تصحيح لما ذكر عن "معارك بين عنزة وشمر"

[خيال البويضا]

السلام عليكم ورحمة الله وبركاته
عزيز القائم على صفحة (أنساب والتراث الشعبي) نأمل منكم عند إيراد بعض المعارك إيرادها إيرادا كاملا ولا يعني ذلك انتقاصا لأحد أو نيلا من كرامته

فعنزة معروفة وشمر كذالك ولكن التاريخ يطلب إنصافه فند ذكركم لقصيدة مشعان بن زبدان الصقري لم تتطرقوا إلى ذكر الحادثة من أولها فالإبل التي حدثت عندها المعركة هي إبل قبيلة الدهامشة من عنزة إثر صراع بين الصقور والدهامشة وخاصة بين ابن ضلعان و الديدب من السويلمات وبعد المعركةنفرت إبل السويلمات وذهبت الصقور في طلبها إلى أدركهم الجوع والعطش ثم وجدوا شمر على منهل الماء (منهل المركوز) حاليا وكانت الإبل عندهم وقد ذبحوا منها للغداء وعندما جاءهم المرسول الأول قاموا برده والثاني كذلك إلى أتى المرسول الثالث فردوا عليه إذا تبي تشرب أنت وحصانك اشرب أما الصقور فلن يبلوا ريقهم فرد الرسول إذا بي موت أموت مع ربعي ولاني شارب من دونهم ,وكان عقيد التومان من شمر أمر إذا شربالصقري لحاله دون ربعه أن يقتل لان "ردي" ولكن الأمر كما توقع فلم يشرب فعاد إلى ربع قال هذه الأبيات الهجينيه:-
الجيش مظمي وله حنا+++مامن عذر يالعمــــــاراتي
ذبيحنا اليـــــــوم للجنة +++ولاينعي واحد مـــــــاتــي
يالابتي مـــابه كنــــــــــه+++صيروا على الرجم زافاتي

فما كان من أحد أفراد قبيلة شمر إلا رد بهذا الابيات:
الجيش مظمي وله حنا+++حالت عليه السناعيسي
لعيون من نشدنا عنا +++نجيبها للمـــــــــــتاريسي

فعندما عاد المرسول بهذا الرد قام كل من معه قربة من الصقور بشقها ومنعوا المنع "الأمر"وأقسم إلا يردوا على الماء وحدثت الوقعة وقتل من الصقور "المشعان" ووصية الابيات المعروفة إن جتكم مشعة تصيحي ...إلخ ,وقد قام فارس من الصقور برمي ملابسه كلها وقد تقدم الجيش وسمي بـ(الأملط) وعندما سئل عن ذلك أجاب علشان إذا صابتني الطلقة ما تأخر بالثوب والمحزم والملابس وهذا الفارس معروف عند ربعه وحدث الهجوم وانتصرت قبيلة الصقور وقد وقع لاجل من المزيريب من شمر بالأسر وقد اعتقة الاملط شهامه منه

وتعقيبا على ماذكره الأخ عبدالله الجعيثن/
هو ليه ماتويق يادبي+++على السويلمات لو نوبه
هيج والزمـــــل عذبي+++والقيد والهــــجر عيـــــوبة

وهذه القصيدة لبنت من السويلمات ,كان أبوها يجبرها على رعي الإبل فتمنت الأخلاص منها بأي طريقة وتمنت لو الفارس "دبي" يأتي ويأخذ الإبل ليريحها من الرعي فأت دبي وأخذ الإبل كما طلبت وبعد ذلك ذهب والد الفتاه في طلب الإبل فشرط "دبي" عليهم بأن لايرسلوا هذه الفتاه للرعي أبدا

هذا هو التاريخ كما كان وليس كما أورد الأخ العزيز /أبو طراد والأخ عبدالله الجعيثن.


""سبحانك اللهم وبحمدك أشهد أن لا إله إلا أنت استغفرك وأتوب إليك""


أخوكــــم ><خيــــــــــــــــال البويضا الصقــــــــــــري><

[متواجد]

و الله و آلـف نـعـم بـك و بـربـعـك يـا خـيـال الـبـويـضـا

و الله يـرحـمـهـم بـرحـمـتـه

[خيال البويضا]

ماعليك زود


وهذا والله من طيب أصلك


تشرفت بمروركـ

[زاهي]

‏ راع البويضا

يعطيك العافية

بس ودي تأكد من هالابيات :
الجيش مظمي وله حنه ؛ مامن عذر يالعماراتي

لان اللي أسمعه إنه عند ماء القيصومة يوم تارد عنزة تبيه ويلقون عليه بعض شمر عليهم غضبان ابن رمال
وكانت القصيدة عقب منعهم
ووردوا بالتالي
‏ ‏

[خيال البويضا]

الله يعافيك والوقعة اللي تكلمت عنها متأكد منها لإن جداني أثنينهم باها

وسألفت غضبان الرمالي كانت مع الدهامشة في القيصومة اللي أنت ذكرتها


والعلم عنك ...

[زاهي]

‏ ‏ خيال البويضا

أنا استفساري عن الأبيات لاغير

لأن اللي أسمعه إنه باللي على القيصومة

وإن اللي بالقيصومة العمارات عقب مامروا زرود بقيادة ابن ثامر من الهذال
واللي صارت به كون زرود مع النمصان

[شــــــــمـري]

بينما أجول وأقرأ القصص شد انتباهي الموضوع .. فأحببت أن أضيف ماعندي ....
وأبدأ أقول ونعم بالقبائل كلها ....
واحببت أن أضيف لأنني أهتم في القصة من أصحابها ...
بارك الله في الجميع وبحكم أني أعيش عند عنزة والحارة اللي بها في كلها صقور ( ونعم بهم اي والله )
ومجلس الوالد يجي فيه شيوخ شمر وعنزة وخاصة العمارات والصقور بالذات ومنهم رجل عمه مشعان ابن زبدان الله يرحم الجميع وبصراحة أنا من المعجبين به وخاصة بعد هذه المعركة ....وخذهوها كما سمعتها منهم ...واللي أظنها الصحيحة ....لأن بعضهم نقلها من جده ....
وهي جات بعض من العمارات من عنزة عند مكان للمي يسمى الحرز عند القيصومة ويقال انه قيصومة فيحان حول عويقيلة وهو الاقوى بقيادة ابن هذال وبعض من شمر على المي واظنهم قالوا الرمالي (ماقضبته ) ....
وهذا في الصباح ...ويبون يشربون وعيت شمر وابن هذال كانوا مجهدين من السير ومابهم حيل ونوا يدورون على مي قريب وهناك طفل يبكي عطش وسمعه ابن زبدان ونهج يبي المي وكما ذكروا الأخوان .... في جيته للمي واتركوه شمر لشجاعته ومروته وقبل البدو يقدرون الطيبين ...
واثناء عودته الى جماعته وفي هذا الوقت بقيت قبيلة شمر في الخنادق ( المتاريس ) لكي تكون مستعدة للحرب التي ستحدث وكان مشعان بن زبدان في طريقه لجماعته وكان يقول من ابيات منها :

يأم القريني مادلي@@ يامحلا ضرب العصملي@@ بيدين ناسن هواشه



ولما وصل قال الابيات ...
الجيش مضمي وله حنه ... مامن عذر ياعماراتي (دليل على أن العمارات معه )
ذبيحنا اليوم بالجنه ... ولا ينعي واحدن ماتي
الحرز كود يردنه ..... غصبا ولابه مرواتي (اسم المكان )
ياربعنا مابه كنه .... خلوا الجيش زافاتي
وتختلف الروايات في القصيدة لكنها من أهلها ...
و الانتصار كان لللعمارات ومعروف والدليل الأبيات التي قالها ابن زبدان بعد المعركة
وهم يمدح شمر بها ايضا ... ولم يقتل ابن زبدان في هذه المعركة بل فيما بعد قتل ...وابياته معروفه بأخته مشعة...

وهذه ابياته بعد المعركة ..... وتسمى معركة القيصومة ...
الطيب ماهو لكم عنــا @@ يامحرقين المحاميسـي
أنتم وحنا تحاربنــــــا @@ يا زوبع ويالسناعيسي
حنا وياكم تراهنـــــــا @@ وياما نهجتم مفاليسـي
قلنا لكم جنبوا عنـــــا @@ يا كاسبين النواميســي
لعيون من نشّدن عنـا @@ ندككم بالمتاريســـــــي

حتى بعد الانتصار يمدح الخصم وهذا ماكن يميز الأولين ...
وصفهم بالطيب وكاسبين النواميس والعلم الغانم
وابن زبدان فارس معروف وشاعر
وللعلم هي مشهورة وذكرت في الكتب ولكن نقلي عن الشيبان .....
كتاب من وقائع وأحداث البدو للمؤلف خلف بن حديد :

أن في أحدا ث سنة 1339هـ وفيها وقعة القيصومة بين العمارات من عنزة وبين شمر وصارت الدائرة على شمر ....


وخيال البويضا بالنسبة لسالفة الاملط ليست هذه بل التمياط أخذ الصقور ولحقوا عشرين رجال منهم معضهم من المصاعب وبالليل قالوا لازم انعرف بعضنا ونتملط ولازم نذبح العقيد وكان ولد الشيخ التمياط وانذبح الله يرحمه حيث كان مصدر القوة لخوياه وعرفوه ان لما يصير كر وفر هو الوحيد اللي مايرجع ولا يفر وعرفوه ورموا عليه الرصاص واصابه وقبل ذبحت العقيد تنهي في معظم الاوقات المعركة ... وعندي حتى تفاصيل المعركة بالضبط .......لأن من أجدادي فيها ...
حتى أن يحدثني شخص عن ابوه يقول وقتها أنا جالي عند التمياط وبمجلسه وقام الشيخ وعلموه بذبحة ولده ويقول جاني قالي وعلمني وقال ان بقيت المجلاس بكيفك وأن بقيت الروحه بكيفك أخاف من المطفق وانا ادري معلمه لا تبيت الا في الديار الا الصقور يلحقونك .. قلت ابي الروحه ياطويل العمر وطلعت ومعي ناس تحرسني لين وصلت ديارنا ...
وهذه من مروة الاولين ..
ومن اشهر معارك القبيلتين معركة تسمى معركة الدقات أو ذبحت الطيبين .... وانتصرت شمر بقيادة ابن رشيد ...
وسالفتها عندي كاملة ...( حمية )
وفي الماضي تصبح تاخذ القوم وتمسي تاخذك القوم وهكذا بين القبائل كلها ... وهذا حالهم ...

[الحيمري]

هالقصص كلا يحرفبه على كيفه لا شوفو وش يقول اللي يبي يكذب قالو لي الشيبان

طيب قالو الشيبان هل قولهم ميئه بالميئه


اولا ماتويق ياشين يادبي على المحينات لك نوبه

ماتشوف انا الزمل عذبي هيج والهجر عيو به




ثاني مشعان بن زبدان اشترك عده معارك بين عنزه بينهم وبين شمر وعنزه

وقال عده قصايد بالمعارك كلها

ولم يذبح لا في معركه المركوز ولا في معركه القيصومه

[فواز الغسلان]

حياك الله اخوي خيال البويضا 00

والحقيقه اني اتابع ابحاثك ومواضيعك في عدة منتديات وهي مواضيع ذات جهد وانصاف

واعتبرك من نخبة من يكتب في التاريخ لاسيما تاريخ عنزه وشمر 00

وقد لمست منك الصدق وقوة البحث والاعتماد على الادله لاسيما في المخطوطات وكتب

المستشرقين وهو مجهود تشكر عليه لكوني استفدت كثيرا من ابحاثك الرائعه هذه00

فياهلا ومرحبا فيك وتقبل شكري على جهودك المباركه00

[مفتون الشمال]

بسم الله الرحمن الرحيم
السلام عليكم ورحمة الله وبركاته
اناا حبيت اتدخل بسالفه صالحه والشيخ دبي
بأن صالحه هي من الصقـور وليست من السويلمات وها هي القصه كامله التي حدثت بين صالحه والشيخ دبي وانهت بأنتصار الصقور ,’’’ وليس كما قال بأن ابو الفتاه ارسل الي الشيخ دبي بأرجاع الابل واشترط الشيخ دبي بأن يرجع الابل بشرط ان لا ترعى الفتاه الابل ( هذا كلام خاطئ ) وها هي القصه الحقيقيه

وهذه الابيات بيـن الـعـقـيـد المشهور بذاك الوقت دبي النجباني الشمري وهو من التومان من شمر , و هم في الغالب أكثر شمر في المغازي وبين صالحه وهي من المحينات من الدهامشه من العمارات من عنزة..

وكانت صالحه ترعى لأهلها وذلك أما لانها يتيمه أو ليس عندها اخوان أو ابوها كبير بالسن .
, لأن البنات نادرا مايسرحن بالابل ..

أهل صالحه رفضوا أن يعـطـونـهـا الهجار وجمعه هجر والهجار تربط بـه يد الجمل برجله حتى لا يتحرك بسهوله
وعندما أيقنت أن اهلها رفضوا أن يعطوها هجر للزمل( الزمل: الجمال فقط) وليس هناك امل في أن تتخلص من هذا العذاب والتعب الا ان يأتي غزو وياخذ الحلال ، فما كان أمامها حل الا انها تنخى أحد العقداء المشهورين في تلك الأيام حتى يأتي وياخذ الحلال ويريحها من هذا العذاب .. بعد ماطفح الكيل بها من التعب ؟؟

ووقع اختيارها على العقيد والفارس دبي الشمري من التومان ..

فقالت صالحة :

وراك ماتويق ياشين يادبـــــي
ــــــــــــــــــــــــــ علـى الـمحينـات لك نوبـه
يا دبي الــزمـل هـيـــاج عـذبــي
ــــــــــــــــــــــــــ والـهجر بـالبيت عيـوبــــه
خل المخابيط تشتبي
ــــــــــــــــــــــــــ والخيل والجيش له شوبه

ووصلت القصيده لدبي الشمري وتحركت فيه النخوة وفعلا ً غزى على المحينات والتقى بصالحه وقال دبي : من انتي قالت(وهي تشاهد الوسم) : الله جابك .. انـا صالحه يادبي فقال لها :عقلي بعيرك اللي تركبين ( اي البعير الذي تحتاجينه في مسيرك ) , وانا اريحك من البـاقي. وفعلا ً اخذ الحلال , ورجعت لأهلها وهي مرتاحة بعدما أخذت الابل فقال دبي الشمري بصالحه بعد ماهب لمساعدتـها وانقاذها :

يــاصـالــحـه يــــــــام دواره
ــــــــــــــــــــــــــ عـين الــــغزيــل ليــا سـجي
مانتي من البيض مكــــــاره
ــــــــــــــــــــــــــ اصدق مـن الـلـي نـهـج حجي
يـابـطن حمرا مع الغـــــــاره
ــــــــــــــــــــــــــ حــوايــة الــبــوش لاهــجـي

وكان هنا يتغزل بها ويشبه عيونها مثل عيون الغزال وانها صادقه وماهي مكاره ، حتى أنها اصدق من اللي ذهب الى الحج ...

وفرحة دبي لم تدم طويلا وكعادته دبي وهو عقيد غزوات ، فصبح قبيلة الصقور من العمارات من عنزة على غدير عرف فيما بعد بغدير دبي وركبوا عليه الصقور وصارت عليه هزيمه كبيرة جدا اذ نجى هو واثنين من جماعته اما الباقين مابين قتيل وأسير

فقالت احدى شاعرات الصقور بهذه المناسبه من قصيدة :

لاتـغـيـر يـاشيـن يــادبـي
ــــــــــــــــــــــــــ على الصقورات ,و لو نوبـه
لحقوك غوش ٍ على قبــي
ــــــــــــــــــــــــــ لعيون شـقـح ٍ تناخوبـــــه
الشمـري طــاح وانـكبـي
ــــــــــــــــــــــــــ بـالمحقبـه عـلقـوا ثـوبـــه



تحياتي لكم اخوكم فهد السويلمي العنــزي

[خيال البويضا]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
أما بعد :
كل عام وانتم بخير و بارك الله لكم في أيامكم وجعل لكم من كل هم مخرجا
ومن كل ضيق فرجا وشكر خاص لكل من رد و علق و ساهم بما يعرف عن تاريخنا المجيد
وشكر خاص للأخ الغسلان على كلامه الجميل والذي اعتبره وساما لي

أخوكم / خيال البويضا

[إبراهيم الشميلي]

ياجماعه الخير كل يومين تطلع سالفه مختلفه

ماعرفنا الصح من التحريف

الجيل القادم راح يتعب من تحريف هالوقت

ولا ندري من الفاعلين والمقصود منها

وخصوصن بالانترنت

والتارريخ واضح ولايحتاج الى ذلك


لاهنت يالناقل الموضوع

[العساف]

ياأخوان ياكثر الطيب بين شمر وعنزه (والروله ) أذكروا سوالف الطيب وتبادله بينهم جتى نعلم أبناءنا أشياء تفيدهم وخاصة إنهم متجاورين منذ القدم في شمال الجزيرة العربيه ومن أكبر قبائلها.
أذكروا محاسن موتاكم

[ابو عبدالعزيز]

مايفرقنا عن الويلان ياكود البطاقه === ابك حنا دولتين كبار بمسمى قبيله


شمر وعنزه عداء ،،ووفاء ،، والله ماينظام شمري وعنده عنزي ولاعنزي عند شمري رغم الحروب اللي بينهم



يقول الشاعر العنزي





يعني على قولة هل العرف ياحسيـن
لاخيـر فـي رجـلٍ بليـا جمـاعـه

ولانـي ولـدت بـدار فكاكـة الديـن
اهل الكرم والطيب واهـل الشجاعـه

ويلان لا وردو على المـوت عجليـن
فيهـم علـى ورد المنايـا بتـاعـه

الطيبـيـن الطاهـريـن النقـيـيـن
الخيـريـن الصادقـيـن السبـاعـه

موفين حق الجـار بالطيـب والليـن
للجار فـي قـرب النشامـا مناعـه

معهم سليت ورحت بالمذهـب الزيـن
راحت معاهم حفنـة سنيـن ساعـه

ثلثيـن عمـري راح يـا وي ثلثيـن
مايـوم جتنـي العايلـه واللكـاعـه

صاروا لي الطف من غطا الجفن للعين
وارق من حكـي الحديـث بشفاعـه

تحس في قـرب الرجـال المياميـن
انك اخو من ((دم)) ولا ((رضاعـه))

حمّاية الوضحا مـن اللـي مغيريـن
لاوين مـن طالـت عليهـم ذراعـه

واجب علي اذكـر فعـول الكريميـن
اللي شروا كسب المراجـل بضاعـه

مدامنـي وافـي واحـب الوفيـيـن
وقناعتـي فيهـم تفـوق القنـاعـه

لازم علـيّ اعـد فعـل الحشيميـن
واترك حديـث الناكسـه والرعاعـه

اترك علوم عفون الاشـوار مهفيـن
حـق الرجـال الطاهـره بالشناعـه

نقالة الحكـي الملفـق علـى ويـن
بالهون ياهـل الواطيـه والبشاعـه

ياحسيـن ماتوخـذ قبيلـه بخبلّـيـن
مادامهـم مـا يـوم جابـو قلاعـه

دحوش الرجـال مقابليـن النساويـن
اهل الحكي والكذب واهـل الخناعـه

وياحسين قالوا في حديـث القديميـن
تحشم كـلاب القـوم رغـم الدناعـه

وانـا لـك الله ماسمعـت المقفـيـن
واللي مشا لـي بـاع دبلّـت باعـه

مايرخـص الغاليـن فعـل الردييـن
راعه بقلبـي حـب الاجـواد راعـه

ياحسين جيت ونبض كـل الشراييـن
حب عنزه باعلـى عوالـي رفاعـه

ولاتحسبنـي جيـت لانـي مسيكيـن
ولا سـلايـل دافعـيـن الرتـاعـه

جيتك ولد مـن روس ربـعٍ عريبيـن
شبـوب نـارٍ عـالـي بانـدلاعـه

انـا سـلايـل لابــة بالملايـيـن
بالضبـط امـه كاملـه باتسـاعـه

شمر على عرش المراجـل سلاطيـن
اسياد عرش الطيب من فـوق قاعـه

ان جت على الفزعات نعمك ونعميـن
وان جت على المده تموت المجاعـه

ولا جت على وصل الرحـم للقريبيـن
اقسـم قسـم مـا بالطنايـا قطاعـه

الحاصل ان القلـب مابيـن عرقيـن
متساويـات بنبضـهـن واندفـاعـه

عرق النسب واسم الطنايا العزيزيـن
وعرقٍ مع الويلان صعـب انقطاعـه

وامنت في قـول الرجـال الحكيميـن
مربى الولد يغلب على الاصل طاعـه

ياحسين واللي نـزل الطـور والتيـن
واللي هدى الانسـان فـن الزراعـه

ماقلتها ياحسين واقصـد بهـا شيـن
غير الثنـا بالطيـب مامـن طماعـه

حبي لكم ياحسين اصـل المضاميـن
ومداد حرفٍي مـع سنـاه وشعاعـه

حـرف كتبتـه ورد فـل ورياحـيـن
وياليت كـل النـاس تقـدر سماعـه

وربـي لرددهـا بـكـل الميـاديـن
ولو لي بعد قـدره نصيـت الاذاعـه

لاني وفـي عشّـاق طبـع الوفييـن
وقناعتـي فيكـم تفـوق القنـاعـه

وختامها بالـورد والعطـر ياحسيـن
مني لكـم ياهـل الوفـا يالجماعـه