لا تتصل ماني على الصوت شفقااااان

[قوقل]

لاتتصل / ماني على . الصوت شفقان
وفـر، كلافـة عنوتـك. واتصـالـك

اللي زعل يبقى على طول / زعـلان
ومشكور ماقصرت يكفـي سؤالـك؟؟

ما أمشي ورى المقفي ولو كـان ماكـان
أعز نفسي صـوب رغبـة وصالـك

صحيح أحبـك مولعـاً فيـك هيمـان
وصوتـك يسافربـي لاعالـم خيالـك

لكن حبـي لـك ألـه اربـع أركـان
مـن دونهـا عنـدي قصيـره حبالـك

عزي ؟ وفهمك ؟ كلمتي ؟ وزود تحنان
وايضا الوفا ؟ واأبشر بقلبـي وفالـك

وإن كـان ناويهـا صـدوداً وهجـران
لا أبـوك لا أبـو الحـب لا أبـو جمالـك

أحقرك وانهي عشرتـك (ذل) حقـران
بهيبـك ليـنـه يخيـفـك أضـلالـك

ماقد سمعـت بـذل أنسـان لاأنسـان
منـي خـذه لاتسمعـه دوك جـالـك

لاتحسبنـي شخـص بالسهـل ينهـان
من هو نواهـا محاولـه صـار هالـك

لاتتصل ماني علـى الصـوت شفقـان
وفـر كلافـة عنـوتـك وأتصـالـك

اللي زعل يبقى علـى طـول زعـلان
((ومشكور ماقصرت يكفي سؤالك ؟؟))

[عذب الوصل]

رائع اخي قوقل

غضب مميز وثورة راقيه

صح لسانك الى ما لانهايه

[فيصل الشمال]

وإن كـان ناويهـا صـدوداً وهجـران
لا أبـوك لا أبـو الحـب لا أبـو جمالـك

صح لسانك

قصيده رائعه

وموقف القصيده ضاف الجمال

تقبل الود والتقدير

[عبدالله الجعيثن]

قوقل


تسلم يالغالي


ابيات جزله


هل هي من نضمك...ام منقوله؟ واذا منقوله منهو شاعرها؟

[فايز عيد الشمري]

صح لسانك أخوي قوقل قصيده رائعه







))))))))))))))
(((((الذئب الاحمر)))))
((((((((((((((

[ريم الصمان]

صح لسانك اخي قوقل

قصيده معبره ورائعه

تقبل ودي

[ريال الفسحه]

منقول :315r:


لاتكثر المدات [ ـــ ] وتحط فواصل ونقط


مصلّعه :)



صح لسانوه :goooood:





سي يو ليتر ماي فرند :solh:

[زاهي]

أخوي قوقل : شكرا على نقلك هالقصيدة الحلوة

وترى للشعر المنقول مضيف يخصه

لانك جديد شكلك ما انتبهت

<من باب احسان الظن>

[قوقل]

مشكور عذب الوصل ويافيصل الشمال ويااخ فايز وياراع الصمان وصح بدنكم
والقصيده طبعا مهي لي والدليل ماكتبت الشاعر واسمي فيها اولا وثانيا يااخ عبدالله شاعر القصيده ليتني اعرفه وانا كنت ابي انزلها بالمنقول ولكن بما اني جديد نزلته بالغلط ومشكور يااخ زاهي ويا ريال القصيده مهي لي ولا يختلف عليه اثنين والدليل الفواصل والنقط هههههههه

[بنت الشمال]

صح الله لسان شاعرها

قصيده موفقه