بقر ... وسحره( السحر )

[قلم شمر]

أييييييييييييييه ياللي تطق أصبر شوي
انا لله الواحد مامداه ياصل يطق الباب وش هالديره تقل يدرون ان فيه ناس توهم واصلين من سفر وساكنين بهالشقه .
خلو الواحد يرتاح شوي ...
محمد بأعلى صوتي لانه بغرفته يرتب اغراضه
محمد : هاااااه
انا : انت قايلن للسواق يرجع
محمد : لا وش ابيبه مافرحت على الله يذلف ياكثر لجته
انا : اجل من اللي يطق الباب
محمد : شفله انت انا مشغول
انا : قالولك انا الفاضي
المهم طلعت لا نتخانق باول السفر ورحت للباب فتحت الا اكالعجوز اللي والله لو تطلع على جني انخرع .
انا : بسم الله كش وجه .
العجوز : ماتدري وش معنى كش ردت كش الله عليك .
انا : مانبي شغالات
العجوز : انا ماني شغاله
انا : اجل وش انتي
العجوز : انا عرافه
انا : آآآآآآآآآآآآه ساحره يعني
العجوز : ألتلك عرافه
انا : وش تبين
العجوز : بدي أأرا لك الكف
انا : اقول لا أعطيك كف اذلفي عن وجهي
والله واصبخ بالباب عاد النفس شينه:148r:
وترجع تعلق الجرس واتحراه اغديه ينحرق الجرس بس شكله اصلي مايجينا ابد هنا حنا كل يومين والثالث وجرس جديد .
وافتح الباب بزعل
الا العجوز تقول اسمع والله لأخلي وجهك يقلب يسار
ومير اضحك :315r:
الا على طلعت محمد من غرفته
من اللي يطق
قلت ساحره
قال وش فيك متشقق وجهك ضحك
قلت تبي تقلب وجهي يسار
محمد : افااااااااااا ليش
قلت عشان ماعطيتها وجه
محمد : خلها تدخل يارجال وشف وش عندها لا تقلب وجهك يسار عاد انت شين ووجهك متعدل وشلون لأنقلب يسار :)
وافكر الا محمد صادق قلت خلني انرفزها يمكن تغير رايها وتقلبه يمين اقل شي اليمين درب الغانمين .
تفضلي الاسم بالخير .
قالت : اسمي ميريام
والله واتبهون لي شوي عجوز واسمها ميريام فوتي
وهي تجلس قالت عندي لك خبر يجنن بألف دولار
قلت وشلون عرفتي قالت أمبين ولو من وشك
قلت قبل ينقلب والا بعد
قالت لا بس انته رجال حبوب وطيب كتيييير :thumb:( صدقت الكذابه )
وحلووووووو وبتجنن :) ( رجعت للتسذب )
وعندك خير من الله ولك رزق معلء ( معلق ) بين الارض والسماء
صراحه دخت قلت نزليه بسرعه كم؟
قالت لا مو هيك ينزل لازم تعمل ياللي بئولك عليه
وش اسوي
محمد لاهي يضبط العزبه بالمطبخ
باعلى صوتي محمد ومير يجاوبن واحد بالعماره اللي بجنبنا أيييه شو بدك
الا تو يرد محمد خويي وش تبي لجيتنا
قلت ابشر بالخير
وارجع ادير وجهي للعجوز قلت وش اسوي عشان ينزل الرزق
قالت لازم بتذبح سبع بئرات ( بقرات )
انا ولد ابوي تبيني اذبح سبع بقرات واصير مضحكه بحايل:a: لا والله ماينفع سبع حشو ( فروخ البعارين )
ماطرت اذبحهن لو مايجينن ولا ريال :3ayyen_khair:
قالت : لا مابتعئد الموضوع الموضوع اسهل منو مافي
قلت وشلون
قالت انا عمي عنده مزرعه فيها بئر ( بقر لا تحسبونه دزليب ) وممكن اشتريلك انا وبدبحهن واخد حواشيهن واربطهن وبندفنهن واعلمك كيف ينزل رزئك .
اللحين انتي عمك حي
ايه صحيح كبير بس متعافي
طيب اذبحيهن وعلمينن .
قالت : ايه بس البئره بالف دولار وضرايب 150 دولار
قلت : وش يعني
قالت : أدفع
قلت : هماك بتنزلين رزق يمكن ملايين الدولارات
قالت : ايه
قلت نزليهن وخوذيهن .
قالت مابينفع هيك ياأبني لا تخليني أزيك ( اوذيك ):a:
قلت اقول لا ألعن جدفك اقضبي الباب
قالت بؤذيك وبقلب وجهك يسار ببهدلك .
طلعت العجوز او طردت العجوز .
طبعاً رجعنا للسعوديه
الا جوالي يرن من رقم دولي مارديت نسمع بتمرير المكالمات واسحب على الرقم
المهم ازعجن الرقم قلت خلنا نرد
وارد
انا: الو
المتصل : السلام عليكم ورحمة الله وبركاته
انا : عليكم السلام ورحمة الله وبركاته
المتصل : كيفك
انا : تمام من معي من لكم ايام وانتم مزعجيني
المتصل : الشيخ طالبك وهو في خلوته الآن سيكلمك بعد قليل
انا : شيخ طيب
بعد التصال شيخ ويبيني وش السالفه المهم مامداني افكر
الا والجوال يرن
انا : الوووووووووو
المتصل : السلام عليكم ورحمة الله وبركاته
أنا : عليكم السلام ورحمة الله وبركاته
فعلا كثر السلام يقلل المعرفه
المتصل : انا ضربت الرمل وطلع لي رقمك
انا : ليه حتى الرمل تقدم وصار فيه موجود أكستر
المتصل : طلع لي رقمك من نور
انا : زين مولع يعني بس الله يعينا على الفواتير
المتصل : انت انسان حبوب وطيب ومحبوب من الجميع
انا : اللهم لك الحمد
المتصل : ولك رزق معلق رزق وفير يغنيك ويغني ورثتك
انا : اهم شي انا الورثه لهم رب يرزقهم
المتصل : مافيه الا طريقه وحد ننزل الرزق
انا : وش هي من باب الفضول
المتصل : تذبح ثلاث بقرات وتأخذ اللي بأحشاهم وترسله لي
انا : انت وين انت عشان ارسلهم لك
المتصل : انا بموريتانيا
انا : اهااا ارسلك أحشاء بقر يم موريتانيا حتى خدمات التوصيل مايستبلونهم وبعدين ماخترت الا بقر
المتصل : هناك وسيلة اخرى اخي
انا : وما هي ( قلبت للفصحى الدعوى فيه عروبه )
المتصل : ان تحول قيمة الثلاث بقرات على حسابي فلدينا مزرعة مليئة بالخراف والبقر
انا : وكم أحولك
المتصل : ستة الاف دولار
طلعت البقره بالفين دولار
انا : وكيف لي ان احول لك المبلغ
المتصل : عن طريق بنك .... ( يسمع بعدم وضع الاسم حتى لا تكون دعايه )
انا : قلت اذبح على حسابي من الرزق المعلق عشرين بقره ووزع لحمهم على اهل قريتك والباقي بخشيش .
فتلوت عليه اية ( قل لا يعلم من في السموات والارض الغيب إلا الله )
ويقفل الخط على طول



(((الموضوع )))
نسمع عن المشعوذين في الخارج ولكن السحر والدجل انتشر حتى في بلادنا نسأل الله السلامه فالسحر ودليل على خبثه وخبث مستخدمه لا يستخدم الا لدمار البيوت او الأنفس كما هم مستخدموه ولو كان فيه خير لنفع الكاهن الأكبر فرعون امام نبي الله موسى عليه الصلاة والسلام .
فالأيمان والسحر لا يجتمعون في قلب رجل او أمرأه يؤمنون بالأسلام ديناً .


موضوع السحر هموم ومآسي نسمع عنها حلول ومناقشه
هل السحر فعلاً موجود وكيفية تلبس الشيطان ببني ادم ام هي امراض نفسيه كما يطلق عليها في هذا العصر ام فعلاً الشيطان يجري مجرى الدم
ومن هو الشيطان هل هو أبليس ام حتى من الأنس سياطين .
ليست هذه الأسئله فقط هو علم واسع
مجرد حوار

[ريم شمر]

موضوعك جدا جميل ياقلم شمر اسلوبا ومضمونا ,,,

تحدثت عن قضيه هامه اختلط فيها الحق بالباطل

السحر بالشعوذه بالنصب وسرقة اموال البسطاء

السحر حقيقي وقد ذكر بالقرآن الكريم ونهي المسلمون عن اتيان السحره

او التعامل معهم

لكن اغلب مانراه الآن هو نصب ودجل واستغلال ....تستخدم فيه كل انواع تكنولوجيا الاتصالات

حتى الفضائيات احتلها امثال هولاء وباشروا بالضحك على ذقون الجهله واستنزاف اموالهم

.
.
.
شكرا جزيلا وافرا لك قلم شمر ...هنا انت ابدعت ...

[ماجد علوان]

قلم شمر

بارك الله فيك ونفع بك

[قلم شمر]

موضوعك جدا جميل ياقلم شمر اسلوبا ومضمونا ,,,

تحدثت عن قضيه هامه اختلط فيها الحق بالباطل

السحر بالشعوذه بالنصب وسرقة اموال البسطاء

السحر حقيقي وقد ذكر بالقرآن الكريم ونهي المسلمون عن اتيان السحره

او التعامل معهم

لكن اغلب مانراه الآن هو نصب ودجل واستغلال ....تستخدم فيه كل انواع تكنولوجيا الاتصالات

حتى الفضائيات احتلها امثال هولاء وباشروا بالضحك على ذقون الجهله واستنزاف اموالهم

....

الحمد لله الذي ارانا الحق حقاً وأمرنا أتباعه وارانا الباطل باطلاً وامرنا اجتنابه
ريم شمر لا أشك أبدا في وجود السحر .
فأننا أصبحنا نقرأ كثيراً عن مسك مشعوذ او ساحر
وأصبحنا في جلساتنا نسمع عن قصص ان كانت حقيقه فهي المصيبه ان هناك مستخدمون حقيقيون للسحر .
هل نحن طيبون لدرجة السذاجه ان نصدق عرافاً او كاهناً او مستغلاً .
الأسلام بين السحر وبين الوقاية منه .
ام اننا نفسياً أصبحنا مستعدون ان نرمي اي مشكله على السحره والمشعوذين .
حتى ان العيادات النفسيه التجاريه أصبحت اليوم مزدحمه جداً .
ماذا دهانا وماذا جرى لنا .
حتى اننا نرى علاج لتحريك الطاقه داخل أجسادنا من مكامنها وكأن احاسيسنا تبلدت فذاك ينقر تحت العين لأطلاق العنان في دواخلنا وذاك ينقر في أعلى الهامه لتحريك الشعور .
نامت الأحاسيس فلا يوقظها غير العلاج النفسي
ضعفت النفس فلا تريد الأعتراف بالخطأ فقلنا سحر


شكرا ريم شمر

[قلم شمر]

قلم شمر

بارك الله فيك ونفع بك

اللهم امين

جزاك الله الف خير اخي ماجد

[أهداااب]

تصدق بموضوعك هذا رجعتني الذاكره ورى شوي

أذكر أنا كنا بسياحه بالشام العايله الكريمه كلها :)

والسياره تعطلت علينا وقفنا عند ورشه نبي نصلحها اول ما دخلنا دمشق

حتى ما امدنا ندور شقه ونفطر ونعين من الله خير الا يجينا ذاك الشيبه كاهن طبعاً:)

ولما شاف ابوي بالزي السعودي الا ينشب فيه ويقوم يقوله انت لك أعداء انت فيه ناس

حاسدتك لازم تفك الحسد بطريقه وهي أن تتصدق مدري بكم ويوم الجمعه لاتخلي

ملابسك تبات بره البيت :)

ولما شافنا حنا البنات قام يقول بناتك دول كلهم مستورات وأولادك الثنين واحد منهم

يتزوج ثنتين:)


أنا بصراحه خفت منه لماشفته يكز فيني بنص عين :315r:


قمت وجلست عنه بعيد وأبوي يسمع كلامه ويضحك


وبعد ما راح قلت يبه تبي تسوي اللي قالك عليه هالشيبه المخرف

قالي من قال انا بس عطيته فلوس كصدقه مبين عليه على باب الله

ومره كمان كنا بالاردن أناو اخوي عند مطعم يجي ذاك الرجال يبيع ساعات وخرابيط

كان يقول لأخوي في وحده عاشقاك:)

عاد اخوي ما صدق خبر:)


قام يقول لأخوي عطني عشر ليرات وانا اقولك على اسمها:)

قال اخوي لا لا مشكور ما ابي اعرف اسمها دام الدعوه فيها فلوس :)

طبعا مثل هالمواقف دايم نتعرض لها لما نسافر بلاد برا خصوصاً لما يشافوا انا من الخليج

لانه عارف انه عندهم خير من الله و ما يصدق هالكلام الا اللي ماعنده ايمان بالله

وأزيدك من الشعر بيت الحين السحره والعرافين مو موجدين بس في بلاد برا او عن طريق

رسائل الجوال في قناه فضائيه مخصصينها لمثل هالامور تصدق مره تابعتها لقافه طبعا :315r: ابي اسمع

من المتخلفين اللي يتصلوا على مثل هالقنوات لقيت ان اكثرهم سعوديات

بصراحه انصدمت اكثر من اتصال من السعوديه !!!


وين الايمان بالله وهذا وحنا من اطهر ارض المفروض نصير قدوه لغيرنا


انا بصراحه اشوف مثل هالمواضيع السحر وغيره زادت هاليومين اكثر


والشيوخ اللي تقرا كمان زادوا ياكثرهم ما عندهم اي علم كل مرض يفسروه سحر

انا عندي اخت نفسيتها تعبت وتركت الدراسه سنه طبعا ما خلينا عنها طب

حتى الطب الشعبي والنفسي :)

اخر شي ودينها شيخ من شور وحده من الحريم قام يقول من اول قراءه عليها

هذي مسحوره ؟؟؟

حنا بصراحه ما صدقناه انا قلت لامي والله ماعنده سالفه المسئله كلها ازمه نفسيه

وطلع كلامي بمكانه لما نقلناها مدرسه ثانيه تحسنه نفسيتها


انا أقولك بأختصار ايش اللي خلا مثل هالسوالف تنتشر عند الناس بالفتره الاخيره

- ضعف الوازع الديني والايمان بالقضاء والقدر

- وجود فئات تستغل وسائل الاتصال مثل الجوال لمثل هذه الامور لاجل الكسب المادي لااكثر

- انتشار القنوات الفضائيه التي تهدف الى جذب انتباه المشاهد لا لأجل الفائده

بل لأجل كسب اكبر قدر من الجماهير المغفله وبالتالي الاتصالات التي لا حصر لها

والهدف ايضا مادي

انا مازلت مصممه على ان الاعلام الفاسد والفضائيات التي تلهث خلف الكسب المادي

هي من لها الدور الاكبر في نشر مثل هذه الامور في عصر الماده اصبحت فيه هي اساس كل شئ

دائما اتسأل الى متى نسمح لمثل هؤلاء بنشر افكارهم بكل حريه بلا رادع لهم

وهناك فئه كبيره من المتلقين يتلقا اي شي بلا تروي او تفكير ويظن ان كل ما يقدم من خلال هذه الفضائيات صحيح لاشك فيه

انا الاحظ في الفتره الاخيره انتشر في القنوات الفضائيه برامج تسير على نفس المنوال

مثل: برامج عن الجن والبيوت المسكونه و اخرى عن شيخ يخرج الجن من اجساد اناس

واخر يفسر الاحلام بلا علم والثاني يقراء الفنجان والحظ والمستقبل الى ... الخ

من وغيره وغيره من التفاهه وغياب العقل البشري

ما يزيد غيضي انا اقبال الناس على مثل هذه الامور في تزايد مستمر

رغم ان العلم تطور لم يعد احد يجهل تعاليم الدين الصحيح والحكم الشرعي في السحر وغيره

يبدو اننا نرجع رويداً رويداً الى الجاهليه الاولى

كل خوفي على الجيل القادم كيف سيتمكن من الخروج من هذه المعمعه بسلام

عذراً على الاطاله لكن ثوره من الغضب والغيره على حال الاسلام والمسلمين

شكراً قلم شمر على منحي هذه المساحه الحره

الود

roooose

[يـــوسف]

قلم شمر أنا لو مكانك ادير مسمعه بلي كف ياشيخ كل الكفوف اللي خذيتهن اطلعهن بوجهه ياشيخ أخلي كل من شافه يقول وش حفرة هالزيت اللي بوجهتس :)


والله شف يااخوي فيه ناس مساكين ويصدقون وانا مرو علي ناس ياخي يدقون على ناس بالاردن ....... يعني لو اللي جرا عليك جارين عليهم وقايلتن له ابقلب وجهك يمين اتوقع يسجد له استغفر الله ........ المسئله مسئلة إيمان بالله واللي ماعنده إيمان توقع منه اي شي....


يعني يذبح بقر السعوديه كله عشان يشوف الرزق اللي يبي ينزل عليه :)

أهداب وين هالكهنه بس يطيحون عليكم انتي وقلم الظاهر وجيهكم تجذبهم :)

-
ضعف الوازع الديني والايمان بالقضاء والقدر

- وجود فئات تستغل وسائل الاتصال مثل الجوال لمثل هذه الامور لاجل الكسب المادي لااكثر

- انتشار القنوات الفضائيه التي تهدف الى جذب انتباه المشاهد لا لأجل الفائده

بل لأجل كسب اكبر قدر من الجماهير المغفله وبالتالي الاتصالات التي لا حصر لها

والهدف ايضا مادي


الله يذكر الالوسي بالخير انقطع ولا كانت تجيه اتصالات من ربعنا ياكثرها

[قلم شمر]

تصدق بموضوعك هذا رجعتني الذاكره ورى شوي

:) الرجوع بالذاكره لا علاقة له بقراءة الكف ولا الطالع يعني مالي شغل


أذكر أنا كنا بسياحه بالشام العايله الكريمه كلها

والسياره تعطلت علينا وقفنا عند ورشه نبي نصلحها اول ما دخلنا دمشق

حتى ما امدنا ندور شقه ونفطر ونعين من الله خير الا يجينا ذاك الشيبه كاهن طبعاً

ولما شاف ابوي بالزي السعودي الا ينشب فيه ويقوم يقوله انت لك أعداء انت فيه ناس

حاسدتك لازم تفك الحسد بطريقه وهي أن تتصدق مدري بكم ويوم الجمعه لاتخلي

ملابسك تبات بره البيت

يفضحنا الزي السعودي
اسلوب التخويف والترهيب ديدن المشعوذين بقولهم انت محسود او مسحور حتى يربك من أمامهم .


ولما شافنا حنا البنات قام يقول بناتك دول كلهم مستورات وأولادك الثنين واحد منهم

يتزوج ثنتين

فال خير وعساه تزوج الأولى ونصيحه من اخ لأخوك لا يتزوج الثانيه :qannaj:
تقل صدقت .


أنا بصراحه خفت منه لماشفته يكز فيني بنص عين
دام الدعوى نص عين برد وسلام ووالله لو خز بعيونه الثنتين برد وسلام فقسماً لن يفلح هؤلاء


أنا بصراحه خفت منه لماشفته يكز فيني بنص عين
لا بد ان يضحك أبوك فهو يعلم دجله
اما خوفك فلا مبرر له .



ومره كمان كنا بالاردن أناو اخوي عند مطعم يجي ذاك الرجال يبيع ساعات وخرابيط

كان يقول لأخوي في وحده عاشقاك

عاد اخوي ما صدق خبر


قام يقول لأخوي عطني عشر ليرات وانا اقولك على اسمها
ما يحتاج عشر دنانير ولا ألوم أخوك انه ماصدق خبر خصوصاً ان العشق في زمننا هذا صعب .



رسائل الجوال في قناه فضائيه مخصصينها لمثل هالامور تصدق مره تابعتها لقافه طبعا ابي اسمع

من المتخلفين اللي يتصلوا على مثل هالقنوات لقيت ان اكثرهم سعوديات

بصراحه انصدمت اكثر من اتصال من السعوديه !!!

عاد ربعنا مصيبه ياطاحوا بشي لكن ليش السعوديين بوجهة نظرك الأغلب هل هم فعلاً جهله ام مغفلون ام مرضى حقيقيون بالوهم .


انا بصراحه اشوف مثل هالمواضيع السحر وغيره زادت هاليومين اكثر


والشيوخ اللي تقرا كمان زادوا ياكثرهم ما عندهم اي علم كل مرض يفسروه سحر
سبق وان كتبت في رد على موضوع ان نحن الشعب الوحيد الذي يقدر التفله بثمن وعسى ان لا ترتفع اسعارها مع من ارتفع .
على فكره الرقيه مطلوبه ولكن لا تكون من شخص بعينه بل الانسان يرقي نفسه .


انا عندي اخت نفسيتها تعبت وتركت الدراسه سنه طبعا ما خلينا عنها طب

حتى الطب الشعبي والنفسي

اخر شي ودينها شيخ من شور وحده من الحريم قام يقول من اول قراءه عليها

هذي مسحوره ؟؟؟

حنا بصراحه ما صدقناه انا قلت لامي والله ماعنده سالفه المسئله كلها ازمه نفسيه

وطلع كلامي بمكانه لما نقلناها مدرسه ثانيه تحسنه نفسيتها

الف لا بأس على أختك
نعم أحياناً تسبب الضغوط النفسيه بعض تقلبات المزاج لدى الشخص وعندما تزول هذه الضغوط يعود الى وضعه الطبيعي .
وأذكر ان هناك أشخاصاً عندما تقول له وش فيك مريض وجهك مو عاجبني تبدى الوسوسه فيتغير وجهه فوراً وربما ملاحظ لذلك سن الأسلام زيارة المريض وان تكون كلماته طيبه فلا بأس عليك او لا اليوم لله الحمد أحسن وان كان مريضاً بمرض عضوي تجده يبتسم فيتناسى الألم او تزول عن نفسيته بعض الألآم .



انا أقولك بأختصار ايش اللي خلا مثل هالسوالف تنتشر عند الناس بالفتره الاخيره

- ضعف الوازع الديني والايمان بالقضاء والقدر

- وجود فئات تستغل وسائل الاتصال مثل الجوال لمثل هذه الامور لاجل الكسب المادي لااكثر

- انتشار القنوات الفضائيه التي تهدف الى جذب انتباه المشاهد لا لأجل الفائده

بل لأجل كسب اكبر قدر من الجماهير المغفله وبالتالي الاتصالات التي لا حصر لها

والهدف ايضا مادي

انا مازلت مصممه على ان الاعلام الفاسد والفضائيات التي تلهث خلف الكسب المادي

هي من لها الدور الاكبر في نشر مثل هذه الامور في عصر الماده اصبحت فيه هي اساس كل شئ

دائما اتسأل الى متى نسمح لمثل هؤلاء بنشر افكارهم بكل حريه بلا رادع لهم

وهناك فئه كبيره من المتلقين يتلقا اي شي بلا تروي او تفكير ويظن ان كل ما يقدم من خلال هذه الفضائيات صحيح لاشك فيه

انا الاحظ في الفتره الاخيره انتشر في القنوات الفضائيه برامج تسير على نفس المنوال

مثل: برامج عن الجن والبيوت المسكونه و اخرى عن شيخ يخرج الجن من اجساد اناس

واخر يفسر الاحلام بلا علم والثاني يقراء الفنجان والحظ والمستقبل الى ... الخ

من وغيره وغيره من التفاهه وغياب العقل البشري

لا تعليق سوى لا فض فوك تحليل منطقي جميل .


ما يزيد غيضي انا اقبال الناس على مثل هذه الامور في تزايد مستمر
ويزيد غيضي انا ولكن السؤال ليس لماذا ولكن اين عقول هؤلاء .




عذراً على الاطاله لكن ثوره من الغضب والغيره على حال الاسلام والمسلمين
لم تطيلي فقد أجدتي وأفدتي



عذراً على الاطاله لكن ثوره من الغضب والغيره على حال الاسلام والمسلمين

مشاعر نبيله ولكن لا تخبري أحداً بثورة الغضب خشية ان تتهمي أنك مسحوره :qannaj:


شكراً أهداااب

[قلم شمر]

قلم شمر أنا لو مكانك ادير مسمعه بلي كف ياشيخ كل الكفوف اللي خذيتهن اطلعهن بوجهه ياشيخ أخلي كل من شافه يقول وش حفرة هالزيت اللي بوجهتس :)


[ [/COLOR][/SIZE][/FONT]

يوسف لو انا معطيه ربع الكفوف اللي خذيتهن تسان يصير وجهها تقل فوهة بركان لكن هل تتوقع ان هذه هي الطريقه الوحيده للتعامل مع مثل هؤلاء .
اتوقع لو ان لا يدفع لهم فلوس لتوقفوا وعرفواا جهلهم .



والله شف يااخوي فيه ناس مساكين ويصدقون وانا مرو علي ناس ياخي يدقون على ناس بالاردن ....... يعني لو اللي جرا عليك جارين عليهم وقايلتن له ابقلب وجهك يمين اتوقع يسجد له استغفر الله ........ المسئله مسئلة إيمان بالله واللي ماعنده إيمان توقع منه اي شي....


[/SIZE][/FONT]
هذه المصيبه تصديق مثل هؤلاء
الأيمان مطلوب ولكن أعتقد والله أعلم ان من يصدقهم ليس لديه ثقة بنفسه لا أكثر





يعني يذبح بقر السعوديه كله عشان يشوف الرزق اللي يبي ينزل عليه :)

[/SIZE][/FONT]

بس البقر عندنا أرخص من اللي عندهم والله ان ماعمري شريته :)بس الظاهر




أهداب وين هالكهنه بس يطيحون عليكم انتي وقلم الظاهر وجيهكم تجذبهم :)

-

[/SIZE][/FONT]

يمكن انا و أهداااب وجيهنا فيها براءة الأطفال لذلك يهمون بنا.


يوسف العطاوي ليس الألوسي فقط وانما هناك الأوسيه كثر
شكرا يوسف لك التقدير والشكر