مشــــعل
07-03-2008, 02:01
اهداء الى احد الاصحاب
بعد ان اشتكى لي
واهداء لكم
اشرفت باسباب العنا والكوابيس=في راس حيدٍ "ماكر الذيب" سمّه
انا..وذيبي..والشقا..والنسانيس=بس اربعه .. ولالي على الخلق يمّه
مالي على "فيصل"و"سلطان"و"نعيس"=خلن بهمي .. وكل حيٍ بهمّه
خلّ السهر ..لاتلتفت للهواجيس=وشد الحزام .. وكل دربِ نطمّه
دنياك يامحمد .. هوان ولواليس=خله تولي .. لعنبو من تهمّه
مانت الوحيد اللي بلته الوساويس=ولانت الوحيد اللي بوجه المهمّه
طبعه كذا ... ماتعترف بالمقاييس=قمّه .. نزول .. ومن نزولٍ .. لقمّه
لاتحسب ان الوقت عزّ ونواميس=عقب الحلا لابد ياتيك سمّه
خله تدرهم .. وانت شب الفوانيس=اما تجيب الفود .. ولا المطمّه
ان سانعت وارهت على فكة الكيس=الطيب ضمّه ... والردى لاتضمّه
وان "عيدت بك" استرح .. والعن ابليس=والنعمة اللي تاصلك لاتذمّه
وانا معك وان درهمت ضمر العيس=واللي تشمه من هواها ... اشمّه
اما نعدي ... نابيات التضاريس = ولا انا وياك ...في قاع جمّه
أما " نتسنع " ولا " ننقرد " :)
والاخيره هي الاقرب
اخوكم مشعل حاشم الشمري
بعد ان اشتكى لي
واهداء لكم
اشرفت باسباب العنا والكوابيس=في راس حيدٍ "ماكر الذيب" سمّه
انا..وذيبي..والشقا..والنسانيس=بس اربعه .. ولالي على الخلق يمّه
مالي على "فيصل"و"سلطان"و"نعيس"=خلن بهمي .. وكل حيٍ بهمّه
خلّ السهر ..لاتلتفت للهواجيس=وشد الحزام .. وكل دربِ نطمّه
دنياك يامحمد .. هوان ولواليس=خله تولي .. لعنبو من تهمّه
مانت الوحيد اللي بلته الوساويس=ولانت الوحيد اللي بوجه المهمّه
طبعه كذا ... ماتعترف بالمقاييس=قمّه .. نزول .. ومن نزولٍ .. لقمّه
لاتحسب ان الوقت عزّ ونواميس=عقب الحلا لابد ياتيك سمّه
خله تدرهم .. وانت شب الفوانيس=اما تجيب الفود .. ولا المطمّه
ان سانعت وارهت على فكة الكيس=الطيب ضمّه ... والردى لاتضمّه
وان "عيدت بك" استرح .. والعن ابليس=والنعمة اللي تاصلك لاتذمّه
وانا معك وان درهمت ضمر العيس=واللي تشمه من هواها ... اشمّه
اما نعدي ... نابيات التضاريس = ولا انا وياك ...في قاع جمّه
أما " نتسنع " ولا " ننقرد " :)
والاخيره هي الاقرب
اخوكم مشعل حاشم الشمري