هنا التصويت لشاعر المضائف

[أم نــــــــــواف]

.
:backbghea


أعزّائي المتابعين
من شعراء ومتذوقين
:2:

:101:

هنا سيكون التصويت للشاعر الذي يستحق أن يكون شاعر المضائف


يسعدنا تصويتك بوركت
علماً بأن درجة التصويت ستمثّل مانسبته 20% من الدرجة التي سيحصل عليها الشاعر
أما باقي الـدرجات والتي ستكون نسبتها 80% ستكون بيد شعراء من خارج المضائف
وسنفيدكم بأسماءهم بإذن الله فيما بعد

http://www.shmmr.net/vb/images/image_host/image/green-.gif
http://www.shmmr.net/vb/showthread.php?t=51829&page=2
ولقد كان البيت المشد للجميع هو :

الليل عدّا ولا ادري كيف قد عدّا=أذكر بديت القصيد وعفت مرقادي

والموضوع الذي تناوله المتسابقين كان أحد الموضوعين التاليين :

( الأب ) أو ( الأم )



:101:

:f7:


بالخير نبدأ بإذن الله

بـــ :
-1-
قصيدة المتسابق الأخ
" يوسف سعيد الشمري "
أبو عــارف


الليل عدّى ولا ادري كيف قد عدّا = اذكر بديت القصيد وعفت مرقادي
من هاجسٍ في خفوقي دوم يشتدّا = كن الحسـك والكتاد بحشـوة وسادي
ياوالدي ياعريب الساس والجداٌ = عسى الولي يحفظك يارمز الأجوادي
العارض اللي حصل لك للعزم هدّا = أشعل بصدري جحيم وحرق فوادي
لو في يدي حيلهً والله انك مبدّا = ولو تنشري صحتك كان الأمر عادي
ياصاحب الطيب والمعروف ممتدّا = ياخو مطير الضحيك إعلومك بعادي
للضيف حجاجك ضحوك مابعد صدّا = لفعل الكرم ياسعيد رشيد معتادي
ذبحت لهم الجمل وعلومه تعدا = يوم تذبحه للضيوف بفرعة الوادي
واذا حضر داعي الشيطان يتحدّا = تفـرح حجـاج الصـديق وتكـره العادي
أبتـع من السيف المهند ليـاحدا = في قبضة أبن الوليد بحرب وجهادي
ويجـنبك مشعم القـالات كـالندّا = مخلوط بالمسك والريحان والكادي
علمٍ وصل مسمعك ويجاب ويوداٌ = وصيٌـتك بـالحنـايـا وموقعـه غــادي
ونطلب لكم الشفاء من عاجل المداٌ = بجاه الرسول الكريم وعزة الهادي
الله يحفظك وعسى عارضك يتعداٌ = شوفتك ياوالدي من ضمن الأعيادي
وعسى شفاعة رسول الله ماترداٌ = وعسى جميع أمته للحوض ورادي



بالتوفيق إن شاء الله

معاً لننتظر المزيد



:backbghea


.

[أم نــــــــــواف]

.
:backbghea



-2-
قصيدة المتسابق الأخ
" فلّة حجاج "


الليل عدّى .. ولا ادري كيف قد .. عدّى=اذكر بديت القصيد .. وعفت مرقادي
واذكر .. ندهت السّحاب .. ومحجري ندّا=واذكر .. عيوني تشاور .. نبضة فؤادي
الدمع هذا .. ( منين ؟ ) .. ليا بغى يبدا ؟=والقلب نبضة يقول .. الدمع ذا .. عادي
عادي .. وسولف غلاها .. كل ما هدّا=النبض لو لا غلاها .. ما بقى .. شادي
دام الحياة برضاها .. اجمل .. واسدا=يالله شفّي راضاها .. بس .. يا هادي
يارب .. زدها عمر .. لجل اقدر اتفدّا=خذ من حياتي .. وعطها .. مالي وزادي
هي نور عمري .. لو ان الكون يتردّا=وهي راس مالي .. لو ان المال .. يزدادي
واذكر .. بأني طفل .. للدرب ما قدّا=تسوق رجلي .. على المضمون .. وتنادي
يا روح .. امك .. تعال بحضنها اتغدّا=واجي .. من آخر عمر .. اركض لميلادي
في حضنها .. موطني .. قبل الوطن يشدا=وقبل اعرف ( المملكة ) .. هي فعلاً بلادي
وقبل اعرف ان .. الولاء .. لديرتي مبدا=عرفت اني .. بلا تنويرها .. غادي
يارب .. دام الجنان .. ليا رضت .. تُهدا=ابي رضاها .. وخذ افراحي .. واعيادي
ابي ليا من طريت .. ببالها .. تهدا=وترفع يديها .. دعاء .. عن شرّ حسّادي
امي .. وانا عن يديها .. ما اقدر اتعدّا=لو صار عمري .. كبير .. وكثروا اولادي
ولو صرت .. مهما غديت .. امي علي ابدا=من كل قطعة غلا .. في داخل فؤادي
والليل عدّى .. وعرفت شلون قد .. عدّى=ومن بعد طريا غلاها .. شفت مرقادي




:backbghea



.

[أم نــــــــــواف]

.
:backbghea


-3-
قصيدة المتسابق الأخ
" زاهي النماصي "


الليل عدّى ولا ادري كيف قد عدّا !=أذكر بديـت القصيـد وعفـت مرقـادي


طرتلي اللي بعمري كلها تفدى=أم الجمايل علي من قبل ميلادي


ياراكبن شاص مثل الحر لاهدا=ولا كما ذيبن أمعط بالدجا عادي


يمشي قطوعن مع النفدان ماهدا=معه مراسيل قلبن حاديه حادي


ياصل لأمن خياله دوم يتبدى=ولياطرتلي همل دمعي على أخدادي


أعد انا أيام بعدي عننها عدا=وأعد شوفي لها هو ثالث أعيادي


بعدي عنه ياجماعة هدني هدا=وأدري بها في بعادي عافت الزادي


تقول اشوفك ليامن نومي امتدا=وافقدك لاقمت والهج باسمك أنادي


البعد يالغالية مالي عنه بدا=البعد لوهو صعيبن عز وأفوادي


الرزق ماياتي الا راعي الجدا=ماهوب للي بيته كبر وسادي


صح التغرب مريرن خص لامتدا=لكن حوى التجربة مع عرف الأجوادي


والود ماينحكم بالقرب والبعدا=شوفي بعادي لكم ياغاية مرادي


اشتاقلك شوق مايوصف ولايحدا=فاق اشتياق الأسير لفك الأقيادي


فاق اشتياق الذي ينقاد ويقدا=للشوف لاجاه عقب العقم الأولادي


ليتي بقربك وأحب الرجل واليدا=مادام رجلك تحتها جنة الهادي


لأهديلك العمر كله لو غدا يهدى=ياأم الجمايل علي من قبل ميلادي


الليل عدا ولاأدري كيف قد عدا=أذكر بديت القصيد وعفت مرقادي



:backbghea



.

[أم نــــــــــواف]

.
:backbghea


_4_

قصيدة المتسابق الأخ


" نايف حزوم "




الليل عدا ولا ادري كيف قد عدا=اذكر بديت القصيد وعفت مرقادي
اثر المعاناة في وسط الحشا تقدا=مثل الحواشيش في ريف ٍومحصادي
ابثها لك ويمي تزعج الردا=اسمع لزيزه مثل برق ٍ ورعادي
الجوف ضامي واخيل سهيل واعدا=متى مزونه تسيل السهل والوادي
ياليلي افزع بفزعه ترهب الضدا=مثل الطنايا سيوف ٍفعلها سادي
ياليل دار ٍ طرت لي غاليه جدا=ودي اعسه ويمكن يركد سهادي
احس شوقي عليها يحدني حدا=هات النجيبه وفوقه ثبت شدادي
مابه هنوف ٍ غلاه اليوم مشتدا=ومالي بها ذكريات ٍ تشعل فؤادي
ومالي بها ثار مشغلني ولا هدا=ولابه جميل ٍ ارده مثل الاجوادي
بها النصايب طريق ٍللبشر قِدا=وجدي على اللي مابين احجارهاغادي
ابوي اللي على الهزلات ما لدا=اللي لجزل المواقف حاش واصتادي
ماجنب احد ٍولا اتعذر ولا صدا=للحمل يثني ويشتاله اليا زادي
ريفه للاقراب والاصحاب واتعدا=ياصل للاعدا وشره مانذكر بادي
بعض العرب حي لا ينفع ولا يسدا=وبعض العرب مات لكن نال مارادي
عساه للنار لا يعرض ولا يودا=وعساه يرتاد جنة ربنا الهادي
اخذت شفاتي وبارجع عنه مرتدا=واترك على قبره الازهار والكادي



:backbghea



.

[أم نــــــــــواف]

.
:backbghea


_5_

قصيدة المتسابقة الأخت :


" بتول آل علي "




الليل عدّى ولا أدري كيف قد عدّى = أذكر بديت القصيد و عفت مرقادي
والليل ملعب سهر و النوم لي نِدّا = يطري علينا هجوس يرقّص فوادي
أمّي وحضنك مدى يوسَع و يمتدّا = أمي وصوتي صدى قد غار فالوادي
يا أرض (عودي) أنا من بذرك اشتدّا = إسقيه من شوفِتِك .. يثمِر لك الكادي
لا من رِسَمْك الضّيا .. خدّي عليّ ندّى = وأحِنّ من صحوة النجمة إلى الشادي
شيلي يمينك .. دروب الخير تنسدّا = هاتي يمينك و ترجع .. كلها عادي !
إيدك شراعي إذا بي مركبي هَدّا = وان هاج موج الهموم إنتي بحر هادي
أمّي طواني ( تَعَبْ ) مدّي لي اليدّا = بنتك طريقٍ وَعِرْ وأطلبكِ إرشادي
ثوب ( الرّشِدْ ) .. واسعٍ .. محتاج لك قدّا = خيطي شجوني على مقياس إسعادي
ياللّي حنينك ( نِفَسْ ) لا ضقت أنا جِدّا = يملا وَحَش غربتي و يعيد ميلادي
و ياللّي عيونك حَرَسْ متقاطرة وِدّا = البير قلبك و كلّ الناس ورّادي
وياللّي عطائك طِهِرْ ما ينتظر ردّا = يا نبض أحيا وجوده .. بسمة أعيادي
خلّي دعائك معي لابليس يتصدّى = يكفي أحسّ بدفا دَعوتْك فبعادي
جعلي فِدا خاطِرِكْ وأفرشلك الخدّا = ويصوم لك خافقي كان الزّعل بادي
يا ليت عمري عِطا .. بَعِدّ له عدّا = كرمى زهورِك تعيش و تعشِب بلادي
والليل عدّى و شوقي ما بَعَد عدّى = أذكر بديت القصيد ولا وِفى مْرادي



معاً لننتظر المزيد



:backbghea



.

[أم نــــــــــواف]

.
:backbghea


_6_

قصيدة المتسابق الأخ :


" فايز عيد الشمري "





الليل عــــدى ولا أدري كيـــف قد عدا ا= ذكــــر بــديت القصيــــد وعفت مرقادي

دام المضــــايف دعتني جيت منشدا = مضــــايف العــــز يــــاقطعه مـــن فؤادي

مادام الاشعــــار تسهرني وانـــــا قدا = مــــاهمني لــــو يطول الليـــــل بعنادي

ملعون ابو الشعر وملعون(ن)بعد جدا = لاصـــار ماينكتب في نـــاس(ن)أجوادي

قضيت ليلـــــي اجيـــب البيـــت واردا = الهـــزل مـــابيه لان يقــــال لـــــه عادي

المدح مسجون في قلبي وجــاء هدا = فــــرصه وجتني وأنـــا بـــــالبيت قعادي

يستـــاهل الشعـــر مني بوسه بخدا = لانـه مدح لــــي حبيب القلب وسنادي

الوالد اللـــي مــــع الشـــدات يشتدا = اللـــي علـى الطيب والفزعـــات ورادي

الوالـــد اللـــي بفعـــل الخيـــــر يمتدا = يعطيه ربي وهــــو مـن العطــــاء جادي

من جـــــاه عـــاني يهلـــي به ولايردا = ويــــروح منــه محصــــل كـــــــل مارادي

كريـــــم يعطـــــي ودايم جـــزل بالمدا = حتى الطفـل جاه حقه وسط الامهادي

للطيب بـــاني قصـــور(ن)دونهــا سدا = مــــايــــاصله كـــل نذل وكـــل حسادي

يمشي مع الناس وفعل الخير في يدا = مـــــايطلقه غيــــر للمحتـــــاج والقادي

والمرجلــــه ورث مـــن خالـه ومن جدا = مـــايعرف الخــــوف للطنيــــات معتادي

الشعـــر يتعب ولا يقــــدر يجــــي حدا = مــــايوصل الشعـــر طيب العـود لو زادي

والليــــل طول وأنـــا طولت فـــــي مدا = وأخـاف أغـــرق بشعري وأخسر مرادي

يــــالشعر مشكـــور فيك الجزل ممتدا = من غاص وسطك تـــراه بحرب وجهادي



معاً لننتظر المزيد



:backbghea



.

[أم نــــــــــواف]

.
:backbghea


_7_

قصيدة المتسابق الأخ:


" كحل المحاجر "






الليل عدا ولا ادري كيف قـد عـدا=أذكر بديت القصيد وعفت مرقـادي
لو ان ماني جرير ولا ني بمحدا(1)=لجل أتفلسف وأسطر ماضي أمجادي
بديت شعري صغيرأ صار لي مـدا=وأشيل لحنه وأجر الصوت وأنـادي
يابوي يامي وأشيل الصـوت واردا=حافظكم اللي رفع سبعاً بلا عمـادي
محتار أبدي وانا في فطرتي مبـدا=كلاً له الحب والأخـلاص بفـوادي
أبوي قدره بنيتـه قبـل ماهـدا(2)=أصبح تراثي وتاريخـي وميـلادي
وأمي لها الطوع وأطرافي لها تفـدا=يشيلها الراس والأجفـان وزنـادي
المسألـه ماتبـي حـلاً ولا شـدا=كلاً بديته وكلاً صـار لـي بـادي
يابوي جعل الزمان الشيـن يتعـدا=زولك وذكرك رفيعاً بين الأجـوادي
رفعتني بعـد مالخالـق لنـا لـدا=الحمد لك يارفيـع الشـان متبـادي
كونت رقمي مـع الأرقـام ينعـدا=أول والأول جناب الخالق الهـادي
يفداك عمري فديتك صدق يافدا(3)=أطلب حياتي وأنا مابخل بها عادي
تشتت أفكار فكري والفضا مـدا(4)=وحروف شعري لها وادي وانا وادي
وتجف الأحبـار والاقـلام ماتنـدا=وأوراق شعري جفتني مالها حـادي
ياضامري بس يكفي ليـش ماتهـدا=لخص كلامك وروضها بلا عنـادي
لو تسرد بيوت شعري بالوفا سـردا=ماكملت ربع طلقـه مـن تـولادي
لكـن قضينـا تـرا ماللهدف مقـدا=الا تشوفـه قريـب بجملـة أولادي

حيث أن :
(1)المقصود بجرير الشاعر المعروف ,, والمقصود بمحدا ,, محدا الهبداني أحد فحول الشعر النبطي ..
(2)أهدا,,, مأخوذه من مهاداة الطفل عند النوم
(3)يافدا ,, الفد الفرد باللغه العربية يقال للشخص أذا تفرد بشيء معين عن الآخرين فد ..
اي تفرد به لوحده..
(4)مدا ,, الأرض الواسعه اللتي لاتحيط بها الجبال





معاً لننتظر المزيد



:backbghea



.

[أم نــــــــــواف]

.
:backbghea


_8_

قصيدة المتسابق الأخ :


" زاهي حمود "





الليل عدا و لا ادري كيف قد عدا=اذكر بديت القصيد و عفت مرقادي
في عتمته مزنة الاشعار تشتدّا=ساقه هبوب الحنان وشدّبه شادي
مزنه نشت من بَحَر معروف بالمدّا=بحر البسيط الهجيني بحر الانشادي
تلعج بروقه و برق الحب يحتدّا=برق ٍ تقفى و ميضه صوت رعادي
فجّر معاني و لون الحبر ما هدّا=يمطر حروف ٍ تشابه ريحة الكادي
يمطر بقاف ٍ عروضه جت لنا أدّا=و الضرب جاني مسيّر يمتطي آدي
أمطار طشت و زهر الشعر به ودّا=ودّ ٍ ولا هو غرام الحب و اعيادي
شمس ٍ سناها كسا الدنيا ولا لدّا=له الثلاثه ولا عاد القمر عادي
تسعه و فيها ظلام الليل ما ردّا=عزم المسير الطويل بجرف مع وادي
تسعه و لحظة ذبول الطهر ما قدّا=صوت انفجار ٍ يدوي بالخفا سادي
ثم السنين الثنين و شغلهن كدّا=تقرا بصفحة شقاهن حزن و سهادي
ضيق و تعب و البلا مضمونهن ندّا= عين ٍ تراعي تظن حجامها غادي
يا شيب عين السنين و كل مرتدّا=يا سود وجه النهار و طاري العادي
يا بيض وجه الليالي لو لها نِدّا=ساقت كراماتنا في جو الاسعادي
أمي مكانه خفوق ٍ دوم ممتدّا=و امي لها تُفرش الدنيا بالاورادي
لجله أطوع عناد القاف و ان شدّا=لجله و لجل العفاف و كل ما جادي



معاً لننتظر المزيد



:backbghea



.

[أم نــــــــــواف]

.
:backbghea


_9_

قصيدة المتسابق الأخ :


" ممدوح الخليوي النماصي "





الليل عدا ولاادري كيف قد عدا=اذكر بديت القصيد وعفت مرقادي
والفكر ودا وانا ادري وين بي ودا=لقرة عيوني ونبض القلب ومرادي
للي على كل خلق الله هو مبدا=اللي بطيب الفعايل دايمن بادي
اللي ليا شفت وقتي شان واشتدا=اخذ بشور الحكيم ونسل الاجوادي
يكفي ويشفي ليامنه بعث ردا=للي بقلبه جحيم الهم وقادي
يابوي لاعاش قلبن بيح السدا=وإن زاد جور الزمان يزود عنادي
ولاالشعر يايبه لاهاج يتحدا=موج البحرفي حروفه صوته انشادي
يابوي كن القلم الذيب لاعدا=روس العوالي يبي للجزل يصطادي
سجل وعجل وبحر الشعر ممتدا=من خلف عوج الضلوع الهاجس ينادي
كن المعاني جيوش وصعب تنصدا=وكني عليها رئيس منظم قيادي
يابوي كم واحدن يحتد منحدا=والهم مخفيه عن خيه والابعادي
يضحك لوالصدر مجروحن ومنهدا=ويصبر ويبقى العزيز بروس الاشهادي
يابوي يالحر يالضرغام يالفدا=مالت وطالت وازالت نور الاسعادي
يابوي حنا الكرم حاتم لنا جدا=نصبر ونرسي بطيب فعول الاجدادي
حنا نجوم الكواكب صعب تنعدا=حنا الطنايا لنا تاريخ وامجادي
يابوي اسلي خفوقن جاب ماودا=واضحك وانا اقول لله ياعرب عادي



معاً لننتظر المزيد



:backbghea



.

[أم نــــــــــواف]

.
:backbghea


_10_

قصيدة المتسابق الأخت :


" حلا الشمري (أم طلال) "





الليل عدّا ولا ادري كيف قد عدّا = اذكر بديت القصيد وعفت مرقادي
الطاري اللي عليه آحن واتعدّى = الليل ونـْـجومه اللي تخطب وْدادي
آصدّ عنـْـها ورمشي كل ما صدّا = يجرح جسد ذكرياتي وانزف الوادي
وآقول : (يمّه) // بصوت ٍ لييييت ما ردّا = إلا ّ بحضن ٍ دفاه يـْـطمّن فـْـوادي
يا لهـْـف نفسي .. ونبض القلب يشتدّا = للي بطاري حياها عنبر وكادي
ان مرّني طيفها لبّييييته اتفدّا = موتي عشق رملها الطاهر // وميلادي
من موتها // والقصيد اذكرْه يتحدّى = انـّـه فلا يلبس الأسود من حـْـدادي
وان خانه الظرف والا ّ قافه اتـْـردّا = ما خان عشقي لها وان فات ميعادي
شعر ٍ كتبته ونبضي كان يتهدّى = هي (علـّـمتني) اخطـّـه في توجـّـادي
كنـّـه توصـّـييييه : يبقى داخلي ندّا = ضد الظروف العنيده // واعلن عـْـنادي
واصبر واشوف الصبر يعظم ويمتدّا = ومـْـسلسل الذكريات الراااايح الغادي
ويلاه // ليت النظر لمـْـشاهده لدّا = ويغيب كل الوجود وزولها بادي
استغفر الله من فكري ليا ودّا = رايي لقولة (ظلمني الوقت ما جادي)
الله كتب موتها // (واهلا ً بما جـَـدّا) = أرضى بحكم العزيز القادر الهادي
يا جعـْـل أيّامها في الخلد تنمدّا = بدعي لها والخفوق يـْـصيح ويـْـنادي
اوصي الذي عنده امـّـه // بسّ ما أدّى = في برّها شي (لا حصـّـل ولا فادي) :
قبل يـْـتعشـّـى الخطا // قم سمّ وتـْـغدّى = والا ّ خسرْت الحياة اللي مَ تنعادي
آصييييح : (يمّه) // وصوتي ليت ما ردّا = إلا ّ بحضن ٍ دفاه يـْـطمّن فـْـوادي..!



معاً لننتظر المزيد



:backbghea



.

[أم نــــــــــواف]

.
:backbghea


_11_

قصيدة المتسابقة الأخت :


" بريئه ولكنـ "





الليل عدا ولادري كيف قد عدّا = أذكر بديت القصيد وعفت مرقادي
لي زفرت ن من شديد الضيم تشتدّا = تسمع صداها بلاد الروم والهادي
ما مر في شاطي الآمال من مدّا = الجزر دايم عناوينه بالارصادي
حزني مفارق عيونه منبع الودّا = مزن الوله في خفوقي دوم رِعّادي
الحال بعده طريح الهم يتردّى = ما فاد به طبّ ن ولا حاجم ن فادي
احفر بدمعي حروف اسمه على الخدّا = وارسم بصدري ملامح وجهه الهادي
اشوف زوله بعين امي ويمتدّا = على شريط ن بدا من يوم ميلادي
أطهر من الصبح في نيسان لا ندّا = هادي ينادي علي ومبسمه بادي
اشوف زوله ودمع العين ما هدّا = يسيل سيل المطر في غبّة الوادي
أشوفه يمد لي من شوقه اليدّا = تسبقه يدّي من الأشواق تنقادي
أثْره سراب ن تلاشى هدّني هدّا = قمت آتحراه .. كود يعود .. ولا عادي
يا بوي بنتك على طاريك تنهدّا = كنْها بفرقاك تاطا جمر وقّادي
يابوي يومي بدونك مظلم ن جدّا = وينك يـ شمسي يـ أمسي يـ اسعد اعيادي؟
يوم الفرح .. والفرح محجوب منسدّا = كنّك حرمته بموتك ريحة فوادي
لبست ثوب الفرح والحزن يتعدّى = حلم اليتيمة بثوب ابيض وأولادي
الليل عدّا ودمع العين ما هدّا = من بعد ما غبت كيف اهنا بمرقادي؟



معاً لننتظر النتيجة



:backbghea



.

[أم نــــــــــواف]

:101:

الإخوة الشعراء المشاركين

هانحن نصل بفضل من الله إلى نهاية فترة تلقي المشاركات

لايسعني إلا أن أقلّد كل مشارك بأكاليل من الشكر والثناء

وإنها لقصائد يطرب لها الفؤاد وتهشّ لها الأنفس

كيف لا وهي بأغلى مخلوقين بعد رسول الله عليه الصلاة والسلام

شكرا لكل من شارك

شكرا لكل من حفّز وعقّب

ولننتظر معاً خطوات التقييم القادمة بإذن الله

بالتوفيق جميعاً

فأنتم رائعون
:101:

:101:

[أم نــــــــــواف]

بالتوفيق بإذن الله

[نافع بن طواله]

بالتوفيق للجميع

[شموخ]

بصراحه يحتار الواحد واحترت بين قصيدتين اعجبني :) لكن بعيد القراءه من جديد بكره وبتمعن اذا روقت واصوت بمشيئة الله .


صوتك أمانه لاتمنحه الا من يستحقه :) ( كأنها شعار الترشيح للمجلس البلدي ) :)



تحياتي
شموخ

[نايف حزوم]

الصراحه الخوات ابدعن وفالهن البيرق

[زاهي]

أم نواف

الله يعطيك العافية


ألا متى تنتهي مدة التصويت ؟

[متفاائل]

فكرة ممتازه

وجهود طيبه تشكر عليها الاخت ام نواف المبدعه

شعراء وشاعرات مبدعين وفالكم البيرق والمليون :)

[محمد الهزاع]

بالتوفيق للجميع

[أجا]

00000000

قصائد رائعه

ابدعوا جميع الشعراء فيها



أم نــــــــــواف

الف شكر ..

[ابو عارف]

شكراً أم نواف على هذا الجهد الرائع بارك الله فيك.

متى تعطونن المليون والبيرق؟:thumb::3ajeeb:

إلا وليه ماتخلون المسابقة للأكبر سناً أو للي مابوه سنون أو للأصلج مثلاً كلها مضمونهshlwee7؟

صوتي منحته لأحد المتسابقين الرائعين

يكفي إننا صفينا مع هالكوكبة من الشعراء والشاعرات المبدعين


الله يوفق الجميع

[مهاجرة باحساس]

بالتوفيق للجميع .......... كل القصايد رائعه يصعب الاختيار



بس بصوت للي هزتني قصيدته .... :mabrook:

[الراميه]

ماشاء الله الكل أبدع بطريقته
roooose
للجميع بالتوفيق

وبرجع للتصويت غداً

ام نواف
عمل أكثر من كلمة رائع
تسلمين على هالافكار

لكمـ الــ وّد roooose

[ريال الفسحه]

تم التصويت
::
كل الامنيات بالتوفيق للجميع

[صدى الشمال]

.

شكرا للاخت ام نواف





تم التصويت

[سالم]

ابو سعد . . فالك اللقب ياشيخ roooose

" تم التصويت "

[حمـود]

بالتوفيق للجميع

وشكرا لك يا ام نواف

على هذه المسابقه التي

لم اتوقع ان بعضهم شعراء

شكرا لكي

ودمتم بخير

[أم نــــــــــواف]

الكل أبدع

الكل أبدع

الكل أبـــــدع

فـــ مـــاشاء الله :thumb:

شكرا لكل من رشقني بشكر ندي أنعشني :thumb:

بارك الله بكم جميعاً

أخي زاهي النماصي ترى التصويت ينتهي مع نهاية ربيع الأول

شكرا لك لتذكيري لما غفلت عنه

ولقد أعلنت ذلك في شريط الإهداء


بالتوفيق للجميع

[المتوقد]

بالتوفيق,, التصويت يحتاج لقراءه كامله لكل القصائد
بس لو كان مشاهدة التصويت مغلق الا لمن صوت لكان أفضل
لان مشاهدة التصويت قبل تصويت العضو يؤثر نوعا ما على الاندفاع الى نتيجة شاعر معين
مجرد رأي
وبالتوفيق

[أم نــــــــــواف]

8
8
8

هلا بك اخوي المتوقد

وأجد بأن أحدنا سيكون حريصاً على إعطاء صوته

وقد يعجبك مالا يعجب غيرك من المشاركات

لذا فكل يصوّت لما يعجبه ..

شكرا لك أخي الكريم

[((عبدالله بن غيث))]

ام نواف أشكر لك جهودك وأشكر كل المنافسين والله يوفق الكل , ويجعلها أنشالله على خير ...
والكل فايز دامها بالأم أو الأب ماحد خسران.....
دنيا وآخره ...
مع تمنياتي بالعدل والمواساة بين الشعراء عند الجمهور..

[سعد الشمرى]

اتمنى التوفيق للجميع وانا من الحين اصوت للشاعر زاهى النماصى

[أبوطروق]

أبوعارف1 أبوعارف1 أبوعارف1 أبوعارف1

تم التصويت لأحد الأعضاء ولن أفصح عن أسمه!!!!!!!!!!

شكرا أم نواف
مع تمنياتي للجميع بالتوفيق

:

[ابو عارف]

أبوعارف1 أبوعارف1 أبوعارف1 أبوعارف1

تم التصويت لأحد الأعضاء ولن أفصح عن أسمه!!!!!!!!!!

شكرا أم نواف
مع تمنياتي للجميع بالتوفيق

:

---------------------
شكراً للعشير أبو طروق على الترشيح.

أجل نسحب موضوع أهمية كشف الغياب قبل بدء المعركة ونخلي الإجابة إختيارية لصالحك.


شكراً لك يالوافي لاهنت.

[زاهي]

الرطاب

تصويت مثلك شرف لي

تسلم يالعزوة

[الاعلامي]

مسابقه طيبه وان شاء الله تجلب النفع للاخوة والاخوات الشعراء ..
الشكر موصول للقائمين على هذه المسابقه .. يعطيكم العافيه يارب

[أم نــــــــــواف]

شكرا لكل من مرّ من هنا

شكرا لكل من عقّب

شكرا لكل من شكر

شكرا لكل من صوّت


بارك الله بكم جميعاً

وبالتوفيق لشعراءنا المشاركين

[العَـــروب]

ام نواف الف شكر يالغالية على التنظيم الروعة وجهدج الواضح roooose

واشكر اللي صوتوا لي اختياركم يشرفني والوصول لقلوبكم هو الغاية

الحين جا دوري ابي اصوت بس والله محتارة
الشعراء ماشالله عليهم ابدعوا الله يعين اللي بيصوتون
ياليت عندي اصوات على عددهم بس للاسف مجبورة اختار قصيدة وحدة (وليس شخص واحد)


بتول آل علي


قصيدتج مميزة مبتكرة صادقة سلسة غير متكلفة


صوتي لج وتستاهلين




rooose2 دمتم بود rooose2

[عبدالله عبيد]

متأخر كـ العادة

شكري لام نواف وصوتي لمن يستحق

[زاهي التومي]

بسم الله الرحمن الرحيم

أظهرت لنا هذه المسابقه كوكبه من الشعراء الذين هم بلا أدنى شك شعراء مميزين نفخر

بوجودهم في هذا الصرح الشامخ منتدى مضايف شمر .

و هذا هو الهدف السامي من هذه المسابقه .

الجميع أبدع و أتمنى لهم التوفيق

أشكر جميع من صوت لي كما أخص بالشكر الشيخ ريال الفسحه على دعمه اللامحدود

شكرا ً لك أخي سالم كما أقول لجمهوري الكريم كثفوا تصويتكم هههههههههه


تمنياتي للجيمع بالتوفيق

شكرا ً أم نواف

[عبدالله الجعيثن]

شكرا لكم جميعا



ابدعتم




تم التصويت

[الثمالي]

نتائج رائعه وابداع مستمر

شعراء وشاعرات ارتقوا لحجم التمثيل

شكرا لمن رعى ولمن سعى لمثل هذا النجاح

اعتقد ان صوتي ذهب الى حيث اعتقد انحياز الجمال



النادر

[بتول آل علي]

يعطيج العافية أختي بريئة

و لكِ وافر الشكر و التقدير و لكل من صوّت لي و أرسل هنا أو على الخاص

و أتمنى أن أكون قدّمت ما يليق بالشعر و بذوائقكم

roooose

[بتول آل علي]

عندي سؤال للقائمين على المسابقة /

( هل ممكن إني أصوّت أو التصويت مقتصر على غير المشاركين ؟ )

roooose

[أم نــــــــــواف]

8
8

هلا ياقلبي


بتول صوّتي الله لايهينك

خذي راحتك :3ajebni:



ـــــــــــــــــــــــــــــــ
ـــــــــــــــــــــــــــــــ


شكرا لكل من مِن هنا مرّ

ولكل من أثني أو شكر



بالتوفيق،

[محب البداوة]

بيض الله وجهوكم وصح الله السنتكم وابدانكم

انا اشهد ان الشعر العربي لايزوال بخير وان العروبه بكم يهل شمر لا زالت تفتخر يانسل حاتم الطائي
وفقكم الله جميعاً

[ابو عارف]

بيض الله وجهوكم وصح الله السنتكم وابدانكم

انا اشهد ان الشعر العربي لايزوال بخير وان العروبه بكم يهل شمر لا زالت تفتخر يانسل حاتم الطائي
وفقكم الله جميعاً
---------------------------
شكراً لك محب البداوة
ماعليكم زود يالغالي rooose2
شهادتك وسام على صدورنا لاهنت
وفي هذه المناسبة لايسعني إلا أن أشكرك وأشكر جميع من أدلى بصوته تشجيعاً لإخوانه ولأخواته الشعراء.