‏ ‏الأصحاب

[زاهي]

‏ ‏
هذه القصيدة عصارة بعض التجارب الحياتية
اللتي حكمتها ظروف معينة
وتأثرت بمواقف لها وقع على النفس
فإليكم هي:


في دنيتي جربت أنا شتى الأصحاب
وخاويت أنا الأقراب وخاويت الأجناب
وعايشت شين راس راسي منه شاب
شين به العاقل يضيع صوابه

وعاصرت أنا بالغربة الزين والشين
وعرفت منهم للمصالح مخاوين
وعرفت أخوان الرخا بس واللين
ولا اعتزتهم زادوك هم وخيابه

وعاشرت ناسن خوته ترفع الراس
مثل الذهب لا بالله ألا كما الماس
لهم الكرم والطيب شارة ونبراس
وفزعاتهم لاحتجت فزعة ذيابة

رديهم يفدي خويه بروحه
ويونس أصحابه بكثرة مزوحه
والمجد يرقى فوق عالي صروحه
ومليان من حسن الخلق والحبابه

وأنا صهرني كثر خوض المشاكل
ألين مايزت الذهب والنياكل
وأصبحت ماتغرن كبار الهياكل
ولايغرني بالصيف كثرة سرابه

ولايلدغ المومن من الجحر ثنتين
لو اعتذر دابه وأظهر له الزين
إن ماقرصه وقعه في عقرب الطين
خلك حريصن لايعضك بنابه

وباعد رفيق السو لو لك تمحلا
مخاوي أهل الشر بالشر يبلا
ومن رافق الأجرب على الحول يطلا
وأتلى رفاقتهم مريرن شرابه

ولاتماشي ألا اللي مخاواه نوماس
الطيب اللي خوته ترفع الراس
ترى الخوي باللي يخاويه ينقاس
لو كان ماهو من صميم القرابه

[أبوطروق]

صح لسانك يالنماصي على هالجزالة وفالق بيرق المضايف

:

[حمــ الموت ـراء]

وباعد رفيق السو لو لك تمحلا
مخاوي أهل الشر بالشر يبلا
ومن رافق الأجرب على الحول يطلا
وأتلى رفاقتهم مريرن شرابه



صح السانووه زاهي النماصي ..

ابيات كله حكمه وتجارب ..الله يعطيك العافيه ..

[زاهي التومي]

زاهي النماصي

صح لسانكـ

تحياتي

[محمد الهزاع]

زاهي النماصي

صح لسانك ولا هنت

تقديري لك

[زاهي]

‏ ابو طروق

حمرا الموت

‏ السمي

محمد الهزاع


مروركم نور متصفحي المتواضع

[نايف حزوم]

صح الله لسانك

[صدى الشمال]

وعاشرت ناسن خوته ترفع الراس
مثل الذهب لا بالله ألا كما الماس
لهم الكرم والطيب شارة ونبراس
وفزعاتهم لاحتجت فزعة ذيابة






هاللي باللون الاحمر تقل انه شاذه عن البيتين لأنه مفرد


والبيتين يتكلمن عن الجمع



ياليتك ما استخدمته







ابيات قويه


اشكرك

[زاهي]

نايف

صح بدنك

تشرفت بمرورك

[زاهي]

وعاشرت ناسن خوته ترفع الراس
مثل الذهب لا بالله ألا كما الماس
لهم الكرم والطيب شارة ونبراس
وفزعاتهم لاحتجت فزعة ذيابة






هاللي باللون الاحمر تقل انه شاذه عن البيتين لأنه مفرد


والبيتين يتكلمن عن الجمع



ياليتك ما استخدمته







ابيات قويه


اشكرك

‏ ‏

‏ ياهلا بالنقد البناء والحوار العلمي

ملاحظة قيمة

إلا أني أرى خلاف ذلك

فالذي أرى أن الكثير يستعمل ذلك

أبسط مثال: (عتيبة ذباحة الحايل لطامة العايل)

ماقالوا: ذباحين الحايل لطامين العايل


الله يعافيك يالعزوة

[عبدالله معيوف المويس]

وعاشرت ناسن خوته ترفع الراس
مثل الذهب لا بالله ألا كما الماس
لهم الكرم والطيب شارة ونبراس
وفزعاتهم لاحتجت فزعة ذيابة


ابياتك جميله ورائعه

صح لسانك

[زاهي]

‏ أبو عبدالرحمن

صح بدنك

وأنت أروع يابعدي

[يـــوسف]

صححححححححححححححححححح لسانك يالغالي :thumb:




كصيده رائعه وكاتبها أروع :thumb:

[أهداااب]

صح لسانك ياالقرم:thumb:



بعيداً عن النظر للقصيدة من ناحية الوزن و القافية والمبنى بشكل عام



اللي شد نظري هذا الكم الهائل من الحكمة في مضمونها




ماشالله عليك و هذا وأنت بأول شبابك





أجل وش لون لاصرت شايب :)




المتنبي مافيك كلام :)




مشكور على القصيدة




ولاهنت




roooose

[ماجد علوان]

زاهي النماااصي

صح لساانك يالغالي

ولاهنت

فالك البيرررق

[زاهي]

صححححححححححححححححححح لسانك يالغالي :thumb:




كصيده رائعه وكاتبها أروع :thumb:

‏ ‏
حياك الله يابو يعقوب

صح بدنك


ومرورك أروع يالحظيظ
‏ ‏

[زاهي]

صح لسانك ياالقرم:thumb:



بعيداً عن النظر للقصيدة من ناحية الوزن و القافية والمبنى بشكل عام



اللي شد نظري هذا الكم الهائل من الحكمة في مضمونها




ماشالله عليك و هذا وأنت بأول شبابك





أجل وش لون لاصرت شايب :)




المتنبي مافيك كلام :)




مشكور على القصيدة




ولاهنت




roooose




‏ ‏

‏ صح بدنك


ترفيع رائع



واليوم كان عندنا دكتور يقول : اللي ماتغرب ماعنده خبرة وصورة واضحه عن الحياة وعن الناس


كذلك المشاكل والمصائب يستطيع المرء الاستفادة منها في مسيرته الحياتية

جزى الله المصائب كل خير _ عرفت بها عدوي من صديقي


ولنستفد من حديث (لايلدغ المؤمن من جحر مرتين) فإنه ليست نظرية للتجربه بل وحي منزل


شكرا أهداب على هالثناء العطر

وهذا من طيبك

[زاهي]

‏ ‏ ماجد

صح بدنك ياغالي

تشرفت بمرورك العطر

[نافع بن طواله]

صح سانك يالنماصي



مليانه



تشبع قارئها



تقبل تقديري لرزانتك

[زاهي]

نافع

صح بدنك يالعزوة

شكرا على هالمرور الطيب

[مقبل الضوي]

زاهي صح لسانك وابات جزله من راس جزل الله لايهينك

[زاهي]

‏ مقبل

صح بدنك

تشرفنا بمرورك يالعزوة

[سلطان السـراي]

زاهي النماصي

صح السانك ابدع في ابدع .... ماشاءالله عليك

..الله يعطيك العافيه ..

[زاهي]

صح بدنك يابو سراي

تشرفت بمرورك يالغالي