والشمري . . . . (أبو صالح)

[زاهي]

كل القبايل تحوي الطيب والجود ** وتفخر بفعل جدودها من زمن عاد

والشمري مثله فلا شفت ياسعود ** الشمري يرقا على راس الامجاد

والشمري لو المراجل على طود ** فوق الثريا يركبه عده شداد

والطيب خاتم بإصبعه فيه معقود ** والجود بإيدينه له زمام وقياد

ولا حدتك دنياك وايامها السود ** انخ الطنايا تنجلي عنك الاضداد

انخ الطنايا منقع الطيب والجود ** انخ الليوث اللي على اعداهم آساد

شجعان ماقفوا ليا ثار بارود ** وعلى القبايل كلها صاروا اسياد

تاريخهم أوضح من الشمس مشهود ** تشهد عليه العرب كله والاكراد

وأفعالهم في زود في زود ** ويشهد على ماأقول الاعدا والاضداد

ولاأحدن يقول الشمري فيه منقود ** ياكود نطح القوم بصلابن حداد

كم راس شيخ بفعلنا صار للدود ** ولانذبح ألا فارس القوم لاساد

حريبنا مفقود وإن عاش مولود ** وإن عاد مايهنى من الخوف بالزاد

يسهر وكل الخلق من حوله رقود ** يمر ليله ماهتنى فيه برقاد

وانشهد إن اللي نعاديه مقرود ** يكتب وصاة ويامر نساه بحداد

ولا أقدر أعدد شي ماهو بمعدود ** معاركن يعجز عنه كل عداد

حايل لنا قبل النبوة من عقود ** حامينها من كل باغي وحساد

ولاقبلت ضيفن كلنا حاتم الجود ** وبالحرب زيد الخيل شيال الاكواد

لاجت حديهن خل حامد ومحمود ** حنا لهن وهن قسمنا دون الاضداد

وحنا لو إن أعتى البشر صار مقيود ** ماننحني ياكود لله وننقاد

عبده وسنجاره والاسلم كما الطود ** شهيرة ماينكره كود جحاد

هم لابتي هم عزوتي حزة الكود ** نعمن بهم مع مر الايام يزداد


الشاعر / زاهي خليوي النماصي

[تكوين]

ولا حدتك دنياك وايامها السود ** انخ الطنايا تنجلي عنك الاضداد

انخ الطنايا منقع الطيب والجود ** انخ الليوث اللي على اعداهم آساد

والله وألف نعم بالسناعيس ... رمز الكرم والجود والمرجله

يستاهلون المدح والشعر والفخر


وألف شكر على هالقصيدة اللي ترفع الراس

[فايز عيد الشمري]

صح لسانك أخوي زاهي00 أبيات رائعه كشاعرها00
ومهما كتبنا من شعر لن نوفي هذه القبيله حقها فهي أكبر من الشعر
صح لسانك ولاهنتتتتتت000000000




))))))))))))))
(((((الذئب الاحمر)))))
((((((((((((((

[حمـود]

صح لسانك يالذيب


عشت وعاشت شمر


بكم يا اهل الفزعات

[ماجد علوان]

اخوووي زاهي







صح الله لسانك






قصيدة جميله والاجمل حضورك








دمت بخير

[زاهي]

تكوين
فايز
حمود
ماجد
شكرا على مروركم الحلو

والمعذرة أشغلتنا الاختبارات

[عبدالله معيوف المويس]

صح لسانك ياابو صالح .........ويعطيك العافيه
انا لو امدح القصيده من هنا الى بكره ,,,,شهادتي فيك مجروحه
لاهنت يالعزوه

[زاهي]

المويس : شكرا على هالمرور الحلو

وتسلم يابعدي

[صدى الشمال]

تاريخهم أوضح من الشمس مشهود = تشهد عليه العرب كله والاكراد

وأفعالهم في زود في زود=ويشهد على ماأقول الاعدا والاضداد




صح لسانك يالغالي



جزله ورائعه



بس يالغالي البيت الثاني تقل بوه غلط مطبعي

تسان مانا واهم





صح لسانك


ولا هنت على هالقصيده

[زاهي]

صدى الشمال : شكرا على مرورك

ويعطيك العافية على هالتنبيه الحلو

وهي :

وأفعالهم في زود في زود في زود
ويشهد على ماأقول الاعدا والاضداد



لكن سقطت سهوا

مشكور مرة ثانية يابعدي
تحياتي

[ريم الصمان]

والله والمليون نعم في شمر

يستاهلون المدح وهم اهله

تحياتي

[صدى الشمال]

ايه أنا قايل غلط مطبعي




ولاّ إنت ما يجي منك كسور




صح لسانك مرة اخرى


ولا هنت على هالجزله

[زاهي]

ريم / شكرا على مرورك الرائع ، ولا عليك زود.

صدى الشمال / نظرتك ثاقبة ، لك مستقبل بالشعر ، لاتهملين نفسك
شكرا مرة اخرى

[رادار الحرف]

.زاهي
لقد قرأت مشاركتك بعدما قرأت لك الكثير من المشاركات في مضيف قصه وقصيده


وسوف أعلق على هذا النص لاسيما وانه لم يعد ملكاً لك بل للجميع لنشرك له


ولن أجاملك لمصلحتك



موضوع مشاركتك / مستهلك جداً بالرغم من حقك بالفخر، ولكن ليتك أتيت بشي جديد.


وهناك كلمات حشو وكذلك ابيات والدليل انك لو اخذتها لما تغير المعنى وسياق النص.


ــــــــــــــــــــــــــــــــــــــــ ـــــــــــــــ


هناك تكرار واضح لعدة كلمات في القافيه وهذا يستعاب على الشاعر مثل : الجود ) في:


1 / كل القبايل تحوي الطيب والجود ** وتفخر بفعل جدودها من زمن عاد


2 / انخ الطنايا منقع الطيب والجود ** انخ الليوث اللي على اعداهم آساد


3 / ولاقبلت ضيفن كلنا حاتم الجود ** وبالحرب زيد الخيل شيال الاكواد


ــــــــــــــــــــــــــــــــــــــــ ــــــــ


والطيب خاتم بإصبعه فيه معقود ** والجود بإيدينه له زمام وقياد



( الخاتم لايعقد بالإصبع بل يلبس )



ــــــــــــــــــــــــــــــــــــــــ ــــــــــــــــــــــــ


حريبنا مفقود وإن عاش مولود ** وإن عاد مايهنى من الخوف بالزاد



( لو قلت : وإن عاد مايهناه مي ٍ ولا زاد )
لكان أجزل



ــــــــــــــــــــــــــــــــــــــــ ـــــــــــ


عبده وسنجاره والاسلم كما الطود ** شهيرة ماينكره كود جحاد



( أين زوبع ؟
وكلمة شهيره لاداعي لها لو بحثت عن غيرها لكان أفضل )



ــــــــــــــــــــــــــــــــــــــــ ــــــــــ


هم لابتي هم عزوتي حزة الكود ** نعمن بهم مع مر الايام يزداد



من المتعارف عليه ومن الشيم ان يقول الشعر من دون قاصر بالقبايل او العرب وما شابه ذلك


فأنت جعلت الطيب والنعم فقط لشمر !! وهظمت حق القبائل الأخرى !!



زاهي مره اخرى تأكد بأني قرأتها على عجاله وتأكد انه من محبتي لك علقت على هذه


المشاركه، ولم اكتب جميع الملاحظات ولكن فقط القليل منها .


رادار الحرف

[زاهي]

ياهلا والله بالرادار

وشرف لي بانك تتصفح ما أكتب

وكل واحد يحتاج لمن ينقد مايكتب ويقول = ليرتقي بشعره وأدبه وثقافاته ويرضي ذائقة من يقرأ له

والمضيف المذكور لم اكتب فيه ابتداء ً -إيمانا بأن الخطأ فيه ليس كالخطأ في غيره - إلا مرةً واحدة بدعوة من احد مشرفيه الموقرين

أما الموضوع فكما ذكرت ، والفخر ليس حكرا على أحد ولولا ذلك لألغي من أغراض الشعر عند الأدباء
وإن شاء الله الجديد لايتعارض مع هذي ، لكن ليس كل مايقال ينشر

أما الحشو فبودي منك التنبيه عليه لأستفيد أنا وغيري (وترى صدري وسيع وأتقبل كل نقد هادف)

أما التكرار في القافية فنجده كثيراً في قصائد الأسلاف ، على سبيل المثال (من معلقة زهير):
كرر كلمة (الدم) فقال:
عَلَـوْنَ بِأَنْمَـاطٍ عِتَاقٍ وكِلَّـةٍ
وِرَادٍ حَوَاشِيْهَـا مُشَاكِهَةُ الـدَّمِ
وقال:
دَعَـوْا ظِمْئهُمْ حَتَى إِذَا تَمَّ أَوْرَدُوا
غِمَـاراً تَفَرَّى بِالسِّـلاحِ وَبِالـدَّمِ
وقال:
لِسَانُ الفَتَى نِصْفٌ وَنِصْفٌ فُـؤَادُهُ
فَلَمْ يَبْـقَ إَلا صُورَةُ اللَّحْمِ وَالـدَّمِ
وغيرها كثير لكن أوردت منها لشهرتها وكونها أحد المعلقات

أما في أن الخاتم لايعقد فلم أقصد العقد الحسي بل المعنوي ، وهذا بيِّن ، فالطيب ليس خاتم لكنني شبهته بالخاتم وجعلته معقوداً كناية عن الثبات على هذا المبدأ

أما بالنسبة لقولي (وإن عاد مايهنى من الخوف بالزاد) فأرى أنه الأجزل لبيان السبب في ذلك بدلا من إبهامه ، ولأن الماء يدخل في الزاد عند البعض
ولك وجهة نظر أحترمها

أما عدم ذكري لزوبع فالمشهور عند شيباننا أن شمر أقسامه الثلاث السابقة
ونقدك عائد للاختلاف في عدة أقسام شمر ، وأنا سرت على ماأراه
ومن شمر من يزيد التومان قسما رابعا
ومنهم من يجعلها سنجارة وعيال رضا ويدخل تحت الأخير الأخريتين وينسب لأحد شيوخ شمر
ولا إنكار في مسائل الخلاف

أما كلمة (شهيرة) فلا أرى بها بأسا
ولك وجهة نظر أحترمها

أما قولك : من المتعارف عليه ومن الشيم ان يقول الشعر من دون قاصر بالقبايل او العرب وما شابه ذلك فأنت جعلت الطيب والنعم فقط لشمر !! وهظمت حق القبائل الأخرى !!
لقولي : نعمن بهم مع مر الايام يزداد
فهذا لايلزم لأن ذكر البعض بشيء لايعني نفيه عن غيره
هذا وقد كان مطلع القصيدة : كل القبايل تحوي الطيب والجود ** وتفخر بفعل جدودها من زمن عاد

أخوي الرادار يعطيك العافية على هالأهتمام الحلو وأتمنى منك الاطلاع على هذا مشكورا
واقبل مني ماسطرت

أخوك الصغير : أبو صالح:)


ملاحظة بسيطة :في البيت الأخير حصل خطأ نتيجة كتابتي لها من حفظي والصواب:
هم لابتي هم مزبني حزة الكود ** نعمن بهم مع مر الايام يزداد
تحياتي.

[علي الرشود]

س



























سلام يا ربع المروات مليار
طنايا من جبل اجا وسلمى
شمر هل الطولات يامزبنةالجار
ولا قصر بكل القبايل وتكفى

[زاهي]

علي

شكرا على الدخول << ولا يمكنك مضيع وكتبت هنا بالغلط

حياك ربي ياغالي

[مصبح باني]

صح لسانك

[مصبح باني]

والشمري لو المراجل على طود ** فوق الثريا يركبه عده شداد

والطيب خاتم بإصبعه فيه معقود ** والجود بإيدينه له زمام وقياد

ولا حدتك دنياك وايامها السود ** انخ الطنايا تنجلي عنك الاضداد

انخ الطنايا منقع الطيب والجود ** انخ الليوث اللي على اعداهم آساد






والنعم والله اخوي زاهي / وصح لسانك

واتمنى اقرا المزيد من قصائدك الرائعه,, والرادار رائع بطرحه ,, ولكن ردك كان في محله وانا ارى ان القصيده رائعه جدا وانا اقل من اني اشهد لك ,, ولكن مجرد راي بان ماكتبته لولم يكن جميلا /وجميلا جدا لما اخذ كل هذا الاهتمام,, تحياتي لك ,, والنعم بشمر كلها ماواحد دون احد ,, وطبعا كل القبايل مثل ماقلت فيها الخير .. ولكن حق لك ان تفخر وحق لنا ان نقول (والنعم والله) كن بخير .. وبانتظار المزيد,,

[زاهي]

‏ صح بدنك

ولاعليك زود ياغالي

وحياك الله بمضايف شمر ياغالي

[قوقل]

صح لسانك ابو صالح