مسابقة " شاعر المضايف "

[أم نــــــــــواف]

.



http://www.21za.com/pic/decoration002_files/24.gif

:ughiugiug

:2:


اخي الشاعر أختي الشاعرة
يامن تسرّنا مشاركته

أخي محب الشعر ومتذوّقه
يامن تسرّنا متابعته
http://www.21za.com/pic/decoration001_files/10.gif

هاهي مسابقة مضيف الشعر النبطي تبدأ كما وعدنا

والغاية هي إمتاعك وتتويج المميّز

وهاهو لقب شاعر المضائف ينتظرك لأنك تستحقّه

http://www.shmmr.net/vb/images/image_host/image/green-.gif


فكرة المسابقة :

نبدأ بمشيئة الله تعالى هذا اليوم في 1/3/1429هـ بطرح بيت شعر موحّد كمشد

وعلى كل مشارك أن يبدأ به قصيدة من تأليفه تدور حول الموضوع الذي حدّدناه له


http://www.21za.com/pic/decoration003_files/51.gif

الحوافز في هذه المسابقة : :


1- سيحصل الفائز في هذه المسابقة على لقب شاعر المضائف وسيتوشح به
إلى الدورة القادمه ليشارك من جديد فيحافظ عليه او ينتزعه منه فائز آخر .

2- شارك الأستاذ الإداري الأخ سلمان النبهان بدرع للفائز يسلّم له من يد العقيد الأخ
المشرف العام أو من ينوب عنه حسب المنطقة ، وسيتم تصوير لحظات تسليم الدرع
والإحتفال بها هنا . فشكرا للجميع.

3- سيكون هناك لجنة تقييم خارجية مكوّنه من 4 شعراء معروفين في الساحة الشعرية
ولقد تكلّف بهذه المهمّة أخينا الأستاذ بشير اللويش حفظه الله .

4- 80% من درجة كل متسابق ستتوزع على أعضاء لجنة التحكيم الأربعة والتي تحدثنا
عنها بحيث يكون بيد كل منهم 20% لكل متسابق ، و 20% ستكون نتاج تصويت الأعضاء
في مشاركة ستوضع لذلك بحيث ينال كل متسابق نسبته من 100% .

5- ستتوزع درجة كل عضو من لجنة التحكيم لكل متسابق وهي 20% كالتالي :
5% على فكرة القصيدة وبلورتها .
5% على الحفاظ على الوزن .
5% على مستوى القصيدة( تمهيد ، قمّة ، وخاتمه ) .
5% على التصوير في القصيدة .
وهي قابله للتعديل حسب مايراه أعضاء لجنة التحكيم بإذن الله .


http://www.21za.com/pic/decoration003_files/51.gif

شروط المسابقة : :


1- أن يكون المشارك من أعضاء المضائف المنتسبين قبل فترة من هذه المسابقة .

2- أن يكون المشارك من الشعراء الذين يحييون المضيف النبطي بقصائدهم .

3- أن يبني المتسابق قصيدة على البيت المشد الذي تمّ تحديده .

4- أن يلتزم الشاعر بوزن البيت ولحنه .

5- أن يختار المتسابق أحد الموضوعين ليبلور قصيدته حوله وهما إما
( الأب ) أو ( الأم )
ولتأخذ أي مسار يختاره المتسابق إما مديح لأحدهما أو مخاطبة له أو ذكرى أو رثاء .

6- أن لاتقلّ القصيدة عن 15 بيت ولا تزيد عن 20 بيتاً .

7- أن يدرج المتسابق قصيدته هنا في هذا الموضوع وأن لا يفصلها بمشاركه مستقله .

8- سيتم غلق الموضوع حين يكتمل بدر هذا الشهر 15 ربيع الأول والموافق 23 مارس ليبدأ التقييم .


http://www.21za.com/pic/decoration003_files/51.gif

أعضاء الشرف هم : :


1- الأستاذ العقيد المشرف العام .
2- الأستاذ سلمان النبهان .
3- الأستاذ بشير اللويش .
3- الأستاذ عبدالعزيز .
4- الأستاذ نائب المشرف العام .
5- الأستاذ الأصمعي .
6- الأستاذ عبدالله الجعيثن .
7- الأستاذ نافع الطواله .

" حيث سيكون عليهم تسليم الدرع للفائز يدوياً حسب المنطقة والإفادة بالصور "


http://www.21za.com/pic/decoration003_files/51.gif

نصل أخيراً إلى البيت المشد للمتسابقين وهو : :



الليل عدّى ولا ادري كيف قد عدّا != أذكر بديت القصيد وعفت مرقادي


تمنياتي للجميع بالتوفيق

علماً بأن المسابقة مفتوحه للجميع عدى أعضاء الشرف

لايفوتني أن أشكر داعمي هذه المسابقة وهم :

الإخوة : ( المشرف العام ، زاهي حمود ، سلمان النبهان ، عبدالله الجعيثن ، بشير اللويش ، الأصمعي ، نافع الطواله )


والله الموفق

http://www.21za.com/pic/decoration003_files/55.gif


.

[فيصل اللويش]

شكرا لهذه الروعه

شكرا لهذا التميز

شكرا لهذا الابداع

شكرا لاعطاء الفرصه للشعراء لتجربة مالديهم من قدرات شعريه

شكرا للمضايف

شكرا لاصحاب الفكره واعضاء الشرف

شكرا لام نواف المشرفه المميزه


اخوكم... فيصل اللويش


يفكر أنه يشترك :)

[المطنوخ]

انا ابي اكرم الفائز من الكويت علشان اصور معه :)

نافع يابعد حيي هالرمه وش رايك انت تفوز وانا اسلمك الدرع وابوعثمان يصورنا عند المخبز الالي اللي بجنب الوافي :)


مسابقه راااااائعه والله
وحواااافز جدا قويه
ومبين التنظيم بيكون مستواه راقي جدا

متابع لهالحدثـ

ومني ومن المضيف الاعلامي نود أن نقدم عانية ..لهذه المسابقه

القصيده الفائزه بالمسابقه سأجعل أخي نافع بن طواله يلقيها بصوته وسأقوم برفعها الى موقع شمر تيوب الاعلامي


دمتم برعاية الله

[صدى الشمال]

مسابقه رائعه




ننتظر ابداعات الاعضاء





كل الشكر ام نواف...

[راعي الوقيد]

ماشاء الله عليكم

بدء يحمى ا ل و طيس:)

بالتوفيق للجميع

:mabrook::-(

مابه مشاركين من الرياض:m:

بارك الله فيكِ اختي ام نواف:thumb:

[أم نــــــــــواف]

الأفاضل

( فيصل اللويش )
( المطنوخ )
( صدى الشمال )
( راعي الوقيد )

:73:

مع فائق الشكر والتقدير

:869:

[فايز عيد الشمري]

شكرا أختي الفاضله أم نواف

مجهود رائع وفكره أروع وماهي غريبه عليك دائما سباقه للعمل المميز

وبالتوفيق للجميع تقبلوا تحياتي0000

[عبدالله المهيني]

فكرة جميلة جداً


لكن لو تم الإعلان عن أسماء المحكمين في هالمسابقة

قد يكون سبباً للتفكير بالمشاركة

أو الإكتفاء بالمتابعة



مع هذا الفكرة جداً رائعه

وتمنياتي لكم بالتوفيق


:goooood:

[حمــ الموت ـراء]

:thumb:



:thumb:

خلوهاااااا خخخخخخخخخخخخخخخخخخخخخخخخخخخخ

ياحيي ودي اشارك ..:315r:ما يخالف ..طيب فرضنا فزت شلون يعطوني الجايزه ..n)

لا صدز ام نواف ..ابي ادخل التاريخ من اوسع ابوابه :315r:..وابي ادخل المضايف معي ..والي يبي يدخل ..:7ayyoh: خخخخخخخخخخخخخخخخخخخخخخ بعدين ليه ما يكون هناك مسابقه ..

بالخواطر ..بعد ..ياحيي فكروا بالموضوع ..:thumb:

صراحه ..فكره جوناااااان ..الله يعطيكم العافيه ...rooooseroooose

[ماجد علوان]

كل الشكر

لمن وقف وراء هذه المسابقه

رائعه ومشررفه


وعسى اله يوووفق الجميع

[اسير الشمال]

ام نواف ( شيخة الشيخات )

شكرا لك من ورى ضلوع القلب

هنا التميز

هنا الابداع

متمنيا للجميع التوفيق

[زاهي]

ام نوااااف



موضووع رائع



وكنت اقترحت قريب من هذا << يبي جايزة للفكرة




اضيف على ماقاال الاخواان:


هل المساابقة مرحلة واحدة او مراحل؟

<< احس الثاانية امتع





كلي شكر لكي ولمن ساهم في هذا المشرووع الناجح بإذن الله

[نافع بن طواله]

انا ابي اكرم الفائز من الكويت علشان اصور معه :)

نافع يابعد حيي هالرمه وش رايك انت تفوز وانا اسلمك الدرع وابوعثمان يصورنا عند المخبز الالي اللي بجنب الوافي :)


مسابقه راااااائعه والله
وحواااافز جدا قويه
ومبين التنظيم بيكون مستواه راقي جدا

متابع لهالحدثـ

ومني ومن المضيف الاعلامي نود أن نقدم عانية ..لهذه المسابقه

القصيده الفائزه بالمسابقه سأجعل أخي نافع بن طواله يلقيها بصوته وسأقوم برفعها الى موقع شمر تيوب الاعلامي


دمتم برعاية الله





اخو طنخه والله راهي وتقول سأجعل نافع نافع يلقيها بصوته ؟؟؟

شدعوه وائل كفوري الجهراء ....


بس والله ما أردك <<<<<<<<<<< لكن يمكن يكون الشاعر الفائز أفضل

ع العموم عند وجهك يالمطنوخ

الشاعر الفائز له مني قصيدته تسجل بإستوديو عاالمي

سواءاُ بصوته ولا بصوتي

والمطنوخ عليه تركيب الصوت وتنفيذ القصيده

اتعب على المنفذ المطنوخ



%%%%%%%%%%%%%%%%%%%%%%%%%%%%%%%


ام نواف


انا ما لمحت لك وقلت لك اني ابي اشارك ؟؟


عزالله صاحبة قرارات صارمه وما تمشي عندها الواسطات

قواك الله


ونعين ونعاون


شكرا لمجرد جهودك الجبارك

[سنجار]

شكرا أم نواف


على هذه المبادره وهذه المسابقه التي ستثري المضيف الشعبي

وتحفز الشعرأ لتقديم أجمل مالديهم

شكرا لأعضاء الشرف واعضاء اللجنه

ونتمنى النجاح والتوفيق لشعراء المضايف

[عواد العلي]

سجليني يام نواف والشاعر تحدى =اندفاعي يامضايفنا العزيزه لاارادي



هذا خارج السرب

استاذتي الموقره \ ام نواف

اشكرك على الفكره واؤكد للجميع ان من يكسب اللقب بوجودي سيكون له مكافاءه

تحت الطاوله ليست نقديه ولا عينيه
لي عوده

الليل عدّى ولا ادري كيف قد عدّا !=أذكر بديـت القصيـد وعفـت مرقـادي


ماوعيت الا بصوتك يوم قلتيلي تغدا=وامثل دور مستيقظ عشان تشوفني عادي

[أم نــــــــــواف]

الأفاضل

( فايز عيد )

( عبدالله المهيني ) << أعدك سأحاول مع الأخ بشير :thumb:

( صدى الشمال ) >> في الخواطر قريبا فإنتظر معنا :thumb:

( ماجد علوان )

( أسير الشمال )

( زاهي النماصي ) << أُتفق على مرحلة واحده :thumb:

( نافع الطواله ) << كفو فيك :thumb:

( سنجار )

( عواد العلي ) << شكرا للتحميه :thumb:


:73:

مع فائق الشكر والتقدير

:869:

[زاهي التومي]

أم نواف

شكرا ً لكي على اهتمامك

و بالتوفيق لجميع المشاركين

بس ودي أشارك

تحيــــــــــــــاتي

[قوقل]

مشكوره يا ام نواف ..

هذا المشد هلون الله يعيننا ونسرق قصدي نقتبس اقتباستن

طيبه من له منتدى طيب ههههههه ، انا اصوت لشاعر الفله

المبدع والمتالق الكبير ريال الفسحه اللي رشحناه لهذه المسابقه

وفالك البيرق ياسلمان روح الرصيد مفتوح ههههههه ارتك على جبل

يابعد حيي لو ننفقر كلنا اللي بالفله ونروح ضحية قصيده ماقسه

منك ما يهم ههههه ..

الف شكر يا ام نواف ويعطيكي العافيه يا خاله .. g o o g l e

[ابو عارف]

شكراً أم نواف على هذه المسابقة الحلوة لاهنتي.

يالله يالفلاوية شدوا حيلكم جيبوا لنا البيرق.

مسابقة ولا أروع بارك الله في من جاب هذه الفكرة الرائعة.

[زاهي]

‏ ألا وين القصايد

وشنوح مااشوف نزل ولا قصيدة

[الأصيل]

أم نواف ،،

فكرة .. قمة في الروعه ،،

عندي استفسارين ،،

1 ـ أنا أبي أشارك ،، ولكني لست ممن يكتب في مضيف الشعر الشعبي باستمرار

فـ .. شالحل ( مع إني المرشح الوحيد لنيل الدرع ، واسألي المطنوخ ):315r:


2 ـ إذا وافقتو على مشاركتي ،، وين أنزل القصيده ؟؟

أو أبعثها على الرسايل الخاصه ؟

3 ـ حبذا يكون إعلان تاريخ البدء بالتاريخ الهجري والميلادي ،، لأننا بالكويت مانعرف التقويم الهجري

وللأسف




وشكراً

[بتول آل علي]

v
v

و السؤال من بعضه
:puzzled:


و يعطيكم ألف عافية






الدهور

[أم نــــــــــواف]

هلا بك اخوي زاهي وإن رغبت فهي حق لك لأن لجنة التحكيم خارجية

:59:


هلا بك اخي قوقل وأي مشارركة من الفلاّويه تبهج المسابقة وتبث فيها روح المرح


:59:


هلا بك اخوي ابو عارف وحضورك ممتع كالعاده خصوصا لو شاركت



:59:


اخوي زاهي أنا أنتظر معك وستأتي بإذن الله :thumb:


:59:



هلا بك اخوي الأصيل .. وشكرا لك
1- تسعدنا مشاركتك بالطبع أخي فأنت من المشاركين في المضيف فيــاهلا ولاتتوانى .
2- القصيدة تنزلها هنا في هذا الموضوع كردّ وأنا بعد التقفيل سأبدأ بتجميع القصائد المشاركة .
3- المسابقة بدأت منذ أيام وستنتهي في 15 ربيع1 الموافق 23 مارس الحالي . :3ayyen_khair:
ننتظرك وياهلا :7ayyoh:


:59:

بتول : الغاليه ..
هلا بك ومشاركتك طبيعي بتكون رائعه فلا تترددي ولقد إوضحت لك ماأردتي برسالتك ..



شكرا للجميع
:73:
وبالتوفيق،

[ابو عارف]

نزولاً عند رغبة أم نواف إليكم هذه الأبيات المتواضعه التي كتبتها على عجاله في الوالد الغالي سعيد بن رشيد بن رومي للمشاركه في مسابقة شاعر المضايف.



الليل عدّى ولا ادري كيف قد عدّا = اذكر بديت القصيد وعفت مرقادي
من هاجسٍ في خفوقي دوم يشتدّا = كن الحسـك والكتاد بحشـوة وسادي
ياوالدي ياعريب الساس والجداٌ = عسى الولي يحفظك يارمز الأجوادي
العارض اللي حصل لك للعزم هدّا = أشعل بصدري جحيم وحرق فوادي
لو في يدي حيلهً والله انك مبدّا = ولو تنشري صحتك كان الأمر عادي
ياصاحب الطيب والمعروف ممتدّا = ياخو مطير الضحيك إعلومك بعادي
للضيف حجاجك ضحوك مابعد صدّا = لفعل الكرم ياسعيد رشيد معتادي
ذبحت لهم الجمل وعلومه تعدا = يوم تذبحه للضيوف بفرعة الوادي
واذا حضر داعي الشيطان يتحدّا = تفـرح حجـاج الصـديق وتكـره العادي
أبتـع من السيف المهند ليـاحدا = في قبضة أبن الوليد بحرب وجهادي
ويجـنبك مشعم القـالات كـالندّا = مخلوط بالمسك والريحان والكادي
علمٍ وصل مسمعك ويجاب ويوداٌ = وصيٌـتك بـالحنـايـا وموقعـه غــادي
ونطلب لكم الشفاء من عاجل المداٌ = بجاه الرسول الكريم وعزة الهادي
الله يحفظك وعسى عارضك يتعداٌ = شوفتك ياوالدي من ضمن الأعيادي
وعسى شفاعة رسول الله ماترداٌ = وعسى جميع أمته للحوض ورادي


------------------------------------------


وتقبلوا فائق تحيات

أخوكم/ يوسف بن سعيد بن رشيد الشمري

[راعي الكرم]

صح لسانك يابو عارف على هذي القصيده ماقول جميله بل أقول رائعه

ابنك سعود الرومي

[ابو عارف]

صح لسانك يابو عارف على هذي القصيده ماقول جميله بل أقول رائعه

ابنك سعود الرومي


-------------------------------
حياك الله يا أبو راشد وصحت أبدانك لاهنت.

شكراً لك على التشجيع بارك الله فيك.

لاحظ التعديل الأخير على القصيدة.

تقبل أجمل التحيات ياراعي الصويريات.

ابو عارف

[فلة حجاج]

من اجل الموضوع .. وليس اللقب !!

شكراً لكل من ساهم في هذه الفكرة بلا استثناء




الليل عدّى .. ولا ادري كيف قد .. عدّى=اذكر بديت القصيد .. وعفت مرقادي
واذكر .. ندهت السّحاب .. ومحجري ندّا=واذكر .. عيوني تشاور .. نبضة فؤادي
الدمع هذا .. ( منين ؟ ) .. ليا بغى يبدا ؟=والقلب نبضة يقول .. الدمع ذا .. عادي
عادي .. وسولف غلاها .. كل ما هدّا=النبض لو لا غلاها .. ما بقى .. شادي
دام الحياة برضاها .. اجمل .. واسدا=يالله شفّي راضاها .. بس .. يا هادي
يارب .. زدها عمر .. لجل اقدر اتفدّا=خذ من حياتي .. وعطها .. مالي وزادي
هي نور عمري .. لو ان الكون يتردّا=وهي راس مالي .. لو ان المال .. يزدادي
واذكر .. بأني طفل .. للدرب ما قدّا=تسوق رجلي .. على المضمون .. وتنادي
يا روح .. امك .. تعال بحضنها اتغدّا=واجي .. من آخر عمر .. اركض لميلادي
في حضنها .. موطني .. قبل الوطن يشدا=وقبل اعرف ( المملكة ) .. هي فعلاً بلادي
وقبل اعرف ان .. الولاء .. لديرتي مبدا=عرفت اني .. بلا تنويرها .. غادي
يارب .. دام الجنان .. ليا رضت .. تُهدا=ابي رضاها .. وخذ افراحي .. واعيادي
ابي ليا من طريت .. ببالها .. تهدا=وترفع يديها .. دعاء .. عن شرّ حسّادي
امي .. وانا عن يديها .. ما اقدر اتعدّا=لو صار عمري .. كبير .. وكثروا اولادي
ولو صرت .. مهما غديت .. امي علي ابدا=من كل قطعة غلا .. في داخل فؤادي
والليل عدّى .. وعرفت شلون قد .. عدّى=ومن بعد طريا غلاها .. شفت مرقادي


اتمنى ان اكون وفّقت في ما كتبت

فلة

[المطنوخ]

ابـــوعــارف

/

فلــة حجــــاج


مزون من الجمـــال هلّت هنــا

صحّت السنتكم

وعسى الله يطول بأعمار آبائنا وأمهاتنا وجعلنا من البارين بهم

roooose


/


ام نواف

عندي اقتراح بخصوص مشاركات القصائد

ورودها هنا اعتقد انه غير مناسب

لانها هنا ستضيع كل مشاركه بما بعدها سواء بإشاده او بنقد او بأستفسار

لماذا لايفرد متصفح آخر لا يكون فيه سواء مشاركات الشعراء على هيئة ردود

وهنا يكون الاشاده بالقصائد او الاستفسار


رأي لكم إن أخذتوه وتمونون أن تركتوه

roooose

[زاهي]

‏ ‏بسم الله الرحمن الرحيم

مساكم الله بكل خير



الليل عدّى ولا ادري كيف قد عدّا !
أذكر بديـت القصيـد وعفـت مرقـادي


طرتلي اللي بعمري كلها تفدى
أم الجمايل علي من قبل ميلادي


ياراكبن شاص مثل الحر لاهدا
ولا كما ذيبن أمعط بالدجا عادي


يمشي قطوعن مع النفدان ماهدا
معه مراسيل قلبن حاديه حادي


ياصل لأمن خياله دوم يتبدى
ولياطرتلي همل دمعي على أخدادي


أعد انا أيام بعدي عننها عدا
وأعد شوفي لها هو ثالث أعيادي


بعدي عنه ياجماعة هدني هدا
وأدري بها في بعادي عافت الزادي


تقول اشوفك ليامن نومي امتدا
وافقدك لاقمت والهج باسمك أنادي


البعد يالغالية مالي عنه بدا
البعد لوهو صعيبن عز وأفوادي


الرزق ماياتي الا راعي الجدا
ماهوب للي بيته كبر وسادي


صح التغرب مريرن خص لامتدا
لكن حوى التجربة مع عرف الأجوادي


والود ماينحكم بالقرب والبعدا
شوفي بعادي لكم ياغاية مرادي


اشتاقلك شوق مايوصف ولايحدا
فاق اشتياق الأسير لفك الأقيادي


فاق اشتياق الذي ينقاد ويقدا
للشوف لاجاه عقب العقم الأولادي


ليتي بقربك وأحب الرجل واليدا
مادام رجلك تحتها جنة الهادي


لأهديلك العمر كله لو غدا يهدى
ياأم الجمايل علي من قبل ميلادي


الليل عدا ولاأدري كيف قد عدا
أذكر بديت القصيد وعفت مرقادي


تقبلوا تحياتي


ابوصالح النماصي.

[ابو عارف]

[QUOTE=المطنوخ;580103]ابـــوعــارف

/

فلــة حجــــاج


مزون من الجمـــال هلّت هنــا

صحّت السنتكم

-----------------------------
صح بدنك يالزعيم الأطنخ لاهنت
هذا من ذوقك يالذواق
شكرا لك يارك الله فيك
لاتنسون إنكم فلاويين ماوصيكم بالعنصرية

[ابو عارف]

الصفيان يسأل عن رقم قبيلة شمر في المضيف العام ويقول إن رقم عتيبة -511 .
وبما أنني لا أعرف إن كان لشمر رقم خاص أم لا جاوبته بهذه الأبيات.



رقمنـا رمـز المعالـي والشهامـه = وسلمنـا سلـم السناعيـس الطنايـا
ورقم صرخـة بالوغـاء 90 هامـه = من خيار القوم مـن رؤوس السرايـا
الشجاعـة والكـرم هـي العـلامـه = لشمر الطولاااات وكـراااام المزايـا
ياسعـد مـن شمـر كانـوا عمامـه = أو خواله أبو متعب يحفظه رب البرايا
والرقوم الي ذكرتـه ويـش نظامـه = أسألك من جـد فـي حسـن النوايـا

----------------------------------.

ابو عارف

[نايف حزوم]

الليل عدا ولا ادري كيف قد عدا=اذكر بديت القصيد وعفت مرقادي
اثر المعاناة في وسط الحشا تقدا=مثل الحواشيش في ريف ٍومحصادي
ابثها لك ويمي تزعج الردا=اسمع لزيزه مثل برق ٍ ورعادي
الجوف ضامي واخيل سهيل واعدا=متى مزونه تسيل السهل والوادي
ياليلي افزع بفزعه ترهب الضدا=مثل الطنايا سيوف ٍفعلها سادي
ياليل دار ٍ طرت لي غاليه جدا=ودي اعسه ويمكن يركد سهادي
احس شوقي عليها يحدني حدا=هات النجيبه وفوقه ثبت شدادي
مابه هنوف ٍ غلاه اليوم مشتدا=ومالي بها ذكريات ٍ تشعل فؤادي
ومالي بها ثار مشغلني ولا هدا=ولابه جميل ٍ ارده مثل الاجوادي
بها النصايب طريق ٍللبشر قِدا=وجدي على اللي مابين احجارهاغادي
ابوي اللي على الهزلات ما لدا=اللي لجزل المواقف حاش واصتادي
ماجنب احد ٍولا اتعذر ولا صدا=للحمل يثني ويشتاله اليا زادي
ريفه للاقراب والاصحاب واتعدا=ياصل للاعدا وشره مانذكر بادي
بعض العرب حي لا ينفع ولا يسدا=وبعض العرب مات لكن نال مارادي
عساه للنار لا يعرض ولا يودا=وعساه يرتاد جنة ربنا الهادي
اخذت شفاتي وبارجع عنه مرتدا=واترك على قبره الازهار والكادي
نايف بن حزوم

[عبدالله معيوف المويس]

صح لسانك يازاهي على هالرائعه


ابدع ونحن معك ان شاء الله

[بتول آل علي]

في الحقيقة في خضم كل هؤلاء الشعراء

تبدو لي المشاركة .. مُخجلة .. !!

،


الليل عدّى ولا أدري كيف قد عدّى = أذكر بديت القصيد و عفت مرقادي
والليل ملعب سهر و النوم لي نِدّا = يطري علينا هجوس يرقّص فوادي
أمّي وحضنك مدى يوسَع و يمتدّا = أمي وصوتي صدى قد غار فالوادي
يا أرض (عودي) أنا من بذرك اشتدّا = إسقيه من شوفِتِك .. يثمِر لك الكادي
لا من رِسَمْك الضّيا .. خدّي عليّ ندّى = وأحِنّ من صحوة النجمة إلى الشادي
شيلي يمينك .. دروب الخير تنسدّا = هاتي يمينك و ترجع .. كلها عادي !
إيدك شراعي إذا بي مركبي هَدّا = وان هاج موج الهموم إنتي بحر هادي
أمّي طواني ( تَعَبْ ) مدّي لي اليدّا = بنتك طريقٍ وَعِرْ وأطلبكِ إرشادي
ثوب ( الرّشِدْ ) .. واسعٍ .. محتاج لك قدّا = خيطي شجوني على مقياس إسعادي
ياللّي حنينك ( نِفَسْ ) لا ضقت أنا جِدّا = يملا وَحَش غربتي و يعيد ميلادي
و ياللّي عيونك حَرَسْ متقاطرة وِدّا = البير قلبك و كلّ الناس ورّادي
وياللّي عطائك طِهِرْ ما ينتظر ردّا = يا نبض أحيا وجوده .. بسمة أعيادي
خلّي دعائك معي لابليس يتصدّى = يكفي أحسّ بدفا دَعوتْك فبعادي
جعلي فِدا خاطِرِكْ وأفرشلك الخدّا = ويصوم لك خافقي كان الزّعل بادي
يا ليت عمري عِطا .. بَعِدّ له عدّا = كرمى زهورِك تعيش و تعشِب بلادي
والليل عدّى و شوقي ما بَعَد عدّى = أذكر بديت القصيد ولا وِفى مْرادي


،



و شكرا من الشعر لكم

[نايف حزوم]

الليل عدا ولا ادري كيف قد عدا=اذكر بديت القصيد وعفت مرقادي
اثر المعاناة في وسط الحشا تقدا=مثل الحواشيش في ريف ٍومحصادي
ابثها لك ويمي تزعج الردا=اسمع لزيزه مثل برق ٍ ورعادي
الجوف ضامي واخيل سهيل واعدا=متى مزونه تسيل السهل والوادي
ياليلي افزع بفزعه ترهب الضدا=مثل الطنايا سيوف ٍفعلها سادي
ياليل دار ٍ طرت لي غاليه جدا=ودي اعسه ويمكن يركد سهادي
احس شوقي عليها يحدني حدا=هات النجيبه وفوقه ثبت شدادي
مابه هنوف ٍ غلاه اليوم مشتدا=ومالي بها ذكريات ٍ تشعل فؤادي
ومالي بها ثار مشغلني ولا هدا=ولابه جميل ٍ ارده مثل الاجوادي
بها النصايب طريق ٍللبشر قِدا=وجدي على اللي مابين احجارهاغادي
ابوي اللي على الهزلات ما لدا=اللي لجزل المواقف حاش واصتادي
ماجنب احد ٍولا اتعذر ولا صدا=للحمل يثني ويشتاله اليا زادي
ريفه للاقراب والاصحاب واتعدا=ياصل للاعدا وشره مانذكر بادي
ليت العمر بالثمن يشرى او يردا=عزالله ادفع ولا احسب للاعدادي
بعض العرب حي لا ينفع ولا يسدا=وبعض العرب مات لكن نال مارادي
عساه للنار لا يعرض ولا يودا=وعساه يرتاد جنة ربنا الهادي
اخذت شفاتي وبارجع عنه مرتدا=واترك على قبره الازهار والكادي
نايف بن حزوم


الاخت ام نواف ان اوافقك الراي بان المشاركات يكون لها مكان مستقل

[ابو عارف]

عاد أنتم أمها وأبوها وسموها.
بس علمونا كيف و أين ومتى يبداء التصويت؟

الشايب يحسب أن هناك من يبي يصوت له بعد كل هالحروب التي شنها و مازال يشنها على الناس حتى خاله ريال الفسحة ماسلم من شره.

شكراً لكم وفقكم الله.

[صدى الشمال]

الشاعر/ فلة حجاج





يارب .. دام الجنان .. ليا رضت .. تُهـدا
ابي رضاها .. وخذ افراحي .. واعيـادي



رائعه


جدا




ولكن أعتقد أن الشطر باللون الاحمر ينقصه حرف واحد








دمت بهذه الروعه

[((عبدالله بن غيث))]

أشكر أختي أم نواف على هذه الفكره الاكثر من رائعه اللي بصراحة شدت أعجاب الكل ...

وأسمحوا لي اوجه تحيه من هالرد لم نواف ولكل من قام على هذه المسابقه,
وأسمحوا لي بعد أوجه تحية خااااااااااااااااصه لخوي صدى الشمال ,, الذي بصراحه لاقاني بكل صدر رحب وتواصل معي لمده وقدرها..
واشكر كل نت تواصل معي ورحب فيني بهالمتدى الرائع والاكثر من رائع ..

بصراحه اولاً اعتذر لمدة أنقطاعي عن المنتدى لمده وقدرها بسبب ضروف خاصه مررت بها ...

وثانياً أنا أرغب بالمشاركه في هذه المسابقه بعد أذن الجميع ,, وأريد شور أخوي صدى الشمال هل أشارك أو لا ...


تقبلوا تحياتي

[فلة حجاج]

شكرا لكل من عقب على مشاركتي

واقول لهم صحت ابدانكم



اما بالنسبة للملاحظة اخي صدى الشمال


فأشكرك عليها ولكن

أعد قرائتها مرة اخرى


بدون بدون توقف .. اعتقد انك تقصد الالف .. ربما هي تكتب ولا تنطق
ولكن عند قرائتها هكذا لا يختل الوزن


يارب دام الجنان .. ليا رضت .. تُهدا
ابي رضاها .. وخذ افراحي .. واعيادي


خذ باللغة العامية .. ( خذ افراحي ) .. والالف تنطق مع ( أعيادي )

اتمنى ان اكون وفقت في ايصال المعلومة

ودمت كما تحب اخي


سعيد جدا بك

والله العظيم

[ابو ضاري]

شكرا لاصحاب الفكره واعضاء الشرف

شكرا لام نواف المشرفه المميزه

[فايز عيد الشمري]

أختي الفاضله أم نواف تلبيه لدعوتك لشعراء وشاعرات المضايف
للمشاركه كتبت هذه القصيده الماواضعه عسى أن تحوز على رضاء
الجميع واعذروني من القصور00000000000000




الليل عــــدى ولا أدري كيـــف قد عدا اذكــــر بــديت القصيــــد وعفت مرقادي

دام المضــــايف دعتني جيت منشدا مضــــايف العــــز يــــاقطعه مـــن فؤادي

مادام الاشعــــار تسهرني وانـــــا قدا مــــاهمني لــــو يطول الليـــــل بعنادي

ملعون ابو الشعر وملعون(ن)بعد جدا لاصـــار ماينكتب في نـــاس(ن)أجوادي

قضيت ليلـــــي اجيـــب البيـــت واردا الهـــزل مـــابيه لان يقــــال لـــــه عادي

المدح مسجون في قلبي وجــاء هدا فــــرصه وجتني وأنـــا بـــــالبيت قعادي

يستـــاهل الشعـــر مني بوسه بخدا لانـه مدح لــــي حبيب القلب وسنادي

الوالد اللـــي مــــع الشـــدات يشتدا اللـــي علـى الطيب والفزعـــات ورادي

الوالـــد اللـــي بفعـــل الخيـــــر يمتدا يعطيه ربي وهــــو مـن العطــــاء جادي

من جـــــاه عـــاني يهلـــي به ولايردا ويــــروح منــه محصــــل كـــــــل مارادي

كريـــــم يعطـــــي ودايم جـــزل بالمدا حتى الطفـل جاه حقه وسط الامهادي

للطيب بـــاني قصـــور(ن)دونهــا سدا مــــايــــاصله كـــل نذل وكـــل حسادي

يمشي مع الناس وفعل الخير في يدا مـــــايطلقه غيــــر للمحتـــــاج والقادي

والمرجلــــه ورث مـــن خالـه ومن جدا مـــايعرف الخــــوف للطنيــــات معتادي

الشعـــر يتعب ولا يقــــدر يجــــي حدا مــــايوصل الشعـــر طيب العـود لو زادي

والليــــل طول وأنـــا طولت فـــــي مدا وأخـاف أغـــرق بشعري وأخسر مرادي

يــــالشعر مشكـــور فيك الجزل ممتدا من غاص وسطك تـــراه بحرب وجهادي


تحياتي للجميع0000000

[أم نــــــــــواف]

أخواني الأفاضل جميعاً

على قولتهم ( كلٍ بإسمه :thumb: )


أشكركم من القلب

:thumb: شكر خاص للمشاركين بقصائد :thumb:

والمسابقة حق للجميع بشرط تفعيل المضيف النبطي بردود ومشاركات

لأن المسابقة في دورتها الأولى لم تثمر نشاط عضوية وتفعيل الأخ الفائز

لذا فنحن نعتب عليه :3ayyen_khair:


شكرا لتنبيهك أخي المطنوخ وقد جرى العمل بما ذكرت


بارك الله بكم جميعاً


وشكرا على كل كلمة ذكرتموها في حق أختكم أم نواف


وهلا

[((عبدالله بن غيث))]

الليل عدا ولا ادري كيف قـد عـدا=أذكر بديت القصيد وعفت مرقـادي
لو ان ماني جرير ولا ني بمحدا(1)=لجل أتفلسف وأسطر ماضي أمجادي
بديت شعري صغيرأ صار لي مـدا=وأشيل لحنه وأجر الصوت وأنـادي
يابوي يامي وأشيل الصـوت واردا=حافظكم اللي رفع سبعاً بلا عمـادي
محتار أبدي وانا في فطرتي مبـدا=كلاً له الحب والأخـلاص بفـوادي
أبوي قدره بنيتـه قبـل ماهـدا(2)=أصبح تراثي وتاريخـي وميـلادي
وأمي لها الطوع وأطرافي لها تفـدا=يشيلها الراس والأجفـان وزنـادي
المسألـه ماتبـي حـلاً ولا شـدا=كلاً بديته وكلاً صـار لـي بـادي
يابوي جعل الزمان الشيـن يتعـدا=زولك وذكرك رفيعاً بين الأجـوادي
رفعتني بعـد مالخالـق لنـا لـدا=الحمد لك يارفيـع الشـان متبـادي
كونت رقمي مـع الأرقـام ينعـدا=أول والأول جناب الخالق الهـادي
يفداك عمري فديتك صدق يافدا(3)=أطلب حياتي وأنا مابخل بها عادي
تشتت أفكار فكري والفضا مـدا(4)=وحروف شعري لها وادي وانا وادي
وتجف الأحبـار والاقـلام ماتنـدا=وأوراق شعري جفتني مالها حـادي
ياضامري بس يكفي ليـش ماتهـدا=لخص كلامك وروضها بلا عنـادي
لو تسرد بيوت شعري بالوفا سـردا=ماكملت ربع طلقـه مـن تـولادي
لكـن قضينـا تـرا ماللهدف مقـدا=الا تشوفـه قريـب بجملـة أولادي


(1)المقصود بجرير الشاعر المعروف ,, والمقصود بمحدا ,, محدا الهبداني أحد فحول الشعر النبطي ..
(2)أهدا,,, مأخوذه من مهاداة الطفل عند النوم
(3)يافدا ,, الفد الفرد باللغه العربية يقال للشخص أذا تفرد بشيء معين عن الآخرين فد ..
اي تفرد به لوحده..
(4)مدا ,, الأرض الواسعه اللتي لاتحيط بها الجبال ..

أتمنى أن تحوز أعجاب الكل وهذا أقل شيء نقدمه للمضايف وللوالدين قبل كل شيء..
والبركه بالقايمين على هذه المسابقه ...
وأن أخطأت فمن نفسي والشيطان وأن أصبت فالحمد لله على كل شيء..

تقبلوا تحياتي
(كحل المحاجر))

[ابو عارف]

رائعه ياكحل المحاجر

صح لسانك

[عواد العلي]

السلام عليكم ورحمة الله وبركاته

رجع المهايطي

اكرر الشكر لاام نواف

وصحت السنكم شعرائنا الاعزاء

ولو ادري ان الدهور بتشارك ماتحديت

وعلى قولت المثل


قت الحزينه تفرح مالئتش مطرح


اكتفي بثلاث ابيات


الليل عدا ولا ادري كيف قـد عـدا=أذكر بديت القصيد وعفت مرقـادي

بحر القوافي يعاند جزره المدا=قريت ردك وهيج بحري الهادي

واحب انوه مدام المسأله جدا=اشوف شي يشوفه كل نقادي

الدال يامحترم بالشده يشدا=وهذي مزايا تميز كل قصادي






الليل عدّى ولا أدري كيف قد عدّى = أذكر بديت القصيد و عفت مرقادي
والليل ملعب سهر و النوم لي نِدّا = يطري علينا هجوس يرقّص فوادي
أمّي وحضنك مدى يوسَع و يمتدّا = أمي وصوتي صدى قد غار فالوادي
يا أرض (عودي) أنا من بذرك اشتدّا = إسقيه من شوفِتِك .. يثمِر لك الكادي
لا من رِسَمْك الضّيا .. خدّي عليّ ندّى = وأحِنّ من صحوة النجمة إلى الشادي
شيلي يمينك .. دروب الخير تنسدّا = هاتي يمينك و ترجع .. كلها عادي !
إيدك شراعي إذا بي مركبي هَدّا = وان هاج موج الهموم إنتي بحر هادي
أمّي طواني ( تَعَبْ ) مدّي لي اليدّا = بنتك طريقٍ وَعِرْ وأطلبكِ إرشادي
ثوب ( الرّشِدْ ) .. واسعٍ .. محتاج لك قدّا = خيطي شجوني على مقياس إسعادي
ياللّي حنينك ( نِفَسْ ) لا ضقت أنا جِدّا = يملا وَحَش غربتي و يعيد ميلادي
و ياللّي عيونك حَرَسْ متقاطرة وِدّا = البير قلبك و كلّ الناس ورّادي
وياللّي عطائك طِهِرْ ما ينتظر ردّا = يا نبض أحيا وجوده .. بسمة أعيادي
خلّي دعائك معي لابليس يتصدّى = يكفي أحسّ بدفا دَعوتْك فبعادي
جعلي فِدا خاطِرِكْ وأفرشلك الخدّا = ويصوم لك خافقي كان الزّعل بادي
يا ليت عمري عِطا .. بَعِدّ له عدّا = كرمى زهورِك تعيش و تعشِب بلادي
والليل عدّى و شوقي ما بَعَد عدّى = أذكر بديت القصيد ولا وِفى مْرادي


شاعرتنا العملاقه \ بتول ال علي

صح لساااااااااانك

والام تستحق الله يخليها لك ويخليك لها

[العَـــروب]

والله خوش فكرة وتنظيم راقي ما تقصرون والله يعطيكم الف عافية

والله ودي اشارك بس من زمان ما دخلت المضايف انشغلت بالامتحانات اخاف ما تقبلوني؟ :puzzled:

خالتي ام نواف وعد والله ارجع مثل اول واحسن وانزل قصايد على طول بس تقبلين مشاركتي بالمسابقة
مع اني من زمان مسجلة بالمضايف بس مشاركاتي شوية من الامتحانات مو مني والله :3ayyen_khair:


انا باجهز القصيدة وانزلها وان شاالله ما تقصرين معاي فديتج roooose

[صدى الشمال]

شكرا لكل من عقب على مشاركتي

واقول لهم صحت ابدانكم



اما بالنسبة للملاحظة اخي صدى الشمال


فأشكرك عليها ولكن

أعد قرائتها مرة اخرى


بدون بدون توقف .. اعتقد انك تقصد الالف .. ربما هي تكتب ولا تنطق
ولكن عند قرائتها هكذا لا يختل الوزن


يارب دام الجنان .. ليا رضت .. تُهدا
ابي رضاها .. وخذ افراحي .. واعيادي


خذ باللغة العامية .. ( خذ افراحي ) .. والالف تنطق مع ( أعيادي )

اتمنى ان اكون وفقت في ايصال المعلومة

ودمت كما تحب اخي


سعيد جدا بك

والله العظيم








وصلت الفكره





ولو استبدلت الواو بين افراحي واعيادي بـ ( مع)


لتصبح



يارب دام الجنان .. ليا رضت .. تُهدا=ابي رضاها .. وخذ افراحي مع. اعيادي


بحيث تكون همزة (اعيادي) همزة وصل



لكانت أوضح











أشكرك على تقبّل ملاحظاتي بصدر رحب

................


كل الشكر

[بتول آل علي]

يعطيك ألف عافية أخوي / عواد

و أشكرك جزيل الشكر على كلامك اللطيف

و أنا يشرفني منافسة شعراء مثلكم فمن المؤسف حقا

أن تتحوّل مشاركتي لعامل ... تنفير ..!!!!

،

لا غنى لنا عن مشاركتك

و ألف شكر مرة أخرى لرقيّ حضورك

roooose

[((عبدالله بن غيث))]

رائعه ياكحل المحاجر

صح لسانك

صح أبدانك يابو عارف
وهذا من طيبك يالغلا ,,,


تقبل تحيات أخووووك
((كحل المحاجر))<===>((عبد الله بن غيث))

[ابو عارف]

[QUOTE=كحل المحاجر;581133]صح أبدانك يابو عارف
وهذا من طيبك يالغلا ,,,


تقبل تحيات أخووووك
((كحل المحاجر))<===>((عبد الله بن غيث
----------------------------------
والنعم فيك ياعبدالله بن غيث

مشاركتك أعجبتني لاهنت.

ولك التحية

[العَـــروب]

بسمـ اللهـ .. توكلتـ على اللهـ







الليل عدّا ولادري كيف قد عدّا
أذكر بديت القصيد وعفت مرقادي

لي زفرة ن من شديد الضيم تشتدّا
تسمع صداها بلاد الروم والهادي

ما مر في شاطي الآمال من مدّا
الجزر دايم عناوينه بالارصادي

حزني مفارق عيونه منبع الودّا
مزن الوله في خفوقي دوم رِِعّادي

الحال بَعده طريح الهم يتردّى
ما فاد به طبّ ن ولا حاجم ن فادي

أحفر بدمعي حروف اسمه على الخدّا
وارسم بصدري ملامح وجهه الهادي

أشوف زوله بعين أمّي ويمتدّا
على شريط ن بدا من يوم ميلادي

أعذب من الصبح في نيسان لا ندّا
هادي ينادي عليّ ومبسمه بادي

أشوف زوله ودمع العين ما هدّا
يسيل سيل المطر في غبّة الوادي

أشوفه يمد لي من شوقه اليدّا
تسبقْه يدّي من الأشواق تنقادي

أثْره سراب ن تلاشى هدّني هدّا
قمت اتحرّاه كود يعود .. ولا عادي

يا بوي بنتك على طاريك تنهدّا
كنْها بفرقاك تاطا جمر وقّادي

يا بوي يومي بدونك مظلم ن جدّا
وينك يـ شمسي يـ أمسي يـ اسعد اعيادي؟

يوم الفرح .... والفرح محجوب منسدّا
كنك حرمته بموتك ريحة فوادي

لبست ثوب الفرح .. والحزن يتعدّى
حلم اليتيمة بثوب ابيض وأولادي

الليل عدّا ... ودمع العين ما هدّا
من بعد ما غبت كيف اهنا بمرقادي؟

[البحتري]

يعطيكم العافيه

ومشكورين بنشوف هالمسابقه

[زاهي]

صحت ألسنتكم كلكم كلن باسمه

وبانتظار بقية شعرائنا المبدعين

تماكنوا الوقت


‏ وانت ياراع العويقيلة وين قصيدتك

عجل علينا

[صدى الشمال]

أشكر أختي أم نواف على هذه الفكره الاكثر من رائعه اللي بصراحة شدت أعجاب الكل ...

وأسمحوا لي اوجه تحيه من هالرد لم نواف ولكل من قام على هذه المسابقه,
وأسمحوا لي بعد أوجه تحية خااااااااااااااااصه لخوي صدى الشمال ,, الذي بصراحه لاقاني بكل صدر رحب وتواصل معي لمده وقدرها..
واشكر كل نت تواصل معي ورحب فيني بهالمتدى الرائع والاكثر من رائع ..

بصراحه اولاً اعتذر لمدة أنقطاعي عن المنتدى لمده وقدرها بسبب ضروف خاصه مررت بها ...

وثانياً أنا أرغب بالمشاركه في هذه المسابقه بعد أذن الجميع ,, وأريد شور أخوي صدى الشمال هل أشارك أو لا ...


تقبلوا تحياتي






شهادتي بك مجروحه






وصح لسانك على هالقصيده

[زاهي التومي]

الليل عدا و لا ادري كيف قد عدا=اذكر بديت القصيد و عفت مرقادي
في عتمته مزنة الاشعار تشتدّا=ساقه هبوب الحنان وشدّبه شادي
مزنه نشت من بَحَر معروف بالمدّا=بحر البسيط الهجيني بحر الانشادي
تلعج بروقه و برق الحب يحتدّا=برق ٍ تقفى و ميضه صوت رعادي
فجّر معاني و لون الحبر ما هدّا=يمطر حروف ٍ تشابه ريحة الكادي
يمطر بقاف ٍ عروضه جت لنا أدّا=و الضرب جاني مسيّر يمتطي آدي
أمطار طشت و زهر الشعر به ودّا=ودّ ٍ ولا هو غرام الحب و اعيادي
شمس ٍ سناها كسا الدنيا ولا لدّا=له الثلاثه ولا عاد القمر عادي
تسعه و فيها ظلام الليل ما ردّا=عزم المسير الطويل بجرف مع وادي
تسعه و لحظة ذبول الطهر ما قدّا=صوت انفجار ٍ يدوي بالخفا سادي
ثم السنين الثنين و شغلهن كدّا=تقرا بصفحة شقاهن حزن و سهادي
ضيق و تعب و البلا مضمونهن ندّا= عين ٍ تراعي تظن حجامها غادي
يا شيب عين السنين و كل مرتدّا=يا سود وجه النهار و طاري العادي
يا بيض وجه الليالي لو لها نِدّا=ساقت كراماتنا في جو الاسعادي
أمي مكانه خفوق ٍ دوم ممتدّا=و امي لها تُفرش الدنيا بالاورادي
لجله أطوع عناد القاف و ان شدّا=لجله و لجل العفاف و كل ما جادي

[((عبدالله بن غيث))]

صح لسانك يازاهي حمود
عز الله أنها قصيدة زهة عفة الأمومه ...



قصيدة تشكر عليها بكل حرف منها ....


تقبل تحياتي
((عبدالله بن غيث))

[ريال الفسحه]

صحت السنتكم دمت بهالروعه


\


زاهي التومي


تواجدك مختلف .. صح كلك roooose

[ممدوح الخليوي]

السلام عليكم

مساكم الله بالخير

وصحت ألسنة اخواني الشعرا

بسم الله
‏ ‏
الليل عدا ولاادري كيف قد عدا
اذكر بديت القصيد وعفت مرقادي
والفكر ودا وانا ادري وين بي ودا
لقرة عيوني ونبض القلب ومرادي
للي على كل خلق الله هو مبدا
اللي بطيب الفعايل دايمن بادي
اللي ليا شفت وقتي شان واشتدا
اخذ بشور الحكيم ونسل الاجوادي
يكفي ويشفي ليامنه بعث ردا
للي بقلبه جحيم الهم وقادي
يابوي لاعاش قلبن بيح السدا
وإن زاد جور الزمان يزود عنادي
ولاالشعر يايبه لاهاج يتحدا
موج البحرفي حروفه صوته انشادي
يابوي كن القلم الذيب لاعدا
روس العوالي يبي للجزل يصطادي
سجل وعجل وبحر الشعر ممتدا
من خلف عوج الضلوع الهاجس ينادي
كن المعاني جيوش وصعب تنصدا
وكني عليها رئيس منظم قيادي
يابوي كم واحدن يحتد منحدا
والهم مخفيه عن خيه والابعادي
يضحك لوالصدر مجروحن ومنهدا
ويصبر ويبقى العزيز بروس الاشهادي
يابوي يالحر يالضرغام يالفدا
مالت وطالت وازالت نور الاسعادي
يابوي حنا الكرم حاتم لنا جدا
نصبر ونرسي بطيب فعول الاجدادي
حنا نجوم الكواكب صعب تنعدا
حنا الطنايا لنا تاريخ وامجادي
يابوي اسلي خفوقن جاب ماودا
واضحك وانا اقول لله ياعرب عادي

أخوكم / ممدوح الخليوي النماصي

[العَـــروب]

خذيت جولة على قصائد الشعراء


مبدعين والله صحت السنتكم جميعا








بتول آل علي – زاهي حمود ==> تحية خاصة

[زاهي]

‏ ممدوح

صح لسانك

جزلة من جزل يالعزوة
‏ ‏
‏ ‏(والهم مخفيه عن خيه والابعادي)


لاعوكست دنيتك والوقت لك حدا
آمر وأنا لك سند في وجه الأضدادي

[حلا شمّر]

السلام عليكم ورحمة الله وبركاته


عساتس على القوه يا ام نواف

لمجرد المشاركه ..... أبيات حضرتني للتو ..... حتى وان لم تستوفي الشروط
لكن رسالتي لأغلى انسانه اجبرتني رغم كل الظروف والإنشغال



لأغلى ذكرى ......


يــمـّــه ..




الليل عدّا ولا ادري كيف قد عدّا = اذكر بديت القصيد وعفت مرقادي
الطاري اللي عليه آحن واتعدّى = الليل ونـْـجومه اللي تخطب وْدادي
آصدّ عنـْـها ورمشي كل ما صدّا = يجرح جسد ذكرياتي وانزف الوادي
وآقول : (يمّه) // بصوت ٍ لييييت ما ردّا = إلا ّ بحضن ٍ دفاه يـْـطمّن فـْـوادي
يا لهـْـف نفسي .. ونبض القلب يشتدّا = للي بطاري حياها عنبر وكادي
ان مرّني طيفها لبّييييته اتفدّا = موتي عشق رملها الطاهر // وميلادي
من موتها // والقصيد اذكرْه يتحدّى = انـّـه فلا يلبس الأسود من حـْـدادي
وان خانه الظرف والا ّ قافه اتـْـردّا = ما خان عشقي لها وان فات ميعادي
شعر ٍ كتبته ونبضي كان يتهدّى = هي (علـّـمتني) اخطـّـه في توجـّـادي
كنـّـه توصـّـييييه : يبقى داخلي ندّا = ضد الظروف العنيده // واعلن عـْـنادي
واصبر واشوف الصبر يعظم ويمتدّا = ومـْـسلسل الذكريات الراااايح الغادي
ويلاه // ليت النظر لمـْـشاهده لدّا = ويغيب كل الوجود وزولها بادي
استغفر الله من فكري ليا ودّا = رايي لقولة (ظلمني الوقت ما جادي)
الله كتب موتها // (واهلا ً بما جـَـدّا) = أرضى بحكم العزيز القادر الهادي
يا جعـْـل أيّامها في الخلد تنمدّا = بدعي لها والخفوق يـْـصيح ويـْـنادي
اوصي الذي عنده امـّـه // بسّ ما أدّى = في برّها شي (لا حصـّـل ولا فادي) :
قبل يـْـتعشـّـى الخطا // قم سمّ وتـْـغدّى = والا ّ خسرْت الحياة اللي مَ تنعادي
آصييييح : (يمّه) // وصوتي ليت ما ردّا = إلا ّ بحضن ٍ دفاه يـْـطمّن فـْـوادي..!



اختكم
أم طــلال
حــلا شمـّـر

[زاهي]

‏ ‏‏ صح لسانك أم طلال

أبيات رائعه

[عبدالله معيوف المويس]

ابيات جدا رائعه ياام طلال

وفالك البيرق

[أم نــــــــــواف]

اشكر الجميع كل بإسمه

من شارك ومن مرّ أو علّق

وكل من شكري له كل أمتناني

وبالتوفيق إن شاء الله لمبدعينا


أختي : بريئة ولكنـ

أنتظر مساعدتك بإعادة كتابة القصيدة بوضع = بين كل شطر وآخر

ومن ثم إستخدام هذه الأيقونه http://www.shmmr.net/vb/mwaextraedit2/buttons/poem.gif لتنسيق قصيدتك

شكرا للجميع

[العَـــروب]

من عيوني roooose




الليل عدا ولادري كيف قد عدّا = أذكر بديت القصيد وعفت مرقادي
لي زفرت ن من شديد الضيم تشتدّا = تسمع صداها بلاد الروم والهادي
ما مر في شاطي الآمال من مدّا = الجزر دايم عناوينه بالارصادي
حزني مفارق عيونه منبع الودّا = مزن الوله في خفوقي دوم رِعّادي
الحال بعده طريح الهم يتردّى = ما فاد به طبّ ن ولا حاجم ن فادي
احفر بدمعي حروف اسمه على الخدّا = وارسم بصدري ملامح وجهه الهادي
اشوف زوله بعين امي ويمتدّا = على شريط ن بدا من يوم ميلادي
أطهر من الصبح في نيسان لا ندّا = هادي ينادي علي ومبسمه بادي
اشوف زوله ودمع العين ما هدّا = يسيل سيل المطر في غبّة الوادي
أشوفه يمد لي من شوقه اليدّا = تسبقه يدّي من الأشواق تنقادي
أثْره سراب ن تلاشى هدّني هدّا = قمت آتحراه .. كود يعود .. ولا عادي
يا بوي بنتك على طاريك تنهدّا = كنْها بفرقاك تاطا جمر وقّادي
يابوي يومي بدونك مظلم ن جدّا = وينك يـ شمسي يـ أمسي يـ اسعد اعيادي؟
يوم الفرح .. والفرح محجوب منسدّا = كنّك حرمته بموتك ريحة فوادي
لبست ثوب الفرح والحزن يتعدّى = حلم اليتيمة بثوب ابيض وأولادي
الليل عدّا ودمع العين ما هدّا = من بعد ما غبت كيف اهنا بمرقادي؟

[عبدالله معيوف المويس]

برئيــــــــــــــــــــ ولكن؟؟ ـــــــــــــــــــــه



صح لسانتس

قصيده رائعه


تحياتي لك

[المطنوخ]

ماقول الا عسى الله يكون بعون لجنة التحكيم

قوافل من المبدعين

وبساتين من الجمال

لله در كل من وضع لمسته هنا

وعسى الله يحفظ ويطول اعمار والديكم إن كانوا من الحيّين ويرحمهم ويتغمد ارواحهم الجنه إن كانوا متوفين

[ابو عارف]

شكراً لك يالزعيم لاهنت الله يرحم والديك آمين.

[نافع بن طواله]

استمتعت

قرأت


تأثرت


دمعت

روعه


للجميع

روعه


للشعر



روعه


للمضايف

شكرا

شكرا

شكرا

[العَـــروب]

عبد الله المويس صح ابدانك

اسعدتني برايك rooose2

[أم نــــــــــواف]

شكرا أختي بريئة


شكرا للجميع

مشاركات تبهج

وتواجد يثلج الصدر

هنيئاً للمضائف بكم

فوجودكم مثري


بالتوفيق جميعاً

والله يحفظكم

[الاعلامي]

نشكر القائمين على هذه المسابقة ونتمنى ان يرتقي شعرائنا الكرام للسمو
مليون شكر لكم .. وبالتوفيق للجميع

[مقبل الضوي]

توه ينتبه بالمسايقه
منشغل بين دراسه وطلعات بر <<<<<<


اتمنى التوفيق للجميع
وان شاء الله ماتفوتن المسابقات الجايه :)

[أم نــــــــــواف]

اخواي الإعلامي ومقبل الضوي

شكرا لكما وبارك الله بكما

وننتظر تفعيلكما بالمضيف

ومشاركتكما والباقين في دوراتنا القادمه بإذن الله

[نايف حزوم]

ودنا صراحه تعود المسابقه مره اخرى ونعيش اللحظات الحلوه مره اخرى والى المسؤولين عساهم ما يقصرون