المساعد الشخصي الرقمي

مشاهدة النسخة كاملة : اللّوبي لـ سعد علوش


عبدالله المهيني
12-03-2008, 01:59
يعجبني جداً
حتى في كبريائه يعجبني جداً

شاعر حداثي لا يتركـ مجالاً لمحاربي الحداثيين
للدخول في معركة يعرفون نتيجتها مقدماً


أبو جابر

شاعر أقل ما يقال عنه علم من أعلام الشعر في منطقة الخليج
لقب بألقاب كثيرة أهمها ( المرعب )


هو

سعد بن علوش الهاجري



أترككم مع رائعة أبو جابر

اللّوبي




http://up.arabseyes.com/upfiles/oOW07178.jpg



تقبلوا الود


roooose
مشــــعل
12-03-2008, 03:48
شاعر حداثي لا يتركـ مجالاً لمحاربي الحداثيين
للدخول في معركة يعرفون نتيجتها مقدماً

والله ياعبدالله مادري وش اقول ..!!
انا من اشد محاربي الحداثه ..
ومن اشد محاربي التقليدي البحت ..

يعني التوسط بين الاثنين جميل ...


يعني تحديث المفرده .. مطلوب .. لكن بحدود

التقليديه اذا انتهجها الشاعر .. كرر جميع ماقيل قبله
والحداثه اذا اكثر منها الشاعر .. بيني وبينك اقل مايقال عنه " ماقسه "

مع احترامي لسعد علوش ولكــ ولجميع محبي الحداثه ماسبق لااعتبره شعر ..

وجهة نظري ممكن اكون مخطي .. وممكن مصيب
طبعا انا لاعتبر نفسي وصلة مرحلة النقد .. لانتقدها كناقد
ولم اصل مرحلة شاعر .. لكي انتقدها كشاعر
ولكني احكم عليها .. كمتذوق

اتمنى مناقشتك بالقصيده
لكن اعتقد النقاش في قصيده .. وشاعرها غائب .. ظلم لها ولشاعرها

تحياتي .. rooose2
عبدالله المهيني
12-03-2008, 10:29
يامرحبا يا مشعل

حياك الله




الحداثه مصطلح جميل جداً
ولكن مع الأسف هواة الشهرة السريعة أحبوا تضليل الجمهور عن معناهـ الحقيقي
إلى رميهم إلى أن الخاطرة هي بالضبط عملية التحديث بالمفردة


وهذا غلط ولكن ماذا نفعل ؟


فلا رصيف الشمس ونهود البحر ورموش البقالة تمثل الحداثة بتاتاً
ولكن أحد الغائبين عن الساحة لفترة طويلة أراد العودة بهذه الطريقة لكي يكسب الجمهور

ولكن بشكل سريع


هذا بالنسبة للحداثة



أما بالنسبة للقصيدة السابقة والتي بحق من أول ماسمعتها في أمسية سعد علوش
والتي أقيمة في حائل الصيف قبل الماضي

وأنا لازلت أتلذذ بسماعها في كل مره جديدة


المهم


عطنا أسبابكـ في تصنيفها خارج نطاق الشعر :)

والصدر يا مشعل يتسع لكل جميل مثلكـ

والإختلاف بالرأي لا يفسد للود قضية عندي بتاتاً



بإنتظاركـ


roooose
مشــــعل
13-03-2008, 02:45
هلا بعبدالله

اشكرك على سعة الصدر
وهذي هي الهقوه يالغالي

كثير من الاخوان للاسف عندما تنتقد ذوقه او موضوع يخصه
للاسف يجعله انتقاد شخصي له..

عموما

اسمح لي ابي اتفلسف :)
واتمنى اني استطيع ايصال اللي ببالي
لاني اعاني من هالشي :za3lan:
حتى كمدرس اتذكر قالنا مشرفنا المصري ايام التطبيق الميداني
يامشعل اتعب في الشرح ... يعني انت فاشل في توصيل المعلومه:za3lan:

المهم
عبدالله جميعنا نتفق
ان كلمة " شاعر " بالوقت هذا مع كثرة المجلات
ومع الاهتمام الاعلامي ومع غياب النقد الهادف ومع كثرة المطبلين
اصبحت سهله وفي متناول الجميع بس بشروط
ان الشخص يضبط وزن القصيده ويضبط القافيه ومبروك كلمة شاعر

وجميعنا نتفق
ان العلام له دور في بروز الشاعر
بل له دور في رفع الشاعر فوق فوق .. وله دور في خسف شاعر اخر :za3lan:

واي شخص مجرد وصوله للاعلام .. وعندما يجد الاهتمام من مجله معينه او قناة معينه
راح يجد معجبين وجماهير
وعلى قولتهم كل ساقط وله لاقط ..

راح تقول وش دخل كلامك اللي مضى بموضوعنا ..

كلامي اللي مضى نفهم منه شي واحد ان الاعلام او تسليط الضوء على شاعر معين
ليس دليل على ابداعه او تميزه..


نجي للشاعر سعد علوش
احترمه كثيرا واحترم شعره واحترم جمهوره
وعندما نصفه بشاعر اقول يستاهل .. وعندما نصف شعره بالبسيط او السلس او الهاديء
جميع ماذكر .. انا مؤيد له

لكن عندما يقول قوة شعر سعد علوش او جزالة سعد علوش او فن سعد علوش
اقول لا ..وقف ..

عندما يقال الشاعر المرعب اقول وقف ...

لان الشعر الحقيقي ياعبدالله .. او خل نقول اعلى مراتب الشعر
هو الشعر اللي ينتمي للفبركه ينتمي للحبك ينتمي للجزاله ينتمي للقوه

وهذا هو الشعر اللي اسمه شعر

عندما تسمع البيت يرن باذنك .. تقول ايه هذا هو الشعر

عندما يقول خلف مشعان:

ياكثرهم .. لا قلت لك .. عرفة وجيه =وياقلّهم .. لا قلت .. قدر ومعّزه
رجلٍ .. تعّزه بعد ماتلتقي .. فيه=ورجلٍ .. قبل ماتلتقي به .. تعّزه
ورجلٍ .. يموت ولا يجيبون طاريه=ورجل ٍ .. يجي طاريه في كل حزه
ورجلٍ .. تلزه يعترف لك .. بخافيه=ورجلٍ .. على خافيه .. محدٍ يلّزه
ورجلٍ .. تكزه لا زم إنك .. توصيه=ورجلٍ .. بليّا ما توصيه .. كزه

هنا .. شعر ... والجميع يتفق على انه شعر
الشايب .. والشاب .. التقليدي .. وراعي الحداثه
الجميع يبصمون على انه شعر
هنا فبركه وجزاله وقوه

كذلك الشبرمي يوم يقول :

واعفُ عني واعنــي يا معين وقدني واهدنـي يـا هـــادي
وحل بالحــال عقــده من لســاني يـا إلهـي وحـل قيـــاده
يا سلامي سـلام الله سلامٍ صافـــي مـن صميـم فـــؤادي
يا ســلامي عليـكم يا منـــار العـــز دولـــه وشعـب وقـــاده
وما نشا وارتكم ثم ارتهش وارهش وجهّى غشين وجـادي
وشب من شرق برقٍ بالدجى سرهج سناه ورجس رعاده

هنا قوه مابعده قوه ..

اعطيك بيت واحد من القصيده السابقه لسعد علوش :
احس عنده عيله وبنت عروس=وتخجل من ابوها كثير وتعاني

وين الشعر هنا ..؟؟؟؟؟
اقرب شي له .. السالفه ..

الشعر والكلام ياعبدالله تروه واحد .. كلهن صفصفة حكي
الفرق بينهن الاول يبي هندسه وفبركه والثاني لا .. يجي كذا تلقائي


وهنا ..
وشف هالجمال اللي مدثر ومحيوس=مثل الكلام اللي بليا معاني

هل هنا تشبيه !!!!!!

انا اتفق معك ان معاني القصيده جميله
وهدفها اجمل ..

لكن سعد علوش للامانه اعطي اكبر من حقه ...

قبل مده واحد من الشباب امتدح سعد علوش وقلت له سمعن ولو بيت واحد
كنت معه بالسياره ..
ومن حسن حظي يوم شغل الشريط .. اول قصيدة بالشريط كانت .. الحلاو ..

يمكن سمعته
بأمانه هل تصنف مع الشعر ...

اتمنى انك تتقبل ماقلته
شاكر لك ياعبدالله

احترامي rooose2
عبدالله المهيني
13-03-2008, 04:07
مشعل ياهلا والله

أبد طال عمركـ القلب يتسع لكـ وللجميع :)



فهمت أنكـ ترى سعد شاعر .. ولكن ليس بالإبادع الذي يصفه به الإعلام
والجمهور الذي أنا واحد منهم

وأتيت ببعض الأبيات لشعراء .. لتضع مثال على قوة الأبيات هناكـ
بس طال عمركـ نسيت أنه الشعراء مستحيل يكتبون كل قصائدهم بنفس القوة
أو خلني أقولك بإبداع تام


خلف المشعان وخليل الشبرمي ( لأنك جلبت لهم أبيات هنا )
لهم من القصائد ماهو فائق الإبداع ولهم ماينصف ضمن العادي

هذه وجهة نظري



وبجيب لكـ مقتطفات من عدة قصائد لـ سعد علوش ولنحكم عليها مع بعض



والــرجـــل إذا مـايـعــتــبــر فـــــي شــبــابـــه
يـعـيــب قـبــل يـشـيــب ويـشــيــب ويـخــيــس

يـاراجــي ارجـــي الــلــي مـايـنــصــك بــابــه
لاتـرجـي الـو هـبـات مـن هـيـس أبـن هـيـس

أســـتـــغـــفـــر الله واتـــــقـــــي عـــــذابــــــه
الـلــي فـرقـنــي عـــن حــيــاة الـمـتـاعــيــس


أيضاً من قصيدة أخرى


الثقـه سقـف العـقـل والنـاقـص ذكــاه
من حسسـك بـأن فيـه حاجـه زايـده..


والابداع؟مـاهـو لـعـب شـــد الانـتـبـاه
علـى حـسـاب الـغـاء فـكـره سـايـده..


والضيق ضيق الافق واكظـام الشفـاه
وفـهـم الحـيـاه عـلـى انـهـا مـزايـده..


افـضــل وسـيـلـه للـسـعـاده والـنـجـاه
سهله على الراغـب ولا هـي كايـده..


تـوحــد الله صـــدق وتـقـيــم الــصــلاه
وجعل الفواحش عـن حـدودك نايـده..


وتكـف يـدك وتحمـد الله عـلـى الغـنـاه
وتخشّـر هنـودك معـك فــي المـايـده



أيضاً من قصيدة ثالثة


الله الاول مـــن قــبــل لــفــظ الانــفـــاس
عــز وجــل مــن الـظـنــون الـصـغـيــره


مـامـثــل مـثـلــه مـثـل..ولالــه اجــنــاس
يـخــلــق مـخـلــوقــه ولايـسـتـشــيــره


اذل لــه وانـصــاع لــه واحــنــي الـــراس
الـلــي جـعـلـنــي مـاعــبــد رب غــيــره


عـسـاه يـكـسـونـي مـن الـسـنــدس الـبــاس
فــي يــوم يـعـرابــه الامـيــره ولـ امـيــره


شـاعـر وذنـبـي غـيــر وسـكـوتــي اجــراس
ونـفـســي عـلــى مالله عـطـاهــا فـقــيــره


أيضاً من رابعة

انــت لــو ضمـيـت تـمـثـال مـــن ضـمـتـك ذاب
كيـف لـو ضميـت صـدر علـى ذكــرك يــذوب؟!




أيضاً من خامسة

من قبل لاسوي مشاكل مع الناس
عندي مع نفسي مشاكل كثيرة




أيضاً من سادسة


تـدري ليـه ابتسـم لا اشتمونـي ضـعـوف
لان شـتـم الضـعـوف يـدلـل انـــي قـــوي



أيضاً من سابعة


ودي انــــي مـاتـعــداك يـالـبـيـت الــحـــرام
وودي ان اعيش فيـك العمـر كلـه وامـوت


الله اكـبــر لا اذن الـمــذن وكـبــر الامــــام
واصبحوا زاكين الانفاس من خلفه صنوت


وابـتــدأ يــرتــل ونــظــم بتـرتـيـلـه زحــــام
وانتهـى مـن ركعتـه وابـتـدأ يـدعـو قـنـوت



أيضاً من ثامنة


لالا . أنا مخلوق مبدع . مايحب ومايبي
ألاّ يقول ؟ أن الاذكيا؟ سبّة . رسوب الاغبياء

من الذكاء؟ أنّك تسويّ نفسك أحيانن غبي
بس الغباء؟ أنّك تذيكالك .. على ناس أذكياء




أيضاً من تاسعة


المشكله.؟ ماهيب نفسي وزلاّت قدمي
وماهيب بحّة صوت أحبّه ولاعاد أسمعه

المشكله؟ لاجات من بين دمّي والحمي
مدري من أخلّي ولا أدري من اوقّف معه



من عاشرة


الجرح ماهو خاطر شوي ويروق
الجرح حتى لو تشافى يعللك






ولو تبيني أكمل يا مشعل بكمل :315r:

لكن بالله هل بعد كل هذا


لازال شاعر فقط .. دون أي ألقاب آخرى كـ رائع أو جميل أو مبدع




:7ayyoh:


لكـ الود أخوي


roooose
شموخ
13-03-2008, 13:29
ياهلا بالمهيني :)

صح لسااان الشاعر سعد علوش وتسلم ايدك على نقل هذه الرائعه من روائع الشاعر سعد ...



تحيتي
شموخ
عبدالله المهيني
14-03-2008, 02:57
الشامخه

شموخ


الله يسلمكـ أختي .. والروعه إكتملت بحضوركـ

شكراً لتواجدكـ



لكـٍ الود


roooose
ماجد علوان
14-03-2008, 20:06
صح لسان الشاعر


سعد علوش


وسلمت يمينك يالغالي
على النقل الرائع


كل الشكر لك
عبدالله المهيني
16-03-2008, 12:50
أخوي

ماجد علوان



الله يسلمكـ ياغالي

وشكراً لحضوركـ هنا



لكـ الود


roooose
ريال الفسحه
16-03-2008, 14:27
عبدالله


لاعدمناك ولاعدمنا نقلك



..



صح لسان بن علوش






لاهنت
الــصــفــيــان
17-03-2008, 13:20
عبدالله تسلم يمينك على هالنقل الرائع





صح لسان الشاعر سعد علوش


أنا من المعجبين به من زمان ، أنشهد أنوه شاعر جزل




تقبل مروري ولاهنت
عبدالله المهيني
18-03-2008, 02:30
ريال


أنا اللي لا عدمتكـ والله

حضور لذيذ كـ صاحبه



لكـ الود


roooose
عبدالله المهيني
18-03-2008, 02:36
الــصــفــيــان



الله يسلمكـ ياغالي

حضوركـ يعني لي الكثير

شكراً لتواجدكـ




لكـ الود


roooose