البنت اللي ماتعرف تطبخ.. هل تصلح تكون زوجة ... نجتاج الى رايك في هّذا !!!

[طلال الاسلمي]

السلام عليكم ورحمة الله وبركاته

البنت اللي ماتعرف تطبخ.. هل تصلح تكون زوجة!!! n)

تعال يا شاب يامقبل على الزواج.. هل راح تقبل شريكة حياتك بهذا الشكل!!!!n)

تخيل نفسك وانت راجع من الشغل ساعة 2 واكيد تعبان ومرهق.. وفجأة تكتشف انه مافيه غداء..

والسبب أن زوجتك العزيزة الغالية ماتعرف تطبخ!!!

وين المدرسة ومنهج التدبير المنزلي من هذاا!!!

لاتعليق

انا اتسآل وين دور الام في تعليم بناتها الطبخ؟!!

فيه منهن أحسن حالا ويعرفن يسوون البطاطس والبض بأنواعه ( مقلي ، مسلوق ، وعيون rooose3) وأحيانا يسوون شاي ولو انه مرات كثيرة يكون بدون سكر أو عسل كله سكر..

أنا هنا أتكلم عن جزء من البنات ولو انه صار عددهن يزيد

في السنوات الأخيرة.. هناك أسباب لهذي المشكلة وأهما:

1- وجود الخادمة:290r:
2- الأنشغال بالدراسة

يمكن يرد علي واحد ويقول الزواج مش طبخ.. حلووو بس هل تقدر تعيش بدون طبخ؟

راح تقولي :

فيه حاجه أسمها مطعم؟ حلو بس هل راح اتعيش طول حياتك كل يوم اذا جعت تروح المطعم .

والصباح تروح المطعم والظهر تروح المطعم والعشاء تروح المطعم.. هل راح تستحمل هذا:148r:؟؟؟

في الآخير أتسآل سؤال برىء.. اذا هذي البنت ماعرفت تطبخ فكيف راح تربي عيالك:za3lan:!!!!!

ويش رايكم في هالكلام !!!!!!!!!

مع خالص تحياتي للجميع :thumb:

طلال الاسلمي ... :3ajeeb:

[الأرجوازيه]

من منا ولد و ملعقة من الذهب في فمه؟؟؟؟؟


طبعاً يفترض أن الزوجه تعرف تطبخ ولو ماتعرف ضروري تتعلم فاالأعتماد على الأكل الخارجي حل سريع وغير ثابت وايضاَ هذا الأكل الخارجي من يضمن لنا نظافته ؟؟؟


أعرف كثير من البنات تعتمد على أمها في الأكل وهذا خطاء كبير فالأم أحياناً بدافع الحنان والخوف الزائد على ابنتها ومن مقوله مازلت صغيره لاتدرك الحياه ولاتفهم تساعدها بذلك ولاشعورياً على الأستمرار في الخطاء .


شخصيا أعرف وحده من الأمهات تطبخ لبنتها يومياً ( وجبة الغداء ) فقط وحجتها في ذلك لا استطيع أن أترك بنتي تموت جوعاً فأنا أعرفها أن لم ابعث لها لن تفكر أن تطبخ ولن تأكل )



هذا من جانب من جانب أخر يجب على الزوج أن يتعاون مع زوجته فمثلاً الزوجه العامله عليه أن يساعدها ليس في الطبخ بل في خدمة نفسه
( كأس ماء ، وأرجاع الأشياء الى مكانها بعد الأنتهاء منها ، وأن يوافق على الأكل بطريقة التسخين )

ويقصد به أن الزوجه العامله تطبخ بالليل وعند عودة الزوج يقوم بعملية تسخينه لكن بكل اسف هناك ازواج أنانيون يقول
( مارضى آكل طعام بايت )





لو قلنا للواحد منكم اطبخ واخدم نفسك ساعد زوجتك مثل بقية الأزواج في الغرب وفي الدول العربيه دخل من باب الرجوله وانا رجال



هنا ما الحل ؟؟؟؟ فهذه المسكينه العامله ليست آلة هي انسان والبشر لهم طاقات

يدفعها للعمل وبنفس الوقت يريد أن تطبخ وتنفخ له في المنزل !!!!!!!!



أذن.. نحن لا نريد طبخ ولانريد نفخ نريد تعاون وتنازل عن بعض المتطلبات

وأسمح لي أن أطرح هذه التساؤلات


الرجل الذي لايقدر تعب زوجته هل يصلح أن يكون زوج ؟؟

الرجل الذي لايتنازل عن متطلباته ولايتعاون مع زوجته هل يصلح أن يكون زوج ؟؟




طلال الأسلمي

شـكــ وبارك الله فيك ـــرا لك ... لك مني أجمل تحية .

[ريم شمر]

في الآخير أتسآل سؤال برىء.. اذا هذي البنت ماعرفت تطبخ فكيف راح تربي عيالك

:a:

وش دخل هذي بذيك :3ajeeb:

انت كأنك تسأل اذا ماتعرف تسوق سياره كيف تتعلم تفرش اسنانك :)

هذولي امرين مختلفين عن بعض تماما

ومايحتاجه تربية الابناء لاعلاقة له بما يحتاجه الطبخ والنفخ


.
.
عموما برأيي الخاص مافيه بنت ماتعرف تطبخ

واصلا الطبخ مهو كيميا او فيزياء ...اي طفله صغيره ممكن تعرف اصعب الطبخات

بس فيه بنات مايبون يطبخون :thumb:

وهذي المشكله الحقيقيه مهو عدم المعرفه بل عدم الرغبه ..


اما هل تصلح زوجه او لاتصلح

فصدقني ليس هذا مايحدد

فالزواج ينبني على امور اهم واولى

اذا توفرت فالباقي يسهله ربك

يعني مثلا لو كان الزوج لايقود سياره وهذا موجود فهناك رجال لايقودون

وتظطر زوجاتهم للسواقين ولليموزنات وللطلب من كل من هب ودب توصيلها

لمشاويرها ..فهل يمكن ان تنسف حياة زوجيه سعيده لمجرد عدم معرفة الزوج للقياده

رغم مايسببه ذلك من مشاكل ...


.
.
مع ذلك فاذا كانت الزوجه طباخه وست بيت على مايقولون فهذا طبعا شي جميل ومطلوب
واغلب الرجال يتمنون ذلك .....

ومافيه رجال بيرد عليك ويقول افضلها ماتعرف تطبخ :)

كلهم يبونها طباخه ومربيه وملكة جمال ورشيقه ولو كانت كامله يكون افضل :315r:

بس اذا تبي نتكلم عن الواقع

فالزوج اذا احب زوجته قبل كل عيوبها ولو كانت مثل زبد البحر :thumb:

والزوجه لو احست بهذا الحب قطعا سوف تفعل كل مايسعده ويرضيه

حتى لو اظطرت تتعلم كيف تصنع قنابل ذريه وصواريخ بعيده المدى

مهو عاد طبخه يحبها او اكله يتمناها :)


المحبه والاحترام تفعل بالمرأه العجب العجاب
والرجل الذكي لاينتظر منها ان تبادر بفعل مايتمناه
بل يدفعها لذلك بطريقة غير مباشره


شكرا لك طلال الاسلمي

طرح جميل جدا

[صدى الشمال]

اذا احب زوجته قبل كل عيوبها ولو كانت مثل زبد البحر


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



كل عيوبها




انا اشوفها صعبه





يعني اموت جوع عشان اني احبه




كلام غريب:a:

[ريم شمر]

^
^

لا ....كلام حقيقي ميه بالميه :)


والكلام له مابعده :thumb:

7

7
والزوجه لو احست بهذا الحب قطعا سوف تفعل كل مايسعده ويرضيه

حتى لو اظطرت تتعلم كيف تصنع قنابل ذريه وصواريخ بعيده المدى

مهو عاد طبخه يحبها او اكله يتمناها

يعني انك تموت من الجوع من عدمه هذا يعتمد عليك انت فقط لاغير:qannaj:

[ريال الفسحه]

:solh::solh::solh:

وش ابيبه اعيش لي رفلا :solh::solh::solh:



اجل بدال ماعيش روحي اعيش ثنين ..اطلقه واعيش
عند عجوزي احسن لي :solh::solh:



\

صدى



يعني اموت جوع عشان اني احبه



هههههههههههههههههههه


الله يرزقك بوحدتن ماتعرف تنقش سنونه
وشكله يجيب الجدري ولاتعرف تطبخ وتصير
شيختن عليك :solh::solh:





امييييييييين

[ملامح شمري]

البنت اللي ماتعرف تطبخ.. هل تصلح تكون زوجة!!! n)




ما تعرف , تتعلم ..



تعال يا شاب يامقبل على الزواج.. هل راح تقبل شريكة حياتك بهذا الشكل!!!!n)


موقتًا ما في مانع , بشكل دائم , بدوّر غيرها..



تخيل نفسك وانت راجع من الشغل ساعة 2 واكيد تعبان ومرهق.. وفجأة تكتشف انه مافيه غداء..






والسبب أن زوجتك العزيزة الغالية ماتعرف تطبخ!!!


وين المدرسة ومنهج التدبير المنزلي من هذاا!!!


لاتعليق





الساعة 2 ؟!

موظف حكومي ..؟
المشكلة اذا كنت قطاع خاص و ما تطلع إلا الساعة 4:00 بعد العصر



انا اتسآل وين دور الام في تعليم بناتها الطبخ؟!!

قصدك دورها بإعداد بناتها للزواج , ومن ضمن الإعداد تعليم الطبخ..



أتسآل سؤال برىء.. اذا هذي البنت ماعرفت تطبخ فكيف راح تربي عيالك:za3lan:!!!!!


بهالنقطة ما جانبت الصواب ..

[ملامح شمري]

:a:


وش دخل هذي بذيك :3ajeeb:


انت كأنك تسأل اذا ماتعرف تسوق سياره كيف تتعلم تفرش اسنانك :)


هذولي امرين مختلفين عن بعض تماما


ومايحتاجه تربية الابناء لاعلاقة له بما يحتاجه الطبخ والنفخ






مرتبطة إرتباط وثيق , وتشبيهك مدري كيف إجا او من فين..!!


الإبناء = ذكور , إناث ..


وإذا انتي ما علمتي ابنك كيف يعتمد على نفسه من أكل و تصرُف و غيره ..


من بيعلمه .!!


أو علمتي بنتك كيف (تسنع) بيتها من بيعلمها هي بعد..!!


الشغالة ..؟


أتفه الإشياء بنظرك يمكن , هي الأهم على الإطلاق


( الله يغفر لأمي و يطول بعمرها , على الاقل قدرت تعلمني كيف أقلي البيض :tongue: )








:a:


عموما برأيي الخاص مافيه بنت ماتعرف تطبخ


واصلا الطبخ مهو كيميا او فيزياء ...اي طفله صغيره ممكن تعرف اصعب الطبخات


بس فيه بنات مايبون يطبخون :thumb:


وهذي المشكله الحقيقيه مهو عدم المعرفه بل عدم الرغبه ..



اما هل تصلح زوجه او لاتصلح


فصدقني ليس هذا مايحدد


فالزواج ينبني على امور اهم واولى


اذا توفرت فالباقي يسهله ربك


يعني مثلا لو كان الزوج لايقود سياره وهذا موجود فهناك رجال لايقودون


وتظطر زوجاتهم للسواقين ولليموزنات وللطلب من كل من هب ودب توصيلها


لمشاويرها ..فهل يمكن ان تنسف حياة زوجيه سعيده لمجرد عدم معرفة الزوج للقياده


رغم مايسببه ذلك من مشاكل ...



.
.
مع ذلك فاذا كانت الزوجه طباخه وست بيت على مايقولون فهذا طبعا شي جميل ومطلوب
واغلب الرجال يتمنون ذلك .....


ومافيه رجال بيرد عليك ويقول افضلها ماتعرف تطبخ :)


كلهم يبونها طباخه ومربيه وملكة جمال ورشيقه ولو كانت كامله يكون افضل :315r:


بس اذا تبي نتكلم عن الواقع


فالزوج اذا احب زوجته قبل كل عيوبها ولو كانت مثل زبد البحر :thumb:


والزوجه لو احست بهذا الحب قطعا سوف تفعل كل مايسعده ويرضيه







فين أو وين عايشة ؟ :)


الطبخ زي الكيمياء , معادلات , و كميات موزنة , إن زادت أو قلّت النتيجة إنفجار ..


و اذا تبين نتكلم بالواقع ..:puzzled:


مافي احد يقبل ببقاء عيوب زوجته ..


بقية كلامك , ثرثرة نسوان :tongue:

[شام]

لكي نخلق منزلاً ناجحاً

لا بد من اعداد الفتاة إعداد تام

بداية بالاهتمام بنفسها نهاية بمنزلها

و شؤون المطبخ أحد أوليات ذلك الاعداد

فلا يكون هامشياً أو عشوائياً

ف صحة الزوج و الأطفال مطلوبة من المرأة

و ليس من أحد سواها

لذا بفترض الاهتمام بهذا الجانب بشكل علمي و مدروس

نرى معدلات الطلاق أو الهجران تتفاقم في مجتمعنا العربي

بسبب ابتعاد المرأة عن المطبخ و إدارة المنزل .

و اهتمامها بأمور ليست من اختصاصها .

و الزوج ممكن أن يحتمل و يصبر لفترة

لكن نهاية سيبحث له عن امرأة تجيد عمل كل شيء بنفسها .

دون الاعتماد على الأخريات في التطبيق و التلقين .

إن القضية شائكة في ظل هذه الآونة ...

ومعها تتعقد سبل الحياة المنزلية ..

ونرى أسر تعاني من الشتات بسبب هذه المشكلة التي

لا تشمل فقط الطبخ بل كل جوانب المنزل .

و شكراً لك أخي طلال

ل جلب هذا الموضوع الحيوي ..

يعطيك العافية ...

[(:توميةكويتية:)]

كفانا تعقيد...
هل الطبخ اصبح هو المعيار لتقييم البنت وصلاحيتها للزواح ..؟؟؟؟!!!
وهل اصبح الطبخ احد اساسيات الزواج..؟؟؟!!

الدين والاخلاق...والطبخ....!!!


قبل فترة قرأت موضوع

عن تكريم المرأة بالاسلام

ومما جاء فيه

ان خدمة الزوجة لزوجها ليست واجبة..
وليس هناك نص قرآني او حديث يفرض عليها خدمته..

وانما هي عملية تعود لحسن العشرة وتوزع الواجبات لاستقرار الزواج..
فالزوج يذهب للعمل والزوجة تدير شئون المنزل
لراحة زوجها..ومتابعة اطفالها...والعمل على تنشئتهم...وهي مأجورة على ذلك


ولكن لايمكن ان نقيم نجاح البنت بالزواج بمدى مهارتها بالطبخ...!!!


وهناك معلومة اضيفها :3ayyen_khair:

إذا كانت للبنت خادمة في بيت أبوها وكان الزوج قادر على أن يأتي لها بخادمه فإنه يجب عليه ذلك...

[المتوقد]

والله ياولد ،،ماعمري سمعت عن بنت ماتعرف تطبخ الا اذا لديها خلل في عقلها:)

الموجود ربما "عدم رغبه" وهاااذي ماتستمر الظروف وواقع البنت تجعلها تتدرج ويتحسن وووضعها

ما أظن أن شاب سيستمر مدى حياته يتردد على المطاعم

وووترى المسأله شبيهه بواقعنا كشباب

مثلا الخروف تقدر تذبحه وتسلخه>>بالنسبه لي أذبحه لكن السلخ أحوووسه

مثلا السياره وبعض الخرابات الخفيفه وأعمال السباكه والكهرب في بيتي كلهااا أقوم بتصليحهااا وعندي كل الادوات الخاصه

أتفاجئ أني أجد مثلا شاب بسياره عائليه ومعه أمه وخواته وأخوانه صغار واذا بنشر لايستطيع أن يبدله مع أن معه الكفر الاحتياطي والعده كلها جاهزه>>>لكن يقول ما أعرف أغيره :) >>طيب ليش تسافر بعائلتك؟؟


شوووف مثلا : ومن بنات جماعتي بنتين عمارهن على 20 سنه وحده بدويه في النفود والثانيه في مدينه


راعية النفود تاخذ الخروف الصغير تذبحه وتسلخه وتطبخه لحاله
وحنا جاليسن عند أبوووه

ووراعية المدينه بعضهن (ومهوكلهن طبعا) اذا عملت شاهي وقهوه>> يعتبر انجاز

بكل صراحه المشكله تكمن في حجم الصلاحيات الممنوحه والثقه واعطاء المسؤليه الكافيه>> نحن نلغي كل ذلك ومن ثم نطالب بكل شئ

لذللك>>> أنا أفكر أن أرسل بنتي ذات الثمان سنوات للبدوو:)

أمزح معك وضعنا طيب جدا في البيت >> وبنتي هالايام ندربه على تصليح القهوه والشاهي تحت اشراف امه وبرغبه من روان نفسه

لذلك يااالربع الانسان كومة لحم
الممارسه والثقه والشعور بالمسؤليه ومساحة الحريه الممنوحه كل ذلك وأكثر يصنع شخصية الانسان

واذا وجدت أن زوجتك صبح عرسك ماتعرف تطبخ :) وووسع صدرك عطهااا فرصه تدرب عند أمه, أخته ,جاراته, وووالله لو تستاجرلك طباخه وتدرسه :)

وسلامتك

[بالمختصر..]

اللي ماتعرف تطبخ تعلم ماهو عذر ..!!



أجل الحمدلله إني أعرف أطبخ .. بس ماأعرف أخبز :)



أعجبني رد ريم شمر والمتوقد .. بصراحه كفيتوا ووفيتوا ..




.
.

[صدى الشمال]

إذا كانت للبنت خادمة في بيت أبوها وكان الزوج قادر على أن يأتي لها بخادمه فإنه يجب عليه ذلك


هههههههههههههههههههههههههههههههههههههههه هههه





هذي نكته؟

[يـــوسف]

السلام عليكم



والله انا اشوف ان الطبخ مو مقياس :thumb:


اهم شي دينها والطبخ محد ميت من الجوع الله يخلي الجبن والخبز :)

[ريم شمر]

ملامح شمري /


مرتبطة إرتباط وثيق , وتشبيهك مدري كيف إجا او من فين..!!

تشبيه غريب صح :)

مثله مثل ربط معرفة طبخ الكبسه بتربية الابناء وتعليمهم الدين والاخلاق

علاقة بعيده جدا :puzzled:





الإبناء = ذكور , إناث ..


وإذا انتي ما علمتي ابنك كيف يعتمد على نفسه من أكل و تصرُف و غيره ..


من بيعلمه .!!


أو علمتي بنتك كيف (تسنع) بيتها من بيعلمها هي بعد..!!


الشغالة ..؟


ابني لن يضره ان لايعلم كيف يسلق بيضه او يغسل ثوبه

فهذه امور يمكن ان يتعلمها بنفسه او من صديقه

مايهمني ان يتعلم اوامر دينه والاخلاق الطيبه وعادات مجتمعه ويحترمها

مايهمني ان يبتعد عن مايضره ويتعلم كيف يكون نافعا لنفسه اولا ثم لدينه ووطنه

مااحرص عليه ان يعتمد على نفسه في القيام بمسؤلياته كرجل مستقبلا

ان استطعت تعليمه هذا فلا حاجه له بتعلم امور ان فقدها فلن تضره

وان وجدها فلن تزيده

اما ابنتي فقبل ان احرص على ان تتعلم كيف تضع البصل مع اللحمه والماجي والرز

لتصنع كبسه فهمي وحرصي سوف يكون في ان تتعلم كيف تغذي عقلها وتحسن طباعها

وكيف تحافظ على زوجها ليس بطبخه او طبق (تسويه) من غير نفس حتى ولو كان الذ الاطباق

بل باحترام وطاعه تجعلها تصنع المستحيل لتسعده وترضيه ...ومن ضمن ذلك اشباع عقله وقلبه وبطنه :)





أتفه الإشياء بنظرك يمكن , هي الأهم على الإطلاق

لست اقلل من اهمية الطبخ

لكنه ليس علما صعبا او تخصص نادر

بحيث تتوقف عليه حياة زوجيه ..زواج وطلاق :a:

الطبخ اسهل من شرب الماء وبامكان المرأه متى مارغبت ان تطبخ بكل يسر وسهوله

انتم معقدين السالفه وهي بسيطه

انا اقول ماااااااافيه بنت ماتعرف تطبخ

فيه بنات مايبون يطبخون لانهم مايحبون الطبخ :d:

يعني هي بتطبخ لك ومنت ميت جوع







( الله يغفر لأمي و يطول بعمرها , على الاقل قدرت تعلمني كيف أقلي البيض )


اللهم آمين


لكن ليتها علمتك قبل ذلك ان المرأه كيان متكامل ......وليست مجرد طباخه
ان لم تطبخ لك فسوف تغيرها باخرى :148r:

7
7


موقتًا ما في مانع , بشكل دائم , بدوّر غيرها..


اجل تدور غيرها :a:

معرض سيارات مو اوادم :148r:

اسمح لي انت تفلسف بس وتنظر

والا انا على ثقه لو احببتها واعجبتك

بتقول عساني مااكلت :)



.
.

فين أو وين عايشة ؟

عايشه بعالم الواقع واتكلم من خلاله

بينما مازلت تعيش بعالم الاحلام والمشكله تتحدث عن عالم الواقع :)



الطبخ زي الكيمياء , معادلات , و كميات موزنة , إن زادت أو قلّت النتيجة إنفجار ..

:a:

يمكن هذا طبخ اهل المريخ والمشتري

بس طبخ الكره الارضيه مايحتاج كل هالتشنج :)

وتسانك ماتدري

افضل الطباخات بالكون مايعترفون بالمقاييس

واسأل ريتشل راي :thumb:



و اذا تبين نتكلم بالواقع ..


مافي احد يقبل ببقاء عيوب زوجته ..


اللي مايقبل يبحث عن زوجه بين الملائكه والحوريات :)

مافيه انسان بلا عيوب

بعض الازواج مافيه منه بس انه عصبي

فلو تركته زوجته وبحثت عن انسان هادئ فقد يكون بخيل

وهكذا بالنسبه للرجال

قد تكون زوجته جميله لكنها ثرثاره ..او مسرفه
....او طباخه وست بيت بس تفتقد للجمال
او فيها كل المواصفات الحلوه بس عنيده

بامكانه هنا محاولة معالجة الصفات الغير مرغوبه او الافضل التأقلم معها


بصراحه وانا اختك انت اللي احس انك منت عايش في عالم الواقع

مسأله انوه مافيه احد يرضى بعيوب احد هذا (تنطع) زايد عن حده

فلولا قبولنا لعيوب بعضنا لما تحمل احدنا من حوله

ولو اخذت لك جوله بين الازواج

لوجدت العجاب العجاب

زوجه جميله وفيها كل المواصفات التي يرغبها كل رجل مع انسان لايستحقها بمعنى الكلمه

وزوج عاقل وحكيم وهادئ مع زوجه لاتملك اي شئ قد يجذب اي رجل

ومالذي يربطهم ياتري ؟!!

تتوقع الكبسه او المكرونه بالباشميل :)

لا طبعا

اظن انه الحب والموده والرحمه :thumb:



بقية كلامك , ثرثرة نسوان

مابقى من كلامي شي :)

كله فندته وعارضته مشاء الله عليك


وبعدين ثرثرة النسوان حاليها ربي ومقبوله

بلاك من ثرثرة الرجال :qannaj:



شكرا لك ملامح ......بجد اسعدني اختيارك لمداخلتي فهذا يدل انها مؤثره ..

ولم تمر مرور الكرام ...

[ريتاج]

والله ياولد ،،ماعمري سمعت عن بنت ماتعرف تطبخ الا اذا لديها خلل في عقلها


هيه هيه يااولد وش تقصد انتم اهم ما عليكم انكم تملوون الكرشه...قال خلل قال


ان خدمة الزوجة لزوجها ليست واجبة..



صح لسااانك تووميه كويتيه عاااشووووو هذا الكلام السنع


تخيل نفسك وانت راجع من الشغل ساعة 2 واكيد تعبان ومرهق.. وفجأة تكتشف انه مافيه غداء

ما فيها شي ياخوي منت ميت من الجووع كلك شي خفيف وناام


- الأنشغال بالدراسة

:315r:تصدق يمكن يكوون سبب مهم:315r:


بس عاادي مو لا زم تا كلوون كل يوم رز بعدين تسمنون وهذا مو زين لصحتكم.....خخخخخخخخخ



والله انا اشوف ان الطبخ مو مقياس


اهم شي دينها والطبخ محد ميت من الجوع الله يخلي الجبن والخبز

وااو عاااشووو يوسف عاااشوووو هذا الكلام الصح ......شااطر يوسف


وفي الختااام الاكل مو كل شي بالدنيا

يالله صفقوااا

الى اللقااء.........rooose2

[ملامح شمري]

ريم شمر..


تبين نتكلم بالواقع و بجد ..؟


بشروط :
ممنوع الصياح <-(يعني لا تبتسين بالحايلي , لا تبكي بلهجة بقية المناطق, لا تبكين بالفصحى )
ممنوع مسك الشعر<<--( حريم , و اعرفكن :puzzled: )
وممنوع االزعل ..
موافقة ..؟
إذا إيه راجع لك بالرد بعد صلاة العشا بتوقيت جدة. , لا روحي تفرجي عـ ريتشل راي و اوبرا و ذا فيو ..
وانا بروح اتفرج على International Fight League
و بعدها بخلص البروجكت اللي اشتغل عليه ..

[ريم شمر]

ريم شمر..

يانعم :puzzled:



تبين نتكلم بالواقع و بجد ..؟

من الصبح وانا اتكلم بالواقع وبجد
لذلك ماعندي مشكله من هالناحيه




بشروط :

:a::a::a:



ممنوع الصياح <-(يعني لا تبتسين بالحايلي , لا تبكي بلهجة بقية المناطق, لا تبكين بالفصحى )


ثق انوه مايبتسيني الا الشديد القوي n)



ممنوع مسك الشعر<<--( حريم , و اعرفكن )


انا احب اتعامل من بعيد علشان مايجيني ضربه منا والا مناك

يعني بالكعب والشنطه والشروخ ومسدس المويه :)




وممنوع االزعل ..

في حدود المعقول والمقبول لايزعل الا الزعول
وانا اكره الزعل بغير داعي



موافقة ..؟

ايه



إذا إيه راجع لك بالرد بعد صلاة العشا بتوقيت جدة. , لا روحي تفرجي عـ ريتشل راي و اوبرا و ذا فيو ..
وانا بروح اتفرج على International Fight League

تقبل الله صلاتك

وبالنسبه لريتشل مع ان برنامجها خفيف وحلو واصولها الايطاليه تعطيها قبول
بس انا مااحب برامج الطبخ والبربسه وانا على قناعه ان المرأه حينما تريد ان تطبخ
لاتحتاج الى من يعلمها .....

اما اوبرا ...فحاليا مواضيع برنامجها بايخه
الظاهر عجزت وخرفت

ذا فيو .....عجايز مجمعه .....واليهوديه المعمره اللي معهم

لازم تطري الساميه واللي ضد الساميه

وبالتالي حايمتن تسبدي منهن ومن برنامجهن :148r:

لذلك استبدلت هذا كله باللعب مع طلول وفهودي :d:


وبنتظارك


.
.

[ملامح شمري]

تشبيه غريب صح
مثله مثل ربط معرفة طبخ الكبسه بتربية الابناء وتعليمهم الدين والاخلاق

علاقة بعيده جدا



الحين إختزلتي الطبخ كله , بالكبسة ..؟
ما تعرفين تطبخين , ما تعرفين تربيّن , رأيي بإختصار ..
لان فاقد الشيء لا يعطيه و و العلاقة وطيدة جدًا , لكن انتي منتي بمُستوّعبة ..




ابني لن يضره ان لايعلم كيف يسلق بيضه او يغسل ثوبه

فهذه امور يمكن ان يتعلمها بنفسه او من صديقه



خذيها مني عن تجربة , راح تضره ..
إبنك يمكن يسافر للدراسة او يلتحق بعمل ويسكن لحاله ..
و المطاعم و المغاسل السريعة بتحرق جيبه و تستنزف ميزانيته اذا كان ما يعرف ..
و صديقه موب متكفل فيه , ولا هو بأخوه عـ شان يعلمه ..!
هذي مسؤوليتك انتي, لا تتهربين منها ..
إلا اذا كنتي بترسلين ثيابه و غداه بفيدكس له :puzzled:
أما أن يتعلمها بنفسه : فـ بدون أساس ما يقوم بنيان .





مايهمني ان يتعلم اوامر دينه والاخلاق الطيبه وعادات مجتمعه ويحترمها

مايهمني ان يبتعد عن مايضره ويتعلم كيف يكون نافعا لنفسه اولا ثم لدينه ووطنه

مااحرص عليه ان يعتمد على نفسه في القيام بمسؤلياته كرجل مستقبلا



تنظير , و من دفتر مادة التعبير و الإنشاء , لأشياء بديهية ..
وخارجة عن موضوع النقاش الاساسي ..




ان استطعت تعليمه هذا فلا حاجه له بتعلم امور ان فقدها فلن تضره

وان وجدها فلن تزيده

اما ابنتي فقبل ان احرص على ان تتعلم كيف تضع البصل مع اللحمه والماجي والرز

لتصنع كبسه فهمي وحرصي سوف يكون في ان تتعلم كيف تغذي عقلها وتحسن طباعها

وكيف تحافظ على زوجها ليس بطبخه او طبق (تسويه) من غير نفس حتى ولو كان الذ الاطباق

بل باحترام وطاعه تجعلها تصنع المستحيل لتسعده وترضيه ...ومن ضمن ذلك اشباع عقله وقلبه وبطنه




إقرائي ردي على إقتباسك السابق , و أعيدي ترتتيب الأوليات ..






لست اقلل من اهمية الطبخ

لكنه ليس علما صعبا او تخصص نادر

بحيث تتوقف عليه حياة زوجيه ..زواج وطلاق

الطبخ اسهل من شرب الماء وبامكان المرأه متى مارغبت ان تطبخ بكل يسر وسهوله

انتم معقدين السالفه وهي بسيطه

انا اقول ماااااااافيه بنت ماتعرف تطبخ

فيه بنات مايبون يطبخون لانهم مايحبون الطبخ

يعني هي بتطبخ لك ومنت ميت جوع



صدقيني , زيجات , إنهارت , لهالسبب ..
مسؤوليتك موب شرط تحبينها , أديها بإتقان وخلاص..
اما بدون إتقان , عدك ما طبختي , و بموت من الجوع و لو الصحن قدامي مليان ..





( الله يغفر لأمي و يطول بعمرها , على الاقل قدرت تعلمني كيف أقلي البيض )


اللهم آمين


لكن ليتها علمتك قبل ذلك ان المرأه كيان متكامل ......وليست مجرد طباخه
ان لم تطبخ لك فسوف تغيرها باخرى



تسلمين ..
هذا اللي تعلمته بصغري يوم كنت أسكن عندها على الاقل , واعذريها باللي ما اسعفتها
الظروف به .






موقتًا ما في مانع , بشكل دائم , بدوّر غيرها


اجل تدور غيرها :a:

معرض سيارات مو اوادم :148r:

اسمح لي انت تفلسف بس وتنظر

والا انا على ثقه لو احببتها واعجبتك

بتقول عساني مااكلت ..




إيه أدوّر غيرها ..:puzzled:

وازيدك من الشعر بيت .. roooose

, البنت أداة تفريخ <-( :192r: ) , وسيلة ميب غاية , إذا هالاداة ما فادتني , أستبدلها بثانية ..

واذا حبيتها و اعجبتني <-( و ما ظنتي ) , بيجي وقت و امل منها و انساها بدرج المكتب .




وتسانك ماتدري

افضل الطباخات بالكون مايعترفون بالمقاييس

واسأل ريتشل راي



بدون ما أسال في ناس الله ينعم عليهم بموهبة , تقدير الكميات من مجرد النظر
بدون القياس , ومع احترامي لك , جملتك خاطئة و تحتاج لتصحيح ..
و راسلي بنت راي عن طريق موقعها إذا حبيتي تتاكدي .





اللي مايقبل يبحث عن زوجه بين الملائكه والحوريات

مافيه انسان بلا عيوب

بعض الازواج مافيه منه بس انه عصبي

فلو تركته زوجته وبحثت عن انسان هادئ فقد يكون بخيل

وهكذا بالنسبه للرجال

قد تكون زوجته جميله لكنها ثرثاره ..او مسرفه
....او طباخه وست بيت بس تفتقد للجمال
او فيها كل المواصفات الحلوه بس عنيده

بامكانه هنا محاولة معالجة الصفات الغير مرغوبه او الافضل التأقلم معها


بصراحه وانا اختك انت اللي احس انك منت عايش في عالم الواقع

مسأله انوه مافيه احد يرضى بعيوب احد هذا (تنطع) زايد عن حده

فلولا قبولنا لعيوب بعضنا لما تحمل احدنا من حوله

ولو اخذت لك جوله بين الازواج

لوجدت العجاب العجاب

زوجه جميله وفيها كل المواصفات التي يرغبها كل رجل مع انسان لايستحقها بمعنى الكلمه

وزوج عاقل وحكيم وهادئ مع زوجه لاتملك اي شئ قد يجذب اي رجل

ومالذي يربطهم ياتري ؟!!

تتوقع الكبسه او المكرونه بالباشميل

لا طبعا

اظن انه الحب والموده والرحمه


كل اللي فوق بنيتيه على فهم خاطئ لكلامي ..

أنا قلت ما احد يقبل ( ببقاء ) عيوب زوجته , و العيوب درجات ..

أرضى بعيبها , بس ما أرضى انه يستمر , و القزاز المكسور ينصلح , واذا

ما صلح , أرميه بالمستودع و اشتري غيره .

وبالنسبة للواقع , تراه يختلف باختلاف تفكير الاشخاص و البيئة المحيطة بهم ..

و بالمختصر , واقعي غير واقعك ..

ولا تحكمين على عالمي , بناءًا و إنطلاقًا من بيئتك ..



وبعدين ثرثرة النسوان حاليها ربي ومقبوله

بلاك من ثرثرة الرجال

شكرا لك ملامح ......بجد اسعدني اختيارك لمداخلتي فهذا يدل انها مؤثره ..

ولم تمر مرور الكرام ...


ثرثرة الرجال يا مرة. <-($)

هي اللي مأكلتك عيش , و معيّشتك أحسن عيشة .:puzzled:

والعفو ريم .. roooose

, و لا تغترين باختياري لردك :)

, والسبب أحتفظ فيه لنفسي :tongue:




--------
*) الرد عفوي و ما رجعته , خلاص تعبت و بروح انام ..

[صدى الشمال]

ملامح يقول



البنت أداة تفريخ <-( ) , وسيلة ميب غاية , إذا هالاداة ما فادتني , أستبدلها بثانية



هههههههههههههههههههههههههههههههههههههههه


هههههههههههههههههههههههههههههههههههههههه ههههههههههههههه



والله قويه



خخخخخخخخخخخخخخخخخخخخخخخخخخخخخخخخخخخخخخخخ خخخخخخخخخ

[صدى الشمال]

ملامح



ياخوي وين الاحاسيس

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Gooold Girl]

لا ،، تعليق
/
/
السلام عليكم ورحمة الله وبركاته

[ريم شمر]

ما تعرفين تطبخين , ما تعرفين تربيّن , رأيي بإختصار

طيب ولاتزعل هذا رأيك وهذي نظرتك بس مو شرط تكون صحيحه

ومو شرط يوافقك عليها كل الناس

يعني لاتفرضها على الجميع ....
.
.
.
.
.
.
.
.
,
.
.

لاتصدق اني بخليك انت ورايك اللي مادري وش قايل :148r:



وش رايك ياملامح ترجع بالذاكره لايام جداتنا وايام الجوع

وايام كانوا مايلقون شي ياكلونه فا بالك يطبخونه

وفيه منهن اللي عمرها ماشبت ضو وش عاد تطبخ

ومع ذلك ربن اجيال وطلعن رجال ...

وارجع مره ثانيه لهالزمن الاغبر ( زمن الطبخات والموديلات والماركات وعمليات التجميل:148r: )

وشف ( بعض ) عالمات الطبخ والنفخ والتفنن في الاكلات وين عيالهم ؟!!

بعضهم تحرص انها تعبي بطنه اكثر مما تحرص على تربيته ومراقبته

تتفنن له بالطبخات وتنسى ان عقله وقلبه بحاجه للالتفات اكثر من كرشته


.
.

خذيها مني عن تجربة , راح تضره ..
إبنك يمكن يسافر للدراسة او يلتحق بعمل ويسكن لحاله

ساعتها بعلمه وتنتهي المشكله :)

مادري احس انك مكبر السالفه :qannaj:

مافيه احد الحين مايعرف يسلق او يقلي بيضه
او حتى يسوى رز او مكرونه

الاشياء البسيطه هذي الكل يعرفها
حريم ورجال

بعدين هالامور ملحوق عليها اذا اهتمينا بالاهم


وبصراحه الى الحين ماقدرت تقنعني وش العلاقه بين الاثنين

ولا ادري كيف انت مقتنع بهالشي اصلا :3ajeeb:




تنظير , و من دفتر مادة التعبير و الإنشاء , لأشياء بديهية ..
وخارجة عن موضوع النقاش الاساسي


وشلون خارج النقاش وانت قاعد تربط لي بين التربيه والطبخ
وهذا اساس التربيه مهو سلق البيض :a:

يعني انت قاعد تقول انك اذا ماعلمتي ولدك كيف يسلق بيضه او يسوي شكشوكه
فانتي ببساطه ماتعرفين تربين :3ajeeb:

وانا اقولك مو هذاالمهم ولاله علاقه بالتربيه وبالتالي بينت لك وش اسس التربيه الصحيحه

لأنه واضح ان عندك لخبطه بالمفهوم :puzzled:


.
.


مسؤوليتك موب شرط تحبينها , أديها بإتقان وخلاص..

مشكلتك ياملامح ماتقرأ

واذا قريت تقرأ على كيفك واللي يناسبك

هالكلام انا عبرت عنه باحسن من اسلوبك بواجد :)

وسميته انت ثرثره نسوان لأنه ماناسبك:thumb:


فهمي وحرصي سوف يكون في ان تتعلم كيف تغذي عقلها وتحسن طباعها

وكيف تحافظ على زوجها ليس بطبخه او طبق (تسويه) من غير نفس حتى ولو كان الذ الاطباق

بل باحترام وطاعه تجعلها تصنع المستحيل لتسعده وترضيه ...ومن ضمن ذلك اشباع عقله وقلبه وبطنه




.
.

البنت أداة تفريخ <-( ) , وسيلة ميب غاية , إذا هالاداة ما فادتني , أستبدلها بثانية ..

واذا حبيتها و اعجبتني <-( و ما ظنتي ) , بيجي وقت و امل منها و انساها بدرج المكتب .


تدري انك هنا انهيت مصداقيتك وقضيت على موضوعيتك

وبالتالي ماعاد لباقي كلامك اي اهميه ولامعنى :(

بعد هذي ...اي حوار تبحث عنه واي نقاش تهتم له :a:

اذا اصلا الاساس مرتخي ولاهو ثابت

اذا انت نظرتك لنصفك الاخر بهذا الشكل

مثلها مثل الجوال والاب توب والسياره تغيرهم اذا ماعجبوك وتشتري غيرهم

فااظن لو تعاملك بالمثل فهي (مزديه )

وساعتها لو تموتك من الجوع ابرك واحسن وزين ماسوت :148r:



.
.

و راسلي بنت راي عن طريق موقعها إذا حبيتي تتاكدي

صديقتي ريتشل ماتعرف اللهجه النجديه
اذا تعلمت براسلها n)
بعدين منت ابخص مني بصديقتي وخل عنك موقعها
انت شف كيف تشتغل بالمطبخ
قسم بالله تحفه هالبنت :d:
انا اشك انها تكون امريكيه
واضح ان بها عرتس سعودي :)


.
.

, و القزاز المكسور ينصلح , واذا

ما صلح , أرميه بالمستودع و اشتري غيره .

تعبيرك قوي ومايناسب سالفة نقاشنا البسيطه جدا

اجل زجاج مكسور ؟!!:a:

اذكرك مرتن ثانيه

ترى القضيه ( تـ بخ ) يعني ( تـ عام ) يعني ( هم ) يعني ( تعبيه كروش )

مهو قضيه حياة او موت


وهمسه في اذنك وانا اختك

اذا نظرت لأي انسان بهذي النظره فانت ماتحترمه

وبالتالي مستحيل يحترمك

واذا فقد الاحترام فقد كل شي


.
.





وبالنسبة للواقع , تراه يختلف باختلاف تفكير الاشخاص و البيئة المحيطة بهم ..

و بالمختصر , واقعي غير واقعك ..

ولا تحكمين على عالمي , بناءًا و إنطلاقًا من بيئتك

جمييييييييل

وانا اعيد اليك عبارتك

لاتحكم على الكل من منطلق بيئتك وظروفك

على الاقل على هالشي حنا متفقين :)

.
.
.

ثرثرة الرجال يا مرة. <-($)

هي اللي مأكلتك عيش , و معيّشتك أحسن عيشة .


اقل الناس كلاما في العالم اظنه ابوي
مع انه معه خمس لغات :)

بس متى يتكلم ؟!!!:a:


واكثر انسان مرّيح ملايكته ...ابو طلال:d:

يعمل كثيرا ويتحدث قليلا

لذلك اظن ان الصمت هو اللي موكلني عيش مهيب الثرثره :thumb:


(وراعين البزنس مايحتاجون للثرثره بقدر مايحتاجون للاستماع ..وقدر من الحكمه والصبر )

^
^
تراني سألت ابوي عن هالنقطه وهذا كان جوابه :thumb:






, و لا تغترين باختياري لردك

, والسبب أحتفظ فيه لنفسي


اختيارك مهو ميزه لي بل ميزه لك :)

وردي ماهنا زينه من غير ماتختاره :d:

والسبب اللي محتفظ بوه لنفسك تسني اعرفه :thumb:


.
.
.
نوم العوافي :7ayyoh:

.
.
.

[سنعوسي زاحف]

مساكم الله بالخير


يقولون أقرب طريق للرجل معدته!!!!! shlwee7



وش قولتكن يالحريم ؟؟؟؟؟؟؟؟؟؟؟؟؟ n)

[ملامح شمري]

ملامح



ياخوي وين الاحاسيس

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


تحصلها بفيض المشاعر ..

ريم , راجع لك ..roooose

[ريال الفسحه]

صدى الشمال ..

هههههههههههههههههههههههههههههههههههههههه هههه

راحت عليك خخخخخخخخخخخخخخخخخخخخخخخخخخخخخخخخ



اللهم لاشماته <-- ايه ماجيت تشمت :315r:
ههههههههههههههههههههههههههههههههه



ملامح انت كذا :thumb: سير بالفله

[ملامح شمري]

وش رايك ياملامح ترجع بالذاكره لايام جداتنا وايام الجوع

وايام كانوا مايلقون شي ياكلونه فا بالك يطبخونه

وفيه منهن اللي عمرها ماشبت ضو وش عاد تطبخ

ومع ذلك ربن اجيال وطلعن رجال ...

.


ما عشت ذيك الايام و مدري وش ظروفهم , لذا ما اقدر أحكم ..




وارجع مره ثانيه لهالزمن الاغبر ( زمن الطبخات والموديلات والماركات وعمليات التجميل )

وشف ( بعض ) عالمات الطبخ والنفخ والتفنن في الاكلات وين عيالهم ؟!!

بعضهم تحرص انها تعبي بطنه اكثر مما تحرص على تربيته ومراقبته

تتفنن له بالطبخات وتنسى ان عقله وقلبه بحاجه للالتفات اكثر من كرشته

align]


بسيطة .. :232r:


اللي تعرف تطبخ , موب شرط تعرف تربي , و اللي ما تعرف تطبخ أكيد ما تعرف تربي <-( :tongue: )









خذيها مني عن تجربة , راح تضره ..
إبنك يمكن يسافر للدراسة او يلتحق بعمل ويسكن لحاله
ساعتها بعلمه وتنتهي المشكله :)
مادري احس انك مكبر السالفه :qannaj:
مافيه احد الحين مايعرف يسلق او يقلي بيضه
او حتى يسوى رز او مكرونه
الاشياء البسيطه هذي الكل يعرفها
حريم ورجال
بعدين هالامور ملحوق عليها اذا اهتمينا بالاهم
وبصراحه الى الحين ماقدرت تقنعني وش العلاقه بين الاثنين
ولا ادري كيف انت مقتنع بهالشي اصلا :3ajeeb:
.


كيف بتعلمينه وانتي أصلاً ما تعرفين تطبخين ؟! :a:
وهذا موب اساس النقاش ,ارجعي إقرائي عنوان الموضوع ..
شوفي بوضح لك العلاقة بشكل مبسط و حبة حبة :
التربية إعداد و تعليم ..
معي ؟ ..roooose
إعداد وتعليم التعامل مع مواقف الحياة ..
خليك معي لسه ما خلصت.. roooose
وبالتحديد مواقف الحياة المادية , ميب الاخلاقية او الإيمانية
ما تعرفين تطبخين = ما تعرفي تتصرفي بحالة الجوع = ما تقدري تعدي ابنائك للتعامل مع مثل هالموقف = ما تعرفين تربيّن ..


وصلت المعلومة ..؟ :puzzled:




وشلون خارج النقاش وانت قاعد تربط لي بين التربيه والطبخ
وهذا اساس التربيه مهو سلق البيض :a:

يعني انت قاعد تقول انك اذا ماعلمتي ولدك كيف يسلق بيضه او يسوي شكشوكه
فانتي ببساطه ماتعرفين تربين :3ajeeb:

وانا اقولك مو هذاالمهم ولاله علاقه بالتربيه وبالتالي بينت لك وش اسس التربيه الصحيحه

لأنه واضح ان عندك لخبطه بالمفهوم :puzzled:



التربية تقوم على ثلاث محاور أو أصعدة ..
على صعيد إيماني ( ديني ) , صعيد أخلاقي و صعيد مادي ..
أنا اتكلم عن الصعيد المادي بشكل محدد , الأخريات بديهية و مفروغ منها و خارج النقاش ..
و هن مكملات لبعض وأيضًا ولا وحدة بهن تغني عن الثانية ..
المادي يتفرع لـ : كيف يدافع عن نفسه , كيف يدبر أكله , هندامه , إدارة موارده المالية و زي كذا ...
إذا لسه ما فهمتي ارجعي للنقطة السابقة بردي الحالي أعلاه ..





مسؤوليتك موب شرط تحبينها , أديها بإتقان وخلاص

مشكلتك ياملامح ماتقرأ

واذا قريت تقرأ على كيفك واللي يناسبك

هالكلام انا عبرت عنه باحسن من اسلوبك بواجد :)

وسميته انت ثرثره نسوان لأنه ماناسبك:thumb:

فهمي وحرصي سوف يكون في ان تتعلم كيف تغذي عقلها وتحسن طباعها

وكيف تحافظ على زوجها ليس بطبخه او طبق (تسويه) من غير نفس حتى ولو كان الذ الاطباق
بل باحترام وطاعه تجعلها تصنع المستحيل لتسعده وترضيه ...ومن ضمن ذلك اشباع عقله وقلبه وبطنه

.



إيه ثرثرة نسوان :148r:
لانك خرجتي برى الموضوع , أرجعي للنقاطي أعلاه واقرائي العنوان من جديد ..
وبصراحة وانا خيّك ..:puzzled:
بديت اكلم نفسي بسبتك :tongue:






البنت أداة تفريخ <-( :192r: ) , وسيلة ميب غاية , إذا هالاداة ما فادتني , أستبدلها بثانية ..

واذا حبيتها و اعجبتني <-( و ما ظنتي ) , بيجي وقت و امل منها و انساها بدرج المكتب

تدري انك هنا انهيت مصداقيتك وقضيت على موضوعيتك

وبالتالي ماعاد لباقي كلامك اي اهميه ولامعنى :(

بعد هذي ...اي حوار تبحث عنه واي نقاش تهتم له :a:

اذا اصلا الاساس مرتخي ولاهو ثابت

اذا انت نظرتك لنصفك الاخر بهذا الشكل

مثلها مثل الجوال والاب توب والسياره تغيرهم اذا ماعجبوك وتشتري غيرهم

فااظن لو تعاملك بالمثل فهي (مزديه )

وساعتها لو تموتك من الجوع ابرك واحسن وزين ماسوت :148r:
.

^
|
أموت شهيد :)


وهي بتروح النار :tongue:


,,,


الموضوعية و المصداقية شي نسبي , و المعنى يختلف من فهم لفهم ..
والحوار و النقاش إضاعة لوقت نقدر نستثمره بشكل افضل..
و الدنيا : 1, 2 , 3 وبس !
وجهة نظر , ما اقتنعتي ما انقاشك
حياتك ميب حياتي , بكيفك ..roooose





, و القزاز المكسور ينصلح , واذا


ما صلح , أرميه بالمستودع و اشتري غيره

تعبيرك قوي ومايناسب سالفة نقاشنا البسيطه جدا

اجل زجاج مكسور ؟!!:a:

اذكرك مرتن ثانيه

ترى القضيه ( تـ بخ ) يعني ( تـ عام ) يعني ( هم ) يعني ( تعبيه كروش )

مهو قضيه حياة او موت


وهمسه في اذنك وانا اختك

اذا نظرت لأي انسان بهذي النظره فانت ماتحترمه

وبالتالي مستحيل يحترمك

واذا فقد الاحترام فقد كل شي

.


"رفقًا بالقوارير" , قارورة = زجاج = انثى
زجاج مكسور = انثى بعيب
المسألة , علاقة عمل , صفقة و عقد شراكة ..
هي دافعه راس مال و تبي الارباح , وانا مستثمر و ابى ارباح بعد..
فشلت الصفقة أو الارباح كانت دون التوقعات و بدت الخساير , تُفض الشراكة ..
و الإحترام مع الخسائر المتزايدة ما بيقدم ولا بياخر ..


[align=center]


(وراعين البزنس مايحتاجون للثرثره بقدر مايحتاجون للاستماع ..وقدر من الحكمه والصبر )
.
.
.


نظرة شمولية و معاه حق ..
الاعمال : إستماع , إقناع , لباقة و مظهر , تسويق و تصيُّد فرص ..
و المقصود بثرثرة الرجال , غير اللي يبدوا لي انك فهمتيه ..roooose




تسني اعرفه :thumb:



شاطرة ..:)


أعطوها جايزة ..:tongue:



ههههههه..




<<--- :a:


--
(لا تعلمين احد ) ..

[المشرف العام]

/

أحم .. احم .. إحم


شووو فيه بهاه :)



لجّتكم واصلتن الجيران ، خير ان شاء الله ؟


كلّه عشان الطبخ ؟ خلاص مانبي احد يطبخ :148r:



تعشوا برّا الليله على حسابي shlwee7



/


/

نرجع لبؤبؤ الموضوع

طلال .. شكلك عزوبي يامللي :-(





:solh:
. . تحياتي

[ماجد علوان]

طلال الاسلمي



يااجدي بمووضووعك هذاا خليت النااس تذاابح


وكل هذا عشاان الاكل
الدنياا مااهي بوااقفه على الاكل


هذاا حناا عزااابيه ودوام وقلة حيااا

ومقزرررينه على المطااعم



وهذااك اليووم اللي ينطنخ بوووه ابووو جاااسم
نسووووي كبسه

تعااال وشوووف الوناااسه

((( الله يزيد النعمه))) طبخ عزاابيه


لا ونعززم بعد




ياااعمي


الاكل مقدوووررن عليييه


امااا الحرررمه بهالسنه القشرررااا ياااعمي منين تحصل:za3lan:





كـــــفـــــــو يااابو سلطان (( مـــو مصدق خبررر


متى العشااء

[ريم شمر]

ملامحوووه

انت لو تفكنا من الوان قوس قزح هذي تسان وصلنا لنتيجه

قسمن بالله قامت عيوني تلاقط وماعاد اميز الاحمر من الاصفر :148r:

بـ حل يافجله :)

>>>منهي فجله:a:

<<<< مالك دخل :qannaj:



ما عشت ذيك الايام و مدري وش ظروفهم , لذا ما اقدر أحكم

انا ماقلت لك احكم
انا عطيتك واقع كان عايشينه اجدادنا بدون طبخ ولاحتى اكل
وماكان لهذا تأثير على تربية ابنائهم ...
يعني حجه ودليل تفند رأيك اللي بتفرضه بالقوه
بس هذولا انتم اصحاب الفكر ( القوس قزحي ) عندكم مشكله مع الادله الدامغه
ومع تقبل الرأي الاخر ..:)



اللي تعرف تطبخ , موب شرط تعرف تربي , و اللي ما تعرف تطبخ أكيد ما تعرف تربي <-( )

خشبة الحبس خمس خشبات وخشبه :puzzled:



وصلت المعلومة ..؟

وصلت بس هذي مهيب معلومه معتمده من منظمات تعتمد على دراسات وحقائق
هذا رأيك الشخصي وتحليلك الخاص ..
كذلك فيه معلومه انا قلتها وانت طنشتها اكثر من مره
بكتبها بالالوان يمكن توصل لك :)

قلت لك / م ا ف ي ه ب ن ت م ا ت ع ر ف ت ط ب خ




كيف يدبر أكله

هذا محور حديثنا :thumb:

اذا سلمت بأنه فعلا فيه حرمه ماتعرف تطبخ مع ان هذا نادر جدا
ومايحصل الا في المجتمعات اللي الاوادم فيها يعتمدون على الخدم
حتى بلبس ملابسهم وبتمشيط شعورهم :a:
فتدبير الاكل في العالم المعاصر مهو معضله صعبه ولاقضيه معقده
يعنى اللي امه قردها ربي ولاعلمته وشلون يسلق بيضه
بتكون على الاقل علمته ان الاكل مهو كل شي في الحياة :)
وبالتالي تعلم شي اهم من البلع وتعبية البطن
الا وهو انه يأكل ليعيش ..ولايعيش لمجرد الزرط يامال عسر الهضم :148r:



بديت اكلم نفسي بسبتك

وهذا الهدف المبدئ من هالحوار اصلا:qannaj: ...والهدف النهائي شهار :solh:




المسألة , علاقة عمل , صفقة و عقد شراكة ..
هي دافعه راس مال و تبي الارباح , وانا مستثمر و ابى ارباح بعد..
فشلت الصفقة أو الارباح كانت دون التوقعات و بدت الخساير , تُفض الشراكة ..
و الإحترام مع الخسائر المتزايدة ما بيقدم ولا بياخر ..

لاحول ولاقوة الا بالله
شكلك خسران بالاسهم اللي وراك وقدامك:(

احمد ربك ..فيه ناس غيرك من تأثير الاسهم نسوا حتى اساميهم
انت مير الى الحين تعرف اسمك مع انك تغيره كل شوي :)



و المقصود بثرثرة الرجال , غير اللي يبدوا لي انك فهمتيه

في كل الاحوال ثرثره الرجال مالغه ومالها طعم :qannaj:



شاطرة ..

ادري :d:



أعطوها جايزة ..

مابي n)



ابو سلطان /

تعشوا برّا الليله على حسابي

جاك ياملامح ماتمنى
هذا عشاك اليوم وجدعت همه
فكر عاد وش بتاكل باتسر
ترى التونه مع الشطه مهيب شينه
لاتقول بعد مااعرف افتح علبة التونه :puzzled:




طلال .. شكلك عزوبي يامللي

المشكله مايتشكى الا العزوبيه :148r:
والا المتأهلين وش حليلهم ساكتين وراضين بالواقع ..الحلو :d:


.
.

[ملامح شمري]

فتدبير الاكل في العالم المعاصر مهو معضله صعبه ولاقضيه معقده
يعنى اللي امه قردها ربي ولاعلمته وشلون يسلق بيضه
بتكون على الاقل علمته ان الاكل مهو كل شي في الحياة



:a:


<<---- :150r:

ما تعرفين تطبخين , ما تعرفين تربين :148r: ..

خلاص بروح ..

<<--- عنده موعد بشهار :tongue:

[المشرف العام]

<<---- :150r:

خلاص بروح ..

<<--- عنده موعد بشهار :tongue:



تذكرت الذهاب على حسابي :)

وتذكرت الاياب على ريم شمر :d:



/
/


صاحب الموضوع ، هذي عوايده ، يحط موضوع ولا يتابعه :(

[ريم شمر]

احسن شي انه بيوفر على ثمن التذكره

ماظنتي فيه اياب :)

[عبدالرحمن]

الله يبارك بالاخ طلال وموضوعه اللي طلع لنا هالحوار الممتع بين ام طلال وملامح

حقيقة كان حوار جدا ممتع وتمنيت لو انه استمر خاصة وانه اخذ جانب فلسفي:3ajebni:

ولكن مع الاسف انتهاء وكانت نهايته مأساوية :a: فقد دخل شهار على الاطرف الاغر:).


اما الزوجة التي لا تعرف تصنع الاكل فمعنى هذا ان الزوج جائع!

والزوج الجائع هو مثل الجمل الهائج:3ajeeb:

والجمل الهائج هو مثل اعصار تسونامي:a:

وقد قيل - الرجل الجائع رجل غاضب-!

وقيل

- لا تستطيع بأن تفكر تفكيرا سليما او ننام نوما مريحا

او نحب حبا جيدا اذا كانت معدتنا خاوية-

انتبهن يا نساء فالجوع تراه مصيبة

ومن الممكن ان يهد ويهدم بنيان اسر كثيرة!.

[ملامح شمري]

<<--- منحاش من شهار :)

---
عبد الرحمن شي طبيعي ينتهي ,roooose

اقولها 1 + 1 = 2 :puzzled: <-(زائد)

وهي تقول , ماعندك سالفة :qannaj:

1 ÷ 1 = 1 :148r:<-(قسمة)

هي تبث على تردد وانا على تردد مختلف و الطاسة ضايعة :wallah_hoo:



-----

ابو سلطان : خل الحجز عـ الخيالة :thumb:

ريم : ما بي اكلمك :tongue:

تشاو..

[ريال الفسحه]

مافيه اصابات عقب هالهوشه :315r:

[بدوي مزيون حيل]

رد خارج عن مسار المووضوع

[نار الشوق]

مسكينه انا مااعرف اطبخ حتى بيض ماادري وش اسوي

واذا كانت في المطبخ اشتغل اجلس ابكي مااريد عل ولا اسوي شيء

بس اسولف مع امي

[طلال الاسلمي]

:)وش علمكم قلت عطونا رايكم مو موضوع للحوار

لاني ادري ما انتم فيدين حوار :315r:


خلاص كل واحد ينزل قنااته :148r: ويتعوذ من ابليس


رايي بالموضوع ان الطريق الى قلب الرجل هو كرشته ... وراايي الاخر اذا ما عرفت زوجتك تطبخ رح وتزوج ثااانيه صدقيني راح تطبخ حتى الاكلات الايطااليه ..


هذا رااي بالموضوع وللي مو عاجبه يشرب سفن :)

[قوقل]

قسم بالله لو اتزوج لي وحدتن رفلا لا احده بقدر مضغوط اما عاد

ما تطبخ وما خذين 100 الف >>>>><>>>>> يسوي عليها كبسه

لكن فيه اساسيات قبل الطبخ الدين والاخلاق وفيه موضوع حساس

اشوفكم مهملين يالربع وهو اهم من الطبخ ( حلاياه هي تصلح

مره ولا عدك متزوج واحد من الشباب ) تجيب لك الغداء ذبيحه

وهي تخرع القلب وشلون لك نفس تاكل انت فاضي تاكل ولا

تقرأ على نفسك ههههههه اهم شي مزيونه وعمره لا طبخت

اما اذا لا قدر الله وقعت بوحده قشرا ولا تطبخ والله اني ابي

ابي اعيد على غاربه بلي قناه افنخ لياما يزين حوفه

يالربع ضيقتوا صدري انا عاشق لي وحده والظاهرانه

المسبوعه ما تطبخ >> يفكر يتزوج شغاله حج بقضاء حاجه

[سنعوسي زاحف]

8

8

8

خخخخخخخخخخخخخخخخخخخخخخخخخ :solh::):solh::solh:


الله يرجك :thumb::thumb:

:goooood:

[أهداااب]

مع أني ما قريت كل الردود << سودانيه:)


أعتقد و من وجه نظري أن الحياة الزوجيه ما تتوقف على الطبخ بس:315r:


في أشياء أهم بكثير


والحين الرجال أصبح تفكيرهم متفتح أكثرمن زمن أول


يعني تفكير قبل أنه معدة الرجل أهم خلاص أنتها زمن هالقاعده


حنا بالألفيه الثالثه:)


وانا عن نفسي وأقولها بكل صراحه كنت قبل ما أعرف أطبخ شي

موعدم رغبه لا بس أمي كانت تقول أهم شي الدراسه <<< دافوره كانت:)


بس الحين خلاص فاضيه وقاعده بالبيت أتعلم الطبخ


تبون الصدق أثاري الطبخ مررره سهل وكنت أتوقع أنه صعب


أبسط مثال في فرق شاسع بين أول كبسه طبختها :) والكبسه اللي طبختها أمس


يعني كنت ما أعرف لقدر الضغط ما أعرف أقيس كميه المويه اللازمه لرز

أقسم بالله أول كبسه طبختها كانت سحور برمضان اللي فات صار الرز كنه جريش:)

ما أحد أكل منه كلهم قالوا : الله يستر عليك شيلي طبختك وحطي لنا أي شي لو معلبات

لكن الحين غديت مهنا شي الحين هم يقالوا نبيك تطبخين لنا:)


يعين الأنسان لازم يحاول يتعلم الشي اللي ما تعلمه


هذا رأي بكل صراحه


سلملم:)

[العَـــروب]

هناك أسباب لهذي المشكلة وأهما:


1- وجود الخادمة:290r:
2- الأنشغال بالدراسة


في الآخير أتسآل سؤال برىء.. اذا هذي البنت ماعرفت تطبخ فكيف راح تربي عيالك:za3lan:!!!!!




اذا المشكلة هذي اسبابها انت شنو تقترح؟

تبينا نطرد الخدم ونقعد عن الدراسة مثلا؟ :a:


وسؤالك البريء هذا ما عرفت وجهه من قفاه
شكو التربية بالطبخ يا ناس؟ :puzzled:

يعني اللي ما تعرف الطبخ ما تعرف تربي؟ :a:



بانتظار الاجابات <<<< لازلت تحت تاثير الصدمة :a:





تحياتي :a:

[العَـــروب]

ما تعرف , تتعلم ..






موقتًا ما في مانع , بشكل دائم , بدوّر غيرها..








تاخذ على مرتك علشانها ما تعرف تطبخ؟ :a:

ياااااااااااااااااااااو يا ناس وين احنا عايشين :a:

[رمح الشمال]

ايه عصر الجواري يابنات !!!


ماهمهم الا بطونهم كككككككككككككككككككككككككك



والله لو انتس ميته بفراشتس يبي يقولتس وين غداي ولا وش طبختي لي !!!



ياعالم . . الطبخ ماهو كل شي . .



بعدين والله اني اعرف حريم اقسم بالله العلي العظيم تقول انه ما تعرف تقطع الدجاجه !!!



ولا عمره طبخت ببيت اهله !!!


بس تقول تعلمت يوم اعرست !!!



وترى السموات والارض مانخلقن بيوم وليله !!!



وعلى فكره الرجال بيده المفتاح !!!



يبي يصير عنتر وملعون صوابر والله ما تسوي لك العود !! وان سوت من غير نفس كككككككككككك


اما اذا صار منا حليلوه . . يبي يشوف الهوايل !!!


وخذ من الدلال والدلع . . وانواع الاكل كككككككككككككككككككك

:)




وعلى نفسها جنت براقش !!! :)




شكرا لطرح الموضوع . .