المساعد الشخصي الرقمي

مشاهدة النسخة كاملة : :: عجايب من الشارع .. السعودي ::


عجايب بنت الشايب
19-01-2008, 01:34
بسم الله الرحمن الرحيم


السلام عليكم جمعاً ياقاده وياسادة القوم

من منبر حارتنا

اطل عليكم ..



بعد غبنة سنين وشهور


قبل أيام أكتفشتها .. وأكتشفتها ..



فدائماً .. أستغرب .. ليه الشكاوي على مدارس ومستشفيات و مستوصفات الحكومه


ليه دائماً .. نسمع الشكوى والمصائب


وكيف ان هذه المدارس مفسده ورسووب وقلة امانه وقلة عطا

وهذه المستشفيات

الداخل مفقود و الخارج مولود

والنظافه والعنايه والنقص و و و و


وعلى كثرة ما كنا نقرأ هذه الشكاوى لا حياة لمن تنادي


وكأننا نقول إلى اين ايه الشكوى ؟

الى متى وانتي .. تصرخين .. ولا احد شايف ولا احد سامع


مواجهه

وتصريح ..

وذكر اسماء


ويادار مادخلك شر (وتقل قربتن مشقوقه )


سؤال


هل الناس ( اصحاب الشأن المتهمون ) صم ام عمي ...


عن كل هذاا لصراخ ؟


حتى الشكوى ذللت بحلول .. يعني ماعليهم الا التنفيذ ..


واغلب هالشكاوى .. ماتحتاج ماديات

يعني مثلاً ..

نظافة المستشفيات

ادخل المخازن والمستودعات وشف هالمنظفات جرد


ولاا حد يشتغل


التنفيذ / هو المراقبه و ( دف هالدفوش المترنحه خلها تشتغل مثل المسلمين )



اهاا


تبون عاد تدرون ... ليه كل هذا وليه كل الاهمال



اذا مديرة المدرسة والمعلمات


كلهم بناتهم في مدارس اهليه

( وأسال مجرب من مدارس أهليه طالباتي كلهن بنات مديرات ومدرسات )

فكيف تبيهم .. يهتمون .. بمدارسنا الحكوميه ؟؟!!


لو ان كل معلمه تعرف الصح والخطأ وتحاججهم .. لأن بنتها معهم في مدارس الحكومه

كان علوم

اما هالبداون الضعووف .. مايعرفون لا قرارات ولا شيء ويقعدون ضحيتهم



ولو ان كل مديرة .. بنتها .. موجوده .. كان المدرسات .. يمشن على الصراط المستقيم في الشرح
والعطاء والأنضباط




ولو ان كل مدير مستشفى .. زوجته تولد بمستشفى الحكومه ..

كان ماشفنا هالخبل وهالبهل والمجازر اللي تصير ببطون امهاتنا .. !!

بالرغم ان الولادة بسيطه ..

كله علشان الراحه والمكافأة



ولو ان كل مدير مستشفى .. اهله ينومون بمستشفى الحكومه اللي هو مديره ...

كان ماشفنا هالأهمال .. بكافة اشكاله وانواعه والوانه ...!!


مديرات المدارس الحكوميه.. بناتهم بالاهليات

ومدراء المستشفيات .. يتعالجون بالمستشفيات الخاصه


بـــــل .. ازيدكم بله .. على طينكم ... :d:


كبيرهم .. الذي علمهم السحر ..

هم اصحاب هالمدارس والمسشفيات الاهليه ... !! shlwee7


وزير التعليم .. صاحب مدارس ( ......) الأهليه ..

وزير الصحه صاحب مستشفى ( .......... ) الخاص ..


واتوقع ان اهل الرياض .. اعلم بشعابها :thumb:


يعني


ياشكوى .. أطلعي من بيت ابوي وادخلي بيت الجيران

وارجعي لي


بدون .. زيادة ولا نقصان .. ولا حل ولا اي هش وبش



لذا انصح الجميع ..


براحة البال .. وعدم .. كثرة الهرج .. وضياع الوقت في رسم الشكوى


فلاحياة لمن تنادي


فقل كما قال الشاعر

قال وان عيت تطاوعك الظروف // قلت احبه يابعد عمري معك ..


يعني مالنا الا الخاص والله المستعان


أو .. حاولوا .. ما تمرضون كثير .. !!!

ولا تعلمون وااجد .. لأن القراءة والكتابه تكفي وهالزمن زمن لغة الأشارة .. يعني بلا الثانويه العامه





واشكركم .. على بقائكم الى هذا السطر .. هنا .. rooose2



كاسة مويه ياجماعه .. :wallah_hoo: ماقالت شيء




طحياتي ....,,,,,
محمدالشمري
19-01-2008, 01:48
لو ادري اني اطلعك من جحر الفله بجيتي عليكم كان منذو مبطي مخسرك خروفين وموضوع مثل هاللي طرحتيه بهذا واللي يسوى بعير :thumb:

بنت الشايب

لي رجعتن لموضوعك اللي :3ajebni:
لوليتا
19-01-2008, 02:32
حتى انتى يا عجايب


تقولى مافى فائدة ومافى امل



الحق فيما تقولين


طالما خربت الذمم وتغلبت المصلحة الخاصة على العامة


وفسدت الادارة وغابت الرقابة


واذا كان رب البيت بالدف ضارب فشيمة اهل البيت الرقص


فلا لوم على مدير مستشفى او مديرة مدرسة


او اى مدير فى اى مكان يقدم خدمة عامة للمواطنين



عجوبة



اعجبنى الموضوع جدا الذى طرحتِ واسلوبك بالطرح اكثر من رائع


واضيف انه ليس من الشارع السعودى فقط


فاغلب شوارعنا العربية تعانى


نحتاج للتطهير من الفساد من الكبير الى الصغير


ولكن من يقوم بتلك المهمة




تحية اعجاب وتقدير عزيزتى


roooose
المتوقد
19-01-2008, 02:49
هم من سلمووا المستشفيات للقطاع الخاص كجهه تشغيليه والوضع متردي والايقارن أيام ماكان تحت تشغيل وزارة الصحه

والمفروض بما أنهم سلموها لمقاول فالاولى أن تكون الشروط والمراقبه صارمه

ربما يتحسن الوضع

بالنسبه للمادرس الخاصه وبما سمعت قديما أنها تضم النخبه المهتمه بالتعليم

لكن يقولون ،،الآن تحولت هذه المدارس " مزبن " لكل الفاشلين

ووالله أعلم
ريم شمر
19-01-2008, 04:57
من يقول ؟؟!!:a:

بالعكس ....أي شكوى او ملاحظه تنوخذ بعين الاعتبار
واي تقصير ينظر فيه مباشره ويحاسب كل مسئ ومهمل

<<<<<عندها مدرسه اهليه ومستوصف خاص :)

.
.
.



عجايب:d: ، عجوبتنا ,,,,,,جبتيها ودايم تجيبينها ....:thumb:

لك شحنه من roooose
الشاهري العبيدي
19-01-2008, 08:20
لتوضيح المقال لن اضرب مثال انما قصة سمعتها هذا السيد لنا قال:

تعطلت معاملة احدهم في ادارة حكومية والامر الاعتيادي هو الانتظار والدعاء

لكن هذا الرجل لم يسكت!


ولم يقنع بتسكيت المدير له


بل رفع شكوى واخذ عليها رقم متابعة

وبعد فترة وجيزة استدعاء رسمي وانهاء الاشكالات الكاذبة وشكر وثناء من الذي هو اكبر من المدير

وتوبيخ للمدير



اذن القصة واضحة

ما علينا الا متابعة الدعوة رسميا والشكوى وبرقم متابعة من الصادر




وانظروا العجب!!




انا هذه المرة لا اؤيد ما رمت اليه يا مشرفتنا الفاضلة يا بنت الشايب








ولنلقن هؤلاء المسؤلين ضعاف النفوس دروس


ولنثق انا لوعملنا هكذا دائما فالحال الى تغيييير باذن الله







شكرا لك اختى عجايب وعذرا لاختلافنا معك هنا
عبدالله المهيني
19-01-2008, 11:02
يا دارهـ دوري




إلا
على طاري المدارس الأهلية والمستشفيات الخاصة
هو إرتفعت أسعارهن مع موجة إرتفاع الأسعار
أو لا :315r:




أجل يا عجايب
تبين وزير التربية والتعليم يدرس عيالوووه
بالمدارس اللي تتبع لوزارته

هع هع هع


وإلا تبي زوجتة وزير الصحة تتعالج أو تولد
في مستشفيات وزارة الصحة



مع كل الإنتقادات اللي توجه لمستشفيات الوزارة
من مباني ومن معدات ومن كادر


وتطالبي سعادة الوزير بمعالجة ذويه بهذه المستشفيات

لو طالبتي بتحسن الخدمات المقدمة
يمكن يرحب في هالمقترح
بس مقترح انه يعالج أهلوه بهالمستشفيات
فهذه اللي فلا راح تصير






عجايب
موضوع بالصميم كعادتكـ



لكـ الود


roooose
عجايب بنت الشايب
19-01-2008, 19:00
أستاذنا محمد الشمري

أرحب .. ايه اجل تحسب جيتك هينه ..

:)


أنتظرك .. ويطربني .. ردك .. كعادتك ..




الغلا / لوليتا

هو من ناحية كل الشوارع ممكن كل الشوارع

بس انا يالغاليه مادجت الا بشوارعنا


وأنحرقت تسبدي ..


ومانقول الا كما نقول دائماً وسنظل نقول


الله المســـــــــــتعان .. على مايفعلون ...








الذيب / ابو روان .. المتوقد


أرحب .. لاوالله ماهي مزبله مزبله


بس والله العالم ان مدرستي

قسمين لا ثالث لهم

اما قمم ونوابغ أو متحدرين .. بالمستوى


بس ماننكر ان كلياتهون ..ناجحون :) :) :)



يسعدني مرورك ..











الحُب / ام طلال ريم شمر


والله يالغاليه .. لابد تكون لنا عين حق .. مهما كان عندنا .. ولا ماعندنا

يعني انا ممكن اتعالج دوماً .. بالخاص .. بس هل أنكر وأغمض عيوني عن اللي هناك .

وين الوطنيه >> اتعب انا :)




لبى كلك ولبى حضورك ..










أستاذي / الشاهري العبيدي


ماطرحته من حلي نهائي .. دليل على أنعدام الأمل منهم ومن حلولهم


أنا معك .. بس . تدري عاد النار جمّرت .. لو قعدنا نطالب ونطالب .. ماعشنا ..

وبعدين ليه كل هذا والتتبع ..وراهم .. ليه صار الحق معهم ولا معنا ..


العقوبات وينها ..

ماسبق وان سمعنا أن الحكومه عاقبت مدير من هالمدراء البهلله ..

وان عقبهم .. قالوا ( لفت نظر ) وين نصرفها ..!!




الله المستعان ..


وجودك .. وحضورك . وردك .. مطلب لبنت الشايب ..

لا هنت ..








الذيب / عبدالله المهيني


أدري ادري من زمان أنه ( هع هع هع )

ميرا لشكوى على الله ياأمك ..


بس ماتشوف معي .. ان كثرالدق يفك اللحام ..

والظاهر ان لحامنا هو اللي بينفك . !!


أشكرك على حضورك .. المثري .. أسعدتني ..








للجميــــــع ..




طحياتي ....,,,,,
عبدالرحمن
19-01-2008, 23:12
بـــــل .. ازيدكم بله .. على طينكم ...


كبيرهم .. الذي علمهم السحر ..

هم اصحاب هالمدارس والمسشفيات الاهليه ... !!


وزير التعليم .. صاحب مدارس ( ......) الأهليه ..

وزير الصحه صاحب مستشفى ( .......... ) الخاص ..


واتوقع ان اهل الرياض .. اعلم بشعابها

هو فيه طين:3ajeeb:الطين صار مية قبل ميتك:a:

هو بس اهل الرياض ! بلاد العرب اوطاني من تطوان الى بغداني:za3lan:


الله يصلح الحال مع وافر الشكر والتقدير لك اختي الكريمة عجايب

ولهذا المقال الهادف واتمنى من الادارة منعك من الكتابة بغير العام:3ajeeb:
محمدالشمري
20-01-2008, 14:28
ولو ان كل مدير مستشفى .. اهله ينومون بمستشفى الحكومه اللي هو مديره ...

كان ماشفنا هالأهمال .. بكافة اشكاله وانواعه والوانه ...!!


مديرات المدارس الحكوميه.. بناتهم بالاهليات

ومدراء المستشفيات .. يتعالجون بالمستشفيات الخاصه

كان زين يتعالجون بمستشفياتهم ... الواحد لا عطس ودوه لمايو كلينك على نفقة الدولة :148r:

عجايب

موضوع كهذا يستحق ان يثبت لطرحه معاناة المواطنين من تفشي الفساد الاداري باجهزة الدولة .

هم يتبنون القوانين لانشاء مثل تلك المستشفيات والمدارس الخاصة ومن ثم يهملون الرقابة على الدوائر الحكومية المنافسة لمشاريعهم فيتفشى بها الاهمال والفساد والرشوه ليفقد المواطن ثقته
بتلك الدوائر الحكومية ويتجه الى مشاريعهم .

اعتقد ان في ضل عجز السلطة من وقف هذا الفساد ومواجهة المفسدين ان تقوم بخصخصة تلك الخدمات وتقديمها مجاني للمواطنين على الاقل يتنافس بها من يقدم الخدمات الافضل للمواطن .

لي صديق دخل المستشفى الحكومي منذ عدة سنوات ولم يحضى بالرعاية الكافية بل كان الاهمال واضح ورغم مرضه حدد له موعد للاشعة بعد اسبوعين، وكان عمه ذلك الوقت وزيراً للصحه ، فزاره بالمستشفى بعد يومين من دخوله ، أعتقد موظفين المستشفى ان الوزير جاي يفتّش على المستشفى وتفاجأوا بذهابه الى هذا المريض وسرعان ما تواجد مدير المستشفى والادارة باكملها " مهايط " وعندما علموا ان الوزير عم هذا المريض توقعي ماذا حدث ؟؟

أكيد تعرفون البقية :za3lan:

اشكر لك هذا الطرح واضم صوتي للاستاذ عبدالرحمن بمنعك من الكتابة الا في العام
عجايب بنت الشايب
20-01-2008, 21:29
الفاضل / عبدالرحمن


أشكرك


أتبعها


بفائق شكر


يكال لضعفينه من الشكر


:)


على حضورك


وتعقيبك ..



لاهنت












الأستاذ / محمد الشمري


:3ajebni:


قولك


فيتفشى بها الاهمال والفساد والرشوه ليفقد المواطن ثقته
بتلك الدوائر الحكومية ويتجه الى مشاريعهم

هذا هو الحمى الذي كنت ادور حوله ..


لاهنت


حضورك شرف ياقايد فكيف بردك ..












طحياتي ....,,,,,
ابو عارف
20-01-2008, 22:56
من جهاز مدير الورشة الفنية قلت له أبي اشوف بريدي الألكتروني ثم عرجت على المضيف العام وشفت مقال عدوة الشيبان رقم-1 عجايب بنت الشايب وتهوٌلت.

هذا وإنتي مامريتي إلا على شارعين من شوارعنا الرئيسية:3ajeeb:.

الحمد لله الذي مامريتي على بقية شوارع هالناس الغافلين كان فضحتي بهم بعد.

يختي إذا هذا الشيء مهو معجبك ودي طلابكم ومرضاكم للمدارس والمستشفيات الخاصه مثل الناس أو وديهم للخارج وأسكتي بلاش فضايح.

لاتمرين شارعنا فكينا من شرك وخلي الدرعاء ترعاء لاتلقفين ثاني مره وقولي كل شيء زين وحلو.

شكراً على التقييم الفلاوي الذي أتمنى أن يكون هرج العاقل:3ajebni:rooose2n)roooose.
صدى الشمال
20-01-2008, 23:05
فعلا هذا الواقع




واقع يعيشه البدو دون الحضر





ولكن إلى متى؟!





ــــــــــــ



أو .. حاولوا .. ما تمرضون كثير .. !!!



ههههههههه




يمكن هذا هو الحل







موضوع رائع


أشكرك
عجايب بنت الشايب
21-01-2008, 22:43
ابو عارف


صدى الشمال



أشكر حضوركم الرائع .. وروعة تعقيبكم ..


لاهنتم ..,,,



طحياتي ......’’
ماجد علوان
22-01-2008, 00:34
ههههههههههههه




وانتي ياااعجااايب ياابنت الشاايب دااايمااا معااارضه






ناااس ووواجد تشوووف وساااكته ماااباليد حيله



نشووف ونسكت




حنااا بالخفجي عندنا مستشفى



ياااعمي حدث ولا حرررج



كم وااحد راااح بغلطات القصاابين الي عندهم قصدي الدخاتره




لدرجة ان ناااس من المستشفى يعني شغالين فيه



يقولون عندنا دكاتره لما تجيهم حرمتن تبي تجيب وهي ولاده طبيعيه

يسوون لها ولاده قيصريه


عشااان ياااخذون هالكم ريال من ورى هالعمليه

وبلاوي تصير ولاحياااة لمن تنااادي



لا وعندنا كلية التربيه



وهذي لو اقعد اتكلم فيهااا يبيلي يوووم واناا اكتب



عجااايب ياابنت الشااايب


((( يانصيرة المجتمع))


والمتحدثه الرسميه بهموم المجتمعاات صدقيني لو تقعدين تكتبين سنه


ماااراااح يتغيررر شي



تقبلي ودي واحترررامي
ابو راكــــــــان
22-01-2008, 03:09
عجوبه والله ماعندي كلام اقوله


ولكن يكفيني اني اكون متواجد معك


ياعجوبه n)
ويكرا
عجايب بنت الشايب
22-01-2008, 23:07
ماجد علون



قمة التحطيم


في ردك



بس الشكوى لله


تصدق بعض الآحيان نغمض .. بس علشان مانشوف


نلعب على نفسنا .. ولا على من


لاهنت على مرورك يالذيب











ضيدان التومي


اذا انت يكفيك تكون موجود

انا الشرف كل الشرف قراءتك لموضوعي


أشكرك يالذيب











طحياتي ....,,,,,
ابو راكــــــــان
28-01-2008, 01:56
عجوبه


وشلونك

حبيت اســshlwee7ـــلم....خخخخخخ

احجز لي مقعد في هذا الطرح الجميل
منصور الغايب
28-01-2008, 10:13
عجايب ...

بداية ... العذر العذر ... فتاخري عن قراءة الموضوع خارج عن ارادتي ..

ثم ...

عجايب ...

قلم يلامس القلب ...

ويلامس الهموم ...

طرح راقي ... رغم سهولة الفاظه ...

اسلوب ساخر .. رغم جدية الطرح ...

لاهان قلمك ...

ولا كيبوردك ...

ولا غنم ابوك :)


واذكرك ...

الوعد ... الوعد
الاصمعي
28-01-2008, 10:24
المشكلة مهي قضية فلسطين...المشكلة لبنان راحت وراها:za3lan:

المشكلة ما عادت للأسف خدمات ليست بمستوى الطموحات وهل يعلم المسؤولون عنها أو لا يعلمون:3ayyen_khair:

المشكلة أن قرار ملكي يصدر منذ شهرين بدعم سلع معينة (حليب الأطفال والأرز) ولم يفعل القرار للآن:a:

الله يجيب مطر

سلمتي عجايب على هالموضوع الي يلامس هموم الأغلبية:goooood: