ركني الهادئ ،، بشير اللويش

[بشير اللويش]

""
"

مرّتني الذكرى وانا كنت سالي

وسكت لحظه عمرها ماله حساب


الراسي

[بشير اللويش]

،،،
،،
،


مرّتني الذكرى وانا كنت سالي
وسكت لحظة عمرها ماله حساب


ما عاد في بالي من الناس غالي
الا الذي شرّعت لعيونه الباب


لا من تهادى غيمة ٍ في خيالي
جرد المحاني تكتسي كلـّها اعشاب


وشلون لا منـّه طلبني وصالي
في ذمّتي لافديه باهلي والاجناب


الراسي

[بشير اللويش]

،،،



،،



،




بعض الجروح تعيش يوم ٍ وليله



وجرح الهوى نزفه على طول الايام




خلّ ٍ تعنـّى والخساره خليله



بعد الهقاوي والاماني والاحلام




تبشـّري بي يالهموم الجليله



تشتتي في دنيتي حرب واجرام




باصبر على جيش الليالي وخيله



ولا تهمني سود النوايا والاقزام




الشمّري لا ما يهاب الثقيله



يشيلها ويمشي على الموت قدّام




يكفي (بعد حيّي) علامه اصيله



للشمري تبقى على صدره وسام




بشير اللويش

[بشير اللويش]

،،،
،،
،


" العالم الثالث "





بشويش ياهل الكاش تكفون بشويش
ما فيه داعي للخطا والدفاشه




العالم الثالث منزّه عن الطيش
لو خطّط الهامور يلقط عراشه




عيشة غلابا والغلابا دراويش
في عين منهو ما تحرّا معاشه




رجّالنا يتعب على لقمة العيش
من طنخته كنـّه على الخلق باشه



حرّ ٍ على الجزلات لا ستـّل الريش
تلقى الحمر بالقاع بيّن طشاشه




على النقا لا ما يسوق البخاشيش
طلق اليمين وفي جبينه بشاشه




في واقعه مؤمن ولا يسأله ليش
يوم ان ولد اللاش فيه اندهاشه



ما يدري ان الوقت رحلة مطاريش
ولا بد ما يوم ٍ يقفـّط فراشه




بشير اللويش ... ابو سلطان

[بشير اللويش]

شمر وحايل
..
..
.



الدايره دارة على اهل القلوب الحاقده


اللي خذوه بلا فعل والفعل بيّن شاهده


عبر السنين اللي مضت تاريخنا يحكي شروق


شمس ٍ تجلـّت بالسماء وخطوطها متعامده


لو حاولوا في زيفهم ماغيّبوا ذاك السنا


متنفّس ٍ فيه الشفق والرب يرزق حامده


يا هيه جنـّب وابتعد واحفظ كلامي للاخير


حايل وشمّر من قديم وجهين عمله واحده



بشير اللويش

[بشير اللويش]

،،
،

تعنّيت الطريق اللي يودّيني على بابك

ولا همّن كلام اللي على باله يوجّعني

اسابق خطوتي يمّك بعد ما طوّل غيابك

على كف الغلا جيتك ونار الشوق تدفعني

بشير اللويش ... ابو سلطان

[بشير اللويش]

،،
،

يا ليتني في حايل وقت الامطار

حتّى اشوف الدلعنه في عيونك



<<<< مقهور في واقعه بين الدمام والرياض :(

[بشير اللويش]

...
..
.
ودي اشوف الجبل ممطور

واروق في سيل شعبانه

ملّيت من واقعٍ مكسور

لا سكّر الحظ بيبانه

بشير اللويش

[بشير اللويش]

،،،
،،
،

السلهمه والدلعنه لا تصافن

عز الله ان القلب أكبر ضحيّه

مهما عيوني بالمخاليق شافن

عن كل خلق الله عيوني معيّه

ابو سلطان

[بشير اللويش]

،،
،


شموخ الشمري


....


..


.



تبطي عظم يا ناقص العرف والفود



الشمري شامخ من اول وتالي





تبطي عظم لا ولّع الملح بارود



الشمري يصفي له المر حالي





من خلقته زايد ومن زود في زود



مهما عليت ،، الشمري فوق عالي





في نظرته ماله مسافات وحدود



لا هجرس الهاجوس صدره شمالي





ان قال يفعل وان فعل عنده شهود



شم الجبال الراسيات الثقالي





ما يهمّه اللي بدّل البيض بالسود



شرواك تاريخه من العز خالي





لا لا تحكحك بالزمل وانت مفرود



خذها نصيحه وافهمن يا حلالي





بشير اللويش

[بشير اللويش]

،،
،


روح


اذا ودّك تروح


ما راح آترجى واقول :


تكفى ،، تكفى ،، تكفى


خذني معك والا اجلس معي بوح


نزفه


ألم


آهات


وجروح




ابو سلطان

[بشير اللويش]

،،
،

ضاعت ملامح صورتك بين الاوراق

وآنا وحرف الشعر يلعب بي الشوق

ابو سلطان

[بشير اللويش]

،،
،



عدّة ثلاث شهور ما شفت حايل



في ديرة ٍ يتعب بها اللي سكنها



مشتاق والمشتاق ماله وسايل



الا المعاني لا تهيّظ لحنها



حظي بلاني وادري الشك زايل



يكفي الليالي ما تشكّيت منها


بشير اللويش

[بشير اللويش]

طنخة الشمري

..
.


رداً على من انتقدني بسبب فزعتي لأحد أبناء قبيلتي شمر



الغالية لوقوعه بموقف حرج؛ وكأنه لا يعلم بأن الطنخه شي



طبيعي بالدم الشمري (من غير قاصر بعيال الحمايل والقبايل الاخرى)





...
..
.


صبري تنهـّد بالالم وضلوع صدري كالحطب





اخشى عليها تنكسر وآضيق من حطـّابته





مجهم عبوس وساعته قامت تقطـّع بي غضب





شابت عقاربها معي والقلب فيها كابته





للطنخه اللي تنتخي للشمري لادنى سبب





ضاع السؤال بواقع ٍ يفرض علي اجابته





ماهي بلحية عدّها يبغى لها فتلة شنب





انا لها وقت الجلل يوم المقادم هابته





اضرب على الموت الحمر ما همّني منهو ضرب





اكسن على درب الخطر وعزوم حيلي ثابته





ماهو بهروب ولا عذر والقرم مثلي مايهرب





دام الطنايا لابتي ،، يا عز منهم لابته





يوم ان بعض الناس في وضعه معَ من غلب





حنـّا لفنجال العنا سوقوه يا صبّابته





تشهد مواقف ناصعه فيها خذينا اعلى الرتب





وكل القبايل حقّها محفوظ ياكتّابته





لعبة كراسي وقتها يمشي شوي وينقلب





غصب ٍ على من دارها وغصب ٍ على عصابته





في فوضوية عالم ٍ مستاء من وقت ٍ كذب





ضاعت معاريف الفضا وضاقت بهم رحابته





لو لعثم المنفا كلام الحق فكـّاك النشب





الحر حرّ ٍ لا شلع ،، والا بقى فمركابته





لا بد ما يهب الشمال وينجلي كل التعب





يروق قلب ٍ في ضلوع الصدر مبطي كابته





بشير اللويش .. ابو سلطان

[بشير اللويش]

الكرت الاحمر على شانك

للماضي اللي تناسيته

الشمري قالها وصانك

لا ساق بك حيّه وميته

بشير اللويش

[بشير اللويش]

...
..



وش عاد لو قالت وكالة يقولون

تبقى علم ياشيخ بالعلم قناص

عاثوا فساد وغيّروا كل قانون

لاجل المصالح نفّدوا مالنا الخاص


بشير اللويش

[بشير اللويش]

..
.

ودّي افضفض لك عن اللي بصدري

وخايف يروح الوقت ماقلت لك شي

صمتك رهيب وباقي الصمت عذري

دامك بعيد وتو ماهبهب الفي

بشير اللويش

[بشير اللويش]

،،،
،،
،

عودك ليان وعيبك الراس قاسي

وآنا الضحيّه بين هذا وهذا

قدرك بقلبي وان شمخ فوق راسي

وفكري معك ماقلت ليه ولماذا ؟

بشير اللويش

[بشير اللويش]

..
.

6202




البيعه اللي كلّها خير في خير



تنقل رساله للوطن والمواطن



مضمونها لو طال درب ومشاوير



بصدورنا يبقى الولاء شي قاطن


بشير اللويش

[بشير اللويش]

ذكؤى البيعه

مقال : لحظات

في جريدة اليوم

http://www.alyaum.com/News/art/50156.html

[بشير اللويش]

،،
،

وحشة مكانك مؤلمه

وانت ِ ولا عندك خبر

ما يكفي انك ملهمه

للشعر يا اغلا بشر

بشير اللويش