المساعد الشخصي الرقمي

مشاهدة النسخة كاملة : من منكم يعرف قصيدة محمد غزالان الموجهه الى ابن رشيد


محمد الغريري
01-02-2008, 22:20
سمعت من والدي رحمه الله ان محمد غزالان كتب قصيده الى ابن رشيد فمن يعرف القصيده الرجاء ارسالها
فواز الغسلان
02-02-2008, 04:11
سمعت من والدي رحمه الله ان محمد غزالان كتب قصيده الى ابن رشيد فمن يعرف القصيده الرجاء ارسالها




حياك الله اخوي محمد وتفضل يالعزوه




طبعا محمد العبدالله الرشيد ماهو شاعر مثل ماتعرفون وانما امر فجحان الفراوي من المريخات من
مطير ان ينظم قصيده على لسانه يحذر بها محمد بن سعود(غزالان) عندما قرر ابن رشيد غزوه

وطبعا لقبه غزالان من وسامته المشهوره فقال فجحان:






ياراكب هجنن كبار المثاني=بين الحجر ومحقبه يوم يرعن
بنات حر ضربوهن عماني=وجن البكار وصوفهن مثلهن هن
مستردفين فوقهن شيشخاني=من قصر حايل فجر الاصباح مدن
ومكلفات من جميع الاواني=كل الكلايف فوقهن مايخطرن
وركابهن من عندنا غب ثاني=بديار دسمين الشوارب يعشن
شيوخ القبائل يوم ماض الزماني=لما غدا ببخوتهم هن وابن هن
تلفي محمد شوق جال الثماني=ولد السعود وخالط الزين في فن
دنياك هاذي ماتجي بالتماني=كان انكسر مخباطها والسعد كن
شوري على كل الرجال الذهاني=وترى القلوب الطيبه مايغّون
ومني عدد مابالخفا والبياني=وترى النصايح يافتى الجود يشرّن
حنا الضياغم واصلنا بقحطاني=وانتم بني وايل سباعن بلا من
اطعت شور مريشين الاذاني=وان جوك بيضان الغتر كنهم جن
ينطحك ابو ماجد ليا جيت عاني=كان اقبلن عوج المراكيض واقفن
كم مصعب خلوه جاء مرجعاني=بصيارمن بايمانهم مايعفن
متسلحين الماطلي والرداني=وشي ماعرف لوصافهن توهن جن
والزين ماينفع خطات الحصاني=لياصردن مثل العدن قفوهن كن
هذا الكلام اللي ظهر من لساني=والامر لله والسبب واردن من؟






وهنا قال فجحان ان الزين ماينفع الحصان المزيون لان المهار اذا صردن يعني اسرعن وطال بهن الطريق
قال قفوهن كن يعني ان المهره (الانثى) اذا طال الطريق تتقدم على الحصان المزيون الذكر والسبب ان
الحصان يحصره بوله الله يكرمكم ومايقدر يبول وهو يجري لازم ياقف في حين الانثى تبول وهي تجري فلا
تتضايق في جريها000
وعندما وصلته القصيده قال محمد بن سعود (غزالان) وهناك من يقول ان اللي رد زيد بن غيام المطيري
ايضا ولكنه قول ضعيف جدا وانما ذكرته للمعلوميه000





بديت ذكر الله على كل شاني=الواحد المعبو د با لرشد له فن
وخلاف ذا ياراكبين سماني=يشدن شياهين على الجول يهون
قطم الفخوذ مقولمات الأذاني=شقر ٍولون أذ يالهن لو نهن هن
بتر الفخوذ مد خلا ت الثفاني=أكواعهن لازوارهن ما ينوشن
هجن هجاهيج ٍ خفاف هجاني=عوص ٍعلى هوز العصا ما يدانن
أرقابهن مثل الجريد اللياني=يشد ن لريم ٍ بالسهل يوم ينحن
إلى اعتليتو فوق حيل ٍسماني=دارواعلى عير ا تكم لا يخفن
وإلى انتحن مع فج دو دناني=ترى الزمل مالاج بقلوب أهلهن
ترحلوا مني حلول الا ذ آني=قبل الطيور لرزقهن لايطيرن
مدوا إليا شفتوا سنا الصبح باني=من دار جدي ياسعد وين يمسن
بأسفل شعيب سدير عند الشباني=قرم ٍ يرحب بالنضا حين يلفن
وعند الفهيد معزب ٍ مرحباني=كل ٍ يقول بجيرتي ما يفوتن
كل ٍ يجيب من الحطب بالمكاني=وسوالف ٍ يطرب لها البال وان جن
تلقا رجال ٍ يفهمون المعاني=مجالس ٍ يثنى بها رايب البن
سيروا لاخو نوره عريب المجاني=والى لفن ركابنا لا يرد ن
فلا يحسبني عن بطاه متواني=لازم اجيه بغير شك ٍ ولاظن
لو كان في برزان زين المباني=اجموعنا وجموعكم بيتلاقن
مثل صلاة الشايب المذرحاني=اعرف ترى خمس الفرايض يصّلن
الناس مثل الناس ماغط باني=ومن قال أنا الطيب يعييه ابن من
والزين مايدقم شباة السناني=والشين مايقصر يدين ٍ يطولن
اليا اجتمع زينن وفعل اليماني=جنة نعيمن بالحشى وان تلاقن
والقاز يعبى لضروس المتاني=وإعرف ترى سن اللبن يقلعه سن
عليّ راس ٍ فيه مثل النواني=مثل البروق بليل غدرا ينوضن
حتى أيش يانقالة الشيشخاني=معنا فرنجي ٍ على البعد يشفن
إليا ركبنا فوق بنت الحصاني=عيب ٍ عليّ إحرافها لين يقفن
إضرب بحد السيف والعمر فاني=لين العذارى ياسعد لي يعذرن
مثل الصلاة الواكد النقرحاني=لين العذارى ياسعد لي يعذرن
ذا قول من لاهو بولدة هداني=ولد شجاعن نادرن بان له فن
وهذا الجواب اللي ظهر من لساني=والامر لله والسبب نفعله حن
محمد الغريري
02-02-2008, 10:11
الله يجزاك خير والله انك اثلجت صدري بهالگصيده وانا ممنون منك لمرورك على موضوعي:3ajebni:

ابو ريام الغريري
توتي فروتي
24-10-2009, 22:23
السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .
المفضلي11
24-10-2009, 22:59
شكرا للغريري وللراوي بن غسلان
الكاتم
25-10-2009, 03:53
بسم الله الرحمن الرحيم
الاخ العزيز فواز الغسلان
وين وعدك لنا بذكر قصيدة مفوز الفرج المفتاح الغيثي والتي رد بها على لسان ابن رشيد على غزالان
أبو فهد
25-10-2009, 07:23
لا هنت يبو فهد الغسلان على إيراد القصة و القصيدتين




------------------
أبو فهد الهمزاني
الحيمري
30-10-2009, 17:44
محمدالغريري تشكر عن الاستفسار

وابو فهد يشكر على الاجابه وقصايد ثمينه