خوة الفكسار

[عبدالله معيوف المويس]

اواهني من شد من فوق فكسار
اخر موديلات الالفين موديلــــه


انشهد انه بالمواتر فلا صــــار
فاز بالعليا والعليـــــا منازيلــــه


جيب يسر البال ويبهج انظــار
في مشيته في وقفته عند تدبيلـــه


كم شاعر غنى بالمدح الاشعار
ويحق له مدحـــه ولافيه حيلـــــه


مابه نواقص كود زود الاسعار
وهذا الذي صعب علينا تحصيلــه


ومعك خوي يبهج القلب باخبار
علوم الوفاء والطيب ماهي قليلــه


شروى فهدوسعود نسلين الاحرار
وابوشجاع لياظلمت يرتكيلـــــه


ونواف ابن رمال لياصرت مختار
ان اشهد ان خوته ماهي نحيلــه


بخوة هل الدين بالله تحتــــــــــار
ودع زمان الهم واطلق سبيلـــه


ونلفي على دار ويازينهــــا دار
دار الكرم والجود اهل الثقيلـــــه


دار الربع تكرم الضيف والجار
اواهنيــــــــك ياغريب تجيلــــــــه


دارالربع معروفة بكل الاقطــار
اشوفها نجمة في وسط ليلـــــــــــه


يالله يارحمــــان عالم بالاسرار
تنــشي مزون ثقال مشيلـــــــــــه


تصب في دار الربع وتهل الامطار
وتمشي الشعبان من قو سيلــــــه




وختامها صلو على سيد الابرار
محمد المختار راعي الوسيلــــــــه

تحيـــــــــــــــــــــــــــــــــــــ ــــــــــــاتــــــــــــــــــــــــــ ــــــــــــي

[ريم الصمان]

صح لسانك اخي المويس

كثير من الشعراء تغنوا بالفكسار

ويستاهل من يقصد فيه

بس اللي عجبني اكثر موضوع ثاني

لاحظت في شمر وبلا نقص او قصور بجميع القبايل

بس اذا كتبوا قصيده مدح وتوجب فيها ذكر فارس اوقائد اوشيخ مايروحون بعيد يمدحون فلان وعلان

؟؟؟؟؟؟ اخاف يشوتوني اذا قلت من اقصد

بل يمدحون فرسان شمر وشيوخها وهم اهل لذلك

مثلا

ونواف ابن رمال لياصرت مختار
ان اشهد ان خوته ماهي نحيلــه

لو كان غيرك من متب هذه القصيده لنقل التشبيه لعرب قريبين

بس يعجبني الولاء والاحساس بالفخر بفرسان وشيوخ القبيله

فلماذا نطلع براء وعندنا من يستاهل المدح والثناء وهم احق من غيرهم

اسفه على الاطاله وترى انا مانعطي وجه بأراي ما اخلص

شكرا لك ولا تحرمنا ابداعك