الغلبا لنا غصب والا طيب !!!!!

[عبدالله الأسلمي]

السلام عليكم ورحمة الله وبركاته




ابي قصائد عن شمر بالغلبا دورت مالقيت شي الا عندي وحده قديمه
اللي تقول

تتليك غلبا عزوة الشمريه
ياشيخ ترهم زوبع والسناعيس

واهل اللحيسه كانهي بالحميه
واولاد علي مخضبين المتاريس




وعارف اننا خذنا غلبا بكثر غلبنا بحروبنا وعارف تسميتها وكل شي
وان السبعان جاهم هاللقب من مربط خيل عندهم

ولا ويقولون انها لهم فقط وانها ماهي لشمر يالله لك الحمد هاللحين هذولا من جدهم يتكلمون

على شان كذا ابي ابيات قديمه للغلبا وانها لنا
على شان لااناقش واحد وقلت له هالكلام اثبت بالابيات
مع اني عارف كل شي وقصتها وسالفتها بس ابي اثبات لااطرحه لاي واحد يناقشني وادله عليها

[راعي الوقيد]

هذي وحدة جديدة

تلقبنا بغلبنا ما انغلبنا ** لكثرة غلبنا العايل علينا

والباقي تلقاه بالرابط

http://www.shmmr.net/vb/showthread.php?t=51517

[عجايب بنت الشايب]

سبيع الغلبا

وشمر غلبا

وقحطان غلبــه



إلا انه قيل ان سبيع .. هي من اشتهرت فيه .. و ( ثبت فيها اللقب )



حاولت أن ابحث لك ..

فوجدت


بعد أن قرأت قولك



قصائد عن شمر بالغلبا دورت مالقيت شي الا عندي وحده قديمه

غرييييب :a: مالقيت الا وحده .. بالرغم ان الشقردي قوقل موجود


على العموم الشقردي .. قوقل


أثبت لي أن شمر غلبا ... ولكن سبيع هي الغلبـــــا


وليس كما ذكرت أنت .. بقائد هذا العصر .. فقد .. سردت لنا قصائد عاميه


وانا وجدت قصائد أن (سبيع هي الغلبا)من عهد

العوتبي

فيروزبادي

حميد الهلالي

عبدالله السلمي في مدح قبيصه بن جبير من بني نهيك بن هلال بن عامر



اليك ماوجدت

7
7


والغلباء لقب مدح جاء في القاموس : الغلباء :الحديقة المتكاثفة ,ومن الهضاب :المشرفة العظيمة,ومن القبائل :العزيزة الممتنعة 0
فالغلباء اذا وصف يطلق على القبيلة العزيزة ,
وكان قديما يطلق على تغلب بن وائل 0
-قال العوتبي : (( وكانت العرب تسميها الغلباء لكثرة غلبها وشدة سطوتها,قال الشاعر:

وفي الغلباء تغلب أهل عز *** و أحلام تعود على الجهول .
وهم سنام ربيعة وأهل بأسها ))0الأنساب 1/153

-وذكر الفيروزبادي : ( أن الغلباء من القبائل العزيزة الممتنعة,وانها تطلق على تغلب وائل ).تاج العروس 1/ 414

ومن شواهد الشعر في تغلب وائل :
1-وأورثني بنو الغلبــاء مجدا *** حديثا بعد مجدهم القديم

2-وكذلك قول طرفة بن العبد من بني بكر بن وائل ابناء عم تغلب :
ستصبحك الغلباء تغلب غارة *** هنالك لاينجيك عرض من العرض

3-وكذلك قول العديل بن الفرخ العجلي الوائلي في كلامه عن تغلب وائل:
ولتغلب الغلبــاء عز بين ***عادي يزيد فوق الكاهل


وفي نوادر الهجري قال حميد الهلالي :

قومي بـنو عــامر قوم أشيـر بهـم *** فالأصل مجتــمع والفرع منشور
والجد -أغــلب -أعيا الحاسدون له *** حــولا وليـــس لخـــلق الله تغيير


قال عبدالله السلمي في مدح قبيصه بن جبير من بني نهيك بن هلال بن عامر :
كريم إذا ماقيس عيلان فاخرت ***** بــه راق يومـا زعمها كل زاعم
مصاليت- غلبا - من نهيــك أعزّة **** طوال القنا كل المشبلات الضياغم


و يرد في أشعار بني هلال القديمة تسمية بني هلال با بالغلباء
قال عبدالله بن زيزر يمدح ذياب بن غانم الهلالي :
شكا قبلك ال***ي ذياب بن غانم *** مطفي من نــار المعادي طلوعها
مقــدم غلبــا من هلال بن عـامر *** منكت من أرقاب المعادي دروعها

وتطلق الغلباء لقبا لقبيلة سبيع بن عامر يميزها عن قبائل العرب
قال زنيفر بن نوبان العبيوي المطيري :
قـلـته و انا مع سبيـــع الغلبـــاء *** ظهور السواني للقصير صحـاح
ياسبيع يا اهل الفعل ياولاد عامر *** ليـا قيـل:يــم المال ثــار صياح

ــ و قال شاعر العجمان على الخفيف يوم الرضيمه سنة 1238 هـ:
تسمووا بنا الغلباء سبيع بن عامر*** تسمووا بنا لين الله ادنى ذهابها

- وقال الهياف العزيزي من سبيع :
تنحروا من روس غلباء قبيلة *** عوامر تسقي العدو المراير

كما ان قبيلة قحطان المعاصرة يطلق عليها لقب غلابة ,فيتضح أن الغلباء وصف لكل قبيلة عزيزة ممتنعة وكان قديما يطلق على تغلب بن وائل 0ثم في الأعصر الأواخر غلب هذا اللقب على سبيع بن عامر وانحصر فيهم من بين سائر قبائل العرب وقد أطلق أيضا على قبيلة شمر لقب غلبا ولكن لم تشتهر به شمر حيث قد غلب على شمر اللقبان الشهيران و هما :الطنايا و السناعيس


إذا ياخي كل العرب طيبه ..


يعني اذا كانت عتيبه لطامة العايل وذباحة الحايل

هل هذا معناته ان البقيه صلب لا تلطم و تذبح ؟؟؟ shlwee7




اخي الكريم .. مهما قلت . ومهما نقلت لك انا

بتبقى شمر ( الطنايا والسناعيس )

و تبقى سبيع ( الغلبــــا )


هي ألقاب .. حفرت على صخرة الزمن

لن تغيرها بموضوعك هذا غصب والا طيب !!!!!


سبيع الغلبـــــــــا وكفى


وشمر الطنــــــــــــــــــــــــــــايا وكفو ...






وطحياتي .........’’

[مشــــعل]

8
اعصابتس :)

عبدالله الاسلمي
حياك الله اخوي
ولكن الغلبا لسبيع وليست لشمر

تعرف شمر بغلبا ولكن لشهرت الطنايا والسناعيس
يكون ذكر غلبا قليل
او يمكن لشهرت غلبا بالشمال فقط
يعني اهل الجنوب يعرفوننا بالطنايا والسناعيس
يقول الشراري:
غلبا بطاين جوخها الارجواني**كم شيخ شغمومٍ غزى يمها وتاب

[الكاسح999]

ويقول ابن طوعان

اولاد وايل كنهم جاري السيل=قدامهم غلبا يهدون الاصعاب
ويقول العوني

غلبا ترى بلدانكم لبست النيل=تنخى الرجال ومكرمات الاصايل
ويقول بقصيده اخرى


غلبا كل شي يباع ويشترى= والعز بيعه بالسحوت حرام

[الاصمعي]

[B]سبيع الغلبا

وشمر غلبا

وقحطان غلبــه



إلا انه قيل ان سبيع .. هي من اشتهرت فيه .. و ( ثبت فيها اللقب )

ونعم بسبيع وبقحطان وبكل العربان ولكن غلبا شمر وهي الي اشتهرت به أكثر من غيره ولو سئلتي أي من قبائل الشمال لقال لك بأن غلبا لقب شمر ولن تجدين من ينسبه لسبيع اطلاقاً.

ولو سئلتي قبائل وسط نجد لقالوا أن غلبا هم شمر ويمكن بعضهم يقول الغلبا سبيع.

وكانه بأقدمية التسمية فها أنتي أوردتي أسماء قبائل ما عادت تحمل هذا اللقب.

وقد جاء لقب لشمر من زمن قديم وعلى لسان شعراء من خارج شمر فهاهي زوجة ابن عروج شيخ بني لام في عصره ترثي زوجه وتقول:

لا واحبيبي طاح يوم الملاقاه= بنحور غلبا فوق قب الاصايل
لا واحبيبي طير شلوى تعشاه= قطاعت المهجه سناعيس حايل

غلبا=سناعيس حايل

وغلبا كررها كثيراً بقصائده الحربية (عرضات) شاعر نجد الكبير وقناة الجزيرة في ذلك العصر الشاعر محمد العوني (غير شمري) وهو قل من لا يعرفه من القبائل ويسمع بقصائده .

غلبا ترى كل شي يباع ويشترى**والعز بيعه بالسحوت حرام


غلبا ترى بلدانكم لبست النيل**تنخى الرجال ومكرمات الأصايل

وهي تسمية تكررت في الفترة التي كانت شمر أكثر القبائل ذكراً على ألسنة الشعراء وفي مجالس قبائل نجد ليس تفاخراً على غيرها ولكنها قبيلة حكام نجد آنذاك وكانت مغازيها تحت قيادة ابن رشيد وصلت أقاصي الجزيرة من جهة الجنوب ومن الغرب حتى حدود الحجاز وطول الساحل الشرقي وشمالاً لحدود العراق والشام غير عن التواجد الشمري تحت قيادة الجربا بتلك الديار

فكل تسمية تحملها ستتداول بالتأكيد على ألسنة القبائل الأخرى بينما سبيع ولا قصور فيهم كان تواجدهم محصور بديارهم فقط.

اذا توحدت التسمية فاطلاقها على شمر هو الأشهر

وان فرق بين غلبا والغلبا نقول غلبا شمر فلم أسمع شاعر يقول شمر الغلبا الا الشاعر الشمري السوري الذي انتسب الى جزيرة الغلبا بسوريا ويقصد فيها جزيرة شمر:)

فشمر غلبا
وسبيع الغلبا

والغلبا لقب لقبيلة سبيع بن عامر


شكرا يا عبدالله الاسلمي على هالتساؤل بس لا تشتط بالمغالط ترى الطيب قسم بالوجيه المفاليح وسبيع بن عامر قبيلة عريقة وعلومه طيبة ويكفيهم بالشجاعة ملاعب الأسنة عامر بن الطفيل

وش دخلن على هالموضوع الي أسهرن:)

تحياتي

[عبدالله الأسلمي]

راعي الووقيد

هلابك ياجدي ولاهنت والله
على المعلومات والابيات اهم شي الابيات خشمك
ولاهنت يابعد راسي



كلي بكم اعجاب

مشكووره على ردك ولاهنتي
اذا هم من عهد حنا من قرون
انتي لو شفتي كم رد بموضوع بموقعهم ماقلتي كذا
هم جحدونا وقالوا الغلبا لنا وشمر مالها شي لهم الطنايا والسناعيس


إذا ياخي كل العرب طيبه ..


يعني اذا كانت عتيبه لطامة العايل وذباحة الحايل

هل هذا معناته ان البقيه صلب لا تلطم و تذبح ؟؟؟

العرب والقبائل عارف انها طيبه وماهي بشهادتي
وعارف انهم طيبين من طلعت للدنيا
ومابالقبائل ردا ان شاء الله

وبعدين التشبيه هذا وين جاء اتوقع بغير محله حنا نتكلم بموضوع وحتى تشبيه ماهو بمحله
ونعم والله بالعتبان وستين نعم

انا جبت الموضوع اسئل عن ابيات
وحنا فوق الطنايا والسناعيس والالقاب الكثيره
واهل اللحيسه وزينين المحازم واهل الردات ووساع الطعون كبار الصحون والزهيد وغلبا لنا
هذا اللي اعرفه


مشعل الغفيلي


هلابك هذا اللي ابيه ابي ابيات وعارف انها لنا
ومعروفين بها هم يقولون مالنا بغلبا شي
لاهنت ياجدي


الكاسح 999

لاهنت وتسلم يمينك يالغالي على الابيات الف شكر


الاصمعي


ياويلي لو انا حولك كان مطختك على خشمك ياشيخ
لاهنت يالغالي ردك ميه ميه ولاهو قصور بالربع بس وصلني اللي ابيه
يابعد راسي والله
ونعم والله بسبيع وقحطان وكل القبائل
وماني قايلبهم شين على عيني وراسي والله ومابهم قصور
هاللحين كل هالاثباتات ويقولون مالشمر شي ياويطي


لاهنتوا يالربع والله

مانقلت هالموضوع لي مقصد بشي مقصدي اعرف ابيات
واحقاق حق

[ابو ضاري]

عبدالله الاسلمي


حياك الله اخوي


ونعم بالاسلم الغلبا .....ونعم بالقبايل كلها

[مضيف برزان]

ياخوي نسيتو القصيدة الوحيدة للجنازة........
الي يقول
ابن صباحن وبن سعدون وبن سعودن وبالخيلي
هزمتهم والعدو ممهون بعيال( غلبا )على الخيلي

[ناصرالناصر]

عبدالله الاسلمي عليك بالاصمعي فقد جاء بالعلم الوكاد

ليس لدي تعليق سوى موضوع فيه تسائل في محله البلا يا عزوتي ما هو بغلبا البلا والخوف على الطنايا طنايا عبس وباكر تلقى سناعيس حرب حرابة الدول ؟؟؟؟؟؟!!!!!!!!!!!!!!!!!1

الدنيا مولية يا راعي اللحيسا

بس صراحة اضحكني الاصمعي بسالفة العوني جزيرة القرن الماضي هو قصده الضاهر الاتجاه المعاكس خخخخخخخخخخخخخخ

[عبدالله الجعيثن]

ما هو بغلبا البلا والخوف على الطنايا طنايا عبس ؟؟؟؟؟؟!!!!!!!!!!!!!!!!!1

الدنيا مولية يا راعي اللحيسا




:thumb::thumb::thumb:


ونعم بسبيع



الكون.. غيّر دورته ياخليفه=حتى عوج دخان صاروا طنايا
/
عز القبايل راح واقبل خريفه=والصمت عن بعض السوالف خطايا
/
ان كانها بالعق ولّعت ليفه=وان كانها بالحق انتم عرايا
/
وليا دعيتوا بأسمنا يالهديفه=منهو يرب دلالنا يالطنايا

[لحن الوداع]

الاصمعي،،،عبدالله الجعيثن ،،،،ناصر،،،،عبدالله الاسلمي

ياشيخ والله انكم سلاح روحوا والقلب داعي لكم،،

((غلبا))لقب خذيناع بفعلنا ما هو جد ولا نسب،،والقصايد اللي اوردتهن المشرفه الله لايهينه تكلم عن تغلب والجميع يعرف ان تغلب ما هي سبيع.
واللي اعرفه ان غلبا اسم لجدة السبعان.
بس مثل ما قال ناصر الخطر على اسم شمر لا ياخذونه بعد((يطلع لنا واحد هتلي يقول شمر لنا))
واخيرا همسه باذن ((المشرفه كلي اعجاب))
بالهوين ياحلالي حنا ابخص ،،والعجله نوب ماهي زينه ،،تنسبين القابنا لغيرنا هي ماهي حراج للي يزود..يعني العوني وقصايده مزوره او ما هي ما ليه عينك..
شي يفقع الكبد.....والقولون،،مار ما اللوم عليك
يالجنيدي انت تسمعن؟؟؟؟

[ابو عمار000]

السالفه معروفه عند شيبان شمر قبل شيبان حرب

يعني رح الى اي شمري واسئله وش سالفة سناعيس حرب

على طول راح يقول لك هذي السالفه حتى ان بعض الناس يسمون الفرده سناعيس حرب

والسالفه مي بس معروفه عند شيبان شمر وحرب معروفه عند اغلب القبائل ارجو من الاخوة ان يلحقوا اخونا لحن الوداع لانه من المؤكد بعد الكلام هذا انفقعت كبده وقولونة ومرارته اخواني الاعزاء الكلام السابق باللون الابيض هو اقتباس من احد منتديات حرب وهم يقولون بان فخذ الفرده من حرب يلقبون بالسناعيس ولكن اطلب من الاخوه عدم التدقيق لاننا اذا دققنا بنتعب لان تميم حطوا حائل لهم والرشايده صاروا طنايا وحرب صاروا سناعيس ومادري وش اللقب الي راح يوخذ بكرا من شمر وبالنسبه للقب غلبا فالفرق هو ان سبيع تلقب بسبيع الغلبا اما شمر فبدون ال التعريف اي غلبا ولا نبخس حق سبيع في اللقب ولا حق شمر وسلامتكم

[مشــــعل]

الله يجزاكم بالخير اخواني
اجعلو كل شيء في نصابه ولاتخلطون الامور

لاتخلطون بين سبيع الغلبا وطنايا عبس وسناعيس حرب

الاوله صحيحه ولاهي منّه من احد والجميع يعرف ان سبيع تلقب بالغلبا
ولاحد ينكر هالشي ...

فرجاء لاتخلطونه مع طنايا عبس وسناعيس حرب وهالخرابيط
هذولن كلامي فاضي ماطلعن الا يوم كلن ركب سياره ونام تحت مكيف

تحياتي

[ذيب سبيـع]

السلام عليكم ورحمة الله وبركاته

اولاً ، سبيـع الغلبـا وشمـر الطنايا قبيلتين عزيزتين كبيرتين لهما في ساحة المجد مكان رفيع وعالي ..


ثانياً ، سبيـع اشتهرت عن اختها قبيلة شمر بالشجاعه وشمر اشتهرت عن اختها سبيع بالكرم .. فلذلك لقب الغلبا اقرب لقبيلة سبيـع بسبب كثرة غلبتها وشجاعتهاا .. ولست انا او انت ابناء ( النيدو ) الذين نقول هذا الكلام ..
سبيـع اخذته قبل مئات السنين بافعال رجالها وابطالها وفرسانها كـ عامر بن الطفيل كما ذكر احد الاخوه وابوزيد الهلالي وذياب ابن غانم وعامر الخفاجي حاكم العراق .. واابطال العصور الاخيره كالفارس والشيخ فراج العماني ( بعيد المغازي ) ووليد بن شوية والفارس والشيخ فهيد الصييفي ومسلط ابن شعيفان ابوثنين وابن قطنان وغيرهم واهل العشر المردف وقصتهم المعروفه وهم عشرون فارس سبيعي ( غلباوي ) ضد جيش بن سعدون والمنتفق .. وغيرهم الكثير والكثير .. ومن هذه الاسماء فقط فضلا عن غيرهاا تستحق سبيـع لقب الغلبــاا التي اطلقتها القبائل الاخرى على سبيـع .. وليست سبيـع من لقبت نفسها ..

واخيرا وليس اخرا ارجوا ان لاتقارن الغلبـا سبيع والقابها التي اخذتها بافعال وبطولات رجالها مع القبائل التي ذكرتها والتي تحاول ( اليوم ) ان تسرق الالقاب والامجاد ( بكتابة على جدار المدرسه ) وما الى ذلك ..

وصدق الشاعر الغلباوي يوم قاال ،

في موقع العرق والغلبا حصونن له *** من ماضي الوقت والغلبا هل الديره
قبايل سبيــع لتسبود العدا عله *** لاغظـرف ابليـس ثم دنـت مزامـيره


وشكرا لكم يا شمر الغالين

[الكاتم]

حي الله السبيعي ولد النيدو >>انا ما لحقت عليه ارضعتن امي:315r::)
رد الاصمعي اعلاه يغني عن الرد عليك

واهلا بك بمضايف شمر اهل الغلب بالشجاعة والكرم >>حكام نجد والجزيرة

[ولد البدو]

ثانياً ، سبيـع اشتهرت عن اختها قبيلة شمر بالشجاعه وشمر اشتهرت عن اختها سبيع بالكرم ..

ترى شمر تميزهم ثلاثة .. بها عن غيرنا متميزينا
سخانا الحاتمي من دور حاتم .. اضف معها الشجاعة ثم دينا

ياذيب سبيع
حياك الله في مضايف شمر ضيف عزيز

ياشين خف ربك شمر مايتميزون بالشجاعة عن غيرهم وبمراحل ؟؟

اجل هالتاريخ الحافل وهاذه المكانة التي رفعتهم عن باقي قبائل نجد وعلى امتداد الجزيرة العربية الى العراق شمالا هل تعتقد انها اتت من ذبيحة ذبحت لإكرام الضيف ام اتت بحدود الصوارم والسيوف المسنونة ، واللي ذبحت بشذرة السيف تسعين ايضا ولاني عن طردهم بسايل ، والسيف للتايه ستاده حنا له وندل به من هو عن الجادة مال ، تلقبنا بغلبا ما انغلبنا لكثرت غلبنا العايل علينا..
ويالغلا سبيع الغلبا انتم وحنا السناعيس الطنايا غلبا ولاتعتقد ان شمر تقوم بما يقوم به الآخرون من سلب وتزييف العزاوي والالقاب ولكنها اي العزاوي والالقاب هي من تسعى للإلتصاق بإسم شمر لتميزهم بأفعالهم سواء بالسيف او بالمنسف والتي سطروا بها تأريخهم الحافل خلال عدة قرون وهاذا لايعني التقليل من قدر الآخرين فانا لا انكر ان قبيلة سبيع العزيزة والغالية علي يطلق عليها لقب سبيع الغلبا وقد مررت على عدة قصائد تؤكد هاذا اللقب اللي هو سبيع الغلبا وهاذا في الزمن القديم كما افدت حضرتك اما شمر فهم غلبا الماضي والحاضر والمستقبل ان شاء الله..
دمت بود

[لحن الوداع]

السلام عليكم ورحمة الله وبركاته

اولاً ، سبيـع الغلبـا وشمـر الطنايا قبيلتين عزيزتين كبيرتين لهما في ساحة المجد مكان رفيع وعالي ..


ثانياً ، سبيـع اشتهرت عن اختها قبيلة شمر بالشجاعه وشمر اشتهرت عن اختها سبيع بالكرم .. فلذلك لقب الغلبا اقرب لقبيلة سبيـع بسبب كثرة غلبتها وشجاعتهاا .. ولست انا او انت ابناء ( النيدو ) الذين نقول هذا الكلام ..
سبيـع اخذته قبل مئات السنين بافعال رجالها وابطالها وفرسانها كـ عامر بن الطفيل كما ذكر احد الاخوه وابوزيد الهلالي وذياب ابن غانم وعامر الخفاجي حاكم العراق .. واابطال العصور الاخيره كالفارس والشيخ فراج العماني ( بعيد المغازي ) ووليد بن شوية والفارس والشيخ فهيد الصييفي ومسلط ابن شعيفان ابوثنين وابن قطنان وغيرهم واهل العشر المردف وقصتهم المعروفه وهم عشرون فارس سبيعي ( غلباوي ) ضد جيش بن سعدون والمنتفق .. وغيرهم الكثير والكثير .. ومن هذه الاسماء فقط فضلا عن غيرهاا تستحق سبيـع لقب الغلبــاا التي اطلقتها القبائل الاخرى على سبيـع .. وليست سبيـع من لقبت نفسها ..

واخيرا وليس اخرا ارجوا ان لاتقارن الغلبـا سبيع والقابها التي اخذتها بافعال وبطولات رجالها مع القبائل التي ذكرتها والتي تحاول ( اليوم ) ان تسرق الالقاب والامجاد ( بكتابة على جدار المدرسه ) وما الى ذلك ..

وصدق الشاعر الغلباوي يوم قاال ،

في موقع العرق والغلبا حصونن له *** من ماضي الوقت والغلبا هل الديره
قبايل سبيــع لتسبود العدا عله *** لاغظـرف ابليـس ثم دنـت مزامـيره


وشكرا لكم يا شمر الغالين

ياكبر جورك ياولد!!!!!!!!!
اما اشتهرت سبيع على شمر بالشجاعه؟؟؟؟؟؟؟؟؟؟؟؟؟
اقول الارض ياخليف،،،،
القبيله اللي حكمت الجزيره من الهيف لليمن ،،،وش تقول به،يلعبون (غميضه).

غلبا لقب خذته سبيع من جدتهم(اسمه غلبا)
وانا ابي من اي واحد من سبيع ايا كان يجيب لي تاريخ لسبيع انهم غزوا او على الاقل حنشلوا.

غلبا من زمن بعيد وهو حكر لنا،،،،،ولا طلع هاللقب لسبيع الا بعد (المزاينات والمهايط الاعلامي)
وانا استحلفكم بالله من متى وهاللقب سمعتوه مع سبيع.؟؟؟؟؟؟

اما تميزت بالشجاعه على شمر،،،،،،،،ياما والله من الحكي اللي يفرا الكبد،،،

ما الومك والزمن سوا العجب،،،،هو بقى غير الكرامه بالجفير.


ولا تخلوننا ندخل بمتاهات ،،،ترونا الى الان ما تعمقنا ولا جبنا شي،،حفاظا على ما تبقى من صداقات.

[حمد العطوني]

حذف الرد الاول

[حمد العطوني]

[COL الاخ راعي الوقيد عن غلبا لغب لعبدة من شمربدلايل اودلة
الدليل الاول قصة مقتل ابن عروج وقصيدة زوجة ؟
يقول :

مولف كتاب الفضول
القبيلة اللامية في نجد
المو لف: ايمن بن سعد بن محمد النفجان
تكلم عن قصة وديد ابن عروج شيخ بني لام وقصيدة زوجته يقول :
الاستاذ ايمن النفجان ان وديد ال عروج قتل على يد فرسان قبيلةعبده الشهيره بلغب السناعيس
كتابه قصيدة زوجة الشيخ وديد بن عروج شيخ بني لام

ونختار لكم من القصيدة هذه الابيات :

لوحبيبي طاح يوم الملاقاه = بنحور غلبا فوق قب الاصائل

لواحبيبي طير شلوا تعشاه = قطاعة المهجة سنا عيس حائل ص 292-

هذا ودامك الله ياراعي الوقيد

:[/COLOR]

[حمد العطوني]

الرد مكرر

[حمد العطوني]

الرد مكرر

[زاهي]

انا اذبح روحي


شمر مابهم شجاعه هالحين بس كرم !


وين منازل سبيع يوم يقول ابن حثلين :


من باب برزان ليا باب نجران .. ماهو انا يالضيغمي انت اميره

؟؟؟؟؟؟؟؟؟؟؟؟؟؟؟؟



سبيع الغلبا ونعم مانظلمهم حقهم لهم فعول ولهم تاريخ ولاننكر شي ثابت لهم



بس غلبا اشتهرت به شمر





العطوني


انت بلشان لاي شمر والحوافين حولنا
ههههههههههههههههههههههههههههه

[الحيمري]

[QUOTE=ذيب سبيـع

[]ثانياً ، سبيـع اشتهرت عن اختها قبيلة شمر بالشجاعه وشمر اشتهرت عن اختها سبيع بالكرم .. فلذلك لقب الغلبا اقرب لقبيلة سبيـع بسبب كثرة غلبتها وشجاعتهاا


اقول انت ياضب سبيع
كلامك خطا خطا خطا
ولايجوز تجراء في هذه العبارات التي وضعتها ع هواء شي بنفسك كل
القبايل فيها حقها لذلك تجنب العبارات الغير لايقه

[ظفر الرمالي]

بسم الله الرحمن الرحيم

الى الاخ / ذيب سبيع

اذا قبيلة شمر على كلامك لم تشتهر بالشجاعه ؟؟؟

ابيك تجاوبني على هالسؤال وترى بعده ابي ادعي عليك دعوه ودعوة المظلوم مستجابه

س1/ كيف حكمت قبيلة شمر الجزيرة العربية ونجد بالتحديد؟؟؟ انا اقولك كيف حكمت

حكمت بالسيف الحدب اللي يمـــــوط ارقاب الرجاجيل مـــــــــــــــوط

حكمت بالشلــف اللي تضــرب بصدور الرجال

حكمت بالـرماح اللي تخــــزق الجـــوف خــزق



لكن يالسبيعي انت معايد القريتين

هايط بهالسهله اليوم كلن يقدر يضبطــله تاريخ

حسبي الله ونعم الوكيل عليكم ,, حسبي الله ونعم الوكيل عليكم

شمر خيار القوم لولا افعالها




العطــوني

الله يلعن كل واحد يفرق مايجمع

قل آميــــــــــن


.

[راعي الوقيد]

العطــوني

الله يلعن كل واحد يفرق مايجمع

قل آميــــــــــن

هذي جملة اعتراضية مله دخل بالموضوع:)

[عبدالله الجعيثن]

والنعم بكل القبايل



واذا غلط واحد....رجاء خاص مانعمم




مغلق من قبلي