يـــوسف
01-03-2008, 04:57
السلام عليكم ورحمة الله وبركاته .....
عاد بكيفكم نسقوه وانتم ادرى وين مكانه ماادري عنه الشعر ولالي علاقه بكم :)
ياشعر جيت ومدهلك فكري .. ولد عَمْ القصيد=فكرٍ تحرّضه المراجل / والكريم الاجودي
وانا مني ب( الشاعر الراحل / طلال ابن الرشيد )=شاعر كبير بعين شعري .. بس : توي مبتدي!!
ولو ان جمهوري ثمانين الف قل وش بستفيد=لو ما كتبت الشعر في ( شمّر ).. وانا من مولدي ؛
وانا.. وابوي .. وجدي نهيّر .. وابونا الشيخ : زيد )..=منزالنا مابين .. حايل / والمضيّح وَ ( الجدي )..*
من طيبهم حتى الغلا .. اصبح مع الفتره يزيد=حبٍ ورثته من جدودي وآبورثه ولدي
يا ( سيف ) .. قل لبيه : واسمع , مايجيك إلا الأكيد =..( شمّر كذا من خلقت الدنيا ولا فيهم ردي )!!
وإن شفت ( ذيب الشمري ).. اللّي بفزعتنا يشيد =قل له : وعِم الطيب ؛ لن الطيب فيهم يقتدي
ربعك هل الطولات.. يوم الجوع / والوقت الشديد=كم خاطرٍ على سنا نيرانهم جا مهتدي
والطفل فيهم من صغر سنّه وهو توه ولِيد=يستقبل ضيوفه مع الترحيب بالطبع الهدي
مايَقدعون ضيوفم إلا من التمر الفريد=ولايبهّرون دلالهم إلا من الهيل الندي
مايذبحون إلا السمين / ومايمدون الزهيد=( متوارثين الحاتميّه / والعطاء السرمدي )..
وإن عالت العيّال كن قلوبهم قطعة حديد=مايرجعون إلا بعد مايكسرون المعتدي
حريبهم ل( التهلكه ).. اقرب من حبال الوريد=ورصاصهم ياهلَّ كنّه من مراديم بردي
يا ( سيف ) هذا الصدق .. والا الكذب ملعون الكديد=ماهو لنا وحنا ( بني عامر ).. مع العمر المدي
تاريخنا حافل مابين الأمس / واليوم المجيد=واطفالنا ترضع لبنها موت .. ماترضع ثدي
يالله عسى طيب ( السهول ).. يدوم والطيّب رصيد=وعسى ( طنايا العز ).. ذخري ياتحرّيت سندي
.. ( شمّر ).. هل الرايات / والأيات .. والذكر الحميد=واللي ذخرته عن لساني .. عَمدْ ذاخره ليدي
يستاهلون الطيب / خصم العيب .. مافيهم نقيد=ذولا : ( بعد حيّي ).. مني غلطان ياقلت : بعدي
ومع كل طلعت شمس اكررها / واكررها .. واعيد :=( شمّر كذا من خلقت الدنيا ولافيهم ردي )
عاد بكيفكم نسقوه وانتم ادرى وين مكانه ماادري عنه الشعر ولالي علاقه بكم :)
ياشعر جيت ومدهلك فكري .. ولد عَمْ القصيد=فكرٍ تحرّضه المراجل / والكريم الاجودي
وانا مني ب( الشاعر الراحل / طلال ابن الرشيد )=شاعر كبير بعين شعري .. بس : توي مبتدي!!
ولو ان جمهوري ثمانين الف قل وش بستفيد=لو ما كتبت الشعر في ( شمّر ).. وانا من مولدي ؛
وانا.. وابوي .. وجدي نهيّر .. وابونا الشيخ : زيد )..=منزالنا مابين .. حايل / والمضيّح وَ ( الجدي )..*
من طيبهم حتى الغلا .. اصبح مع الفتره يزيد=حبٍ ورثته من جدودي وآبورثه ولدي
يا ( سيف ) .. قل لبيه : واسمع , مايجيك إلا الأكيد =..( شمّر كذا من خلقت الدنيا ولا فيهم ردي )!!
وإن شفت ( ذيب الشمري ).. اللّي بفزعتنا يشيد =قل له : وعِم الطيب ؛ لن الطيب فيهم يقتدي
ربعك هل الطولات.. يوم الجوع / والوقت الشديد=كم خاطرٍ على سنا نيرانهم جا مهتدي
والطفل فيهم من صغر سنّه وهو توه ولِيد=يستقبل ضيوفه مع الترحيب بالطبع الهدي
مايَقدعون ضيوفم إلا من التمر الفريد=ولايبهّرون دلالهم إلا من الهيل الندي
مايذبحون إلا السمين / ومايمدون الزهيد=( متوارثين الحاتميّه / والعطاء السرمدي )..
وإن عالت العيّال كن قلوبهم قطعة حديد=مايرجعون إلا بعد مايكسرون المعتدي
حريبهم ل( التهلكه ).. اقرب من حبال الوريد=ورصاصهم ياهلَّ كنّه من مراديم بردي
يا ( سيف ) هذا الصدق .. والا الكذب ملعون الكديد=ماهو لنا وحنا ( بني عامر ).. مع العمر المدي
تاريخنا حافل مابين الأمس / واليوم المجيد=واطفالنا ترضع لبنها موت .. ماترضع ثدي
يالله عسى طيب ( السهول ).. يدوم والطيّب رصيد=وعسى ( طنايا العز ).. ذخري ياتحرّيت سندي
.. ( شمّر ).. هل الرايات / والأيات .. والذكر الحميد=واللي ذخرته عن لساني .. عَمدْ ذاخره ليدي
يستاهلون الطيب / خصم العيب .. مافيهم نقيد=ذولا : ( بعد حيّي ).. مني غلطان ياقلت : بعدي
ومع كل طلعت شمس اكررها / واكررها .. واعيد :=( شمّر كذا من خلقت الدنيا ولافيهم ردي )