المساعد الشخصي الرقمي

مشاهدة النسخة كاملة : نجل العيون


ممدوح النماصي
09-03-2008, 03:03
مهداه الى الاخ / زحزيح سويلم النماصي الشمري


يابـو سـويـلم مرت رعـود وبـروق

مـرت ولامـنها جـنـيـنا فـوايـد

لـلي يجـر الصوت مع كل طاروق

يشقى ويدري عمر الانسان بايد

يضحك وله قلبن بالاعماق محروق

ماهو طرب لاعاف نوم الوسايد

لعيون من ماغاب طيفه عن الموق

نجـل العيون الرمش عـنها ايحايد

اني لاشب الجوف من لاهب الشوق

واكـتم بصدري من همومي وقـايـد

واخفي خفايا خافـقـي خوف منطوق

ضعاف النفـوس محصلين الـنـقايـد

واتعب على الاصعب وله عندي حقوق

والـطـيب عـند مجمع القرش كـــايد

دنيــا كـفـى الـلـه شرها واطـيه فــوق

كـم سـيرت كـم طيرت مـن عـوايـد

الا الـرجـال اللـي لهـم بالكـرم سـوق

كـرام الفـعـول جـبــال وقت الشـدايـد

يبقون مثل الشمـس في حزة شروق

نـورن سـطـع مابـيـن كـل الـبـدايـد
فيصل اللويش
09-03-2008, 06:14
صح لساااااااانك


اعجبتني جدا


سلسله ورائعه


اخوك... فيصل اللويش
عبدالله معيوف المويس
09-03-2008, 06:27
صح لسانك ياممدوح على هالرائعه

وشعرك ياممدوح كمالشمـس في حزة شروق

نـورن سـطـع مابـيـن كـل الـبـدايـد


نبي منك المزيد من القصايد الرائعه يابو خليوي
زاهي
09-03-2008, 10:09
‏ صح لسانك يابعدي

رائعة من رائع
صدى الشمال
09-03-2008, 12:21
صح لسانك



لاهنت
قوقل
09-03-2008, 15:25
واكـتم بصدري من همومي وقـايـد

واخفي خفايا خافـقـي خوف منطوق




ابو وليد قواك الله كصيدتن يزله ، صح لسانك وماشاء الله عليك ..
محمد الهزاع
09-03-2008, 18:12
ممدوح

صح لسانك ولاهنت

رائع ماكتبت

تحياتي لك
أهداااب
10-03-2008, 05:11
صح لسانك يالقرم

وتسلم يمينك و لاهنت


أكثر بيت عجبني قولك:

ماهو طرب لاعاف نوم الوسايد

لعيون من ماغاب طيفه عن الموق




وفي شي غير البعد يخلي العين تسهر لوقت السحر:315r:



وهم بعد في بيتك اللي تقول فيه:


دنيــا كـفـى الـلـه شرها واطـيه فــوق

كـم سـيرت كـم طيرت مـن عـوايـد




ذكرتني ببيت يقول فيه الشاعر:


دهرا علا قدر الوضيع به وغدى الشريف يحطه شرفه

كالبحر يرسب فيه لؤلؤه سفلا و تطفو فوقه جيفه



قصيده رائعه


وتقبل مروري ومنها باقه


roooose


أهداااب
أم نــــــــــواف
10-03-2008, 17:23
هلا بك اخوي

وبارك الله فيك على هذه المشاركة المتميزه
ماجد علوان
11-03-2008, 00:23
ممدوح


صح لسانك

وعلا شانك يالغالي
ممدوح الخليوي
17-03-2008, 20:49
مشكور يابن لويش ومرورك .. زادها روعه .. والله لا يهينك


ممـــــــــــــــــــــــــ النماصي ـــــــــــــــــدووووووووح
نايف حزوم
18-03-2008, 13:19
راااااائع يا ممدوح والله مادحك ------- وصح لسانك
ممدوح الخليوي
26-03-2008, 23:12
الــلـــه يـــعـــطـــــــيــكــــم العافيه


وصح الله ابدانكم

والعذر على التاخير يعله خــيــر


مــمــدوح الــنــمــاصــي
الفرعطي
31-03-2008, 17:50
صح لسانك والله يابن العم ،،،،ابيات تقطر روعه لاعدمناك