رادااار الحرف و ام نواف بعد التحيه

[نايف حزوم]

الحسافه هزيمه

ليامن تذكر كل حي ٍنديمه=انا يثور بضامري مثل الاعصار
كني غريب وعاملٍ ٍلي جريمه=في ديرةٍ من سلمها بث الاخبار
مالي قرابه والعواقب جسيمه=والخوف دلى بين الاضلاع له كار
اما اني اهرب والعواقب سليمه =والا اني اثبت وتنكشف كل الاسرار
والحق يبغى صيرميٍ ٍصتيمه=ومصــقــلٍ ٍمن صنعت الهند بتار
اسمع وركز يا فهيم وفهيمه=موقف وفا ومقابله موقف انكار
الجرح يبقى بالنفوس الكريمه =لو هي تسامح فيه بالنفس تذكار
مثل الدروب المبطيات القديمه=في كف صحصاح ٍ خلت منه الامطار
واثر الجروح اللي تسمى اليمه=تجي من اللي له معزه ومقدار
اللي وجعها بالحشى زاد ظيمه=ياكني اونس بالضماير لهب نار
ليته زرقني بالرماح العديمه=اللي تخلي احمر الدم نثار
ولا ياليته باقي ٍفيه شيمه=ليته تعذرواقبل بكل الاعذار
عجزت افسَر منه ليه الظليمه=لا يطلبا ًمال ولا يطلبا ًثار
ومعوده سلم العرب والحشيمه=عين ٍله فراش وعين ٍله دثار
ومدام ما معه النوايا سليمه=يقفي وانا اقفي نكتفي باللذي صار
ابقى على حرح ٍ يتيم وعزيمه=اخير من عيشه ذليله مع العار
ماني متحسف والحسافه هزيمه=اثبت كما يثبت من الحيد سنجار

نايف حزوم

[بدر المعيوف]

صح لسانك اخوي نايف حزوم

جزله من جزل

تقبل مروري

تحياتي لك

[نافع بن طواله]

واثر الجروح اللـي تسمـى اليمـه
... ... .... تجي من اللي لـه معـزه ومقـدار
.
.
.
.

ماني متحسف والحسافـه هزيمـه
... .... ....اثبت كما يثبت من الحيـد سنجـار


كفو



تقبل مروري المتواضع هنا


وتأكد أني في الصف الامامي مندمج بكل حروفك

[شباط]

صح لسانك قصيدة جزله

[أم نــــــــــواف]

كفووو والله ياخوي

ماني متحسف والحسافـه هزيمـه
اثبت كما يثبت من الحيـد سنجـار


قصيدة تبشّر بقدوم نجم ساطع لساحة المضائف

بارك الله فيك أخي الكريم

وجميل أن ينسّق المرء منّا أحرفه ويتلافى صغائر الهفوات


قصيدة لامست الجراح

فشكرا

[سيف الدولة]

أخي نااايف

صح لسااانك وطاااب هتااانك

[ماجد علوان]

ناايف

صح لسااانك
قصيده جميله

[رادار الحرف]

نايف حزوم


انت غير في هذا النص


وقد شجعني التواجد هنا والرد عليك مايلي


الموضوع، وشاعريتك الواضحه، وشخصك الطيب



ـــــــــــــــــــــــ


هنا انت رائع جدا في التصوير


مثل الدروب المبطيات القديمه = في كف صحصاحٍ خلت منه الامطار


ــــــــــــــــــــــــــــــــــــــــ ـــــــــــ


ملاحظه بسيطه


مابين الاقواس حرف زائد على الوزن



اما اني اهرب والعواقب سليمه = والا اني اثبت ((( و ))) تنكشف كل الاسباب



شكرا لك على دعوتك لي للحضور والتعليق من خلال العنوان


رادار الحرف

[عبدالله الجعيثن]

واثر الجروح اللـي تسمـى اليمـه=تجي من اللي لـه معـزه ومقـدار
اللي وجعهـا بالحشـى زاد ظيمـه=ياكني اونس بالضماير لهـب نـار


نايف



صح لسانك



ابدعت وامتعت

[محمد الهزاع]

نايف

صح لسانك ولا هنت

جزله من جزل

تحياتي لك

[قوقل]

رادار عقب نقدتك لقصيدت زاهي ما رديت علي ماشفتك مشتاق

لشوفك ما تترك طبعك ( وعندي عليه ملاحظه ) وتشلع الله يسلمك

ولا عرفنا ملاحظاتك وكل قصايد الاخ زاهي نقدت نقد مهو واضح معناه

وحاولنا يكون هناك نقاش مفيد معك لكن ما دري وين رحت يالناقد

[قوقل]

اسمع وركـز يـا فهيـم وفهيمـه

موقف وفا ومقابله موقـف انكـار

اصعب شيء على النفس نكران جميلها ممن احسنت اليه ومبطي قالوا اتق شر من احسنت اليه

[نايف حزوم]

بدر معيوف =======وشباط===========وسيف الدوله========محمد الهزاع==========وقوووووقل لكم كل الشكر وصح بدنكم

[نايف حزوم]

المنسق بن طواله اربط الحزام يابعدي ترن ابي ادعس وزادك الله رفعه بالدنيا والاخره

[نايف حزوم]

الاستاذ عبدالله الجعيثن==================
====================الاستاذه ام نواف=================
ا============الاستاذ راااادااااار الحرف==============================
بفضلكم وبتوجيهاتكم تألقت (الحسافه هزيمه )الله لا يحرمنا منكم ومن توجيهاتكم

[نايف حزوم]

ماااااجد علوان صح بدنك يا خوي وين المحزم والبلجيك يالبواردي

[نايف حزوم]

نايف حزوم



انت غير في هذا النص


وقد شجعني التواجد هنا والرد عليك مايلي


الموضوع، وشاعريتك الواضحه، وشخصك الطيب



ـــــــــــــــــــــــ


هنا انت رائع جدا في التصوير


مثل الدروب المبطيات القديمه = في كف صحصاحٍ خلت منه الامطار


ــــــــــــــــــــــــــــــــــــــــ ـــــــــــ


ملاحظه بسيطه


مابين الاقواس حرف زائد على الوزن



اما اني اهرب والعواقب سليمه = والا اني اثبت ((( و ))) تنكشف كل الاسباب



شكرا لك على دعوتك لي للحضور والتعليق من خلال العنوان



رادار الحرف

عسى ماشر يالرادار مالك بينه اعترف اني افتقدت تعليقاتك وتوجيهاتك ياليت ما تطول الغيبه