راحت على فيصل ونزهان وعقاب.. إهداء لشعراء المليووون!

[تكوين]

راحت على فيصل ونزهان وعقاب = يعني مثل مارحت يالشمري جيت
والمسألة لعبه من يدين لعاب = تاجر موقتها على الربح توقيت
يضحك على ناسٍ تفاخر بالأنساب = تبي لها في تالي ايامها صيت
وحنا لنا بالصيت تاريخ وكتاب = الحي يقرابه مثل ما قرى الميت
ماحال دون امجادنا ستر وحجاب = لو جيت اعددها تعثرت واخطيت
حنا الطنايا مانبي مجد والقاب = قلته وانا بامجاد شمر تغنيت
حنا القصيد وغيرنا عنّه اغراب = متوارثينه كلنا بيت عن بيت
وحنا البيارق ما حسبنالها حساب = لو اشغل البيرق شيوخ وسرابيت
حنا دفعنا المال في عتق الأرقاب = لا ما دفعناه لرسايل وتصويت...!
ياشاعر المليون مليون ترحاب = حتى ولو صديت عنّا وقفيت!


تكوين 1429هـ

[حمـود]

هذا معروف يعني لا يمكن لشمر ان ياخذوا المليمون


هذي قديمه يبونه لغيركم يا شمر


ومن المؤكد انهم قاعدين يلعبون عللينا علشان نصوت


وتشوفون ما فيه ولا شمري مع ان شمر هي اكثر القبائل حميا


لكن الشكوا لله


والشكر لك يا تكوين

[منيف المهيلب]

إذا جاب البيرق .. لا يعني أنه جاب رأس الدريعي
هي .. لعبة .. تجارة .. ضرب من ضروب الميسر

[السد العالي]

لا فض فوك

[فايز عيد الشمري]

أخوي السد العالي شمر ابدعوا بشعرهم في هذا
البرنامج والتوفيق بيد الله والخساره بالاعمار ماهي بالشعر والبيارق وحنا ياشمر
كل واحد منا معه بيارق ماهو بيرق واحد وهي الشجاعه والكرم والفزعه والشعر


البيـــارق عندنــا ماهي قليله
كـــل واحـــد مننـــا شايـــل بيـارق
وبيرق المليون ناصله ونشيله
من رضاء مشكور والحاسد يفارق



))))))))))))))
(((((الذئب الاحمر)))))
((((((((((((((

[شرواك]

صح الســـانك يا تكوين , , بـــــــــس تبي الحقيقه , , واللــــــــــــه العظيم , , ندري انه مجرد ضحك على الذقون , , ولكـــــن خوينا وولد عمنا يا بعد حيي واللـــــــــــه ما نخليــــه ,, ولعيون ابن عمي اقوووول للخسااااااااااااااااير ........... ((( مرحــــــــــــبــــــــا ومســــــــــــــهلا )))

[نافع بن طواله]

صح لسانك


قصيدة هي ردة فعل طبيعيه لما رأيناه

كما قلت في السابق

علموا فيصل بتقييمي حقيقه %% ماهو تقييم التجاره والرسايل
يا سنام الشعر يا نبضه وريقه %% ما عرفنا الشعر قبلك والجزايل

[ريم الصمان]

صح لسانك

قصيده جزله

تحياتي لك

[يـــوسف]

السلام عليكم

صح لسانك ياتكوين :thumb:

يالربع ماتلاحظون اننا مسوين زحمه والشارع فاضي :puzzled:

يعني اشوف ناس تقول مايبون شمر تاخذ البيرق والمليون ومدري وشو ........؟
يالربع تكلمو بالعقل وش هالتفكير وين وصلنا بتفكيرنا حرام عليكم والله تفكرون لهالدرجه :thumb:
لاتحطون العيب فيهم العيب فينا حنا :thumb:
نعم فينا... منو فيكم صوت وارسل اربعين رساله .........؟ ابي اجابه صريحه
العتبان يوم يوسف العصيمي انا وقتها كنت بالرياض صارت بطاقة الشحن تلقاه بالموت واحياء كامله خلصت فيها البطاقات والشرائح ....
ماهو تقليل مننا ولا شي بس اقول هالكلام ابيك تفكونا من انهم مستقصدين الشمري صراحه ومع احترامي للجميع احسه سخافه اننا نقول انهم مستقصدين شعرائنا :thumb:
تقبلو رايي بصدر رحب واتمنى محد يزعل .........

[فيصل الشمال]

صح لسانك ياخوي تكوين

والله ابيات في قمة الروعه

نعم هذي الحقيقه

لعبه وكل لعبه ينقال لها بس

والله اكبر عيب المشاركه بنفس

هذي المسابقات

تقبل فائق الاحترام

[تكوين]

حمود الناصر

أهلا بك وشكراً على إضافة الرد لكن اسمحلي أخي الكريم
تقول (هذي قديمه يبونه لغيركم يا شمر)
وأنا لست مع هذا الرأي .. هذي تسمّى سياسياً (نظرية المؤامره) وانالا أعتقد أن هناك مؤامرة على شمر
صحيح حنا أكثر القبائل حميا لكن في الطيب والمرجلة ورفعة الرأس وليس في التصويت وجمع الأموال من أجل برامج ومسابقات لذلك التقصير منا

[تكوين]

منيف المهيلب
أهلا بك وكلامك سليم .. الدعوى كلها مسابقة ووناسة

[تكوين]

السد العالي
مشكوور أخي ويسلم فوك

[تكوين]

فايز الشمري
مرحبا ألف .. وسلمت وصح لسانك
(البيـــارق عندنــا ماهي قليله
كـــل واحـــد مننـــا شايـــل بيـارق)

[تكوين]

شرواك
حمياك على العين والراس وكلنا والله كذلك لكن السالفة ما تجي كذا
وأهلا بك

[تكوين]

نا فع بن طوالة
ياهلا والله ومرحبا .. ويستاهل فيصل الحقيقة شرفنا بشعره وحضوره وثقله
واعتقد انه خرج من المسابقة بشرف

تحيـــاتي

[ريال الفسحه]

رائع تكوين ..



صح كلك

[نبض القلوب]

صح لسانك أخوي تكوين

الكل يعرف انها لعبه والهدف المادي منها وووواضح

برنامج يكسب من جيوب المشاهدين

هناك عدة لجان ليست فقط لجنة التحكيم

هناك لجان ومن عناصر اوربيه والهدف منها كيفية كسب الماده فقط

صحيح الفكره رائعه ،، ولا أخفيكم ان أصداء هذا البرنامج وصل إلى أبعد مما يتصوره الكل
ولاكن ،،،

ينقص هذا البرنامج ،، الحياديه والشفافيه !!
كما ينقصه أعضاء لجنة تحكيم

مع احترامي للأسماء الموجوده في اللجنه إلا أنهم وبكل أسف
وضعوا بالمكان الغير مناسب لهم إطلاقاً ،،،

[تكوين]

ريم الصمان
أهلا بومرحبا بك اختي الكريمة وشكرا

[تكوين]

يوسف العطاوي
كلامك صحيح البعض يحمل الموضوع أكثر مما يحتمل وهذا سببه التعصب الزائد
أما بالنسبة لسؤالك (منو فيكم صوت وارسل اربعين رساله .........؟ )
فردي عليه كان من خلال القصيدة
(حنا دفعنا المال في عتق الارقاب
لا ما دفعناه لرسايل وتصويت.. )
وشكرا

[تكوين]

فيصل الشمال
سلمت أخي الكريم على مرورك وتسجيل ردك
ودمت بخير

وشكراً

[تكوين]

ريال الفسحه

أهليين ومرحبتيييين بك أخي الكريم

وشكراً على الرد

[تكوين]

نبض القلوب
شكراً على تفاعلك ..
كلام جميل ورأي عقلاني إلى أبعد الحدود
صحيح .. الفكرة رائعة والبرنامج ناجح وهذا ما نتفق عليه
كما أني أتفق معك بخصوص ضعف لجنة التحكيم وأن البرنامج نجاحه أكبر من مستواها بكثير
لكن لا تنسى أخي الكريم أن اللجنه مناسبة لوضعية البرنامج .. بمعنى أنها مجموعة من (الخويا) الذين يتبعون ما يملا عليهم
وليس لهم رأي محايد إنما هم تحت أمر ولي نعمتهم ...

ولو كانوا من أصحاب الفكر والرأي لتعثرت كثير من أهداف البرنامج ولتم طردهم من البداية
ألف شكر لك

[يـــوسف]

أخوي تكوين ياملا العافيه وكفو والله وماهي غريبه علينا <_ يمدح روحه :)

لاكن قصيدتك عن شاعر المليون ....
وفيه ناس تحمل اللجنه خروج ممثلين قبيلتنا :thumb:
يعني فك الأرقاب غير عن التصويت ولا لو هي بالطيب والفزعات بغير التصويت محد يختلف معك نهائيا بأن شمر مالهم منافس ولاهو قصور بالغير ونعم بالكل :thumb:

تقبل مروري واحترامي لك :thumb:

[رواف]

راحت على فيصل ونزهان وعقاب = يعني مثل مارحت يالشمري جيت
والمسألة لعبه من يدين لعاب = تاجر موقتها على الربح توقيت
يضحك على ناسٍ تفاخر بالأنساب = تبي لها في تالي ايامها صيت
وحنا لنا بالصيت تاريخ وكتاب = الحي يقرابه مثل ما قرى الميت
ماحال دون امجادنا ستر وحجاب = لو جيت اعددها تعثرت واخطيت
حنا الطنايا مانبي مجد والقاب = قلته وانا بامجاد شمر تغنيت
حنا القصيد وغيرنا عنّه اغراب = متوارثينه كلنا بيت عن بيت
وحنا البيارق ما حسبنالها حساب = لو اشغل البيرق شيوخ وسرابيت
حنا دفعنا المال في عتق الأرقاب = لا ما دفعناه لرسايل وتصويت...!
ياشاعر المليون مليون ترحاب = حتى ولو صديت عنّا وقفيت!


تكوين 1429هـ

صح لسان يا اخوي تكوين :hala1:

عز الله جبتها والامر بين لاصحاب العقول الفهيمة :3ajebni:

المشكلة انه اصبح بداية لابراز التعصبات القبلية المنبوذة والتفاخر

وش اللي وراها ومن وراها .. والله يكفينا شر تاليها


دمتم سناعيس وطنايا

رواف

[سالم]

البرنامج مادي بحت " لايختلف عليها الف "
لكن : رد يوسف العطاوي هو الرد المناسب بين جميع الردود مع احترامي لهم كلهم . . !!

,

تكوين , صح لسانك . . . . .



راحت على فيصل و نزهان و عقاب = يعني مثل مارحت يالشمري جيت


فيه اللي كسب علمٍ غانم بـ روحته و فيه اللي قدّم لـ شخصه إساءه على طبق من ذهب
عموماً , الشمري الرابع " سعود فرحان " هو أقل نسبه بين الباقين إلى هذه اللحظه //
عشرة بالميه فقط , ماتوّكل عيش . . !!

لجنة التحكيم . . لجنة فلس . . ماادري كيف الواحد فيهم يرضى الإهانه لنفسه
ويدوس على كرامته بـ تواجده من ضمن اعضاء اللجنة . . ( إلى الجحيم )

. . . . . . . . . .
. . . . . . . . .
. . . . . . . .
. . . . . . .
. . . . . .
. . . . .
. . . .
. . .
. .
.


تحياتي

[تكوين]

يوسف العطاوي
أهلا بك دائماً .. تقول ان فك الرقاب غير التصويت وانا أرى انها تلقتي في كونها فزعة
لا تقولي انك صوتت لعقاب معجب بقصيدته !؟
الكل صوت بالفزعة ، وانا في رأيي أن هناك أمور أولى بالفزعة ونهتم بها أكثر من مسألة التصويت
شكراً لك

[تكوين]

رواف
أسعد الله أوقاتك .. وانا أحب أسم رواف واقدره
تقول (المشكلة انه اصبح بداية لابراز التعصبات القبلية المنبوذة والتفاخر)
تفاخر على أيش ..
(ناسٍ تبي في تالي أيامها صيييييت)

شكراً لك

[تكوين]

سالم ,,
عساك دائماً سالم وغانم .. وأهلا بك هنا
بالنسبة (لسعود فرحان) هو الأقل نسبة تصويت وكذلك الأقل شاعرية ...
لكن ياأخي شي يقهر فعلاً .. تابعت حلقات شاعر المليون في فترة التصفيات الأولى وأعجبني جداً شاعر معروف اسمه (غازي البستان الشمري) أعجبني شعره وحضورة وللأسف لم يتم اختياره
كذلك أعجبني شاعر رااائع اسمه (حاكم المعلا) ..
(( لا تسأليني عن اسباب الزعل ما ادري ..
.. ومن يوصف الدمعة اللي مابعد طاحت...!؟))
شاعرية رائعة لكن أيضاً لم يتم اختياره ، وجايبين لنا واحد مثل سعود فرحان ، ليس فيه ما يحفزك على التصويت إلا كونه (شمري) ..
لا يا عزيزي حنا صحيح ودنا بشمري لكن في البداية نبي شاعر جيد وكبير ويستحق التصويت

والله يمسي (عبدالرحمن الشمري بالخير)

وشكراً لك أخي الكريم على تفاعلك ...

[مالك الحزين]

حنا دفعنا المال في عتق الأرقـاب
لا ما دفعناه لرسايل وتصويت...!



صح لسانك

[صدى الشمال]

صح لسانك ولاهنت يالغالي

[متعب النماصي]

صح لسانك يالغالي وانشهد لنك جبتها بالصميم..

تقبل خالص الود والأحترام

[سالم]

لا تقولي انك صوتت لعقاب معجب بقصيدته !؟





وبغّض النظر عن الفزعه , قصيدة ابو عبدالله مافي اي شي يعيبها . . !!

[تكوين]

مالك الحزين
مساء السعاده .. وشكرا على تسجيل الحضور

[تكوين]

صدى الشمال
صح قلبك اخي الكريم
ومشكووور

[تكوين]

متعب النماصي
أسعدني تواجدك .. وأتمنى فعلاً أن أكون قد (جبتها بالصميم)

ولا تحرمنا طلتك البهية ... (يامتعب)

[تكوين]

ســـالــم
وبغض النظر عن أي شيء آخر

قصيدة ابو عبدالله مافي اي شي يعيبها ...
كما تريد، وأهلا وسهلا بك

[الدغيشم الشمري]

rooose2 صح لسـآنـك . . قصـيدة جمـيله من شآعر جميل . . والاخوآن كفو ووفو . . rooose2

[الاصمعي]

قصيدة رائعة جدا:goooood:

ووجهة نظر يوافقها الكثيرين ويعارضها آخرين!

تحياتي

[تكوين]

الدغيشم الشمري
صح قلبك أخي الكريم وشكراً على المرور الأنيق

[تكوين]

الأصمعي
أهلا وسهلا بك أخي الكريم
وأنا أشكرك جزيل الشكر وأقول لمن يوافقني (مشكور) ولمن يعارضني (أهلييين)