اهل الطلب

[ممدوح النماصي]

قصيده القيت في حفل (النمصان) التعارف في الخفجي


سـر ياقلم بااحلا المعاني والامـثـال

سجـل وانا اعطيك احلا المعـاني

بخط الحفر شين طرالي على البال

ترحيب بالنمصان قاصي وداني

بـشـبابهم وشـيـبانهم وكـل رجـــال

والـلـه يـلولاكـم فـلا جيت عانـي

افرح بجمعتكم لـو الوقت ماطـال

جمع الجماعـه عـنـدنا عـيد ثانـي

ولي الفخر في مدح ماضي الافعال

ناسن علو بالطيب لااعلا مكاني

اهـل اـلطـلـب فـكـاكة البل ليا طال

طال الطلب يطلب والعمر فاني

ولارجـع مـنـهـم ولااي رجـــــال

يما لحقوا البـل وهرجي بيانـي

يالابتـي انـتـم هـل الطيب ودلال

وفعلن ينومس كل شخصن مكاني

جبت القوافي لجل اوضح للاجيال

وافـعـالـكم تبقى بطـول الزمـانـي

نبقى كـذا مـدام هـالـكـون مــازال

لو ان عـدل الوقت ميـل وشانــي
وعذرن عن التقصيرفي نظم الامثال

شـيـن طرى بالبـال قـاله لسانـي

[ابن المويس]

صح لسانك ياابو خليوي ..........
واتحفنا بجديدك..

[قوقل]

صح لسانك يابو وليد ................

[ماجد علوان]

ممدوح

صح لسانك يالغالي

[رادار الحرف]

ممدوح النماصي

ونعم بك وبالعزوه اللي انت منها.

عيال الحصان علمهم غانم ويرفعون الراس أول وتالي

وعسى الله ان يجمعكم على العز وطاعة الله سبحانه وتعالى

ــــــــــــــــــــــــــــــــ

لي تعليق على بعض الابيات:


سر ياقلم باحلا المعاني والامثال - سجل وانا اعطيك احلا المعاني
يجب اظافة حرف الباء لكلمة (اعطيك) في الشطر الثاني لكي ينعدل الوزن ومن الافضل

لو قلت (جزل المعاني) بدلا من (احلا المعاني) ايضا في الشطر الثاني.

ــــــــــــــــــــــــــ

بشبابهم وشيبانهم وكل رجال - والله يالولاكم فلا جيت عاني

هنا خلل في الوزن في الشطر الاول

ـــــــــــــــــــــــــــــــ


ولي الفخر في مدح ماضي الافعال - ناسٍ علو بالطيب لاعلا مكاني

اعتقد ان حرف النون سقط سهواً من كلمة (ماضي) لاكتمال صيغة الجمع ولكي يعتدل الوزن.

ـــــــــــــــــــــــــــ

اهل الطلب فكاكة البل لياطال - طال الطلب يطلب والعمر فاني

حرف الياء في كلمة (لياطال) بالشطر الاول زائد.

الشطر الثاني خلل في الوزن.

ــــــــــــــــــــــــــــ


ولتقبل تعليقاتي بصدر شمالي، خاصه وان القصيده قصيدة مناسبه، فلاتحرمنا من غيرها والتي

تتعلق باغراض الشعر المختلفه.

رادار الحرف

[عبدالله معيوف المويس]

صح لسانك ياممدوح على هالقصيده


لكن انتبه للي قاله الناقد رادار الحرف تره مهم

ومن حسن الى احسن

[مقبل الضوي]

ممدوح صح لسانك
والنمصاان عز الله شهادتي فيهم مجروووحه

والقصيده مميزه واتمنى لاتحرمنا من جديدك