راية العز خفاقه ... سعودي .... سعودي (( الزيادة 5% )

[سلمان النبهان]

لقد تفضل خادم الحرمين الشريفين رعاه الله
ووفقه لما يحبه ويرضاه ...
بزيادة 5% بدل غلاء معيشة
وهذا كرم وسخاء منه رعاه الله ولفته حانيه معتاده
ولكن اغلب الاخوة الافاضل زمجر وارعد وازبد وتهكم وضحك
على تلك الزيادة ومقدارها رغم انها سنوية اي تبلغ 15%
بمعنى 5% سنويا لمدة ثلاث سنوات وسوف تستمر للابد باذن الله .
لذلك نامل من الجميع الدعاء لولي الامر بالتوفيق والسداد ...
والرضا كل الرضا بما نعيشه بوطن الامن والامان بلد التوحيد والاسلام ...

[عبدالرحمن]

اهلا فيك اخي العزيز ابو سند

ان شاء الله تكون هذه الزيادة سلسلة من زيادات ومكارم ملكية كثيرة

حقيقة اخي سلمان ان الملك عبدالله عمل الكثير وسوف يعمل الاكثر باذن الله تعالى

فالملك انسان متواضع وعايش مشاكل وهموم المواطنين ولكن انت تعرف ان كسر

- البيرقراطية- المعشعشة في الكثير من زوايا الوطن من الصعب القضاء عليها في يوم وليلة!

لذلك انا متفاءل جدا بالعهد الميمون.

لك شكري وفائق تقديري.


نامل من الجميع الدعاء لولي الامر بالتوفيق والسداد .

اللهم وفقه لماتحبه وترضاه وارزقه البطانة الصالحة التي تعينه على حمل الامانة.

[سلمان النبهان]

اشكر لك الحضور والدعاء اخي العزيز عبدالرحمن ماقصرت
ونتمنى الخير لك ولجميع اخواننا بكويت الشرف والعزة خاصة
ولجميع اخواننا المسلمين في جميع اقطار الارض عامة ...

[منصور الغايب]

مبارك عليكم اخوي سلمان النبهان ...

وشكرالله لك ..

[ريال الفسحه]

ابو سند


ممكن اعارضك :315r:

\

الان الدول كله دخله لايقارن بدخل المملكه وزيادتنا تكون
اقل منهم كلّهم ...!

من باب اخر ليش ماخلو الـ 15 % مره واحده والا الدعوى
ينقطون بافم الواحد كل سنه نقطه ؟ :puzzled:

نسمع بدعم الحليب والشعير و و و ... الا الان لم نرى العود :)

\

اعتقد ان الزياده وتسميتها ببدل غلاء اسعار تعتبر ضوء
اخضر من الدوله للتجار برفع الاسعار بدلا من مراقبت
السلع ...!

\

اخيرا

يقولون ان الصفر مفقود ويدورون عليه
ماعينتوه :solh::solh:

بوه واحدن من جيراننا يبشركم يقول عجوزي شونه يجي حول
700 ريال شهريا ويبشركم زادت سبعين ريال بدل غلا اسعار ؟ :315r:




ابو سند

سؤال اخير

كم جاك زياده ؟ :)

[عبدالعزيز]

مار ماشكره يابو سند ولو هي 50% مالاحد فضل لانه ماتلحق الغلا اللي صار والشكوى لله ...

اخوكم عبدالعزيز من بنقلاديش الخليج :)

[عبدالعزيز]

ابو فسحة ابشرك بعد ان عجوز لواحد من الشبة شؤونه 750 ريال وزيادته 75 ريال !

\:)

[ريال الفسحه]

8


العزّي

سمعت بالعجوز الي تهدد تقول ان مانزلوا السعر ودبّلو الشون
تبي تتاجر بالحشيش :315r:


اجل 70 ريال ..يعني عشر جراكل لبن :solh::solh:

[عبدالعزيز]

ههههههههههه لالالا اللبن ولو انه رخيص صار يتهم اللي يشتريه بالتبذير عندنا لانه ماهو اساسي ! انت ماتشوف الوزير يقول عليكم بالبدائل؟!

واما الحشيش صدقن ماتوكله عيش التجاره به لان المنافسين كثار والشعب كله عاوز ينسى :)


عبدالرحمن ...

بيروقراطية مابيرو قراطية وتفائل ! طلابه هي ؟ :)
كل هالسوالف تروح بجرة قلم وقطر اكبر دليل :thumb:

[ريال الفسحه]

تفاول وليس تفائل :)

عزوز تصدق عقب الزياده طلع واحد بالرادو ونا بالسياره
يشكر ويثني ويمدح تقل عاطينه ميتين بالميه :)


العزي بالله شف هالنكت :solh:


http://meem2008.jeeran.com/bcf8aaa4b6.jpg


هههههههههههههههههههههههههههههههه



خبر عاجل


عجوز ترفض الزياده الـ 5 % وتقول انها ترفض الزياده وهددت ان الزياده
اذا جته مع الشون سوف تقوم بالتبرع بشؤنه للميزانيه :315r:

[عبدالعزيز]

لالالالا هالعجوز ماعنده وطنية لانه مااعجبته الزيادة وتلايصت ! تحره من ضمن قائمة الارهاب هههههههههه

[عبدالله المهيني]

رأي الشعب ظهر في برنامج مع الحدث

وكانت عواقب ذلكـ الرأي

إلغاء جميع برامج قناة الإخبارية
التي تبث على الهواء مباشرة
وتحويلها إلى برامج مسجلة
وإيقاف المذيع جمال المعيقل


والنية الآن تتجه إلى عزل مدير القناة محمد التونسي
وتكليف الأستاذ مجري القحطاني مدير الأخبار بالقناة الأولى
نيابة عنه


كل ذلكـ حدث
بعد أحداث حلقة الزيادة في برنامج مع الحدث


أعتقد أن الشعب نقل وجهة نظره عن الزيادة





الله يكتب اللي فيه خير لنا جميعاً

[سلمان النبهان]

تسلم اخي منصور الله يبارك في حياتك يالغالي
وشعور طيب تشكر عليه وندعو لكم بالمثل ...

[سلمان النبهان]

اهلا بريال الفسحة ردك طيب وانت مسئول عنه :za3lan:
وكنت ابي اعطيك انذار بس يوم شفت الا الموضوع متعدي صلاحياتي بكثير shlwee7
وجاء الاخ عبدالعزيز وقام يطبل لك وانت تجي من اقصاك :mabrook::mabrook:
ياخي هذه بلادنا ومافيها منا ولنا وملك القلوب ابو متعب ماقصر امد الله بعمره
واهل العوجا خير وبركه وصلاح لن تجد مثله بالعالم اجمع ابدا :7ayyoh:
ومن الخطا والجهل مقارنة المملكة بدول صغيرة عددا ومساحة ومكانة
فالمملكة العربية السعودية حماها الله هي الاولى بكل شي منذ القدم
فلا تظلم قراراتها الحكيمة بمراعاة مصالحك الشخصية وامورك المادية يالغالي ..
اقول شفت جيب ربع مشوين يستدير فيه ثلاثة اشخاص متلطمين عند باب الفلة
ونشدتهم وش عندكم قالوا نبغى مشرف الفلة ريال الفسحة !!!!
قلت لهم عن طيب خاطر شفته بالمضيف العام ...

[سلمان النبهان]

اخي وعزيزي الغالي عبدالعزيز يرعاك الله ...
يكفيك فخرا بانك سمى الامام موحد الجزيزة (طيب الله ثراه):thumb:
لذلك ارفع راسك فانت سعودي :mabrook:
واترك عنك سوالف العجز والخرابيط shlwee7
ترى اسمك عبدالعزيز يامل الخير .. :3ajebni:

[سلمان النبهان]

اهلا باخي عبدالله حياك الله :7ayyoh::7ayyoh::7ayyoh:
والبرامج هذه ومقدميها اغلبهم لايفهم الغاية من برنامجه
لذلك وجب فصله والغاء برنامجه هذا اذا ماكان جلده وسجنه .. ..
الا تعلم ماهو حكم الارجاف واثارة الفتنة بين المسلمين
ومحاولة اخراجهم على ولى الامر حماه الله يالغالي ..

[عبدالله الجعيثن]

^
^
اول مرّه ادري انك " جـــامي "


البارح كان برنامج مشابه بقناة الصحراء وكان كلام 90% من الشعب


...." ماكان العشم يابو متعب ".....


فعلا يجب اعادة النظر بالزياده

[سلمان النبهان]

اهلا ابن جعيثن يالله حيوه جامي من يقول الحق !!!!shlwee7
وهلامي وغير منطقي من يخالفه يالغالي ...:za3lan:
عموما سعيد بحضور لواء المعارضة بمعلميه ياهلا :7ayyoh:

[ريم الصمان]

يقولون الامارتيين

ايش وجه الشبه بين البيره وزيادة الرواتب السعوديه؟؟

كلها 5% زياده


زين جدتي ماعندها راتب ولا كان تتزعم تنظيم وتقوم مظاهره

لكم كل التحيه

[سلمان النبهان]

اهلا باختي ريم الصمان
وهذا كلام ليس لاهل الامارات بل لسكارى عرابده
ولايجوز التهكم والتشبيه بهذه الطريقة ...
عموما اشكر لك الحضور اختي ريم ...

[عبدالله المهيني]

ابو سند



كل من دخل هنا يعارض نسبة الزيادة
لكن الزيادة كلنا نطالب بها
خصوصاً بالوضع الراهن للغلاء الفاحش اللي حاصل


المهم


ابو راتب 1500 ريال زاد 75 ريال فقط
وابو راتب 20000 زاد 2000 ريال

شايف الفرق


بس يمكن لك العذر إن كنت من أصحاب الرواتب العاليه





أما بقية الشعب فهم من أصحاب الدخل الضعيف
ياخي يمكن أكثر من 80 % من المواطنين
تتراوح رواتبهم بين الـ 1500 ريال إلى الـ 8000 ريال


يعني عواقب الزيادة من إرتفاع
سوف يكون أشد فتك من زيادة الـ 5 %






سلام ياباشا :315r:

[المشرف العام]

:mabrook:

/

ياليت لو ابو سند .. عرّج بحديثه عن بقيه التحسينات ، فهناك تخفيضات على نواحي أخرى بالمواني .. الخ <<< :d:


/

اعتقد ان الهدف منها هو تخفيض الاسعار او على الاقل الحد من ارتفاعها بالاضافه إلى زيادة دخل الفرد [ بما هو مناسب ] !!

/

اعتقد .. لو تم زيادة 50 % من دون وضع ضوابط على الامور الاخرى ، تجد ان التجار رفعوا الاسعار بمقدار الزيادة


/

أعتقد .. shlwee7

خلصنا اعتقادات



:7ayyoh:

[سلمان النبهان]

اهلا باخوي الغالي عبدالله المهيني ياهلا
والله يسمع منك واصير من اصحاب الرواتب العالية
ولكن الامر ليس على المستوى الشخصي ابداااا
الموضوع ينظر له بشكل عام ومن عدة نواحي
فانت وجميع الاخوة الافاضل تعلمون ان الامر القيادي صعب
واي قرار يصدره هذا القيادي لابد ان يدرس من جميع النواحي
حتى لاتغرق السفينة فالزيادة كل الناس وانا اولهم اتمنى تكون 150%
وليس 5% ولكن هناك جوانب وامور يجب الوقوف عليها ...shlwee7shlwee7
والملك رعاه الله وامد في عمره لديه مجلس وشعبة خبراء ومستشارين
هم من يقوم بوضع الامر وبحثه وعرضه ومن ثم صدوره ..
لذلك نتمنى من الله عز وجل التوفيق لهم والسداد ...
سعيد جدا بمرورك يالغالي للمره الثانية هنا يابو عابد ياغالي ..

[سلمان النبهان]

اهلا ابو سلطان ( مشرفنا العام ) ياهلا
وحضورك حضور المطر يالغالي
والجماعة بدون عرجه يالله السلامة ..
والموضوع كله مباركه لتلك الزيادة الكريمة
ونمى لعلمي بمناسبة حضورك انها 15% ودائمه من محرم القادم باذن الله ...

[عبدالعزيز]

جانا الثاني ...

ابو سلطان انت تدري وش يعني دعم المواني او اللي تشتمل عليه رسوم المواني ؟ ترهم ماقالوا الجمارك يابعد حيي:thumb:

للعلم .. ارسال كونتينر بطول 40 قدم ( على هذا الاساس يتم الاحتساب ) من مصر للسعودية يكلف 2300 ريال ومن امريكا للسعودية 4000 ريال (وتكلفة نقل السيارات تعطيك ايحاءات ) لتكلفة على اجور الناقل ورسوم المينا من الانزال للارضية واجار الارضية والتحميل ! يعني قل الثلث يروح للدولة والباقي للناقل ... وخلنا نحسب تأثير هالتخفيض على اجور المواني .. كونتينر بطول 40 قدم يعني 12 متر تقريبا وعرضه 2.50 م وارتفاعه 2.50 مساحته الكلية .. 12×2.5×2.50 = 75 متر مربع وخلنا نعبيه مواد غذائية باحتساب 1200 ريال للمتر الواحد ( من جدوى جملة المواد الغذائية ) الناتج / 90000 تسعين الف ريال لمواد غذائية (مثلا) مستوردة من امريكا واذا افترضنا ان اجمالي اجور النقل الى السعودية 4000 ريال لهالحمولة وطلعنا الثلث 1334 (نصيب المينا ) تتحمل الدولة 666 ريال كدعم لبضاعة قيمتها 90000 !! وبعد اضافة 15% كهامش ربح للمستورد تصير التكلفة 103500 + 4000 رسوم النقل = 107500 - 666 (دعم راية العز:) = 106834 ( وهذا من غير احتساب 6% جمرك )

الزبدة انك لاتقضيت لبيتك من المعيشة مامجموعه مية وسبعة الاف وخمسمية قبل هالدعم يبي يصير عليك بمية وستالاف وثمان مية واربع وثلاثين عقبه ! يعني حتى ماتكمل راتب الشغالة وشف متى تبي تاصل مشترياتك هالمبلغ ويعني بعد ان دعم الرز بريال للكيلو من خسة ريالات واربعة ريالات لكيلو الحليب من عشرين ريال هكا اللي مادرينا به ولا قرقشت اكثر من هالسالفة وأربح :148r:
ووش معه بعد ؟ دعم رسوم الاقامة للعمالة المنزلية .. يعني خمسين ريال بالشهر طاحت عنك !

والاستمارة بنص القيمة .. يعني اللي يطق ددسن غمارتين بسبعين الف ( وتره بعيدة عن خشم 60% من الشعب ) تبي تقرقش عليه ثلاث مية وخمس وسبعين ؟ :)

والرخصة .. لخمستريل بالشهر !

والابقاء على دعم السلع بريال للرز واربعة لكيلو الحليب ( وتقل ان اسعارهن ثابتة ) ولا مصانع سيرلاك وبروميل .. الخ آخذينه بالسيف وخاضعين لنا بالتسعير ؟!

على فكرة .. كان من باب اولى انه الدعم يكون بالنسبة ماهو بالريال للسلع ولكن على قدر اهل العزم تأتي العزائم وهذا عزم الربيعة وطقته !

والزبدة انه هي هي هي هي واردى بعد <-- طلعوه بالحايلي عاد:)

من بنقلاديش الخليج كتبه / عبدالعزيز:148r: