الحيمري
06-02-2008, 18:34
هذا الشاعر \ عبدالله الشمري
يتوجد على ايام الشباب عقب لاح الشيب في عارضه
طاحن سنوني وانقلب عارضي شيب وقعدت اقوم بموخري قبل راسي
خذيت من طبع النظاء شمخ النيب ثوران هرش (ن) بالبروك متواسي
هذا طريق الحق ماعنه تجنيب مضمون لو تفنى الجبال الرواسي
قالوا لي ان الشيب مابه عذاريب هرج يقولونه على غير ساسي
الشيب مابه لا معزه ولا طيب الا المهونه والتعب والتعاسي
صعب على راعيه بعض المواجيب الهين اللين على العود قاسي
عقب الوناسه والطرب والتعاجيب ياشين ياتيك الزمان انعكاسي
يصير لك دون الوناسه عواقيب اخر نهار و حال دونه دماسي
تحرم من السجه ونط المراقيب وتنسى طرات البال لو منت ناسي
الشيب يتعب شمخ النيب والذيب حتى النبات اليا كبر قيل عاسي
ياشبت تجفاك البني الرعابيب من عقب منت جنيه ترجع نحاسي
شي صحيح وماضي له تجاريب ومايفيد لو تلبس جديد الباسي
العود له حشمه وقدر وتوجيب بدور مضى واليوم عده مداسي
حتى من الاقراب لياجا التعاتيب تستضعفه بعض النفوس الخساسي
الشيب ياصادك بعكف المخاليب مايفارقك لو صحت تبي الخلاسي
ميلاف لا منه لفت له مناديب مايجفله كثر العوذ الحساسي
يالله ياعالم خفي خافي الغيب عالم خفي المخفي بقلب سياسي
عبدك دون عراك ماله مقاضيب يامخضر بالنبت عقب اليباسي
طالبك عفوك انت معطي المطاليب بيوم تلين به القلوب القواسي
ان صرت بالمظلم بشين الضنابيب حفر حفر عرضي وطولي قياسي
يتوجد على ايام الشباب عقب لاح الشيب في عارضه
طاحن سنوني وانقلب عارضي شيب وقعدت اقوم بموخري قبل راسي
خذيت من طبع النظاء شمخ النيب ثوران هرش (ن) بالبروك متواسي
هذا طريق الحق ماعنه تجنيب مضمون لو تفنى الجبال الرواسي
قالوا لي ان الشيب مابه عذاريب هرج يقولونه على غير ساسي
الشيب مابه لا معزه ولا طيب الا المهونه والتعب والتعاسي
صعب على راعيه بعض المواجيب الهين اللين على العود قاسي
عقب الوناسه والطرب والتعاجيب ياشين ياتيك الزمان انعكاسي
يصير لك دون الوناسه عواقيب اخر نهار و حال دونه دماسي
تحرم من السجه ونط المراقيب وتنسى طرات البال لو منت ناسي
الشيب يتعب شمخ النيب والذيب حتى النبات اليا كبر قيل عاسي
ياشبت تجفاك البني الرعابيب من عقب منت جنيه ترجع نحاسي
شي صحيح وماضي له تجاريب ومايفيد لو تلبس جديد الباسي
العود له حشمه وقدر وتوجيب بدور مضى واليوم عده مداسي
حتى من الاقراب لياجا التعاتيب تستضعفه بعض النفوس الخساسي
الشيب ياصادك بعكف المخاليب مايفارقك لو صحت تبي الخلاسي
ميلاف لا منه لفت له مناديب مايجفله كثر العوذ الحساسي
يالله ياعالم خفي خافي الغيب عالم خفي المخفي بقلب سياسي
عبدك دون عراك ماله مقاضيب يامخضر بالنبت عقب اليباسي
طالبك عفوك انت معطي المطاليب بيوم تلين به القلوب القواسي
ان صرت بالمظلم بشين الضنابيب حفر حفر عرضي وطولي قياسي