المساعد الشخصي الرقمي

مشاهدة النسخة كاملة : الجزء الاول : راعــــــــــي الريشـــــــــــا


عبدالله معيوف المويس
21-02-2008, 14:25
بسم الله الرحمن الرحيم
* في البدايه احب ان اشكر الاخ ابو فراج على اهتمامه بهذا المضيف وسؤاله الدائم وانا ماكتبت هذا الموضوع الا تلبية لطلبه
* سوف اتكلم في هذا الموضوع عن شخصيه اشتهرت بالكرم والشجاعه ولاياتي اسم الكرم حتى ياتي اسم محمد (راعي الريشا) اللي هو جدي الثاني من ابوي . فسند السالفه من ابوي عن ابوه عن محمد راعي الريشا
* موضوعي سوف ينقسم الى اربعة اجزاء

الجزء الاول : في الكرم

محمد (راعي الريشا) هو محمد بن رشيد بن فلاح بن نامر بن سعدي بن فهيد بن سالم بن زميل. ويلقب ايضا بمحمد المويس وذلك لشدته في اخذ الحق للمظلوم .
طبعا محمد المويس اشتهر بالعطا فكان يعطي ولايبين لاحد لانه ماكان يبي من وراهن الاوجه الله تعالى ومع ذلك انتشرصيته وكرمه بين شمر, حتى انه لقب بمحمد راعي العطايا.
ومرت من المرات كانوا النمصان رحيل في فصل الربيع من الحزوم الى لينه متجهين شمال واثناء سيرهم تعرض لهم رجل وهم يسوقون الدبش والغنم والمظاهير وكل من رعيته وهم كثير ومن ضمنهم محمد المويس يسوق خلفته ومعه حواره وكان هو الاقرب له من الرحيل, فسلم عليه وقال منهم العرب .قال وش حاجتك . قال ابي النمصان: قال محمد هذولا هم النمصان. قال الرجل ماتعرف محمد ابن نامر (والرجال مايدري انه يحكي مع محمد ) قال محمد : وش تبي منه , قال الرجل : يذكر انه راعي نية حسنه وراعي خير ويعطي (المنيوب ) يعني المحتاج, واناتركت عيالي واهلي ماعندهم شي يسكنون به حاطهم بلي (عنه) والعنه هي مجموعه من الحطب , قال محمد : هذه خلفتي خذه هي وولده وهو يقمز الرجل ويحب راس محمد وهويحب عينه ويرفع يديه ويدعيله, قال الرجل : هو انت محمد ؟ قال محمد خذه ولاتسئل, قال انا اسالك بالله هوانت محمد راعي العطايا . قال محمد : ايه انا محمد , وهو يروح الرجل ولاابعد وهو يرجع , قال يامحمد: عباتك على الخلفه , قال محمد : خذه ماهي اغلا منه

هذه هي قصة محمد مع هالرجل . وانا نشدت عمامي وهالشيبان عن هالرجل منين هو قالوا لي : انه عبدي

والقصيد بمدح محمد راعي الريشا كثير لكن انا اخترت لكم قصيدة صالح بن صلفيق بن رمال لانه تطرق لهالسالفه هذي بعينه....


اسم على مسمى لياقيل زحزيح *** زحزيح زحزيح الرجال ونطيحه
فعل ابن نامر واضح دون توضيح *** والفعل برهان العلوم وصحيحه
يامسندي يابن الرجال المفاليح *** اهل العلوم الوافيه والفليحه
نمصان للعدوان قوم ذوابيح *** قوم عدوها عن حماها تزيحه
من اولاد الازمل مدركين التماديح *** اهل الوفا واهل الكفا والنصيحه
جموع لياشان الدهر له نواطيح *** اهل كريمات الرباع الفسيحه
واليوم يانسل المويس الزحازيح *** جدك بوقته عاش وادرك مديحه
ماهمته دنيا بجمع المرابيح *** بدورن يبين طيبه من شحيحه
عطى العباة وخلفة النوق طحطيح *** للعاني اللي جاه يطلب منيحه
يوم العفون عن اللوازم مدابيح ***ماخصهم والذم ماقوى استبيحه
ماذم خلق الله ولااقول تجريح *** ولاحب ذكر اللي يجيب الفضيحه
اعطي مثل وانا صريح التصاريح *** ولااحب تزويد العلوم السطيحه
اشوف يازحزيح بك هبة الريح *** طيب النبى وللضيف تذبح ذبيحه
على فعل جدك وشبوحك مشاويح *** وياعل حظك دوم في هب ريحه
بليا هدف قلته ولااقول تلميح *** القرم مثلك له تجود القريحه


والاجزاء الثلاثه الباقيه ان شاء الله سوف اتكلم فيها عن شجاعته رحمه الله واخذه للوجب ثلاث مرات وسوف نفصل كل معركه في جزء

هذا وتقبلو تحياتي : الفقير الى عفو ربه
زاهي
21-02-2008, 23:50
ابو عبدالرحمن

يعطيك العافية ورااع الريشا يستااهل

بس ماذكرت لنا القصيدة منهي بوه؟


<<< بانتظاار الاجزاء الاحقة يابعدي.
شباط
22-02-2008, 09:40
ونعم ولله براعي الريشا
الله يرحمه ويغفر له عز الله انه سيرة ترفع الراس وتبيّض الوجه
ويعطيك العافيه على هالجلب الطيّب
سلمان النبهان
22-02-2008, 15:31
اسم على مسمى لياقيل زحزيح = زحزيح زحزيح الرجال ونطيحه
فعل ابن نامر واضح دون توضيح = والفعل برهان العلوم وصحيحه
يامسندي يابن الرجال المفاليح = اهل العلوم الوافيه والفليحه
نمصان للعدوان قوم ذوابيح = قوم عدوها عن حماها تزيحه
من اولاد الازمل مدركين التماديح = اهل الوفا واهل الكفا والنصيحه
جموع لياشان الدهر له نواطيح =اهل كريمات الرباع الفسيحه
واليوم يانسل المويس الزحازيح = جدك بوقته عاش وادرك مديحه
ماهمته دنيا بجمع المرابيح = بدورن يبين طيبه من شحيحه
عطى العباة وخلفة النوق طحطيح = للعاني اللي جاه يطلب منيحه
يوم العفون عن اللوازم مدابيح = ماخصهم والذم ماقوى استبيحه
ماذم خلق الله ولااقول تجريح = ولاحب ذكر اللي يجيب الفضيحه
اعطي مثل وانا صريح التصاريح = ولااحب تزويد العلوم السطيحه
اشوف يازحزيح بك هبة الريح = طيب النبى وللضيف تذبح ذبيحه
على فعل جدك وشبوحك مشاويح = وياعل حظك دوم في هب ريحه
بليا هدف قلته ولااقول تلميح = القرم مثلك له تجود القريحه
سلمان النبهان
22-02-2008, 15:35
تسلم يالغالي وفعل محمد المويس ماضي ومعروف ويرفع الراس
واستحق الوجب والمدح اكثر من مره ومليون نعم بعيال الحصان كبير وصغير
ونشكر لك هذا الايراد الطيب الجميل لقصص ابطال شمر المجد يالغالي ..
عبدالله معيوف المويس
22-02-2008, 18:47
زاهي النماصي . ماعليك زود وتستاهل الطيب

اشكرك على مداخلتك وعلى حروفك الجميله
عبدالله معيوف المويس
22-02-2008, 18:49
والنعم بحالك وماعليك زود ياشباط

اشكـــــــــــــــــــــــــــــــــــــ ـــرك

لك مني اجمل تحيه
عبدالله معيوف المويس
22-02-2008, 18:53
الاخ سلمـــــــــــــــــــــــــــــان والنعم بحالك


وبيض الله وجهك ورفع قدرك


اشكـــــــــــــــــــــــــــــــرك
ابو رفحاء
22-02-2008, 23:32
شكرا على السالفة الطيبةوالجميلة
يالمويس
الحيمري
23-02-2008, 01:10
الاخ المويس والله والفين نعم بك بالنمصان وخصوصا النامر

يكفي محمد النامر منهم يوم يفك خويه من سلاح الحدود العراقي


وقصد هذه الابيات


ياخليف حناء بلاناء الله الصبح باربع تنابيلي

لعيون ابو جذلتن هله كسرت الرتل الدنيني


ومحمد ابن نامر فك خويه علما ان ركايبهم ذبحتهن الدوريات ومحمد عطل اكثر من دوريه

ورفض الاستلام حوالي ثلاث ايام هو والدوريات شل وحط حتى فك نفسه وخويه


مع اجمل تحيه
عبدالله معيوف المويس
23-02-2008, 06:16
ابو رفحاء

شكرا على مرورك

تقبل تحياتي
عبدالله معيوف المويس
23-02-2008, 06:38
ماعليك زود يالحيمري .......... واشكرك جزيل الشكر
ومحمد بن مفلح بن نامر بطل من ابطال هذا الزمان وخير شاهد تلك القصه اللي به فك نفسه وخوياه من الموت.... وقتله للضباط وهي موجوده في ارشيف مضيف قصه وقصيده

قال الشاعر خضير بن حمد الربوض رحمه الله
يوم الوجـع من قـو حيـلي رمـاني عافـاني المعـبود خـلاق الأرواح
بأمـر ولـي العـرش محـمد وتـاني وتاني الصنديد مع وقت الأصباح
محمد رفيـقن لي من اول زمـاني ونصيح قلب وماشي لي بالأنصاح
الله شــفانـي يـوم محـمد كـوانـي محمـد بن نامـر كـساب الأمـداح
بدرب الصخا من فاعلين الحساني بفعل الحساني مجهدن ماهو شحاح
منبع صخا ومـع الصخا معـشراني ويـوم المـلاقـى للـطوابـير نـطـاح
محـمد ولـد مـفلـح مـاهـو جـباني يوم عسكـر النهرين لاقوه بـسلاح
لاقـاهــم الصنـديـد بالــجـب خاني وخيارهم مـن بندقـه بالـوطا طـاح
ومن خوفه الضباط صارو حصاني وعن البطل قامت تـوزا وتـنـزاح
ياما دعـوه بالله وعــهدن وأمــاني وأنجاه منهم الـولي مدير الأرياح
...................................
وقد قال فيه خضير ايضا قصيده لا أعرف منها سوى هذه الأبيات:

محـمد بن نامر قـهار قـهار ضـباط وصفـوفـه
بالمعركه فايز بأفخار يوم الدخن هب عاصوفه
وبن سعدون وقع ماثار اسقيته الموت وكسـوفه
..................................
وهذه لاحدى نساء قبيلته
لاواهـني من جددك يابو خـالد من حط عمرك حول خمس وثلاثين
مانـته وباقـي الـرجاجيل واحد بـك ميـزة مابـين الأقصـا والأدنـين
مايجـحده من كان للطيب جاحد فعـلك يعـرفــونـه قــريب وبعيــدين
يافـارس لك بالـمـواقـف عـوايد يالشهـم ياســيد الرجـال الكـريميـن
يامن زهـا فـيك الثـنا والـقصايد تزها لفعل اللي على الحرب ضارين
لومابك السكر مع الضغط زايد يمـكن من اليهـود تحـمـي فـلسـطين
يابن الذي بالطيب حاز الشهايـد عقــيد قــومه لاحــــضر بالمـياديـن
هذاك ابو عاشـق لياصار كايــد عـز اللـذي جـوله من البـعد عانيـن
يالله انا طالــبك وانت المـساعد انـك تـسـاعدنا علـى العـسر واللـين
ماجد علوان
23-02-2008, 06:50
ونعم والله برااعي الريشا
رجل استحق المدح بفعله وبيض وجهه ووجه ربعه


الف شكر لك اخووي عبدالله على النقل الرائع


ونحن في انتضاار الاجزاء القادمه


كل الشكر والتقدير لك
عبدالله معيوف المويس
23-02-2008, 07:48
ماعليك زود ياماجد

ويعطيك العافيه على مرورك الكريم


تقبل مني اجمل التحايا


اما بالنسبه للاجزاء الثلاثه الباقيه فسوف يكون كل جزء في اسبوع
ابن المويس
24-02-2008, 23:42
والنعم بمحمد المويس راع الريشا وعيال الحصان ماهو غريب عليهم الافعال البطولية..
عبدالله معيوف المويس
25-02-2008, 07:28
اشكر الاخ غافل على مروره العطر

تحياتي لك


ودمت بالف صحه وعافيه
خالد الشمري
27-02-2008, 10:14
اتمنى قبول العذر يأخ عبدالله
على تأخري لظروف قاهره
والحق يقال اننا نفخر
بوجود كاتب مثلك معنا
ونعم ولله براعي الريشا
الله يرحمه ويغفر له
ويجعله بجنات النعيم
عز الله انه سيرة ترفع الراس
وتبيّض الوجه
ولا هي غريه على عيال الحصان
وعموم الزميل
تسلم اخي الكريم عبدالله
ويعطيك العافيه على هالجلب الطيّب
وبإنتظار باقي الاجزاء
ومره اخرى اعتذر عن التأخير
راعي الوقيد
27-02-2008, 12:44
حقاً يقال اننا نفخر بوجود كاتب مثلك معنا:thumb:

والله والف نعم براعي الريشا الله يرحمه ويغفر له

ويجعله بجنات النعيم

عز الله انه سيرة ترفع الراس وتبيّض الوجه

ولا هي غريبه على عيال الحصان وعموم الزميل

تسلم اخي الكريم عبدالله

والله يعطيك الف عافيه على هالجلب الطيّب

وبإنتظار باقي الاجزاء

كفو يابعدحي

:goooood:

لك التحية
النماصي2
28-02-2008, 18:05
محمد المويس رحمه الله علمه غانم وله تاريخ بطولي يرفع الراس


اشكر عبدالله بقيامه بااحياء قصص راع الريشا البطوليه



قيس النماصي
مشــــعل
28-02-2008, 19:32
تسلم يابعدي

الله لايهينك

والف نعم بمن ذكرت

ننتظر المزيد
عبدالله معيوف المويس
01-03-2008, 06:14
اتمنى قبول العذر يأخ عبدالله
على تأخري لظروف قاهره
والحق يقال اننا نفخر
بوجود كاتب مثلك معنا
ونعم ولله براعي الريشا
الله يرحمه ويغفر له
ويجعله بجنات النعيم
عز الله انه سيرة ترفع الراس
وتبيّض الوجه
ولا هي غريه على عيال الحصان
وعموم الزميل
تسلم اخي الكريم عبدالله
ويعطيك العافيه على هالجلب الطيّب
وبإنتظار باقي الاجزاء
ومره اخرى اعتذر عن التأخير




ياهلا بابو فراج ومية هلا وماعليك زود
فقدناك وفقدتك المضايف . نورت المضايف بوجودك ووجود الطيبين امثالك

تقبل مني اجمل التحايا
عبدالله معيوف المويس
01-03-2008, 06:16
راعي الوقيد ماعليك زود يابعد حيي

واشكرك على هذا المرور العطر
عبدالله معيوف المويس
01-03-2008, 06:18
قيس ماعليك زود وبارك الله فيك على مرورك

تقبل مني تحياتي
عبدالله معيوف المويس
01-03-2008, 06:22
والنعم بحالك يااخ مشعل


وسلمت يابعدي


ولاهنت على هالمرور
نافع بن طواله
01-03-2008, 06:32
ونعم يالمويس


ولك حق بالفخر


وارفع راسك
عبدالله معيوف المويس
01-03-2008, 15:14
ماعليك زود يانافع

وانا ان شاء الله رافع راسي مادام عيال عمي عيال شمر مثلك وشرواك

هذه المفاخر تسجل باسم شمر
altaey
04-03-2008, 15:25
والف نعم
ولكن من هي الريشاء
اللي اعرفه ان الريشاء في حدري البلاد بحائل
راعي الوقيد
04-03-2008, 16:48
اللي اعرفه ان الريشاء في حدري البلاد بحائل

حي الله الطائي:)

علمنا بالريشاء اللي بحدري البلاد يالعزوة:thumb:
عبدالله معيوف المويس
04-03-2008, 18:55
ياهلا والله باخوي الطائي ومية هلا

مرورك شرف لي

والريشا يالبناخي ناقة طيبه خذاه وجب ( يعني تخيره تخير ) بحدى غزواته.... وصار راعي الريشا لان هي اغلا نياقه عليه

تحياتي للجميع
altaey
05-03-2008, 15:24
الأخ راعي الوقيد
الريشاء آه يالريشاء
اسأل عنها الحميان والرمان واسأل عنهاحمود العديلي
ومحمد الشلوة اللي بنى عليها مسجد
واسألوا من رد فرشة بابها حمية عليها
واسألوا اهلها اللي ضيعوها
اضاعوني واي فتى اضاعوا
اما انا فلا اعرف عنها شيء
راعي الوقيد
05-03-2008, 16:33
الحميان والرمان واسأل عنهاحمود العديلي
ومحمد الشلوة اللي بنى عليها مسجد
واسألوا من رد فرشة بابها حمية عليها
واسألوا اهلها اللي ضيعوها
انا احسبي سألت واحدن منهم:)

على العموم

انا اخبر قبل يبني محمد الشلوة المسجد كان فيه مقصورة هناك:za3lan:

اذا هي اللي تقصد !!؟

صراحة انا ماعندي خبر عنه:puzzled:

لكن مايمنع اني انشد ابو صالح عن الموضوع


اما انا فلا اعرف عنها شيء

لا والله انت اللي تعرف عنها كل شي بس ماتبي تعلمنا:3ajeeb:
قوقل
06-03-2008, 01:21
ماهمته دنيا بجمع المرابيح *** بدورن يبين طيبه من شحيحه
عطى العباة وخلفة النوق طحطيح *** للعاني اللي جاه يطلب منيحه
يوم العفون عن اللوازم مدابيح ***ماخصهم والذم ماقوى استبيحه
ماذم خلق الله ولااقول تجريح *** ولاحب ذكر اللي يجيب الفضيحه
اعطي مثل وانا صريح التصاريح *** ولااحب تزويد العلوم السطيحه


والنعم والله براع الريشا .. الله يرحمه ..

ولو كان نيته انه يشتهر بفعله ما بان صيته بين شمر وبين القبايل لكن مثل ماقاله

فواز الغسلان من نوى شيء لله اشتهر مثل قصة معشي الذيب .. وتقبل مروري ..


وبانتظار القادم ..... google ..
altaey
06-03-2008, 01:23
وصلت على خير ياراعي الوقيد
هذي هي الريشاء
تعرفه زين بس تبي تختبرنا وانتم من اهل المنطقة قبل الانتقال للوقيد
ياليت تمدنا ببعض المعلومات عنهاولمن هي واستعن ببو صالح
عبدالله معيوف المويس
06-03-2008, 14:25
قوقل ماعليك زود يالبناخي

وبارك الله فيك

لك مني اجمل التحايا
المهندس55
12-03-2008, 07:29
والله والنعم بك وبراعي الريشا .ومحمد المويس من ابطال شمر اللي يستحقون المدح .عبدالله لاهنت على هالجلب الطيب

واتشوق لما بقي
عبدالله معيوف المويس
14-03-2008, 13:02
المهندس ماعليك زود يالغالي

واشكرك على ماافضيت به


والباقي قريب ان شاء الله


تحياتي لك
الكاسح999
15-03-2008, 23:59
ونعم
شكرايالمويس على هذه السيره لرجل يفتخر بطيبه وافعاله

ولاتبخل علينا بالمواضيع الجديده
عبدالله معيوف المويس
16-03-2008, 11:56
ياهلا باخوي الكاسح

وماعليك زود

والباقي قريب ان شاءالله
مضيف برزان
16-03-2008, 19:51
ونعم وسبعة انعام
عبدالله معيوف المويس
17-03-2008, 06:08
مضيـــــــــــــــ برزان ـــــــــــــيف


ماعليك زود

تحياتي لك
الٌَـنِـُمٌاصُي
21-03-2008, 16:17
تسلم يمينك على هالقصه وهالقصيده والله انه ترفع الرأس عسى راسك دائم مرفوع ويعطيك الف عافيه وننتظر الاجزاء الثلاثة


أخوك : دغيم صبيح المويس
عبدالله معيوف المويس
23-03-2008, 09:22
هلا دغيم

يمينك سالمه دوم ان شاء الله

جميل ماكتبت