آقلط يالاصمعى

[سنجار]

اجمل سلام مني واحلى تحيه

للشاعر الموهوب عزومه قويه

ان كان ماعندك يالقرم نيه

أقلط تريض كل مطرود ملحوق


يالأصمعي مادام للشعر ميدان

خلنا نجرب فيه طرد الآصايل

وأنا على ملاقاتك اليوم شفقان

ومن يرتكي للحمل لابد شايل

[مشــــعل]

عاشووو ..

مبطين عن المحاورات لشعراء المضايف ..

بانتظار ابو خالد ..

[بشير اللويش]

،،

،

هلا بسنجار ... وربي من زمان مشتاقين لك ولمشاركاتك

وننتظر الاصمعي

موفقين .. والصفوف .. جاهزه

الراسي

[سنجار]

مشعل الغفيلي

بشير اللويش


هلا بكم وجودكم تشريف لنا

[الاصمعي]

يا هلا وغلا بأهل راس تنورة

صح لسانك ولا هنت

أستلم:


يا مرحبا يا مكثرٍ بالتراحيب=يا راعي الطولة وراع المواجيب
جيب العلوم الطيبه لي وانا أجيب=والصبر زين وكل مطرود ملحوق




حياك جرب والتجاريب برهان=والشك فيك ومنك يالقرم زايل
لكن حضورك يبن عمي مسيان=وانا من طيور الضحى والقوايل





الكريمان مشعل الغفيلي وبشير اللويش وحضور كحضور المطر roooose

لا تباعدون ترى ما تبطيبنا ونبي نتماسك الشوش:)

تحياتي

[مشــــعل]

8
حنا ندور مماسك الشوش :)

بس عاد نبيه على الهواء مباشره :thumb:

بالصفوف

[رادار الحرف]

ليقوم هذا المضيف بكم انتم ايها الشعراء

ولن يقف على قواه الا بالمحاوراة المباشره بعدما يعلن عنها بمده

من هنا الى هناك انا متابع لكم وبالتوفيق للجميع ان شاء الله

رادار الحرف

[سنجار]

لرادار هلا بحضورك ونتشرف بمتابعتك

هلا براعي الخفجي هلا بابوخالد

واعذرني لوهجدت هالنت تالي الليل وذالك لفارق الدوام والتوقيت

استلم يابو خالد


خمسه بالميه ماملت بطن جيعان
من السوق والتجار شاف الهوايل

هي تسعد المحزون لياصار طفران
والا تعدل وضع من كان مايل

[ريال الفسحه]

عاااااااااشو :315r:


وعندك واحد صف سفري مخصوص للشاعر
الوليده سنجار :goooood:


بصفك يابعدي

\

الاصمعي صح لسانك :)


شعللوها نبي تقبس دخاخينها :315r:







متابعين :thumb:

[سنجار]

ريال فسحه هلا بك يالغالي

وجودك صف لحاله


وحضورك تشريف لنا يالنشمي

عساك على القوه

[الاصمعي]

خمسه بالميه ماملت بطن جيعان
من السوق والتجار شاف الهوايل

هي تسعد المحزون لياصار طفران
والا تعدل وضع من كان مايل


ثلاث خمساتٍ عن عيون شهبان=لا ينظلوا فايض له أعوام هايل
ولا الطفارى محد حاسب لهم شان=لو الغلا يعمل بهمَّ العمايل



يا هلا والله ومرحبا بالحضور والمتابعين:)

تحياتي

[الأصيل]

وعندك واحد صف وصلحووووه:mabrook:


أبوثوب ،، بردااان ويبي يتدفا على لهب وحرارة المحاوره:315r:





















ريالووووووووه ،،، 3 كاسات شاهي

ودلة قهوة

و 4 كابتشينوووو:goooood:

[سنجار]

هلا بلأصيل هلا بالحضور كلهم




لوكنت أفغاني ببلاد الأفغان

يجيك من الفايض وعندي دلايل

بنشدك عن ذيبن تعشته طليان

بعيد الضحيه علقو حبل مايل

[خلف الرويتع]

ابو عتيق وابو خالد يعطيكم العافيه ابو خالد معاك بالصف تكفون ابي فروه البرد ذبحني

بنشدك عن ذيبن تعشته طليان

بعيد الضحيه علقو حبل مايل

الله يرحم الشهيد

[المشرف العام]

شعللوهااااا :7ayyoh:

يعطيكم العافيه ..

انا بالصف اللي ماهو بوووه ابو عتيق :d:


:315r:

[سلطان السـراي]

صح لسان الشاعرين
متابع للإبداع


هلا بلأصيل هلا بالحضور كلهم



بنشدك عن ذيبن تعشته طليان

بعيد الضحيه علقو حبل مايل

[الاصمعي]

مثل العسل ليا وصل لضعوف الأخوان=مار البلا مار البلا مانا قايل
وراع الشهادة بدل السجن بجنان=وأحرق بذكر الله قلوبٍ غلايل




يا هلا يا هلا ويا مرحبا بهالحضور

أرحبوا تسعمية وتسع وتسعين ترحيبة:)

حياكم الله وعليكم بصفي تروا فيه سحب على جوايز للأطول صوت والأكثر حذف حصى أو تشويش على الشاعر القوماني:goooood:

تحياتي

[محمد العربي]

ابو عتيق - ابو خالد .. يعطيكم العافية والله اسعدتونا .. وفالكم من الخمسة مية .

[سنجار]

خلف الرويتع

المشرف العام

سلطان السراي

محمد العربي

ريم شمر

هلا بكم واسعدني حضوركم



اشهد ا نه نال الشهاده كحيلان

صدام ومن مثله ماله بدايل


بحرك عميق فيه لولو ومرجان

تصوغ من المعنى جزل المثايل




يعطيك العافيه أبو خالد تشرفت بالمحاوره معك

[راعي الوقيد]

عاشوا المخضرمينshlwee7

محاورة رائعة من شعراء كبار:thumb:

لكم التحية

[صدى الشمال]

عاشووووو




والله مبطين عن المحاوره











.....

[سعد الشمرى]

زنتم ولاهنتم وسجلونى متابع

[سنجار]

راعى الوقيد

صدى الشمال

الرطاب


هلا بكم جميعا

والرائع هو حضوركم وتشريفكم لنا

[شموخ]

الله يعطيكم العافيه على هالمحاوره ..


وعذرا على التاخير بالرد لظروف السفر :)

[سنجار]

هلا شموخ

ويعطيك العافيه على الحضور

وحمد الله على السلامه