادويه تنصحين فيها تمنع الشهيه؟

وحطي ببالتس اني والرياضه مابيننا خوة ابد :)

يعني لاتقعدين تقولين لي امش وما امش




المعذب من الكويت:
ط . ن

[هند القاضي]

< هاه صفت صوبج :d:

بالمختصر في حد مايهتم لوزنه وطوله

:za3lan:

[بالمختصر..]

‏^‏
‏^‏


وااااثقه :)




.
.

[هند القاضي]

8
8

أكيد :315r:

[العَـــروب]

على عيوني النوم وكل رد يبي له رد اطول
باجر الصبح ان شاء الله ارجع :d:

[العَـــروب]

اسم الله عليكم شفيكم يا بنات :a:

هذي عين المطنوخ الله يكافينا الشر :puzzled:

[بالمختصر..]

مافينا شي :) نامي لاتشيلين هم ..

هند تموون ماأزعل عليه وربي


بس أنا خليني بآخر القائمه لين أشيك على وزني و طولي ok




.
.

[هند القاضي]

8
8


roooose

[العَـــروب]

ابي الكميات يا بنات بليز :3ayyen_khair:

توست مع جبن <<< جم شريحة توست؟ اي نوع من الجبن؟
ككاو <<< اي نوع وشكثر؟؟
وهكذا..

لاني عانيت مع الاخ ملامح :za3lan:


Waiting rooose2

[العَـــروب]

بريئه

طيب واحد يموت بالاكل وغرامه شكل الاكل

يعني حطي لي حلتيته بس بشكل ذرب انتف الصحن نتف:)

وغرامي البيبسي واخوته كلهم وعلى الطاري تروهم يسلمون عليكم ويقولون الله يالدنيا عقب ماكنتم تندغون منا وانتم وغدان الحين تشيمتو علينا:)

وبصراحه انا بديت انفرش طولي 184 ووزني مادري والله لكن مهنا بطن

بس احساسي اني تقل بديت اخطي اولى خطواتي الى عالم الكروش بسبة الاكل والبيبسي

زبدة الحتسي هل فيه نوع من الادويه تنصحين فيها تمنع الشهيه؟

وحطي ببالتس اني والرياضه مابيننا خوة ابد :)

يعني لاتقعدين تقولين لي امش وما امش




المعذب من الكويت:
ط . ن





ط . ن


تبي تاكل

وتبي تشرب البيبسي وخواته

وانت والرياضة ما بينكم خوة



اجل ما ينفع فيك الا الشفط :d:



















بس جد والله اذا تفكر بالادوية ما انصحك ابدا ابدا ابدا

في ادوية تسد الشهية مثل Redictal
بس تسبب اكتئاب شديد وتأثر على الجهاز العصبي

يعني اذا كليتها ممكن تستخف :315r:


اذا صار عندك ارادة وبتسوي ريجيم قبل ما تطيش تعال وانا اساعدك من عيوني :thumb:





دمت بود rooose2

[المطنوخ]

^
^
^
واشيب عيني
الواحد الا يتعزر :(


طيب يا ام يوسف هالدواء تعرفينه؟

http://yanboupharmacy.com/store/images/print_image43.jpg

Chito-Lean 60 Capsules by 21st Century

PRODUCT DETAILS:

Chito-Lean™ - 60 Capsules (verticle box)
Chito-Lean™ contains Chitosan — the all-natural fat blocker from the Sea

Quantity:
60 Capsules

Description:
21st Century’s Chito-Lean™ contains purified Chitosan which blocks saturated fats from entering the bloodstream so you can enjoy your favorite foods with less fat absorption. The positively-charged Chitosan works like a fat magnet, attracting the negatively-charged fatty acids and bile acids, thus blocking fat absorption and reducing harmful LDL cholesterol. Lose weight and eat the foods you enjoy with Chito-Lean™.*

Instructions:
Store at room temperature. Keep out of reach of children. Do not use if product appears to be tampered with.

For Your Health:
No Sugar, Salt, Yeast, Preservatives or Artificial Flavors. No Ephedra, Ma-Huang, or Caffeine. Unconditionally guaranteed for purity, freshness and label potency.

Suggested Use:
As a dietary supplement, take up to three (3) capsules with an 8 oz. glass of water 30 minutes before meals, or as directed by a medical practitioner. Not to exceed twelve (12) capsules in a 24 hour period.






وشهو من لحية ؟؟
تنصحين فيه؟
يقول كل حبه قبل نص ساعه من الاكل وعقب اندغ من هالانعام الين يطلع من عيونك
مامن شحوم

[العَـــروب]

^
^
^


لا يحوشك

هذا كرمك الله ينزل الدهون ما يخليها تنهضم
وتتركز الدهون بالامعاء وتسبب سرطان الامعاء

هذا غير انه ما يفيد اصلا
ما يسوى عليك تتعذب وتتبهدل على كيلو واحد بس بالشهر
وعلى فكرة ترة حتى هالدوا لازم تتبع معاه نوع من الريجيم وتمارس الرياضة نص ساعة يوميا - يعني ما سويت شي

وبعدين حتى ماركة الدوا اللي جايبه 21st Century خرطي مالها شغل بادوية الريجيم هذي حق فيتامينات
في دوا اقوى اسمه زينيكال هذا معروف بس خطير



مالك الا الريجيم :thumb:

[ملامح شمري]

لاني عانيت مع الاخ ملامح :za3lan:






هلا :d:


اسم جديد اضيفه لقائمتي <-- اللي عانن بسببي :)


الاولى امي يوم كنت صغير :tongue:


بجد عاد عندي سؤال ام يوسف :puzzled:


كيف اعرف عدد السعرات الحرارية باي اكلة :wallah_hoo:


و ترى بدلت السنيكرز بـ 2 تويكس ابو اصبعين من يومين , و اكله يوميًا :)

[العَـــروب]

^
^
^


هههههههههه


تبي تعرف السعرات بكل اكله؟

جواب سؤالك = 3 كورسات Nutrition :puzzled:




انواع الككاو والمنتجات الاجنبية معظمها يكتبون على غلافها عدد السعرات

ممكن يقول لك 125 كالوري للـ 25 جرام
بس الككاو وزنه 50 جرام :thumb:

فتضرب الـ 125 بـ 2 ويكون 250 كالوري


هذا مثال طبعا

اما الاكلات المركبة (كبسة - لازانيا - بيتزا .... الخ) فنرجعها لمكوناتها الاصلية ونحسب الكميات ونحولها الى Exchanges ومنها الى الطاقة ( الكالوريز )


هذا شرح بسيط واذا في اكلة حاب تعرف عدد سعراتها قول لي احولها لك rooose2

[ملامح شمري]

^
|

تويكس ابو اصبعين كم فيه سعره حرارية ؟ :puzzled:

موب مكتوب عليه شي , بس حاطين وزنه بالغرام :a:

[العَـــروب]

^
^
^

بلى اكيد كاتبين :puzzled:
الحين ما عندي تويكس باجر اجيك واقول لك :d:

[هند القاضي]

توست من قطعه إلى 3 مو أكثر

الكاكاو مو مره ممكن حبه في الأسبوع لكن الحلى ممكن أكل منه إذا سويته قطعه أو قطعتين معا قهوه زعفران وهيل :315r:


طبعاً بـ الإسبوع إذا مو أكثر ..



نسيت أقولج شغله ما أشرب من الغازيات إلا شاني غرامي شي إسمه شاني :jockey:

[العَـــروب]

^
^
^
^



جاري العمل اختي هند :thumb:

[هند القاضي]

8
8


لا عدمناج roooose

[يـــوسف]

أم يوسف :puzzled:





مسوين لك شي أنا ... ضاربن ولدك ولا شي :puzzled:


تبي تذبحيني يا أم يوسف ... :)



أم يوسف ماعليش تأخرت نسيت انك تبي تسوين لي رجيم توي انتبهت :za3lan:



من بكرا ان شاء الله ابمشي عليه :thumb:


يعطيك العافيه وعساك على القوه لاهنتي :thumb:





نصيحه لبعض ناس ... حرام يشترون سراير المفروض ينامون بمقلمه ولا بعلبة هندسه وتخب عليهم :)

[العَـــروب]

^
^
^


عبالي مت :puzzled:


الحمد لله على السلامة :d:

[ملامح شمري]

^
^
^

بلى اكيد كاتبين :puzzled:
الحين ما عندي تويكس باجر اجيك واقول لك :d:


ترى توكسنا حنا يالسعوديين 58 غرام :)

, مدري عن توكسكم هو زي حقنا او لا :tongue:

قلّبت غلافه يمين يسار موب مكتوب عليه شي غير الوزن :a:

تبيني اقولك مكوناته وش هي بعد ..؟ :puzzled:

تجين بكرى , بعده , خوذي راحتك .. roooose

و ماقصرتي ام يوسف ..

[المطنوخ]

^
^
^
شحمان :solh:

<--وش انت :d:

[العَـــروب]

توكسنا نفس توكسكم <<< قولها عشر مرات :315r:

بس توكسنا كاتبين عليه السعرات :thumb:


تويكس اصبعين = 286 كالوري

وهذي انواع ثانية يمكن تغير النوع

جالاكسي سادة = 261

باونتي = 268

كيت كات (اربع اصابع) = 233

مارس = 246



بس انت الحين ماشي على الريجيم؟
تاكل كل وجباتك؟
تشرب حليب بالليل والا تطنش؟ :puzzled:

تكفى التزم ابي احس انا طلعنا بنتيجة :wallah_hoo:

[العَـــروب]

اختي هند

هذا تلخيص لوجباتج حسب ما فهمت

عصير
شاي
بسكوت


عصير
شاي
بسكوت
خبز
زيتون
جبن


زبادي مع سلطة
أو كوب لبن


بسكوت او عصير


هل اللي كتبته صح؟

طيب الغدا والعشا لازم اضيف انواع اكل حقيقي مو اكل طيور :d:
شنو تحبين اضيف اصناف؟
تكون انواع ممكن تاكلينها وسهل انج تسوينها ما تتعبج

ولازم اضيف لحوم
دجاج - لحم - سمك؟؟

تحبين على الغدا؟؟

طيب تحبين المورتاديلا على الريوق؟؟


Waiting rooose2

[العَـــروب]

بالمختصر


نفس السؤال :wallah_hoo:


عطيني اصناف تحبينها وممكن اضيفها للمنيو rooose2

[هند القاضي]

اختي هند

هذا تلخيص لوجباتج حسب ما فهمت

عصير
شاي
بسكوت


عصير
شاي
بسكوت
خبز
زيتون
جبن


زبادي مع سلطة
أو كوب لبن


بسكوت او عصير


هل اللي كتبته صح؟

طيب الغدا والعشا لازم اضيف انواع اكل حقيقي مو اكل طيور :d:
شنو تحبين اضيف اصناف؟
تكون انواع ممكن تاكلينها وسهل انج تسوينها ما تتعبج


عليح نور جذي وجباتي :d:


بصراحه الي أكله قلته لج ضيفي الي تشوفيه مناسب :za3lan:

[العَـــروب]

زدت سؤال عن اللحوم ما شفتيه بعد التعديل :wallah_hoo:

[أبوطروق]

ماشالله تبارك الله

جهد كبير ومثمر من ام يوسف الله يعطيها العافية ويجزاها خير

:

[هند القاضي]

لا والله ماحبها المورتاديلا :3ayyen_khair:


ضيفي دجاج أوكي :d:

[العَـــروب]

ابو طروق

الله يعافيك ويخليك
اجمعين ان شاء الله

شكرا على المرور والتشجيع rooose2

[العَـــروب]

هند القاضي

الـ BMI عندج = 20.7

نسبة زينة ما تحتاجين تزيدين وزنج

انتي محتاجة نظام يثبت وزنج علشان ما تضعفين اكثر

ويكون متنوع علشان الدوخة اللي عندج ترى سببها قلة التنوع ونقص ببعض المواد


لي باك مع النظام rooose2

[هند القاضي]

هند القاضي

الـ BMI عندج = 20.7

نسبة زينة ما تحتاجين تزيدين وزنج

انتي محتاجة نظام يثبت وزنج علشان ما تضعفين اكثر

ويكون متنوع علشان الدوخة اللي عندج ترى سببها قلة التنوع ونقص ببعض المواد


لي باك مع النظام rooose2






أي والله مابي اضعف ولا أسمن :qannaj:
أوكي حبيبتي ومشكوره تعبناج roooose

[رمح الشمال]

:315r:


ابوتس يالفضايح. . بس . . بالطقاق عادي :puzzled:


اولا يعطيتس العافيه ويخلي يوسف لتس ولا مانع من ابوه بعد :)



سجلي يالغاليه عندتس . .



الطول بالضبط 158 سم :d:

الوزن 42 :solh:


المعصم ما تفرقينوه من اصبعي :)


يعني ماحولتس احد . .


احب اكل كل شي !!! بس مشكلتي غير منظمه !!!



اقدر النوم اكثر من الأكل !!!


ما اكل لين اموت . . وان كليت لفيت الأولي والتالي :)


مشكلتي ما امشي على نظام وان مشيت يوم اترك عشر !!!


ايه بعد عصبيه يقولون هذا اللي يطير النعمه :puzzled: !!

اتمنى ان ارى الشدوق بوجهي !!!:)


وعندي سؤال ايضا !! هل المكملات الغذائيه ضروريه


بحالتي !!


ولا أطق راسي بالطوفه :3ajeeb:


ممنونه لكِ مقدما يا ام يوسف . .

[ملامح شمري]

توكسنا نفس توكسكم <<< قولها عشر مرات :315r:





بس توكسنا كاتبين عليه السعرات :thumb:



تويكس اصبعين = 286 كالوري


وهذي انواع ثانية يمكن تغير النوع


جالاكسي سادة = 261


باونتي = 268


كيت كات (اربع اصابع) = 233


مارس = 246




بس انت الحين ماشي على الريجيم؟
تاكل كل وجباتك؟
تشرب حليب بالليل والا تطنش؟ :puzzled:


تكفى التزم ابي احس انا طلعنا بنتيجة :wallah_hoo:






لسه ما بديت و الله .. :ezpi_blus


جالس ارتب وضع و طريقة أكلي و ببدا يوم السبت ان شاء الله ..


أما اني التزم حرفيًا 100 % :)


من سابع المستحيلات :tongue:


بس بحاول و بضيف على السناك شريحتين توست مع مربى فراولة ..


ترى من يومين صرت أجوع بسرعة , بعد ساعة بعد الاكل أحس اني ما أكلت شي , و بقسم نظامك على 5 أو 4 فترات باليوم ..


توكسنا نفس توككسم <- بعد الضرب بـ 10 هذا اللي نطقتة :)


تشكرات ام يوسف .. roooose

[يـــوسف]

أم يوسف تسبدي عورتن :wallah_hoo:


سويت اللي قلتي عليه يادختوره :thumb:


بس اليوم الحق حق مابي اتسذب عليك خربته بالغداء :qannaj:

للمعلوميه ياام يوسف تري غصبن عني والله ...

هل هالشي يخرب النظام يعني لازم ابدا من جديد :za3lan:

[العَـــروب]

ما شاء الله اللهم زيد وبارك :d:

هند الله يعافيج حبيبتي وما من تعب يالغالية تعبكم راحة rooose2

ما ابي الا دعواتكم لي وليوسف ولابو يوسف بعد :315r:

[العَـــروب]

:315r:


ابوتس يالفضايح. . بس . . بالطقاق عادي :puzzled:


كلن لاهي بعمره محد داري لا تخافين :3ayyen_khair:



اولا يعطيتس العافيه ويخلي يوسف لتس ولا مانع من ابوه بعد :)


الله يعافيج حبيبتي ويسلمج فديتج :ezpi_blus




سجلي يالغاليه عندتس . .



الطول بالضبط 158 سم :d:

الوزن 42 :solh:


16.8 :puzzled:
انتي شلون عايشة للحين :3ajeeb:




المعصم ما تفرقينوه من اصبعي :)


يعني ماحولتس احد . .


احب اكل كل شي !!! بس مشكلتي غير منظمه !!!



اقدر النوم اكثر من الأكل !!!


ما اكل لين اموت . . وان كليت لفيت الأولي والتالي :)


مشكلتي ما امشي على نظام وان مشيت يوم اترك عشر !!!


ايه بعد عصبيه يقولون هذا اللي يطير النعمه :puzzled: !!

اتمنى ان ارى الشدوق بوجهي !!!:)


هذا السبب قلتيه من نفسج :wallah_hoo:



وعندي سؤال ايضا !! هل المكملات الغذائيه ضروريه


بحالتي !!


ولا أطق راسي بالطوفه :3ajeeb:


ممنونه لكِ مقدما يا ام يوسف . .




اذا مو ضرورية لحالتج اجل ضرورية لمنو :puzzled:
بس ما اقدر اقول لج شنو تاخذين هذي يبيلها تحاليل
وعند دكتور افضل من اخصائي تغذية

استشيري دكتور بالنسبة للمكملات
وبالنسبة للنظام اسويه من عيوني يالغالية

بس ابيج تسجلين كل وجباتج خلال ثلاث ايام (نوع الاكل والكمية)
يعني مو تقولين عيش ودجاج وتسكتين
اشكثر عيش؟ واشكثر دجاج؟
يعني بهالطريقة

وبالمرة لمّا تروحين للدكتور اطلبي منه تحليل يشوف لج اذا في دود بمعدتج :puzzled:
والله جد في نوع من الدود يكون بالمعدة وياكل اكل الانسان ممكن يكون سبب النحافة




rooose2

[العَـــروب]

لسه ما بديت و الله .. :ezpi_blus




جالس ارتب وضع و طريقة أكلي و ببدا يوم السبت ان شاء الله ..




أما اني التزم حرفيًا 100 % :)




من سابع المستحيلات :tongue:




بس بحاول و بضيف على السناك شريحتين توست مع مربى فراولة ..




ترى من يومين صرت أجوع بسرعة , بعد ساعة بعد الاكل أحس اني ما أكلت شي , و بقسم نظامك على 5 أو 4 فترات باليوم ..




توكسنا نفس توككسم <- بعد الضرب بـ 10 هذا اللي نطقتة :)




تشكرات ام يوسف .. roooose





المفروض السبت اللي بعده تكون زايد كيلو على الاقل
اذا ما زدت هالكيلو انتحر :wallah_hoo:

تبي تزيد مو مشكلة عادي بس الاهم انك ما تطوف وجباتك
التزم فيها وزيد اللي تبي

ودام تحس بالجوع على طول فهذي بشارة ان شاء الله :mabrook:


ناطرة تبشرني وجيب معاك الحلاوة :d:



حياك الله rooose2

[العَـــروب]

أم يوسف تسبدي عورتن :wallah_hoo:


سويت اللي قلتي عليه يادختوره :thumb:


بس اليوم الحق حق مابي اتسذب عليك خربته بالغداء :qannaj:

للمعلوميه ياام يوسف تري غصبن عني والله ...

هل هالشي يخرب النظام يعني لازم ابدا من جديد :za3lan:



اسمك شافع لك وربي :d:

يوسف عندي احساس انك ما دريت عن الريجيم :puzzled:
بس اذا فعلا ماشي عليه وخربته لازم تصلح غلطك

قول لي شنو الوجبة اللي كليتها علشان اعرف شلون ارقع لك :3ayyen_khair:


وبعدين احنا شقلنا عن الالتزام والارادة؟ :148r:

[المطنوخ]

ام يوسف

ودي امشي معاتس حبه حبه

لكن انا جد والله ضعيف جدا قدام شغله اسمها بيتزا هت

والكوكاكولا(ايقونة قلب يخرخر دمان)

وش الدبره ولاتقولين اراده لان الاراده اضرب به الطوفه قدام هالشغلتين:)

[رمح الشمال]

دود :d:!!




يابوي هذا اللي ناقص بعد انا يالله أعيّش نفسي . .




بعد هالطور اجيب يهال ببطني واربيهم << تقصد الدود :)



مسويه تحاليل . .


قالت الغده الدرقيه مضبوطه . .



والدود مضبوط <<< يعني مابي شين الحمد لله ككككككككككككككككك


وارد لج بعد تسجيل الوجبات ان شاء الله . .



بحاول اكل عشان احسن صورتي قدام المضايف :3ajeeb:




تسلمين ام يوسف عساتس عالقوه يالطربه . .

[العَـــروب]

ام يوسف


لبيه



ودي امشي معاتس حبه حبه


امش وخلنا نشوف تاليتها :puzzled:



لكن انا جد والله ضعيف جدا قدام شغله اسمها بيتزا هت

والكوكاكولا(ايقونة قلب يخرخر دمان)


نجيب لك بدائل مو مشكلة
ويعتمد على عدد المرات بالاسبوع

مو معقولة كل يوم بيتزا :puzzled:
يعني مرة او مرتين بالاسبوع؟



وش الدبره ولاتقولين اراده لان الاراده اضرب به الطوفه قدام هالشغلتين:)


ادري ما وراك ريجيم منت بعيد عن خويك يوسف :wallah_hoo:
انتوا ينفع معاكم البدائل
باجر اشرحها ان شاء الله على الراحة




rooose2

[العَـــروب]

جماجم

الحمد لله ان التحاليل سليمة

جيبي الوجبات بالايام الثلاث علشان ابدا




rooose2

[عبدالله المهيني]

والله عمل جبار من جد

أستمتع بالمرور اليومي لهذا المتصفح


ليس لشيء إنما إعجاباً بما يحتويه
من جد أغبطكـ أختي بريئهـ ولكنـ ..



متصفح كامل الدسم

الله يخلي لكـ يوسف وأبوهـ
والله يكتب لكـ الأجر كاملاً غير منقوص




:goooood:





لكـٍ الود أختي


roooose

[هند القاضي]

بحاول اكل عشان احسن صورتي قدام المضايف :3ajeeb:



< بتموت ضحك


جماجم شفيها صورتج يالدوبه أحلى صوره وربي كافي روحج الطيبه roooose

[منصور الـ ع ـطآوي]

1- وزنك / 55 كيلو
2- طولك / 185
3- امراض معينة تعاني منها؟ اذكرها .... بالاخص مرضى السكري / الحمدلله سليم
4- تمارس الرياضة؟ كم ساعة باليوم؟ / بين فتره و فتره طويله
5- عمرك / 22 سنه
6- محيط المعصم <<< اذا تقدر لحساب ادق / ؟؟؟؟؟؟
7- عطني فكرة بسيطة عن نوعية وجباتك اليومية / الصبح خبزه مع جبنه و كوب شاهي
الظهر يوم اكل ربع دجاجه و يومين ما اتغدى العشاء شاورما او بروست

[العَـــروب]

نظام هند القاضي




شوفي يالغالية

انتي جسمج يحتاج 1900 كيلو كالوري يوميا علشان لا تضعفين ولا تسمنين

النظام هذا يحتوي على نفس عدد السعرات تقريبا

نسب الدهون والكربوهيدرات والبروتين ممتازة جدا جدا :thumb:


الفطور:

كوب حليب خالي الدسم
عدد 5 حبات زيتون اخضر / او 4 اسود
خبزة واحدة


Snak 1:

كوب عصير برتقال


الغداء:

ثلاث ارباع كوب روب
قطعتين دجاج (بحجم اصابع ايدج مجتمعة عدا الابهام)
كوب سلطة من اي نوع تحبين
خبزة واحدة



العشاء:

كوب عصير برتقال
حطيت لج شاورما للعشا (ساندويش واحد) ما عطيتيني صنف معين قلت يمكن تحبين الشاورما مثل ملامح - اتوقع اغلب الناس يحبونها


بالنسبة للبسكوت:


عندج 8 قطع بسكوت تاكلينها خلال اليوم كله باي وقت تحبين
اذا بتزيدين عدد القطع لازم تقللين عدد الخبز باي وجبة ثانية

بحيث ان كل قطعتين بسكوت = ربع خبزة
وعليج الحساب :d:



العصير طبعا فريش
والدجاج صدر مو فخذ وما يكون مقلي
ولا تضيفين مايونيز او باربيكيو سوس او سمن كثير
ممكن يكون من طبخ الغدا

الوجبات لازم تكملينها كلها

اذا ضفتي بيوم اي صنف لازم تقللين من صنف ثاني موازي علشان وزنج ما يزيد
تقولين لي شنو الصنف اللي بتضيفينه وانا اغير لج


اذا في اي استفسار انا حاضرة







وبالتوفيق rooose2

[العَـــروب]

عبد الله المهيني


جد ترفع المعنويات
ومتابعتك تشرفني وتحثني على تقديم الافضل rooose2

وجزاك الله خير على الدعوة الطيبة



ما ننحرم rooose2

[العَـــروب]

منصور العطاوي

انت مو بس ضعيف انت هزيل
وصلت لمرحلة خطرة من النحافة


اول شي تاكد من التحاليل (نفس حالة اختي جماجم)
الغدد - دود المعدة


اذا كانت سليمة ان شاء الله ابدا الريجيم معاك


وحياك الله rooose2

[العَـــروب]

ريجيم المطاعم




للسيد المطنوخ ويوسف العطاوي ومن على شاكلتهم rooose2

شباب ودواوين وسهر ومستحيل تلتزمون بريجيم والصحة مجنبتكم :315r:


عندي حل ما كان ودي اطرحه بس وصلت لمرحلة يأس منكم انتوا الاثنين :puzzled:


بما ان حياتكم كلها مطاعم راح اعلمكم شلون تطلبون بحيث ان اوزانكم ما تزيد ويمكن تضعفون بعد


ونبدا مع بيتزا هت علشان المطنوخ :d:


بيتزا هت:

الافضل انك تتوجه الى دومينوز بيتزا مو بيتزا هت وهذي مقارنة:

الطعم ما يختلف كثير <<< انا عندي دومينوز احلى :wallah_hoo:
وطريقة طبخ البيتزا تختلف كليا بكل مطعم

بيتزا هت يقلون خضار البيتزا ويكثرون من الجبن
اما دومينوز فخضارهم فريش والجبن كميته اقل

نوع العجين - دومينوز اخف وافضل

اللهم الجوانح هي اللي تتفوق فيها بيتزا هت لان الدهون والسوس اللي فيها اقل من جوانح دومينوز

كل واحد من المطعمين عنده سلطة لذيذة
ابدا بالسلطة الخضراء واطلبها بدون جبن

لا تاكل اكثر من شريحتين


ماكدونالدز:

جاردن سالاد اكيد اول شي تبدا فيه
ممكن تطلب ناجتس او ماك كريسبي - افضل بكثير من الساندويش وسعراته اقل

اذا احتديت وما قدرت تقاوم اطلب ساندويش من الانواع الصغيرة بدون مايونيز


كنتاكي:

قطع دجاج
لا تطلب منهم وجبات ساندويش لان وجباتهم دسمة حيل وخبزهم حجمه كبير


طبعا اي وحدة من الوجبات ما تطلب معاها تشيبس
حط حيلك بالسلطة :d:



[align=right]

وجبات اخرى خفيفة:


شاورما - بدون مايونيز ولا طحينة وبالخبز الصاج مو الصمون
حلوم- بالصاج بدون زيتون او زعتر
- مشكل < -- لا تطلبها ما تترقع :puzzled:

ما انصحكم بالفطاير ابدا



طبعا الكولا دايت


الكلام هذا اللي فوق مو صحي ابدا بس هذا اللي يقول عندك حلّين احلاهم مر

هذا احلاهم :puzzled:

[المطنوخ]

^
^
اوووو لعبتي دومينور :)

انا اطلب منهم بيتزا وسط 2+ الخبز بالجبن مادري شسمها اللي يجي معاها صلصله حمراء + بيبسي كولا


اما السلطات فما فيه مثل سلطة الدجاج من مكادونالدز ياعذاب الشر اشهد انها بالراس طعمه
ودايم اطلب منهم ماك اريبيا (قلوب من هنا لي ماكدونالدز ) وناجتس 9 قطع والصوص الحار


بس هذولا مطاعمي بالاضافه الى بيتزا هت :( (وداعا بيتزا ) :(

[هند القاضي]

نظام هند القاضي




شوفي يالغالية

انتي جسمج يحتاج 1900 كيلو كالوري يوميا علشان لا تضعفين ولا تسمنين

النظام هذا يحتوي على نفس عدد السعرات تقريبا

نسب الدهون والكربوهيدرات والبروتين ممتازة جدا جدا :thumb:


الفطور:

كوب حليب خالي الدسم
عدد 5 حبات زيتون اخضر / او 4 اسود
خبزة واحدة


Snak 1:

كوب عصير برتقال


الغداء:

ثلاث ارباع كوب روب
قطعتين دجاج (بحجم اصابع ايدج مجتمعة عدا الابهام)
كوب سلطة من اي نوع تحبين
خبزة واحدة



العشاء:

كوب عصير برتقال
حطيت لج شاورما للعشا (ساندويش واحد) ما عطيتيني صنف معين قلت يمكن تحبين الشاورما مثل ملامح - اتوقع اغلب الناس يحبونها


بالنسبة للبسكوت:


عندج 8 قطع بسكوت تاكلينها خلال اليوم كله باي وقت تحبين
اذا بتزيدين عدد القطع لازم تقللين عدد الخبز باي وجبة ثانية

بحيث ان كل قطعتين بسكوت = ربع خبزة
وعليج الحساب :d:



العصير طبعا فريش
والدجاج صدر مو فخذ وما يكون مقلي
ولا تضيفين مايونيز او باربيكيو سوس او سمن كثير
ممكن يكون من طبخ الغدا

الوجبات لازم تكملينها كلها

اذا ضفتي بيوم اي صنف لازم تقللين من صنف ثاني موازي علشان وزنج ما يزيد
تقولين لي شنو الصنف اللي بتضيفينه وانا اغير لج


اذا في اي استفسار انا حاضرة







وبالتوفيق rooose2




مشكوره حبيبتي تعبناج معانا جهد تشكري عليه roooose

[رمح الشمال]

جايه اتطمش ككككككككككككككككك

اذا بوه أحد يبي يجدع شحيماتوه !!




تذكروا أناس إخوان وأخوات لكم بالمضايف . .

يعانون من النحافه الشديده :) !!


< بتموت ضحك


جماجم شفيها صورتج يالدوبه أحلى صوره وربي كافي روحج الطيبه roooose

:d: اشوى لي معجبات كككككككككككك

كككككككككككك رفعتي معنوياتي الله يرفع قدرتس يالغاليه . . :d:

[العَـــروب]

^
^
اوووو لعبتي دومينور :)

انا اطلب منهم بيتزا وسط 2+ الخبز بالجبن مادري شسمها اللي يجي معاها صلصله حمراء + بيبسي كولا


اما السلطات فما فيه مثل سلطة الدجاج من مكادونالدز ياعذاب الشر اشهد انها بالراس طعمه
ودايم اطلب منهم ماك اريبيا (قلوب من هنا لي ماكدونالدز ) وناجتس 9 قطع والصوص الحار


بس هذولا مطاعمي بالاضافه الى بيتزا هت :( (وداعا بيتزا ) :(


ما شاء الله تبارك الله تف تف تف الله يحفظك
عله هني وعوافي وشحيمن ضافي

بس الوجبة اذا طلبتها تاكلها بروحك والا تتقاسمها مع عيال الفريج؟ :puzzled:

2 بيتزا وسط والا 2 شريحة بيتزا وسط؟ :puzzled:

فيوزات مخي ضربت خلاص :puzzled:


حالتك مستعصية والله ما يصير جذي :puzzled:
اذا الكلام هذا صحيح فبعد اقل من سنة راح تتحول الى شعبولة :(


قلنا 2 شريحة مع بيبسي دايت واكل سلطة اهم شي
ولا تاكل شيبس

واذا طلبت ماك اريبيا فالناجتس ما لامها داعي يرحم والديك :puzzled:


لي باك بعد ما اصحو من الصدمة <-- :puzzled:

[العَـــروب]

هند حياج الله حبيبتي

نسيت اقول لج عن الشاي وقطع الحلا او الككاو

الشاي مو محسوب يعني تشربينه عادي بس مو تكثرين حيل
والحلا والككاو كمياتهم قليلة كل اسبوع فما تدخل بحساب النظام

ونسيت اكتب قطعة جبن متوسطة فيتا او اي نوع جبن تحبينه على الريوق





rooose2

[العَـــروب]

جماجم شتسوين هني؟ :a:

انتي المفروض قاعدة تاكلين الحين :148r:


ولا تنسين تسجلين الانواع والكميات بالضبط
لا تطوفين شي بدون تسجيل وبالاوقات





rooose2

[منصور الـ ع ـطآوي]

منصور العطاوي

انت مو بس ضعيف انت هزيل
وصلت لمرحلة خطرة من النحافة


اول شي تاكد من التحاليل (نفس حالة اختي جماجم)
الغدد - دود المعدة


اذا كانت سليمة ان شاء الله ابدا الريجيم معاك


وحياك الله rooose2


هلا يا بريئه

انا محلل في اكثر من مستشفى و كل شي سليم :315r:

بس شلون ريجيم و انا هزيل على قولتك :3ayyen_khair:

[بالمختصر..]

‏^‏
‏^‏


كلمة ( ريجيم ) معناها بالعربي ( نظام )

يعني تنقال للي يبي ينحف / يسمن




.
.

[هند القاضي]

هند حياج الله حبيبتي

نسيت اقول لج عن الشاي وقطع الحلا او الككاو

الشاي مو محسوب يعني تشربينه عادي بس مو تكثرين حيل
والحلا والككاو كمياتهم قليلة كل اسبوع فما تدخل بحساب النظام

ونسيت اكتب قطعة جبن متوسطة فيتا او اي نوع جبن تحبينه على الريوق





rooose2

عٌلم حبيبتي


بس الجبن أنا ماحب من الأجبان إلا أبو بقره يصير :d: ..؟!

[العَـــروب]

منصور العطاوي

الحمد الله ان تحاليلك سليمة

بس ليش الضعف الزايد؟

الـ BMI = 16

الحد هذا مو طبيعي

باطلب منك نفس جماجم بعد
ثلاث ايام تسجل كل وجباتك بالضبط بالضبط (النوع والكمية)

ضروري انك ما تلخبط بشي
حتى فنجال القهوة سجله وسجل جم فنجال

لازم تكون دقيق حيل علشان الزيادة تكون مناسبة لك ما اقدر ازيد استهلاكك فجاة جسمك ما راح يتقبل




ناطرتك بعد تسجيل الوجبات rooose2

[العَـــروب]

هند ما اعرفه هذا الجبن ابو بقرة؟ :puzzled:


وانا كاتبة بالريوق خبزة وحدة
ترى ممكن تبدلينها بـ 4 شرايح توست






rooose2

[العَـــروب]

بالمختصر

وين الطول والوزن؟ :puzzled:

[رمح الشمال]

<< تاكل وتنتظر تسجيل ثالث يوم !!


متحمسه للنظام . .:d:


الله يسعدتس يا أم يوسف . . roooose

[رمح الشمال]

بسم الله نبدأ . .



اليوم الأول :

كوب عصير برتقال تقريبا الساعة 11 صباحا !!:)

بعدين كوب حليب شاهي مع صمونية بزبدة الفول السوداني مع العسل تقريبا الساعة 3 العصر

الساعه خمس أكلت حبة مافن بقطع الكاكاو . . :d:

بالليل الساعة 2 تقريبا مكرونة بالخضار تقريبا مقدار 4 أكواب مع سلطة مشكله ( خيار خس جزر )

مع الليمون والزيت زيتون مقدار السلطة كان كوب تقريبا . . :3ajeeb:




اليوم الثاني :

نص تفاحه بدون قشر :d: بس تفاحة راهيه !!:3ajeeb: هذا الساعة 3 العصر . .

بعدها تمر ( 3 تمرات تقريبا ) مع فنجالين قهوة . .

الساعة 5 تقريبا كوب حليب شاهي وصمونيه بزبدة الفول السوداني مع العسل . .

العشاء كان على الساعة 11 بالليل طبعا :solh:!! بيتزا بالخضار تقريبا ربع بيتزا من الحجم الكبير ،

مع شيز بريد مع الصوص . . تقريبا خمس قطع اللي عرض اصبعين . .


قبل النوم تويكس 4 حبات صغيره مع ببسي ثلاثة ارباع العلبه :315r:!!


اليوم الثالث :

قمت بدري الساعه 8 صباحا افطرت على كورن فليكس بالعسل مقدار كوب مع نص

كوب حليب كامل الدسم . .


الساعة 11 أكلت بيضه مقليه بالزيت مع خبزه صغيره !!:) بالإضافة إلى كوب عصير برتقال . .

الساعة 3 العصر تمره وحده ككككككككككككككك

الساعه 8 قطعة بيتزا بالخضار يعني نص الربع << بيتزة عشااااء امس :d:


الساعة 10 حلى قهوه 3 قطع مع 3 فناجيل قهوه . .

الساعة 12 كبسة رز بالدجاج مقدار الرز كوبين والدجاج قطعه صغيره تقريبا ربع الصدر !!

وسلطه مشكله بالصوص مقدار نصف كوب تقريبا . .

الساعه 1 تشيز كيك قطعه حجمها نصف الكف مع

مع قهوه فنجال بس . .



آخر شي سفن أب . . نص علبه . .



:mabrook:



ياهي معانااااه هالثلاث ايام ككككككككككككككككككككككككككككك



roooose

[هند القاضي]

قبل النوم تويكس 4 حبات صغيره مع ببسي ثلاثة ارباع العلبه :315r:!!


roooose



حرام عليج في حد يأكل حلى قبل النوم :a:


بصيدج سكري :za3lan:

[رمح الشمال]

^

ياربي إن كليت قالوا لا تاكلين :)!!


وان ماكليت قالوا ليه ما تاكلين :315r:!!


:puzzled: شسوي بعمري كككككككككككككككككككككك

[هند القاضي]

8

أبركها من ساعه لما تأكلي :315r:


بس مو حلى وقبل النومه بجم دقيقه أو ساعه حرام عليج :148r:


أكلي شي صحي أو شربي حليب ترا افيد لج :d:

[ابو ضاري]

شكرا لك على الموضوع الجميل


بس انا ابي انقص وزني 89 وطولي 166 وشلون :za3lan:

[لوليتا]

*
*


ام يوسف


سلمتى وسلمت يمينك وسلمت افكارك


موضوع رائع ومتخصصة اروع

ما شاء الله عليك

تابعت الموضوع صفحة صفحة

وقلت ما بخرج من غير ما اشكرك من قلبى عليه

بارك الله فيك

وبارك لك فى يوسف يارب



تحيااتى

*

*

[العَـــروب]

بسم الله نبدأ . .



اليوم الأول :

كوب عصير برتقال تقريبا الساعة 11 صباحا !!:)

بعدين كوب حليب شاهي مع صمونية بزبدة الفول السوداني مع العسل تقريبا الساعة 3 العصر

الساعه خمس أكلت حبة مافن بقطع الكاكاو . . :d:

بالليل الساعة 2 تقريبا مكرونة بالخضار تقريبا مقدار 4 أكواب مع سلطة مشكله ( خيار خس جزر )

مع الليمون والزيت زيتون مقدار السلطة كان كوب تقريبا . . :3ajeeb:




اليوم الثاني :

نص تفاحه بدون قشر :d: بس تفاحة راهيه !!:3ajeeb: هذا الساعة 3 العصر . .

بعدها تمر ( 3 تمرات تقريبا ) مع فنجالين قهوة . .

الساعة 5 تقريبا كوب حليب شاهي وصمونيه بزبدة الفول السوداني مع العسل . .

العشاء كان على الساعة 11 بالليل طبعا :solh:!! بيتزا بالخضار تقريبا ربع بيتزا من الحجم الكبير ،

مع شيز بريد مع الصوص . . تقريبا خمس قطع اللي عرض اصبعين . .


قبل النوم تويكس 4 حبات صغيره مع ببسي ثلاثة ارباع العلبه :315r:!!


اليوم الثالث :

قمت بدري الساعه 8 صباحا افطرت على كورن فليكس بالعسل مقدار كوب مع نص

كوب حليب كامل الدسم . .


الساعة 11 أكلت بيضه مقليه بالزيت مع خبزه صغيره !!:) بالإضافة إلى كوب عصير برتقال . .

الساعة 3 العصر تمره وحده ككككككككككككككك

الساعه 8 قطعة بيتزا بالخضار يعني نص الربع << بيتزة عشااااء امس :d:


الساعة 10 حلى قهوه 3 قطع مع 3 فناجيل قهوه . .

الساعة 12 كبسة رز بالدجاج مقدار الرز كوبين والدجاج قطعه صغيره تقريبا ربع الصدر !!

وسلطه مشكله بالصوص مقدار نصف كوب تقريبا . .

الساعه 1 تشيز كيك قطعه حجمها نصف الكف مع

مع قهوه فنجال بس . .



آخر شي سفن أب . . نص علبه . .



:mabrook:



ياهي معانااااه هالثلاث ايام ككككككككككككككككككككككككككككك



roooose



هلا والله وغلا rooose2

فعلا وصفج لطريقة اكلج بمشاركتج الاولى كان مضبوط :wallah_hoo:

فترات الاكل بعيدة عن بعض واوقات الاكل غريبة :puzzled:


جاري العمل يا جماجم :thumb:

[العَـــروب]

شكرا لك على الموضوع الجميل


بس انا ابي انقص وزني 89 وطولي 166 وشلون :za3lan:



هلا بالضاري rooose2


سجّل وجباتك خلال ثلاث ايام نفس جماجم
النوع والكمية بالضبط

والاهم انك تكون ناوي تضعف وعندك ارادة قوية

وان شاء الله تطلع من الموضوع رشيق :7ayyoh:

[العَـــروب]

*
*


ام يوسف


سلمتى وسلمت يمينك وسلمت افكارك


موضوع رائع ومتخصصة اروع

ما شاء الله عليك

تابعت الموضوع صفحة صفحة

وقلت ما بخرج من غير ما اشكرك من قلبى عليه

بارك الله فيك

وبارك لك فى يوسف يارب



تحيااتى

*

*



الله يسلمج ويعافيج

كلام يشجع فعلا ويحث على تقديم الافضل

الله يجزاج خير يالغالية



ما ننحرم rooose2

[عشقي شمال ونبضي جنوب]

السلام عليكم ورحمة الله وبركاته



الله يقويك ويساعدك اختي بريئة :3ajebni:


موضوع مفيد للغاية ربي يجزاك خير




واكيد ودي اكون قائمتك المعنية بالاهتمام :315r:



تب ينفع مبدأياً اقلك انه BMI = 18


وما ببالي اسمن ابد ..:qannaj: اكيد جيت ابي شورك ونصيحتك لي !!


لي عودة بعد 3 ايام بقائمة اكلي <<< توقعي ما راح تشوفين الا كميات قليلة :d:


تيب الى ذاك الحين لكِ مني الشكر والدعاء بالخير rooose2rooose2



اختك نبض <<< اختصار ما بعده:thumb:

[العَـــروب]

^
^
^

الله يخليج ويعافيج يالغالية ويعيننا وياج

بالنسبة لحالتج لازم تزيدين وزنج على الاقل توصل ال بي ام اي الى 20 <<< اذا ما تبين زيادة كبيرة بالوزن

ضروري الوزن والطول بالضبط والعمر بعد علشان اقدر اسوي النظام



بانتظارج rooose2

[العَـــروب]

جماجم جم عمرج ما قلتيلي؟ :puzzled:

[رمح الشمال]

:puzzled:

29 سنه !!




سنه تنطح سنه ككككككككككككككك:)

[هند القاضي]

ما شاء الله :a:


العمر كله roooose

[رمح الشمال]

^

^


:315r:

تحت أمرتس التسع سنين كككككككككككككككككك

تبين تحطينهن بالاسهم ولا تبين تخلينهن للعوزه !!:solh:



roooose

تسلمين يالغاليه . .

[بـنـت النـور]

* اتمنى عدم الخروج عن صلب الموضوع
حتى لا اضطر لتحرير بعض المشاركات



roooose

[عبدالله المهيني]

أختي

أم يوسف



من كثر ماأدخل هالمتصفح وأقرأ هنا

جاء في بالي سؤال قلت أسدحه لكـ :)



هل مقياس السعرات الحرارية في الكبسة معروف أو قد يستطاع قياسه ؟
أو كيف ؟


سؤال جاء في بالي الحين


الوزن الصافي 26 غرام كاكاو مع كريمة الفانليا مغطى بالشوكولاته ، كم فيه من سعرات حرارية ؟




والله يعطيكـ العافيه مقدماً


roooose

[العَـــروب]

من كثر ماأدخل هالمتصفح وأقرأ هنا


جاء في بالي سؤال قلت أسدحه لكـ :)




اسدحه ولا يهمك :)






هل مقياس السعرات الحرارية في الكبسة معروف أو قد يستطاع قياسه ؟
أو كيف ؟




سؤالك بحر

بس باشرح بشكل مبسط طريقة الحساب


الكبسة تتكون من ( رز - دجاج او لحم - دهن - خضار )

المشكلة هني بتحديد كميات كل نوع تتكون منه الكبسة
والمشكلة ايضا في ان طريقة الطبخ تختلف بكل بيت


بالنسبة لنا فاحنا نعتمد على دراسة عملتها وحدة من المستشفيات عندنا بالكويت
حللوا الاكلات الكويتية والخليجية عموما وبعض الاكلات المركبة الثانية نفس البيتزا واللازانيا - وطلعوا بمكونات كل اكلة - احنا نعتمد على نتايج دراستهم

وبمجرد ما نحدد كل مكون للكبسة وكميته بالضبط بتكون عملية حساب السعرات سهلة جدا

نحول كمية الارز لكمية نشويات ونحسب
الدجاج سعراته معروفة عندنا
والخضار والدهون ايضا معروف

السعرات اللي من الارز + السعرات من الدجاج + السعرات من الدهون + السعرات من الخضار


وبيطلع الناتج عدد السعرات اللي تتكون منها كمية معينة من الكبسة rooose2






الوزن الصافي 26 غرام كاكاو مع كريمة الفانليا مغطى بالشوكولاته ، كم فيه من سعرات حرارية ؟





والله يعطيكـ العافيه مقدماً




roooose




ما اقدر اعطيك رقم مضبوط
بيكون بين 130 - 150 تقريبا




والله يعافيك وحياك rooose2

[العَـــروب]

اولا اشكر بنت النور على تغيير اسم الموضوع

يعطيج الف عافية ما قصرتي rooose2


ثانيا
ناطرة اخبار عن هند وملامح
ما قالوا لي شلون النظام معاهم :3ayyen_khair:

[العَـــروب]

نظام جماجم





شوفي يالغالية

لاحظت ان قاموسج ما يحتوي على كلمة غداء
ولاحظت الفترات المتباعدة بين الوجبة والثانية

بالنسبة للايام الثلاثة فاليوم الثالث كان افضلهم

النظام بيكون مشابه لليوم الثالث مع خيارات تساعدج على التنويع وما تقيدج
لان نظامج متنوع بعكس ملامح شمري وهند القاضي اللي كانت وجباتهم تقريبا ثابتة كل يوم


جسمج يحتاج 1700 كالوري تقريبا كل يوم


الحلا والتشيز كيك والمشروبات الغازية مو داخلة بالنظام ممكن تزيدينهم على راحتج



الفطور:

كورن فليكس كوب ونصف + كوب حليب كامل الدسم ( الوجبة هذي ثابتة)


Snak او فطور (2) :

كوب عصير برتقال فريش
بيضة مقلية + نصف خبزة كبيرة ( او خبزة صغيرة)
أو ساندويش زبدة الفول السوداني ( الحجم الكبير مو الصغير)

[ بيضة + خبز = ساندويش الفول السوداني بالسعرات وايضا المكونات ]


Snak 2:

حبة فاكهة على ذوقج + كوب حليب بالشاي
( ممكن تفصلينهم اذا حبيتي)


الغداء:

هني لازم تضيفين وجبة للقائمة

اليوم الثالث اكلتي شريحة بيتزا بعكس اليوم الاول والثاني اللي اكتفيتي فيهم بخفايف بسيطة مو وجبات


الغداء ممكن يكون ساندويش دجاج بالخضار
أو شريحة البيتزا نفس اليوم الثالث بشرط انها تكون بيتزا باللحم والخضار مو بس خضار

عموما الوجبة لازم تحتوي على حصتين من النشويات + حصة دجاج + حصة خضار

اذا في ببالج وجبة ثانية قولي لي


العشاء:


لاحظت ان العشاء عندج يحتوي تقريبا على نفس عدد السعرات ونفس التنوع بالايام الثلاثة

التزمي باي نوع من العشاء بالايام الثلاثة اللي ذكرتيها
بشرط ان المعكرونة تكون بالخضار + ( اللحم المفروم او الدجاج)
واذا اكلتي كبسة زيدي حجم قطعة الدجاج الى الضعف





وبالتوفيق واذا عندج اي سؤال انا حاضرة rooose2

[هند القاضي]

اولا اشكر بنت النور على تغيير اسم الموضوع

يعطيج الف عافية ما قصرتي rooose2


ثانيا
ناطرة اخبار عن هند وملامح
ما قالوا لي شلون النظام معاهم :3ayyen_khair:




هلا وغلا حبيبتي roooose


أنا تمام ولله الحمد ماشي حالي :315r:

[رمح الشمال]

وبالتوفيق واذا عندج اي سؤال انا حاضرة rooose2

سلمت ِ . . roooose


بشد حيلي إن شاء الله بس كم احتمال الزياده ؟؟ وخلال كم ؟؟


شاكره لتس والله يادختورتنا . . :d:



فائق إحترامي لك ِ . .

[ملامح شمري]

ثانيا
ناطرة اخبار عن هند وملامح
ما قالوا لي شلون النظام معاهم :3ayyen_khair:


ماشي عليه , لكن موب شكل حرفي :)

أضفت تمر ( وقت العصر ) + فطائر لبنة + بيتزا خضار على العشاء و الغيت البورغر :a:


بقولك وش صار و كم زدت السبت القادم ان شاء اللة :thumb:

[رمح الشمال]

ايضا طرا على بالي سؤالين أم يوسف . . :puzzled:


هل الفواكه المجففه بأنواعه تحل محل الفواكه الطازجه بالقيمه ؟؟ !!


يعني هل أقدر آآآكل بدال الفواكه الطازجه فواكه مجففه مثل الكيوي والموز والتين . . الخ !!



ثاني سؤال . . بصراحه الدجاج واللحم يوميا يقلب تسبدي والله . . :puzzled: هل فيه بديل من البقول أقدر


أعوض البروتين من استخدامه . . !! مثلا زي الفاصوليا الحمرا كأني سمعت انه مليانه بروتين !!



:315r:


بس فديتس . . هذا مابجعبتي . .



roooose

[العَـــروب]

هند انتي تمام :thumb:

[العَـــروب]

ملامح انت مو تمام :puzzled:


ليش تلغي البرغر وتغير من نفسك :a:

الحين قللت نسبة البروتين وزدت الدهون :(
البيتزا اذا بتستمر عليها اطلبها مع اللحم المفروم والمورتاديللا

وزيد الخضار بوجباتك الثانية علشان التوازن :wallah_hoo:

الله يستر من السبت الجاي :puzzled:

[المطنوخ]

ام يوسف

ابشرتس بشاره

برنامجتس والله مادريت عنه :solh:

هكاليوم صكتن حالةالجوع اللي غديت عقبه ارتعد تقل بي صخنه :solh:

وانا انصى طيور شلوى معازيب بيتزا هت وانا اندغ عندهم اللي من زين اكلهم بغيت ابتسي وانا اشوف النعمه

واليوم صحنين كنفاني يحبه قلبتس ( قلوب من المضايف لي كنفاني ) يازين شيرتهم والله ماقدرت اصبر وانا اشربه شرب:d:


الوكاد ابي انشدتس عقب كم يوم عن شوربا يقولون انها تنحف ليا جبت اسمه ابي اعلمتس

الوكاد ياشينه لاتحرمين خلق الله عيشتهم

تقوطر سعابيلهم عند الانعام ويوخرون عنها بسبة ام يوسف تقول ماهو زين:148r:

[العَـــروب]

جماجم

النظام يحتوي على 2550 كالوري تقريبا اذا استمريتي عليه بالضبط راح تزيدين كيلو كل اربع ايام باذن الله :thumb:

بالنسبة لاسالتج


الفواكه المجففة مركزة اكثر من الفاكهة الفريش
تركير السكريات فيها عالي

يعني اذا قارنتي بين تفاحة فريش وثانية مجففة
فالثانية تعادل 3 او 4 اضعاف الاولى تقريبا


وبالنسبة للحوم فعندج خيارات متنوعة ومفتوحة

كل صنف من الاصناف هذي يعادل قطعة دجاج:

ملعقة اكل زبدة الفول السوداني
1\2 كوب من البقول ( اي نوع مثل الفاصوليا والفول وغيرها)
بيضة واحدة
الاجبان بانواعها ( الكمية تعتمد على نوع الجبن)


اذا بتستغنين عن اللحوم لازم تضيفين احد الخيارات اللي ذكرتها وبالكمية اللي تعادلها


واذا في اي استفسار ثاني لا يردج الا لسانج rooose2

[العَـــروب]

ام يوسف

ابشرتس بشاره

برنامجتس والله مادريت عنه :solh:

هكاليوم صكتن حالةالجوع اللي غديت عقبه ارتعد تقل بي صخنه :solh:

وانا انصى طيور شلوى معازيب بيتزا هت وانا اندغ عندهم اللي من زين اكلهم بغيت ابتسي وانا اشوف النعمه

واليوم صحنين كنفاني يحبه قلبتس ( قلوب من المضايف لي كنفاني ) يازين شيرتهم والله ماقدرت اصبر وانا اشربه شرب:d:


الوكاد ابي انشدتس عقب كم يوم عن شوربا يقولون انها تنحف ليا جبت اسمه ابي اعلمتس

الوكاد ياشينه لاتحرمين خلق الله عيشتهم

تقوطر سعابيلهم عند الانعام ويوخرون عنها بسبة ام يوسف تقول ماهو زين:148r:


قسم بالله ما ينفع معاك شي :puzzled:
روح واذا حاولت تدخل من الباب وما قدرت او اذا قعدت بالديوانية قالوا لك يرحم والديك نبي نسم او اذا خطبت والبنت سالت انا راح اتزوجه كله والا ربعه؟ عاد ذيك الساعة تعال لي واقول لك ما تشوف شر ما عندي لك علاج :315r:


وبعدين لا تخرب علي مراجعيني انت تاثر عليهم تاثير سلبي فتاك :148r:

[المطنوخ]

ربع توسته

سدس تفاحه

غرامين من لحم جناح دجاجه صمخا

قطرتين من شراب الماء :)

لاتتعشا

لاتتغدا

لا تتريق (تفطر)

لاتبلع

لاتاكل عيشه حتى وان صفّر بطنك

لاتنام وانت توك جاي من الدوام وتغديت علشان الهدف من الريجيم تعذيبك

شوف خلق الله ياكلون ويتلذذون بالعيشه وانت منزوي بلك زاويه محروم من اجل الريجيم:solh:

اذا اردت ان تخاشرهم فقرب اليهم وشم عيشتهم بشرط ان لاتزيد على 3 شمّات حتى لا يكون خشمك متروسا بالسعرات الخرطيه :solh:


مبروك لقد نحفت

لكن يالله مشينا للمستشفى نحطلك مغذي من قل العيشه

مبروك صار ضميرك تقل ضمير سلقه <--مدحه :)

لكن يالله انت على طريق انك راح تقع منصفر :puzzled:



مع تحيات الجمعيه المناهضه للريجيم والامتناع عن ملذات الاكل
j.m.a.m.a
:7ayyoh:

التسجيل مفتوح

[العَـــروب]

ربع توسته

سدس تفاحه

غرامين من لحم جناح دجاجه صمخا

قطرتين من شراب الماء :)




هذا اكل والا طلبات مشعوذ؟ :puzzled:





اكتفي بهالاقتباس







وبصراحه انا بديت انفرش طولي 184 ووزني مادري والله لكن مهنا بطن

بس احساسي اني تقل بديت اخطي اولى خطواتي الى عالم الكروش بسبة الاكل والبيبسي

[/align]



^^^



:d:

[العَـــروب]

جماجم

في تعديل بسيط على النظام نسيت ابلغج عنه
عدلته امس شوفيه


وبانتظار شوربة المطنوخ يمكن تنفع فيه :puzzled:
جيبها مع مكوناتها بالضبط مو بس الاسم :thumb:

[رمح الشمال]

^
^


roooose

[شام]

:3ajebni:

صفحات تحتوي من الفائدة الكثير

و للمتتبع يمكنه الاستفادة منها

أختي ام يوسف

ماشاء الله موسوعة معلومات

قوافل شكر لجهدك الرائع و لطرحك الراقي

سأتابع معك ... و اذا صار عندي سؤال سأطرحه هنا ..

roooose

[العَـــروب]

^
^
^
^


هلا بالغالية شام

إطرائك وسام على صدري

واذا احتجتي لاي شي لا يردج الا لسانج


بالخدمة فديتج rooose2