الى الجميع

[الحيمري]

الى الجميع


من يعرف هذه القصيده اللي منهاء هذا البيتين



الله نشد ياحمود عن معرفه يوم وحناء ثمان سنين ياحمود جيران

ياحمود يظهرلك صديق (ن) من القوم ويظهر من الربع الموالين عدوان




الله

[عبدالرحمن]

على ما اعتقد انها للشاعر سجوان الرويس.

لك التحية اخي الحيمري.

[مشــــعل]

القصيده لمفضي بن ولمان الحربي


لا وهني ياحمود من بدل الدوم =نبي عربنا يم اطاريف رمان
ياحمود والله ما علينا بها لوم =ما استانس الا وسط نزل العليان
ياحمود كني عندهم باشة الروم =ومزودن وزني علي كل ميزان
الله نشد ياحمود عن معرفة يوم=وحنا ثمان وعشر ياحمود جيران
ياحمود تلقالك رفيقن من القوم=وتلقي من الربع الموالين عدوان

[فواز الغسلان]

الى الجميع


من يعرف هذه القصيده اللي منهاء هذا البيتين



الله نشد ياحمود عن معرفه يوم وحناء ثمان سنين ياحمود جيران

ياحمود يظهرلك صديق (ن) من القوم ويظهر من الربع الموالين عدوان




الله





حياك الله اخوي الحيمري 00


والابيات مثلما قال اخوي مشعل للشاعر مفضي بن ولمان الاحمدي الحربي بعد جواره للعليان من

الدغيرات ثمان سنوات وبعدما رحل الى ناحية الحناكيه والتي يكثر فيها نخل الدوم فاشتاق للعليان

اللي جاورهم فقالها ومطلعها قريب من رواية الاخ مشعل وهي:


ياحمود دنوا زملنا نفارق الدوم=نبي لاهلنا يم اطاريف رمان


ورجع لهم فأعطوه حير نخل لايزال الى الان موجود باسمه يقال له حير الاحمدي000

وهناك قصيده على نفس القافيه لنمر بن عدوان وهناك من يضع البيت معها وهو غير صحيح00


اما الرويس على كلام اخوي عبدالرحمن فقد اشتهر له :



ياحمود ريضان الجماعه مريفه=واللي مع الاجناب عده على نار
ويمنى بلا يسرى تراها ضعيفه=ورجل بلا ربعن على الغبن صبار
الطير بالجنحان محلى رفيفه=واليا انكسر حدى الجناحين ماطار


وراح ذهن الاخ عبدالرحمن الى هذه لان بدايتها ياحمود 000 تحياتي

[عبدالرحمن]

وراح ذهن الاخ عبدالرحمن الى هذه لان بدايتها ياحمود 000

كأنك حاضر في وسط ذهني او انت ذهني:3ajeeb:

اخي العزيز ابو فهد.

انا كثير القراءة وجيد الحفظ قبل عالم النت!

وذكر اني قرأت ان هذه القصيدة للرويس

ولكن بعد حضور مالك لا املك إلا قول مالك!.

اكرر احترامي والدعاء لك بطول العمر مع العمل الصالح.

[الحيمري]

الاخ عبدالرحمن

والاخ مشعل

والراوي الاخ فواز


شكرا جزيل الشكر على مروركم وتجاوبكم



مع تحيات الحيمري