الشبث
25-01-2008, 07:54
الغالين
وشلونكم جميع
الله لا يهينكم ابي اللي عمروه اقل من 18 سنه يضف وجهوه
لان هالسالفه ماتصلح لهم
وبعد اخاف يمسكونه علي ويفضحوني
نجي للسالفه
سنتن من السنين يوم انا ولدن شباب
وابيكم تتخيلون شكلي
ولد متوسط الطول نحيف ذو شوشه معقدة التركيب
وبي من الحركه والشطانه ما الله به عليم
وبيومن من الايام صار بي بلا الله يتسفينا شر البلاوي
طلعت نفره او ورم فوقن من العصعص بصانتي واحد
وهالورم طلع روحي
الله يجيركم تسف عجزت لا اجلس
بس منبطح الله يعافي المسلمين
والله وانا اروح للمستشفى
ويوم شافه الطبيب قال الله ايه دا يبني
قلت ياخي وشفيه
قال ايه اللي انا بشوفو
قلت والله يالدكتور ترن ماشفت شين
عجزت لا اشوفه كل يومن ابرم على روحي ابشوفه بس عجزت
قال يالله عمليه الحين
قلت هالحين الحين
قال اااااه امال ايه
قلت يالحبيب خلنا نتفاهم
قال مستحيل انا خايف تزود ويكبر الورم
قلت عمليه عمليه الشكوى للعزيز الحكيم
والله وهم يدخلوني بغرفه ومابه الا انا والدكتور وممرضه بنقلاديشيه
تقل وجه عنز مرشوشتن بماء
قال تعال انحني على السرير ده
يعني حاطن صدري عى السرير وكراعيني بالقاع واقف
قال نزل ملابسك
والله وانا انزل الملابس
وهو يحتسي مع الممرضه المريضه
والظاهر انوه قال له جيبيلي شينن من برا الغرفه
وهي تفتح الباب وتخليه مفتوح
قلت يالدكتور هذي تبي تفضحن ملعونت الرقبه
قال ايه فيه ايه
قلت وشو فيه ايه
ماتشوفت هاللون وهذي فتحت الباب وخلتوه مفتوح
قال وفيها ايه
قلت فيها ان عيال الحاره يبون يمرون من هنا ويشوفوني كذا
وتعال بعدين دور احد يسكتهم
المهم وحنا نسولف انا وياوه جت المريضه وسكرت الباب
قال يالله علشان نخلص بسرعه
قلت بالله يالطبيب قبل نبدا لا اوصيك على البنج تكفى كثروه
الله يرحم والديك ابي المقعده تموت من كثر البنج
قال ابشر
والله وهو يجيب سكاكينوه ومقصاتوه
وهو يسردن بالسكين
قلت افا يالدكتور وين البنج اللي اتفقنا عليه
قال ماتخفش ثواني وحنخلص
وهذيتس ( الممرضه المريضه ) ماسكتن يديني
وانا اصيح ياااااادكتوووور خلاااااااااص الله يااااااخذك
وهو شغال يقطع وينتف من هاللحم
واذا راعيت للممرضه تهاوشت معه
والله يجيركم كلي ارفس واتحرك بس منطقة الوسط ( مكان العمليه )
ثاااااابت ولا فيه امل احركوه
اخاف احركوه ويخطي ملعون الرقبه ويسردن بسكينوه
وياخذلوه حول خمس دقايق ونا كل هالمده كاربن روحي ولي صياح
تسيف كل من طرا على بالي شتمتوه
وسبيت الدكتور والممرضه والمراجعين والاستقبال ومدير المستشفى
حتى عمال النظافه جبتهم بالطاري
وعقب ماخلص وتركوني
الله يجيركم احس كل جسمي مشدود
ولا اقدر احركوه لا يمين ولا يسار
تصدقون حتى عضلة اذني مشدوده
الوكاد طلع هو وممرضتوه وخلوا الباب مفتوح وانا على وضعي ( بس خلاص ماتفرق معي )
المهم رجعوا لي عقب مده وليمار انا على وضعي
قال الدكتور يالطيب اطلع برا الغرفه فيه مريض يبي يدخل
قلت ضف وجهك ماني طالع
قال طيب انبطح على السرير
قلت كل تبن ماتشوف كراعيني يابسات تقل خشب
تعال انت وممرضتك وشيلوني وحطوني على السرير
والله وهم يجون وكل واحد منهم يمسك رجل وهم يرفعوني ويحطوني على السرير
وهميدفون السرير يبون يطلعونوه برا
قلت وقف ياثور
قال خير يابني فيه ايه
قلت والله الظاهر ما تتاح الا اذا فضحتن انت فيه احد موصيك علي
قال لا خير يبني انا عملت ايه
قلت ماتشوفن هاللون بدون ملابس وانت تبي تطلعن برا
يالله جيب لك شرشف وغطن بوه
والله يوم غطوني بالشرشف وهم يطلعوني ويخلوني بالسيب
والله وانا اتصل على اخوي قلت بسرعه تعال ابيك توديني للبيت
ويوم جاء قاليالله تبينا نمشي
قلت يالله
وهو يشيل الشرشف ( مستعجل ابن الحلال )
وانا اصيح
هو يوم شافن بدون ملابس وهو يصيح معي
قلت رجع الشرشف لا تفضحنا
ويالله نتماكن ارواحنا والحمد لله محد شافني الا عامل نظافه
بس هددته بالقتل اذا فتح افموه بكلمه
والله ويالله لقينا غرفه فاضيه ودخلت ولبست ملابسي ورحنا للبيت
وخذيت عقبه حول شهر بس منبطح
ويالله لا تبلا اخواننا المسلمين واستر عليهم
تمعن القصه ووضع الشعب
والله من وراء القصد
وتقلدوا تحيتي
وشلونكم جميع
الله لا يهينكم ابي اللي عمروه اقل من 18 سنه يضف وجهوه
لان هالسالفه ماتصلح لهم
وبعد اخاف يمسكونه علي ويفضحوني
نجي للسالفه
سنتن من السنين يوم انا ولدن شباب
وابيكم تتخيلون شكلي
ولد متوسط الطول نحيف ذو شوشه معقدة التركيب
وبي من الحركه والشطانه ما الله به عليم
وبيومن من الايام صار بي بلا الله يتسفينا شر البلاوي
طلعت نفره او ورم فوقن من العصعص بصانتي واحد
وهالورم طلع روحي
الله يجيركم تسف عجزت لا اجلس
بس منبطح الله يعافي المسلمين
والله وانا اروح للمستشفى
ويوم شافه الطبيب قال الله ايه دا يبني
قلت ياخي وشفيه
قال ايه اللي انا بشوفو
قلت والله يالدكتور ترن ماشفت شين
عجزت لا اشوفه كل يومن ابرم على روحي ابشوفه بس عجزت
قال يالله عمليه الحين
قلت هالحين الحين
قال اااااه امال ايه
قلت يالحبيب خلنا نتفاهم
قال مستحيل انا خايف تزود ويكبر الورم
قلت عمليه عمليه الشكوى للعزيز الحكيم
والله وهم يدخلوني بغرفه ومابه الا انا والدكتور وممرضه بنقلاديشيه
تقل وجه عنز مرشوشتن بماء
قال تعال انحني على السرير ده
يعني حاطن صدري عى السرير وكراعيني بالقاع واقف
قال نزل ملابسك
والله وانا انزل الملابس
وهو يحتسي مع الممرضه المريضه
والظاهر انوه قال له جيبيلي شينن من برا الغرفه
وهي تفتح الباب وتخليه مفتوح
قلت يالدكتور هذي تبي تفضحن ملعونت الرقبه
قال ايه فيه ايه
قلت وشو فيه ايه
ماتشوفت هاللون وهذي فتحت الباب وخلتوه مفتوح
قال وفيها ايه
قلت فيها ان عيال الحاره يبون يمرون من هنا ويشوفوني كذا
وتعال بعدين دور احد يسكتهم
المهم وحنا نسولف انا وياوه جت المريضه وسكرت الباب
قال يالله علشان نخلص بسرعه
قلت بالله يالطبيب قبل نبدا لا اوصيك على البنج تكفى كثروه
الله يرحم والديك ابي المقعده تموت من كثر البنج
قال ابشر
والله وهو يجيب سكاكينوه ومقصاتوه
وهو يسردن بالسكين
قلت افا يالدكتور وين البنج اللي اتفقنا عليه
قال ماتخفش ثواني وحنخلص
وهذيتس ( الممرضه المريضه ) ماسكتن يديني
وانا اصيح ياااااادكتوووور خلاااااااااص الله يااااااخذك
وهو شغال يقطع وينتف من هاللحم
واذا راعيت للممرضه تهاوشت معه
والله يجيركم كلي ارفس واتحرك بس منطقة الوسط ( مكان العمليه )
ثاااااابت ولا فيه امل احركوه
اخاف احركوه ويخطي ملعون الرقبه ويسردن بسكينوه
وياخذلوه حول خمس دقايق ونا كل هالمده كاربن روحي ولي صياح
تسيف كل من طرا على بالي شتمتوه
وسبيت الدكتور والممرضه والمراجعين والاستقبال ومدير المستشفى
حتى عمال النظافه جبتهم بالطاري
وعقب ماخلص وتركوني
الله يجيركم احس كل جسمي مشدود
ولا اقدر احركوه لا يمين ولا يسار
تصدقون حتى عضلة اذني مشدوده
الوكاد طلع هو وممرضتوه وخلوا الباب مفتوح وانا على وضعي ( بس خلاص ماتفرق معي )
المهم رجعوا لي عقب مده وليمار انا على وضعي
قال الدكتور يالطيب اطلع برا الغرفه فيه مريض يبي يدخل
قلت ضف وجهك ماني طالع
قال طيب انبطح على السرير
قلت كل تبن ماتشوف كراعيني يابسات تقل خشب
تعال انت وممرضتك وشيلوني وحطوني على السرير
والله وهم يجون وكل واحد منهم يمسك رجل وهم يرفعوني ويحطوني على السرير
وهميدفون السرير يبون يطلعونوه برا
قلت وقف ياثور
قال خير يابني فيه ايه
قلت والله الظاهر ما تتاح الا اذا فضحتن انت فيه احد موصيك علي
قال لا خير يبني انا عملت ايه
قلت ماتشوفن هاللون بدون ملابس وانت تبي تطلعن برا
يالله جيب لك شرشف وغطن بوه
والله يوم غطوني بالشرشف وهم يطلعوني ويخلوني بالسيب
والله وانا اتصل على اخوي قلت بسرعه تعال ابيك توديني للبيت
ويوم جاء قاليالله تبينا نمشي
قلت يالله
وهو يشيل الشرشف ( مستعجل ابن الحلال )
وانا اصيح
هو يوم شافن بدون ملابس وهو يصيح معي
قلت رجع الشرشف لا تفضحنا
ويالله نتماكن ارواحنا والحمد لله محد شافني الا عامل نظافه
بس هددته بالقتل اذا فتح افموه بكلمه
والله ويالله لقينا غرفه فاضيه ودخلت ولبست ملابسي ورحنا للبيت
وخذيت عقبه حول شهر بس منبطح
ويالله لا تبلا اخواننا المسلمين واستر عليهم
تمعن القصه ووضع الشعب
والله من وراء القصد
وتقلدوا تحيتي