ركني الهادئ ،، بشير اللويش [الأرشيف]

بشير اللويش

23-02-2008, 19:13

،،،

،،

اذا هذا الزمن فانا في هالزمن مظلوم = على كل الدروب القى عناوينه عناويني

أحاول امشي الخطوه رضيت بحقي المقسوم = انا الحاضر مع الغايب ،،، وانا الغايب مع سنيني

قريت الكف في عيني وشفت الحظ ابد مايقوم = اعرفه صامتٍ أخرس وانا اتحرى يناديني

متى أحقق طموحاتي واعيش الواقع المحروم ؟ = متى تقرب مسافاتي واشوفك يانظر عيني؟

الراسي

بشير اللويش

29-02-2008, 05:39

،،،

،،

لا يابعد منهو على الكون يمـّه = الحال ولىّ والهقاوي صعايب

من شاف حالي يمـّه اليوم ذمـّه = يشفق علي .. ياحول من هالمصايب

..

.

الراسي

بشير اللويش

03-03-2008, 07:55

،،

،

ماهي بغريبه نلتقي دون ميعاد = بس الغريبه نفترق دون تلميح !!

ثم ننتظر لعل الايام تنعاد = بين الرجا والياس نبقى مجاريح

كيف الورق يشْره وراس القلم حاد = والذنب ذنبي .. والورق ماهو مريح ؟

الراسي

بشير اللويش

21-04-2008, 07:58

....

..

لا
لا
لا

لاينشغل بالك بكثر التفاكير = في ذمـّتي مايسكن القلب غيرك

الراسي

بشير اللويش

24-06-2008, 08:33

اشتقت لك ياصاحبي وين الآقيك ؟

ودّي افضفض لك عن هموم صدري

الراسي

بشير اللويش

02-07-2008, 22:27

...

..

http://tbn0.google.com/images?q=tbn:H6xCT5XAgSZIBM:http://www.elaph.com/elaphweb/Resources/images/Politics/2007/10/thumbnails/T_4af7da7e-ff9d-4762-a7f2-a424ed641a29.jpg (http://www.elaph.com/elaphweb/Resources/images/Politics/2007/10/thumbnails/T_4af7da7e-ff9d-4762-a7f2-a424ed641a29.jpg)

ذكرى عزيزه على الجميع

ابت الحروف الا ان تشارك في مرورها

حفظ الله والدنا ابو متعب

مرت ثلاث سنين .. في عز ومعزّه وازدهار
مرّت علينا والوطن بالأمن والخير الوفير

ما كنّها الا كالندى لامن سبق بوح النهار
في ظل من ظلّه كسى شعبه كبير ٍ مع صغير

قايد محنّك سيرته نبراسنا بين الكبار
الله يحفظه للوطن / للشعب كالسيف الشطير

على العهد نبقى معه من وين ما وجّه وسار
بيعة وفاء فيها الولاء والصدق لليوم الأخير

الراسي .. ابوسلطان

بشير اللويش

05-07-2008, 19:01

،،
،

تكـرّمت من وقتها ،، والوقت عيّا لا يجود
راحت وخلـّتني وحيد وانا انتظر جيّاتها

يالله عساها لي تحن والقلب منها لي يعود
والا تجي مرّه علي وتشاهد اللي فاتها

شاعر خيالي والشعر في وصفها صار معقود
في اسمها وفي رسمها ،، متناسي ٍ سيّاتها

ما غيرها في ذمـّتي ،، دلوّعتي تلك العنود
اللي ذبحتني بالصبر لا طوّلت روحاتها

،،
،

الراسي

بشير اللويش

06-07-2008, 21:33

،،،

،،

الشوق ماهو بس في خمسة حروف
شيّ ٍ عظيم ٍ .. ما يتوصّف بالاشعار

آهات صعبه ،، واستغاثات ملهوف
من وين ما وجّهت في جوفي النار

الراسي

بشير اللويش

15-08-2008, 07:28

للشعر .. وقت وحزّة الشعر بالذات

................ لا صار بالتفكير دافع حقيقي

...

..

الراسي

بشير اللويش

01-09-2008, 01:27

الوقت يمضي واكثر الخلق سالين .... وحنـّا نتحرّى هالوفا بالصداقه

الراسي

بشير اللويش

08-09-2008, 06:36

،،،

،،

رمضان كريم

( الموت حق وكل نفس ٍ تذوقه )
والموت كل الموت في سكرة الموت

ياويل منهو راح عمره يسوقه
وسط المعاصي وآخر العمر مبهوت

....

..

الراسي

بشير اللويش

09-09-2008, 05:12

،،،،،

،،

الأم ابلغ من حروف الابجدية والصحيح

..................................... ما مثلها بين البشر مهما يقولون البشر

الراسي

بشير اللويش

09-09-2008, 07:56

...

..

الصمت ... والله لاطرى عندي الصمت

........................ اموت واحيا بين ذاتي وذاتي

ياما وياما في دروبي تحطمت

....................... من زود صمتي بين كل الجهاتي

الراسي

بشير اللويش

12-09-2008, 08:28

اللهم اقبل الصيام والقيام

...

..

بشير اللويش

09-05-2009, 03:00

،،،

،،

ياحظ هـــالكاسة تلامس شفاياك

،،،،،،،،،،،،،،،،،،،،،،، وشلون ما هنيها وروجك عليها ؟!

الراسي

بشير اللويش

10-05-2009, 02:08

،،

ص

.

صحيح

إن الهوى الغربي الى من داعبك بشويش

................... تشتت فكرك الواعي // تجي كلك على كلك

الراسي

بشير اللويش

11-05-2009, 02:29

..
.

الا وينك ؟ الا وينك ؟ ،،، تعبت آرد الا وينك ؟

ما دام الحال في بعدك مثل ما تشوف عدوانك

ترى سنيني معي ضاعت واخاف تضيع بسنينك

ولا نلقى سوى الحسره وتفقد كل تحنانك

،،،

،،

ولا زال السحاب ..... !!

الراسي

بشير اللويش

13-05-2009, 00:03

:::

::

قد تمر ذات يوم من هنا

،،،

،،

لاتجرحين القلب يابنت خلـّيه

روحي بدربك واتركيني بدربي

شوفي طريقك يوم بانت مواريه

ولاتحلمين العمر في يوم قربي

اللي مضى ما عاد ترجع لياليه

تكفي حبيبه ساكنه وسط قلبي

وشعاد لو قلتي علي ليه وشفيه ؟

قناعتي مقسوم .. زادي وشربي

،،،

،،

الراسي

بشير اللويش

20-05-2009, 23:24

....

..

يا صاحبي وينك ؟ اتعب الفكر فرقاك

واتعبت نفسي في رجاوي حضورك ؟

الراسي

بشير اللويش

07-07-2009, 23:48

الأيام بيضاء

بشير اللويش

07-07-2009, 23:57

جنون الذاكره دارت على فكري وانا عاقل

تناقض وقتي الحالك يوديني على الفاضي

سديد الراي والمبدا قنوع ٍ فيه ياناقل

قديم الفكر عزالك على ذكراك والماضي

الراسي

بشير اللويش

08-07-2009, 15:18

///

،،

.

راحت وجتني يوم قفـّيت عنها = متناسية طبعي على طول مارجع

تطلب خفوق ٍ كان مبطي سكنها = وتقول : شوف العين بالدم تدمع

الراسي

بشير اللويش

08-07-2009, 21:20

،،،،

،،

قمم // مدري حمم

حبيبي : .. والجروح اللي على خبرك /// على خبرك = سبايب بعدك القاسي // سبايب حر اشواقي

الراسي

بشير اللويش

08-07-2009, 22:20

من مبتدأ صدق النوايا والاحساس

بآقول كلمة والنوايا مطايا

ماللقلوب الا صناديق الاقواس

حفظ ٍ لها لو المشاعر ضمايا

الراسي

بشير اللويش

09-07-2009, 01:39

،،،

،،

الا يالملهمه وينك ؟ حرام الوقت يسرقنا

يروح العمر ماندري بروحاته يروّحنا

الراسي

بشير اللويش

10-07-2009, 01:47

....

..

عصفورتي تطلب جديدي وانا آقول : = هذا جديدي يابعد من تغلا

عهد ٍ علي يبقى جزيله على طول = لعيونك الثنتين وللغير كلا

الراسي

بشير اللويش

27-08-2009, 01:14

،،

،

رمضان كريم

بشير اللويش

27-08-2009, 01:38

...
..
.

الساعه اللي مايجيني اتصالك

اقسم قسم بالله ياهي عصيبه

الراسي

بشير اللويش

10-09-2009, 03:54

،،
،

http://t1.gstatic.com/images?q=tbn:BOC1szqeNbS_eM:http://www.news.gov.kw/files/images/%D8%A7%D9%84%D8%B3%D8%B9%D9%88%D8%AF%D9%8A%D8%A9/%D9%88%D9%84%D9%89%2520%D8%A7%D9%84%D8%B9%D9%87%D8%AF/%D8%A7%D9%84%D9%85%D9%84%D9%83%2520%D8%B9%D8%A8%D8%AF%2520%D8%A7%D9%84%D9%84%D9% 87%2520%D9%85%D9%84%D9%83%2520%D8%A7%D9%84%D8%B3%D8%B9%D9%88%D8%AF%D9%8A%D8%A9.j pg (http://images.google.com.sa/imgres?imgurl=http://www.news.gov.kw/files/images/%D8%A7%D9%84%D8%B3%D8%B9%D9%88%D8%AF%D9%8A%D8%A9/%D9%88%D9%84%D9%89%2520%D8%A7%D9%84%D8%B9%D9%87%D8%AF/%D8%A7%D9%84%D9%85%D9%84%D9%83%2520%D8%B9%D8%A8%D8%AF%2520%D8%A7%D9%84%D9%84%D9% 87%2520%D9%85%D9%84%D9%83%2520%D8%A7%D9%84%D8%B3%D8%B9%D9%88%D8%AF%D9%8A%D8%A9.j pg&imgrefurl=http://www.asdaff.com/t42279.html&usg=__cZIkMJCTiijv1eqrRa4qenyouEI=&h=300&w=300&sz=28&hl=ar&start=8&tbnid=BOC1szqeNbS_eM:&tbnh=116&tbnw=116&prev=/images%3Fq%3D%25D8%25A7%25D9%2584%25D9%2585%25D9%2584%25D9%2583%2B%25D8%25B9%25D 8%25A8%25D8%25AF%25D8%25A7%25D9%2584%25D9%2584%25D9%2587%26gbv%3D2%26hl%3Dar%26s afe%3Dactive)

الله ينصر مليك العز عبدالله

قايد مسيرة وطنـّا شامخ ٍ عالي

الراسي

بشير اللويش

05-12-2009, 22:46

الله يذكر واحد ٍ كان غالي

والله يخلـّي من حياتي ملكها

الراسي

بشير اللويش

25-12-2009, 00:13

...

..

كانت معي لحظات من عمري وانا معها العمر

ياللاسف عمر ٍ رحل وآنا انتظر لحظاتها

الراسي

بشير اللويش

03-01-2010, 23:48

،،،

،،

يسعد الله صباح الشعر .. ويسعد مساءه
ويسعد الله حروفه ... والمعان الجزيله

الصاحب اللي بطرقه ما مشيت بهجاءه
اكتبه .. وامتدح به كل فرد وقبيله

على بياض النوايا كل فعل ونقاءه
اليوم بآقول شعري والمقاصد نبيله

الراسي

بشير اللويش

10-01-2010, 22:35

من جديدي الذي سيرى النور قريبا

راحت عليها الحياه اللي تمناها

وصارت وحيده بعد ما كنت انا معها

الراسي

بشير اللويش

15-01-2010, 13:33

قالوا حظيظ وقلت ربي عطاني

والحظ ما يعطى من انسان لانسان

الراسي

بشير اللويش

21-01-2010, 20:55

،،،،،،

،،،

قالت وداع .. وحل موعد زواجي
................. بآخذ نصيبي واترك القلب ويـّاك
حظي كذا والجو كله عجاجي
................ لكن وعد يا صاحبي ما تناساك
يبقى غلاك ومنزلك // برج عاجي
................ يمكن تجي القمرا على الكيف والقاك

قلت العفو عكـّر وداعك مزاجي
..................... ياكيف ابنسى والبلا ماقدر انساك
قصّة رحيلك منعقد به حجاجي
................... لوعة زماني والسبب حر فرقاك

بعدك سقم حالي وقربك علاحي
.................... والموت كل الموت لاحل طرياك

الراسي

بشير اللويش

31-01-2010, 22:21

العمر رحله والليالي مطايا

وحنا نتناسى بين راحل ونزّال

الراسي

بشير اللويش

13-02-2010, 21:44

الحيّة الرقطا

..
.

الحيّة الرقطا علامه ما تتوب
من وين ما وجّهت جتني بالدروب

قامت تطوّا والحيا ما من حيا
ترقص على المزمار لا هب الهبوب

يا المفتنه والناس ما تاوي لاحد
خوفي على نفسك من النار الشبوب

إن كان ما عمرك لقيتي ما يهاب
الشمري ما هو ترى ضمن القروب

الشمري لا من طنا / طنا / طنا
استوت دنياه شمسه والغروب

الشمري لا من ثنا / ثنا / ثنا
يا عز منهو ينتخيبه بالحروب

الشمري لا من نوا / نوا / نوا
يارد على حوض المنايا والكروب

يبهج القلب المعنـّا لا فعل
وما يراقب غير ربّه بالوجوب

مسيرته بين الامم دايم بياض
لو زيّف الحاسد عليها والكذوب

( لا حكوا بالحق حيين الضمير )
ينبون عنـّه في شمال وفي جنوب

بالسلم والاسلام والسيف الحدب
بالطيب والنوماس والصدر الرحوب

حقيقة ٍ تبقى على مر العصور
من غير قاصر بالقبايل والشعوب

اقولها واضرب على الموت الحمر
يوم إن مثلك للتولي والهروب

هلوسة تفكيرك الغاو / المريد
ما تفيدك لا وقف نبض القلوب

( إتقي شر الحليم إذا غضب )
والويل كل الويل للي ما تتوب

أدري بأن القرم يصبر فالبلا
بس البلا كثر الخطايا والذنوب

وإن ما نفع يا الحيّة الرقطا كلام
ما من خلاص وتالي العمر محسوب

الراسي / بشير اللويش

بشير اللويش

14-02-2010, 20:19

روحي بدربك واتركيني بدربي

الله يسهل درب من ودّه يروح

لا صار قلبك ميّت ٍ ما شعربي

ما عاد لي ويّاك حاجه ومصلوح

الراسي

بشير اللويش

15-02-2010, 21:28

حايل تنادي ،، وجيت لعيون حايل // وشلون ما جيها وحايل تنادي

يكفي غلاها بالضلوع النحايل // ماله شريك بين حضر وبوادي

الراسي

بشير اللويش

19-02-2010, 02:05

ارجوك .. شفني من عنا الوقت ملتاع

حتى الصبر ما عاد لي فيه حيله

فيني هموم / وحزن / وطعون / واوجاع

وكل الجهات الاربعه مستحيله

الراسي

بشير اللويش

21-02-2010, 20:01

زرعت لك في روضة الحب مرباع

وسقيت روض الحب من سلسبيله

تثمر بساتين الغلا وسط الاضلاع

كلي امل ياشوق اجني حصيله

الراسي

بشير اللويش

22-02-2010, 22:57

..

عبدالله الغازي ترى القلب وياك
مهتم من همّك على طول مشغول
معك معك وانا على الوقت مركاك
من وين ما وجّهت بالعرض والطول
آحس باحساسك من اقصاك لادناك
وآخر كلامي .. اختصاره واباقول
امك مثل امي .. بالايام مانساك
وطلب لها ربي عسى شرها يزول

الراسي

بشير اللويش

22-02-2010, 22:57

بشير اللويش

28-02-2010, 21:47

،،،

،،

يابنت ماني بعلى خبرك

روحي وخليني بحالي

وشعاد لو رحتي لقبرك

ما عاد زولك بيطرالي

الراسي

بشير اللويش

28-02-2010, 22:40

ياشين حظ اللي تولـّع بحايل

فكره بها والجسم في كل ديره

الدرب مسدود ٍ ولا به وسايل

والمشكله فيها ظروفك عسيره

الراسي

بشير اللويش

02-03-2010, 00:26

،،

،

تعال يمّي واترك القلب يرتاح

ما بالدراسه غير كثر الهواجيس :)

ماهو صحيح العلم يبقى لك سلاح

في وقتنا سلاحك ترى (( ملية الكيس ))

..

.

الراسي

بشير اللويش

06-03-2010, 20:18

،،،

،،

يا سيّدة قلبي وروحي علامك ؟

تري الحياه تهون من دون وصلك

ما فيه غيرك من يساوي غرامك

لا يا الاصيله في مجاذيب اصلك

الراسي

بشير اللويش

07-03-2010, 23:41

...

..

يا ليتني من ورى رفحا

والخوي قرم ٍ وطيّب

الراسي

بشير اللويش

08-03-2010, 09:48

،،،
،،

الا يا صاحبي بدري على غيرك اناظر له

اموت ولا يجي يوم ٍ اروح واترك العشره

...

..

ولازال المداد لاهل المداد مستمرا

الراسي

بشير اللويش

08-03-2010, 21:07

....

..

الفقر موجع في عيون الفقارا

والا الغني ما يدري ان الفقر بين

راحوا بها أشناب ٍ وراحن عذارى

ولاعاد باقي بالوضع اي تخمين

الراسي

بشير اللويش

10-03-2010, 21:37

،،،

،،

انا هلالي .. وافتخر بالهلالي

نادي يشرّفنا بوسط المحافل

اسمه تلالا بالسماء بالعلالي

يكفي رصيده بالبطولات حافل

الراسي

بشير اللويش

11-03-2010, 22:45

،،،

،،

الملهمه تامر وتنهى على روحي

وباق العذارى لهن ناس ٍ تناضرهن

يا سيدة قلبي لغيرك فلا اوحي

لعيونك القلب والله ما يعارضهن

الراسي

بشير اللويش

12-03-2010, 13:47

...

..

الموت لا من تفرّقنا

والكل روّح على ديره

يالله عسى ما توهّقنا

( يالله عسى بالوضع خيره )

الراسي

بشير اللويش

12-03-2010, 22:09

،،،

،،

يا يمّه ماني بعلى خبرك

رجـّال وابقى على الهقوه

وان كان قبري قبل قبرك

انا الحظيظ وعلى المنوه

الراسي

بشير اللويش

17-03-2010, 23:42

،،
،

اخي ابوفارس

مثلك يشرّف منطق الشعر لا قيل

وآنا آتشرف فيك في كل الاحوال

...

..

اخي يوسف

فيك آتنومس فيك .. من وين ما رحت

يا مسندي لا دبّر الوقت بالناس

الراسي

بشير اللويش

18-03-2010, 23:17

،،،

،،
،

الشعر وهبه // وبعض الناس مايفهم

اني انا والشعر اثنين في واحد

يعني اسوقه على المجروح كالمرهم

وكالنار في قلب منهو دايم ٍ جاحد

الراسي

بشير اللويش

24-03-2010, 00:10

،،،

،،

،

الشعر يدفع خيالي .. وين ،، ما ادري !!

والله يعين الخيال ... اللي تولـّعـْبه

آسج في معترك هـالوقت من بدري

وآعوم في غبّته .. من غبّه لغبّه

وإن طوّلت دورته بي ،، عارف ٍ قدري

والقرم ما يستشك لاخاف من ربّه

الراسي

بشير اللويش

24-03-2010, 22:03

....

..

هذي المضايف .. مضايفنا

منزالها دايم ٍ عالي

الراسي

بشير اللويش

25-03-2010, 00:03

""
"

إن كان ما جالي على الكيف وقتي

والله لصبر ، والصبر من سجاياي

الراسي

بشير اللويش

25-03-2010, 00:49

...

..

إن قلت لك مرتاح ماني بمرتاح

أكذب عليك النفس ماهي براحه

تنزل بي همومي على كل ملواح

حتى غدى صدري للاحزان ساحه

الراسي

بشير اللويش

25-03-2010, 22:36

...

..

الهم ماهو بعلى بالي .... لاصرت دايم على بالك

من وين ما رحت يالغالي .... القلب بيتك ومنزالك

تحققت فيك آمالي .... وعساني آحقق آمالك

الراسي

بشير اللويش

26-03-2010, 01:00

""
"

سلطان فكري مع حنين الليالي

وهبه عظيمه من جزيل الوهايب

ما فيه فرق ٍ بين اول وتالي

فرحة حياتي قبل ركز النصايب

هذا جوابي واتبعه في سؤالي

منهو يروم القلب غير الحبايب ؟

الراسي

بشير اللويش

26-03-2010, 01:56

....

..

امـّي .. وإلى من قلت للقلب / امـّي

اسمع صدى الترديد ،، بالجوف (( لبيه ))

لا شفـْتها ينزاح همـّي .. وغمـّي

وآعيش لحظات العمر // عالم التيه

من غير ما تامر علي قلت سمـّي

وشعاد لو قالت على شي ما اعطيه

يرخص لها من دون خالي وعمـّي

لو عاتبوني في // حقوق ومشاريه

الراسي

بشير اللويش

26-03-2010, 17:59

،،،

،،

وين انت ... ياللي تطلب الجود وتجود ؟

من جود ربك .. يا عطا الجود وين انت ؟

حالت علي ايامي الغبر والسود

ولحد ٍ درى بأني عليها تفننت

معها رسمت اسمك بساتين وورود

حاكم خفوقي // بالمحاني تمكنت

الراسي

بشير اللويش

26-03-2010, 23:50

الذين يشاهدون الموضوع الآن: 2 (2 من الأعضاء و 0 زائر)

1. بشير اللويش
2. ابو ضاري+

....

..

شرفتني في ركني ابو ضاري

اخوك .. ابوسلطان

بشير اللويش

26-03-2010, 23:55

،،،،

،،

بدري تنام .. وصاحبك ما بعد نام

خلـّك معه ،،، لا تسري الليل / بدري

الراسي

بشير اللويش

27-03-2010, 00:48

..
.
المرور من على الاطلال جدا جميل

""
:

بعـض المواقـف .. ماتبـررهـا الاعــذار
لــو تعـتـذر ملـيـون مــرّه نسـيـتـك

لا.. لاترجّـى .. يـوم صـار الـذي صـار
أخطيـت فـي حقّـي .. ويكـفـي نهيـتـك

ماقلـت لـك .. لاتحـرق الجـوف بالـنـار
ماقلـت لـك .. لاتبيـع دامــي شريـتـك

خـلاص وانسـى مامضـى صـار تـذكـار
قـرّرت أبرحـل .. مـن حياتـي محيـتـك

موّل علـى فرقـاي واضـرب علـى الطـار
وارقـص علـى اطـلال سـاحـات بيـتـك

لكـن ،، تذكّـر انــي امــرار وامــرار
باحـلا المشاعـر مـن خفـوقـي عنيـتـك

يامـا علـى شـانـك تحـدّيـت الاخـطـار
ويامـا علـى شـانـك بـروحـي فديـتـك

ويامـا علـى شانـك تجـرّعـت الامــرار
ويامـا بصدقـي مــن حنـانـي سقيـتـك

وياما فرشـت الـدرب فـي وجهـك ازهـار
يامـا ،، ويامـا ،، مـن عيـونـي عطيـتـك

واليوم .. مدري !! كيف ؟ وشلون ؟ وشصار ؟
خيّبـت ظنّـي فيـك .. وشفـنـي نسيـتـك

الراسي .. بشير اللويش

بشير اللويش

27-03-2010, 18:05

..
.

القلب ماهو بعلا كيفك

لا صرت فاضي تناديله

إن كان فكرك على سيـِفك

فكري انا با العويقيله

...

..

العويقيله ... مدينة لها ذكريات جميله

تقع بين مدينتي رفحاء وعرعر / الحدود الشماليه

الراسي

بشير اللويش

27-03-2010, 21:23

...

..

الشعر // للي يفهم الشعر مرسال

لا ضاقت الحيلات بين الخلايق

مرات احس اني مع الشعر خيّال

ومرات احس اني مع الشعر ضايق

الراسي

بشير اللويش

29-03-2010, 23:53

،،
،

الصدفه اللي جمعتنا جميله

واجمل مراحل عشتها في حياتي

الصبح ... لا شتـّت ظلام الجديله

وشعاد باقي يا مراحل شتاتي ؟

الراسي

بشير اللويش

30-03-2010, 22:58

،،،

،،

العشق ما هو بلعب وهبال

يا اهل القلوب الشقاويه

كم عاشق ٍ صايبه ولوال

في وجهه بيـّن مواريه

من وين ما حاول واحتال

ما من سلام ٍ .. وماويه

الراسي

بشير اللويش

02-04-2010, 00:58

،،،

،،

محتاج لك يا صاحبي وين الآقيك ؟

ودّي افضفض لك عن هموم صدري

الراسي

بشير اللويش

04-04-2010, 22:57

""
"

خذني معك لا تخلـّي صاحبك وحده

تفرح معادينه // وتفرح معادينك

بعدك بلا قلبه وقربك معه سعده

خلـّه أساسي بقلبك من مضامينك

الراسي

بشير اللويش

07-04-2010, 21:48

،،
،

يا آنسة وإن كان ودّك تروحين

روحي فمان الله بس إذكريني

لا سالت الدمعه على محجر العين

تذكري ما صار بينك وبيني

شيّمة حبك لا تجيه الرديين

متعلـّيه ما بين قلبي وعيني

الراسي

بشير اللويش

15-04-2010, 21:06

...

..

راح العمر يابعد عمري

وآنا اتحرى اتصالاتك

الراسي

بشير اللويش

22-04-2010, 23:21

...

..

الشمري لامن فعل تبقى فعوله والزمن

يشهد على فعل ٍ شهر بين القبايل كلـّها

تشهد لنا كل المواقف والمعارك والفتن

قبل الحضاره والدول // لاتبتلينا بغـلـّها

الراسي

بشير اللويش

22-04-2010, 23:50

...

..

الله يجيبك ياحبيبي على خير

وآشوف في عودتك .. عز وسعاده

مليت من بعدك كثير المعاذير

وملـّيت من زود الاسى والنكاده

الراسي

بشير اللويش

23-04-2010, 14:33

.....

..

يالله وانا طالبك يا الله

تحقق لي اللي تمنيته

الراسي

بشير اللويش

23-04-2010, 21:51

،،،
،،
،

يا سيدي عطر القصايد تنصّاك

بسمك قصيدي ريح مسك ٍ وكادي

ما قلت لك : يلعن ابو ليل فرقاك

حبك بوادي // والخلايق بوادي

الراسي

بشير اللويش

24-04-2010, 23:21

...

..

التوته / اللي يهز القلب طاريها

ياسعد قلبي ليا منـّه لفت يمـّه

اكذب على نفسي ليا قلت ما بيها

والشعر لعيونها ،، مستعذب ٍ جمـّه

الراسي

بشير اللويش

30-04-2010, 15:38

..
.

وتقول ،، وينك ؟ يا هوى البال وينك ؟

وآقول عندك من زمان الطفوله

الراسي

بشير اللويش

30-04-2010, 16:00

،،
،

راحت وساعات الزمن تمشي على دقاتها

مدري تحسّب بعـْضها / مدري تحسّب نبضها

الله يعين اللي وقف يوم رحلت خطواتها

تقطعت اصواتها ،،، ولا بقى لو بعضها

الراسي

بشير اللويش

30-04-2010, 16:20

،،،

،،

الاسئله ماتت على صمت الكلام ولا لقيت

الا السكوت اللي يهز القلب في حريّته

ياخي علامك ماتحس الا اذا انك بكيت ؟

اقلط على قلب معك من اولّ ٍ ملكيّته

يكفيك شاعر مخلص ٍ في واقعه لك مستميت

لو تزعل العالم عليه // ما همّه الا فيّته

الراسي

الراسي

بشير اللويش

30-04-2010, 16:59

..
.

الشاعر اللي ما يجيب الجزايل

وقت اللزز ،، لادرهموا بالاصايل

يا ليت لو حوّل ويعقل ذلوله

لاصار ما يعسف مهار الجزايل

..

.

سترى النور قريبا

..
.

الراسي

بشير اللويش

04-05-2010, 01:38

...

..

البعد يكوي خافق ٍ هدّه الخوف

وانت تناظر ... لوعتي واشتياقي

اقبل علي لاتشغلك عنـّي ظروف

مليت صبري في مسار التلاقي

الراسي

بشير اللويش

04-05-2010, 23:44

...

..

الوقت طال / وشمس الآمال بغروب

آلوذ بسكاتي ... وانا في سكاتي

وين الفرح ياناس واحزاني دروب ؟

ومن وين ما وجهت .. حزني جهاتي

الراسي

بشير اللويش

06-05-2010, 00:40

،،،

،،

عادت علي بعد البطا .. والشوق فيها والوله

ماله وصوف ٍ بالعمر لو ينخسر كل العمر

من فرحتي من لهفتي ضاعت حروف الاسئله

يا كيف اوصّف لحظة ٍ تسوى عيوني والنظر ؟

هذي ضلوعي شاهده كانت وعاشت مقفله

لعيونها عيـّا الخفوق لا تقرّبه كل البشر

الراسي

بشير اللويش

07-05-2010, 00:33

...

..

الامـّعه لا صار هرجه سماجه

أرفع جنابي عنـْه واحشم جنابي

مالي ومال اللي طبوعه لجاجه

ماني مضرّي في دروبه ركابي

وشعاد لو هبهب علينا عجاجه

يركد عجاجه من مناشي سحابي

الراسي

بشير اللويش

07-05-2010, 02:38

....

..

العز ياهل العز .... في عز الاصحاب

واللي يفرّق شملنا ،،، ما هو بعز

كنـّه تناسى ان الانسان لتراب

حتى ولو انه مع الوقت معتز

الراسي

بشير اللويش

10-05-2010, 03:43

...
..

مال ( للرياض ) بغيتك اي قيمه

الشمس غابت عنـّها من غيابك

ياخي تعال وشوف كيف الجريمه ؟

جفـّت ينابيع الوله في سرابك

الراسي .. الرياض 1431/5/26

بشير اللويش

13-05-2010, 02:18

..

.

مات المكان ولا ذكرت في موتته شي ٍ عظيم

الا الوفا لاهل القدر .. واهل القدر دايم عظام

الراسي

بشير اللويش

15-05-2010, 00:32

...

..

محروم من شوفك ومحروم ٍ الصوت

يعني على ما قيل محروم الاثنين

(ما ينفع المحروم لافاته الفوت )

وآنا آترجى ما مضى يمكن يحين !!

الراسي

بشير اللويش

15-05-2010, 22:31

...

..

لا تعتقد باني نسيتك مع الوقت

لا والذي سواك ماني بناسي

يكفي بغيابك كل ما قلت " اشتقت "

كنـّي معك لو كنت في وسط ناسي

الراسي

بشير اللويش

18-05-2010, 02:59

،،،
،،

وتقول وينك ؟ ( والهوى حيل غلاب )

وانا على درب المواصيل ساري

ما تدري ان القلب شرّع لها الباب !!

والخوف لامات الرجا بانتظاري

الراسي

بشير اللويش

20-05-2010, 05:37

...

..

الله يسامح بعض الملازيم يا شوق

اللي خذتنا من بعضنا دقايق

وشلون اجل بالله لا سلهم الموق ؟

وردد عليك اليوم حالوا خلايق

انا اشهد اني بحالة ٍ كلها عوق

الفكر ضايق واكثر الناس رايق

الراسي

بشير اللويش

20-05-2010, 07:01

،،،
،،

وإن مرّة الصدفه ..... وجيتي ( لركني )

إقري قصيدي .... وافهميني عشاني

شاعر .. شعوره صب (( يا ملهمتني ))

لعيون .. / شوقي / .. فايض ٍ من حناني

ابفتخر واقول في يوم :..... حفظتني

واني معاها ... واحد ٍ في زماني

الدمام / الخميس صباحا 1431/6/6

الراسي

بشير اللويش

20-05-2010, 22:19

...
..

مبطي حبيبي تمنيتك

وليت الاماني على كيفي

...
..

ماهي بغريبه نلتقي دون ميعاد

بس الغريبه نفترق دون تلميح

الراسي

بشير اللويش

22-05-2010, 01:54

..
.

معي ... معي .. من وين ما رحت القاك

يا مصعبك // يا مسهلك في حياتي

الراسي

بشير اللويش

23-05-2010, 00:36

،،،
،،

الله يرحم زمان اوّل

يوم المحبه بايادينا

هلحين وقت الجفا طوّل

وضاعت علينا مبادينا

الراسي

بشير اللويش

23-05-2010, 23:42

،،،

،،

نقطة نظام وليت منهو فهمها

يرسل مراسيل ... الغلا والموده

وشذنب نفس ٍ بالليالي ظلمها ؟

ومن وين ما مديت يدّي يردّه

وحقه علي إن فرصته يغتنمها

وقالوا : (ترى اللي تستحي منـّه بدّه )

الراسي

بشير اللويش

25-05-2010, 00:49

..
.

المسأله ,,, ياصاحبي مسألة ( وقت )

ماهي بعلى ما قلت .. ناس ٍ عذوله

اكفيك انا .. لاقلت لي كلمة ( اشتقت )

انسيك كل الناس .. فرد .. وحموله

الراسي

بشير اللويش

26-05-2010, 23:41

....

..

للمرجله رجـّال لا قلت رجـّال

يبهج صدر ويفك عقدة رجاجيل

مركا / ملاذ اللي تعناه ولوال

قرم ٍ عليه الوصف بيّن وحلحيل

مثل الجبل شامخ على كل الاحوال

لو مالت الاشناب بالوقت مايميل

الراسي

بشير اللويش

27-05-2010, 20:38

،،
،

تدرين يا بوح المشاعر والابيات

إن القصايد قلتها فيك بالذات

وان ما دريتي منزلك في قصيدي

إلهام شعري مايبي لك دلالات

شوفي ملامح سيرة الحب شوفي

وإن ما لمحتيها عليها السلامات

الراسي

بشير اللويش

28-05-2010, 01:00

..
.

الدقــّه اللي كل ابوها مغثــّه

الله يلعنها .... ويلعن ابوها

مات الكلام وهقوتي تستحثـّه

والناس ما ترحم ولو افهموها

الراسي

بشير اللويش

28-05-2010, 23:32

...

..

بين الحنايا مجلسك حط مركاك ...

ما غير انا .. واياك .. والجو هادي

الراسي

بشير اللويش

02-06-2010, 23:48

،،،

،،

بعد البطا .. ياصا حبي جيت واهلين

في جيّتك شفت الفضا ما وسعني

مقدر أوصّف لك شعوري .. فـــبيتين

ولو قلت له ارجوك .. ما قال دعني

لأنك دفعته مُـلهم ٍ بين ضلعين

نبض ٍ أحسـّه للمعالي رفعني

ما بين شوق الحرف والقلب والعين

مبطي خذاني ... في خفوقك وضعني

الراسي

بشير اللويش

03-06-2010, 02:21

""
"

سولف معي ارجوك ... عطني علومك

وخل الشعر بعدين لا تطلب ... آآآآآقول

في غيبتك والله لاتبع غيومك

وانثر لك الاشعار بالعرض والطول

الراسي

بشير اللويش

03-06-2010, 23:12

...
..

زاد الوله والشوق في ذمتي زاد

وآنا على درب المواصيل ناوي

اطوي مسافات التعب والتوجاد

قاوي عليها والولي فوق قاوي

الراسي

بشير اللويش

05-06-2010, 22:52

...

..

وشعاد باقي ماحصل والحظ عيـّا لا يقوم ؟

با الله قلـّي يابعد حيي وميتي وشبقى ؟

لا صار دربي عاثر ٍ .. ارجوك خلـّك بي رحوم

ابقى على خبرك جبل ترقابي كل مانتَ تهقى

والله لا شيل كل همـّك .. ولو كلـّي هموم

وأعيّشك عيشة رغد والحب فيها والنقى

الراسي

بشير اللويش

06-06-2010, 23:08

..
.

مدري علامك .. كل ما جيت يمّك ؟

صاير تغلا مووووت .. مدري علامك ؟

إن كان فعلا صرت واحد أهمّك

خذني معك .. والا تعال بغرامك

الراسي

بشير اللويش

08-06-2010, 00:41

... ..

ما للغموض فبعض الاحيان داعي

ارفق علي شوي ... وخذني حياتك

حدد مسارك بالفجوج الوساعي

واترك عموم الناس تتبع سماتك

الراسي

بشير اللويش

08-06-2010, 01:24

...

..

الساعه اللي تجمع احباب باحباب

اقسم قسم بالله .. ما مثلها شي

يا الله انا طالبك يارب الارباب

يا الله عساها تصير ما دامني حي

الراسي

بشير اللويش

08-06-2010, 23:48

..

.

يمكن مع الايام تذكر كلامي

وتقول ما قلته صحيح ٍ وحاصل

ويمكن تكذبني وتنسى غرامي

وتقول ما قلته ... عسى مانتواصل

الراسي

بشير اللويش

10-06-2010, 03:15

،،،

،،

،

جيتك من ( الدمام ) جيتك أعاني

من زايد اللهفه ،،، ومن زايد الشوق

جيتك طموح وجيت كلـّي أماني

كن ( الرياض ) بناظري قمـّة الذوق

جيتك بعيد ... ومنـْزلك بالمحاني

وحدك .. ولا غيرك من الناس مخلوق

الراسي

بشير اللويش

13-06-2010, 23:09

...

..

وين انت ياللي مشغل البال وين انت ؟

ضاق المكان ولا لقيتك ... مكانك

الراسي

بشير اللويش

15-06-2010, 00:57

صدق من قال :

الصبر زين .. وفيه مقضاة ثنتين

تكسب جميل وتأخذ الحق وافي

الراسي

بشير اللويش

21-06-2010, 09:28

...

..

الصيف قرّب والمواعيد حانت

والله يعين اللي على الصيف صابر

اضحك على نفسي وانا آٌقول هانت

والقلب في وصله للاحباب عابر

الراسي

بشير اللويش

02-07-2010, 04:16

...

..

الملهمه وحده .. ولا غيرها غير

من وين ما سافرت وياي // وياي

..

..

بشير اللويش

05-07-2010, 23:51

..
.

خذني معك من وين ما رحت خذني

والا تعال ارجوك .. وارجوك لاتروح

الراسي

بشير اللويش

10-07-2010, 15:38

مهما كتبت في حايل

لن اوفيها حقها .... ويزداد ولعي بها كلما زرتها اكثر واكثر

..
.

حايل غلاها بالضلوع

محد ٍ تجرّا يزعزعه

الاصل ثابت والفروع

فوق النجم كالأشرعه

الراسي

بشير اللويش

11-07-2010, 03:09

،،
،

ولا زال الشعر يزخر / يفخر بحايل الجود

حايل .. غلاها تبلاني

لا والله .. الا تبليته

لعيونها قلت قيفاني

لا درهم الحرف وفيّته

الراسي

بشير اللويش

11-07-2010, 16:00

،،
،

( حايل )

حروف الشعر يا حايل تروق لاسمك الفتـّان

يادار العز والعزه ،،، هلا بك يا بعد حيّـي

الراسي

بشير اللويش

12-07-2010, 12:02

...

..

غمازتينك .. بحـّتك .. حبّة الخال

لا والله ،،، الا .. كل كلـّك فديتك

تركت كل الناس من الآل ..للآل

جيتك وله واحساس صادق وجيتك

كلـّي وفا واخلاص .. شاعر .. وهمـّال

شعره زلال ،، وفرحتي ... لا رويتك

الراسي

بشير اللويش

03-08-2010, 00:37

،،،
،،

ما للحبيب إلا حبيبه ليا ضاق

وآنا حبيبي ما درابي ليا ضقت

ليته يحس بخافقي كل ما راق

ويعرف مكانه بالحنايا مع الوقت

الراسي

بشير اللويش

15-08-2010, 05:38

هل رمضان واقبلة نسمة الخير

للي يبي من خير ربه قسايم

يسعد صباح الخير والا مساء الخير

للمسلم اللي يطلب الله صايم

الراسي

بشير اللويش

02-09-2010, 19:43

،،،
،،

هل تعلم

ان القلب ويـّاك مشغول ؟

واشغلت فكري

فيك من غير مدري

وبالرغم ..

من ذلك ترشـّحت مسئول

عن قلبي

وروحي

وعقلي

وفكري

يكفي كذا ...

والا أبا زيد وآقول

إنك ...

حياتي والسعاده بعمري

الراسي

بشير اللويش

04-09-2010, 09:25

..
.

أناديلك

( تعب قلبي يناديلك )

واردد لك

بعد حيي

اردد لك

مواويلك

..
.

ما تذكر الماضي الحاضر ؟

لا قلت لك يا بعد حيي

ارجوك لعيوني يا شاطر

يا شوق لا تروح وتعيّي

الراسي

بشير اللويش

15-09-2010, 13:37

العيد ... غير بالنسبه لدي .
..
.

العيد ،،، ماهو معايد الناس للناس
شوفة عيونك في عيوني هو العيد

يامالكه كل المشاعر والاحساس
ماجت لي الايام في حسب ماريد

هذا خفوقي .. كل ماهب نسناس
نبضه تزايد شوق ويزيد .. ويزيد

ماكنّه الا دف ،، طار ٍ ومرواس
والا كما تصفيقة الايد ... بالايد

ليتك قريبه .. والتهاني من الراس
لكن ظروفي قيـّدت حظـّي بقيد

العذر منـّي .. والعفو منك لاباس
وفيك الامل ماخاب قدر ٍ وتمجيد

ضلوعي حطب والبعد اصبح لها فاس
وآنا وشعري ،، بين زفره وتنهيد

أنثر والم الحرف .. لولو والماس
طوق ٍ على عنقك يلاعب هاكالجيد

يامالكه كل المشاعر والاحساس
عندي كلام ٍ واختصاره بتحديد

مبروك عيدك يابعد كل هــالناس
وعسى حياتك كلـّها عيد في عيد

الراسي

بشير اللويش

24-09-2010, 14:35

( فرحة وطن )

بمناسبة اليوم الوطني

ذكرى سعيده واسعد ايامنا اليوم
وافراح شعب المملكة مالها حد

من عهد ابوتركي رجاجيل وقروم
ولعهد ابومتعب به الجود والجد

يالله عساها تدوم وتدوم وتدوم
فرحة وطن في يوم مضمونه يعد

قصة كفاح الخير هتـّان وغيوم
هلـّت على ارض ٍ بها الاب والجد

كانوا بدو .. رحـّل معاناة وهموم
كانوا شتات وكانوا الضد والضد

صاروا جماعه كلها قلب وعزوم
دوله سعوديّه .. ويد ٍ على يد ٍ

صرنا حضارة فعل ماكان مرسوم
نفخر بها بالامس واليوم والغد

تحكي علاقه بين حاكم ومحكوم
فيها الولاء والصدق مقرون بالود

ذكرى جميله واجمل ايامنا اليوم
وافراحنا بالمملكه مالها حد

بشير اللويش / الراسي

بشير اللويش

27-10-2010, 21:36

،،
،

شاعرك لابدا بالشعر طرق واصول

ما يهاب المراكب في بحور الخليل

الوصايف أصايل والمعاني خيول

للعيون النواعس والجديل الطويل

الراسي

بشير اللويش

02-11-2010, 12:38

،،،
،،
،

البعد قاسي ... وانا مشتاق

والمووووت بُعدك يشتتني

بشير اللويش

22-11-2010, 10:10

،،
،

لها في كلا الاوقات

...
..
.

مبروووووك عيدك

يابعد كل هالناس .... وعسى حياتك كلّها عيد في عيد

الراسي

بشير اللويش

23-11-2010, 21:55

،،
،

القلب ودّه بالمواصل ولاكن

ما كل ماودّه تحقق وجاله

ارجوك لا تبطي لياصرت ساكن

بالقلب وحدك ياسمو الجلاله

الراسي

بشير اللويش

24-11-2010, 18:05

،،،
،،

شوق المشاعر جزرها يتعب المد

وآنا شتاتي بين جزره ومدّه

وشتنتظر بالله يا صاحب القد ؟

الصبر طال وكمـّل الصبر حدّه

أبي تجيني تترك اليوم هالصد

تكفى طلبتك .. طلبتي لا تردّه

الراسي

بشير اللويش

24-11-2010, 23:33

،،،

،،

قالت وداع

وحل موعد زواجي

بآخذ نصيبي واترك القلب وياك

حظـّي كذا والجو كلـّه عجاجي

لكن وعد ياصاحبي ما تناساك

يبقى غلاك ومنزلك برج عاجي

يمكن تجي القمرا على الكيف والقاك

الراسي

بشير اللويش

27-11-2010, 08:39

،،،

،،

الركن ماله لذّة ٍ في غيابك

ادخله واطلع ،،، والكآبه تنادي

تذكار شعري باقي ٍ .. في زهابك

وتذكار كلـّك ... كل شربي وزادي

الراسي

بشير اللويش

11-12-2010, 22:02

،،،
،،

،

كان البياض برحلتك ،، فاذكريني

ذكرى جميله بين تلعات الارقاب

قولي لهن يا بنت : ... ( لا ما نسيني )

لكنها الدنيا ... متاهات وانشاب

الراسي

بشير اللويش

11-12-2010, 22:53

...
..

لا تنتظر ان كان ودّك تسافر

لأني معك من وين مارحت خذني

الراسي

بشير اللويش

28-03-2012, 17:45

،،
،

بعد غياب اضطراري بسبب ظروف العمل والدراسه

عدت والعود احمد ،،، وان شاء الله سأكون متواجدا هنا

..
.

" سـِكـّة الغيّـاب "

حاضر على شان المعزّه ولا غبت

وان غبت غصب وكلّ قرم ٍ درابي

البعد قرّبني لذاتي وقرّبت

ديمومة ٍ هلـّت شعر في كتابي

هتـّانها اروى ظما يابس النبت

حتى نما فكري بزهرة شبابي

تشهد ملامح سيرتي وان تغرّبت

تبقى المراجل والقصايد زهابي

في سـِكـّة الغيّاب مهما تعذ ّبت

اصبر واكافح وآتناسى عذابي

ولو قالوا العذّال عني تغيّبت

يكفي حضور اللي سأل عن غيابي

اصدق معه بالوقت ما قد تلاعبت

وصيّة الوالد على اللي هقابي

( لا تخيّب العاني ولا تندم إن طبت )

والطيب يبقى في عزيز الجنابي

بشير اللويش

بشير اللويش

30-03-2012, 20:51

حايل ،،، غلا شمـّر (سامريه)

،،،
،،
،

حايل غلاها بالضلوع

محد ٍ قواه وزعزعه

في غيرها ماني بقنوع

نفسي بها متولـّعه

دار ٍ بها كل الربوع

شمـّر يا عز اللي معه

من يومها فقر ٍ وجوع

بالنايفه متربـّعه

الشمري ما هو بجزوع

من ضيق والا من سعه

الاصل ثابت والفروع

فوق النجم كالاشرعه

حاتم ترك فيها طبوع

مضرب مثل ما اروعه

الموقده تدعي الجموع

بين الجهات الاربعه

للضيف كيف ٍ مع قدوع

وصدور دوم مشرّعه

بـشـير اللـويـش

بشير اللويش

03-04-2012, 19:46

ذكرى الملهمة

،،،

،،

،

أخشى مع الايام تدله وتنسان

وانا الذي ما يوم رحت ونسيتك

حتى ولو حالت مسافات واوطان

( تركت كل الناس لا جلك وجيتك )

في دنيتي ما فيه غيرك ولا انسان

انت الوحيد اللي حياتي عطيتك

قلب ٍ سكنته ما به أيـّاة سكّان

قبلك ولا بعدك وهـالبيت بيتك

يحق لك لا صرت بالعرش سلطان

تامر وتنهى فيه كلـّي فديتك

عهد ٍ علي والله لو كان ما كان

ما أتركك والله يوم ٍ لقيتك

الهامي النابض باحاسيس وجدان

بوحي تفجر جم مهما رويتك

واقع مع الاشعار ورده فـــ بستان

صدري .. وفي اقواس صدري حميتك

مشاعرٍ ترجح على كل ميزان

يا قمـّة الدنيا وحيـّك وميتك

تكفى طلبتك لا يجي يوم تنسان

( يكفي تركت الناس لا جلك وجيتك )

بشير اللويش .. ابو سلطان

بشير اللويش

03-04-2012, 22:59

،،
،

سمّـي علي .. بعد البطا لا لفيتي

خايف اطيح من الفرح في قبالك

الراسي

بشير اللويش

04-04-2012, 17:41

صمت المطار
،،
،

الرحلة اللي طوّلت في وصولها

ابنتظر هتأّنها من هطولها

آحث وقتي وآترقّب عقاربه

شابت مداراته على اوّل خيولها

في صالة ٍ ما شدّة العين يمّها

ماهمّها عرض الاوادم وطولها

عيني على بوّابة ٍ ما تشرّعت

متى آتبشـّر تنفتح لي قفولها

ابي آتنفس شوفت اللي تحرّيته

بعد الملل والصبر كلمه بآقولها

ان سافرت وان جات تبقى حبيبتي

من ليلها الحالك لطقـّة حجولها

بشير اللويش ... الراسي

بشير اللويش

04-04-2012, 20:00

،،،
،،
،

نامي على كف الأماني والأحلام

وكانك صحيتي عيشي الحب فيني

فارس تحدّاه الليالي والايام

آقف لها لو عاندتني سنيني

في عون ربي والعزيمه ،، والالهام

بوح ٍ تفجّر بين قلبي وعيني

بشير اللويش