تغازلن وحنا بيوم عرفه ؟؟؟؟؟؟؟؟؟؟

[عيون السروق]

صبحكم \ مساكم الله بالخير يالربع و يالربعات




ابشركم وصلت من الحج مبطي مار ماتركتن الصخونه الا مشوين :3abrah:



هاااا بشروا عسى دعيتوا لي يالربع <<< انت اللي حاج والا هم :a:





الله يا اني دعيت للمسلمين << ياويلي يالمنّه


عسى الله يقبل منا ومنكم صالح الاعمال



والحظيظ منكم اللي لحق واسلم قبل لا ادعي :)




الوكاد انتم تشوفون العنوان والا لا ؟؟؟ shlwee7





هذا سلمكم الله يوم كنا بعرفات تخبرون احسبن شباب مثل اول قلت ابي افتر على رجليني ياما اوصل لجبل الرحمه




<< من حجاج البر مالهم مكان بين الحملات يعني قالعيننا ابعد مكان عن جبل الرحمه :)






الوكاد وانا امشي وامشي وكل ماسمعت سبيل ياحاااااج خذيت من هاللي يوزعون شوين :)


هلتست من المشي :7ayyoh:











وانا ارتاح شوين بظلال هكالباص :257r:






واقعد اسبح واهلل واذكر الله










يوم خذيت شوين وهي تطير بوهتي :a:














ليمار اللي مدزبلتن علي وتبوسم لي :puzzled:











واتعوذ من الشيطان وافرك عيوني واقول غديني من التعب يتهيالي









ياماار ماااش الا السالفه صدز والمره جايتن وتبوسم





وانا ادزلب وجهي واصد عنه والخسه بطرف عيني ليمار صدز جايتن انا << اقول هي للحين ماوصلت :)










الوكاد :7ayyoh:







يوم قربت وهي تبربر فوق راسي وانا اصدد عنه مادري وش تقول ولا ادري وشتبي


وانا امسك نفسي واحطه براس خشمي ابي اسوي مثل بعض الحجاج



واقعد اقوله حج ياحاااااااج








ولنا ربع ساعه او ازود شوين وهي تبربر وانا اصيح حج ياحاااااااااج











يوم خذيت وان التفت ليا مار هكالوليده نيم حدر الباص وانا اندغوه قلت ياحاااج










وهو يقمز على طوله وانا اقول تعرف عربي قال ايس فيه








قلت بس جابك الله شف الحجيه وش تبي من اليوم تبربر علي









وهو يبربر معه وتبربر معه وهم يضحكون وهي تروح وتخلينن :a:





وانا الله يجيركم تفور النار بتسبدي وشوووله يوم يضحكون وش اللي اضحكهم من الاساس





وانا امسك الهندي مدري باكستاني بس اقرب مالوه انوه باكستاني :)










وانا معصب قلت ليش تضحك انت وياه :148r:











وهو يغدي لوه بتساااااااااااء من الضحك













قلت لوه اقولك وش اللي يضحكك قال ياحااج انا يبي قول الهين << على حسب جنسيتوه :)










تدرون وش اللي يضحكهم :106r:













































ياحبكم للشفايه والشماته
























































ترى اخليكم تنكسون وش عندكم جاييين

























































تحسبن من خوياه تحسبن باكستاني وهي مضيعتن خوياه ومن اليوم تبي تستاصف مني :solh:



من الدخنه والصلعه الناصعه البياض غادين تقل باكستاني






اسأل الله العلي القدير ان يتقبل منا ومنكم صالح الاعمال ويرزقنا حسن الخاتمه





ودمتم

[ريال الفسحه]

\


هههههههههههههههههههههههههههه



اجل تنكر انك باكستاني ؟ :puzzled:


فيما قيل بعائلة [ السروق ] في كتاب العلم الجليل فيما روا ابوثوب الاصيل :315r:
قال :-



عيون السروق هو احد افراد عائلة السروق والتي تقطن مرتفعات جبال
باكستان مميزاتها

1 - غزارة الشعر لدرجة ان واحدهم مايشوف دربه يما يرفع
حجاجوه عن عيونه :)
2 - ضعف البنيه لدرجة ان واحدهم يوم تشوفوه تحسبوه عصا
مكنسه ههههههههههه


وقد حصل الكتاب على صورة لعيون السروق اثناء حجه عن طريق
اعلامي الحمله طنخان خان المنهلس :315r:



هذي صورة عيون السروق



http://members.abunawaf.com/fayezdh/makka/makka16.jpg


بنظرة شامله لشعره وقائمة جسمه نجزم مئة بالمئة
انه احد افراد عايلة السروق :goooood:















عيون السروق ابدعت <---- بعد وشو ؟ :315r:

[صدى الشمال]

الله يقبل منك






بس سؤال/ كيف كان شعورك وانت باكستاني؟








وتبوسم لي

هههههههههههههههههههههههههههههههههههه
هههههههههههههههههههههههههههههههههههه

[عيون السروق]

ههههههههههههههههههههههههههههههههههه



اي بالله انكر اني باكستاني :)



اجل تبيه تلزق بظهري ويصوتون لي يالبكستاني







ماني قايل انك رجعت لمرجع غير موثوق بوه بس يمكن صار عندك لبس بالموضوع




بس بعض المواصفات تقل كلهن بي shlwee7




عندك مثلا :



1 - غزارة الشعر لدرجة ان واحدهم مايشوف دربه يما يرفع
حجاجوه عن عيونه


علي غزارتن اللي يشوفه يقول وش شعيب السدر هذا :)



اما الثانيه منت حوله :)




ضعف البنيه لدرجة ان واحدهم يوم تشوفوه تحسبوه عصا
مكنسه ههههههههههه







ام الصوره هذي مهي لي


انا اطخم مزيون واللي يشهد لي ..........؟؟؟؟ << محد شاهد لك انثبر :148r:




الوكاد



صحيح بوه عوايل في باكستان اسمهم السرقان بس اسم على اسم << يبي الفكه من السالفه :)




ههههههههههههههههههههههههههههههههه





تسلم ولا هنت اخوي ريال على المرور الكريم

[عيون السروق]

الله يقبل منك

جزاك الله خير ومنا ومنك صالح الاعمال




بس سؤال/ كيف كان شعورك وانت باكستاني؟




شعوري شعور اللي جايزتن عليه الصدقه :3abrah:









شنوحك تضحك على كلمة تبوسم لي :)






تسلم اخوي صدى على المرور الكريم ولا هنت

[عجايب بنت الشايب]

يامال فرقا العين ياعرب


هاللحين هي تبي باكستاني .. وهي باكستانيه

جايين من ديرتهم .. يغازلون عندنا ليه ؟


يعلموننا انهم يعرفون الشر ..



اما شكلك وانت تراعي لهم ماتدري وش السالفه .. تقل هنيدي :wallah_hoo:


بيض الله وجهك يوم قلت لها حج ياحاج ..


بس خساره ماتعرف معناتها ..


وعندي لك أقتراح .. لا صرت ماهو بالحج يعني بالسوق


لاتقول حج ياحاج

قل دج ياداااج :) :d:



أسلوبك يخلينا نطمع .. بموضوع .. فلته .. :thumb:





)).... طحياتي ....((

http://www.arb-up.com/files/arb-up-Dec1/rkT42541.gif

[ريتاج]

هههههههههههههههههههههههههههههههههههههههه ههههههههههههههههه


تقو ل انه تحسبك بكستااااني ههههههههههههههههههههههههه اللهم لا شماته


انا يوم شفت الموضووع وانا على بالي مسويه جريمه مير تحسبك خويه البكستااااني هههههههههههههههههههههههههههههههههههه


عاد فيه كثير جياااكر بمجتمع الرجااال بس لا تزعل الرجاال ما يعيبه شي.....ههههههههههه

موضوووعك رائع

الى اللقاء..........

[عيون السروق]

يامال فرقا العين ياعرب


هاللحين هي تبي باكستاني .. وهي باكستانيه



لا ما حددت هي بس الوكاد تبي له واحدن يحتسي اوردو :)


جايين من ديرتهم .. يغازلون عندنا ليه ؟



ظليمتهم شينه ادخل على الله ماحطه بذمتي انه جايتن تغازل :)




يعلموننا انهم يعرفون الشر ..



اما شكلك وانت تراعي لهم ماتدري وش السالفه .. تقل هنيدي :wallah_hoo:



لا والله اثبت اني يدوي وقريب من التفهي :)




بيض الله وجهك يوم قلت لها حج ياحاج ..



ووجهتس بس لو تسمعينه بافامي المصريين ودتس تمريغنهم بالقاع :)




بس خساره ماتعرف معناتها ..



يقولون يبون يدخلونه بشفرات مورس ويترجمونه :)





وعندي لك أقتراح .. لا صرت ماهو بالحج يعني بالسوق



هاتي الاقتراح وندرسوه ونقرر شراح يصير :)



لاتقول حج ياحاج

قل دج ياداااج :) :d:



لا والله ابي اقول هج ياهااااج << يعني اعض شليلك وانحش :)




أسلوبك يخلينا نطمع .. بموضوع .. فلته .. :thumb:





يعني مهو فلته هذا :)


بس حضوركم يشجعنا roooose



)).... طحياتي ....((

http://www.arb-up.com/files/arb-up-Dec1/rkT42541.gif






تسلمين اختي عجايب على المرور الكريم ولا هنتي

[عيون السروق]

هههههههههههههههههههههههههههههههههههههههه ههههههههههههههههه


تقو ل انه تحسبك بكستااااني ههههههههههههههههههههههههه اللهم لا شماته




اقول احمدي ربتس ما شافوتس الا يحسبونتس من الصومال :)


عليتس طول مهو صاحي والشعر العكش هذا سالفتن ثانيه << تولج هالمسيكينه :)



انا يوم شفت الموضووع وانا على بالي مسويه جريمه مير تحسبك خويه البكستااااني هههههههههههههههههههههههههههههههههههه



وش اسوي انا من طلعت على الدنيا وهم يدهكون بشرتي بالحنطه لين غديت حنطاوي باكستاني :) << عن الحسد


والا اول يقولون مايفرقون بين لون بشرتي وبين القطن :)



عاد فيه كثير جياااكر بمجتمع الرجااال بس لا تزعل الرجاال ما يعيبه شي.....ههههههههههه



الجكر مهو عيب مار البلا لاصرت جيكر واصلع هههههههههه :)



موضوووعك رائع


حضوركم اروع roooose

الى اللقاء..........




تسلمين اختي ريتاج على المرور الكريم ولا هنتي

[شامان]

اولا : يا الله حيــــــــــــــــــــــــــــوه واخيرا شفناك :7ayyoh:

ثانيا : تراني رديت عليك في مشاركتي ال 500 ريال ( تبي تقص علي انت وراسك وين تروح مني )

ثالثا : اثناء قرائتي المتمعنه ( مدري صح والا لا ) المهم وانت خابر انا لا قريت شي اطلع اللي بين السطور مهو حي الله استوقفتني جمله اثناء ما كنت تسولف مع نفسك ( لحول الحجاج بالملايين وهذا يسولف مع نفسوه ) المهم تابع ........:goooood:



وانا امسك الهندي مدري باكستاني بس اقرب مالوه انوه باكستاني


بما انك خبره يا ليت لو تعطينا وش الفرق بين الهندي والباكستاني بما انك تعرف تميز بين اقرب مالووه وابعد مالووووه :)


ودمتم في رعاية الله وحفظة وتقبل الله طاعتكم ان شاء الله

[عيون السروق]

اولا : يا الله حيــــــــــــــــــــــــــــوه واخيرا شفناك :7ayyoh:



الله يحييك ويبدزيك وش انت شايف عااد واحدن يحسبونه باكستاني :(




ثانيا : تراني رديت عليك في مشاركتي ال 500 ريال ( تبي تقص علي انت وراسك وين تروح مني )




يعل مايرد الماء بزورك يعني بزردومك يعني بحنجرتك :)

ماضحكت عليك الواحد ما يستفيد الا لما يشوف الواحد مندبلتن تسبدوه وودوه يخلص من اللي معوه بأي طريقه :)





ثالثا : بما انك خبره يا ليت لو تعطينا وش الفرق بين الهندي والباكستاني بما انك تعرف تميز بين اقرب مالووه وابعد مالووووه :)







انا اقولك هذا سلمك الله تخبر جدودنا نواخذه ( كابتن سفينه ) بالبحر ويروح لبلاد السند ( مهو بيت السند ) وعرفنا من يومها نميز بينهم :)


الهندي يجيك بس يهز راسوه وكل ماقلت لوه شين يهز راسوه وهو مايدري منين هي هابه :)


اما الباكستاني تلقاه وليده يفزع معك ابد اليا تضايقت حطوه على يمناك :)



هااااااااه فهمت الحين :)




ودمتم في رعاية الله وحفظة وتقبل الله طاعتكم ان شاء الله



منا ومنكم صالح الاعمال


تسلم على المرور الكريم اخوي شااماان ولا هنت

[أبوطروق]

حج مبرور وسعي مشكور وتقبل الله منا ومنك صالح الأعمال

(هذي مشكلة اللي ماطور نفسه وتعلم أردو)

تشاو يالسروق

:

[عيون السروق]

حج مبرور وسعي مشكور وتقبل الله منا ومنك صالح الأعمال

(هذي مشكلة اللي ماطور نفسه وتعلم أردو)

تشاو يالسروق

:

جزاك الله خير يابو طروق



اما اللغه الاورداويه نبي نكلم المشرف العام يحطه بالخطه الخمسيه في مساعده الفلاليه :)




وشو تشاو << اهبببب يابو طروق تعرف اوردو :)




تسلم ولا هنت على المرور الكريم

[بالمختصر..]

وانا احسبه صحيح :qannaj:


لأننا يوم كنا بمكه رايحين عمره العام ضيعت أمي << احس اني وغيده وانا اقوله :)

المهم ضيعته وحنا راجعات للفندق وادوره وابحّر يمين يسار مدري وين اختفت !!

شوي ألا واحد مر من جنبي يغمز لي shlwee7

حنا تونا طالعين من الحرم ياملا الرمد لهالعيون ياالمروح :148r:

وانا اسررررع للفندق وقلت بكيفه أمي تسانه صادزه لاتجي :puzzled:

شوي ألا انا اشوفه قدامي وافقع ضحككككك

وتقول وش بتس تضحكين ؟؟ << ذبحته الشفايه :qannaj:

قلت إذا وصلنا أقولتس ..


.


عيون السروق / حج مبرور وسعي مشكور .. تقبل الله منكم

الباكستاني اشوى من البنقالي :7ayyoh:

على الأقل مسلمين ..




.
.

[الكنبيوتر]

ايس فيه نفرات أنتا كلام بنقالي باكستاني ايس هادا :148r:

انتا كلوه مخ كربان


باكستاني نمبر ونَ


الا على الطاري منهو البنقالي يا بالمختصر :)

تسني أعرفوه :wallah_hoo: ريال

[الكنبيوتر]

أوووه نسيت

حج مبرور وسعي مشكور وذنب مغفور يالسروق

الا على الطاري ماتبت أنت عقب هالحجه :315r:؟؟


:goooood:

[عيون السروق]

وانا احسبه صحيح :qannaj:


لأننا يوم كنا بمكه رايحين عمره العام ضيعت أمي << احس اني وغيده وانا اقوله :)

المهم ضيعته وحنا راجعات للفندق وادوره وابحّر يمين يسار مدري وين اختفت !!

شوي ألا واحد مر من جنبي يغمز لي shlwee7

حنا تونا طالعين من الحرم ياملا الرمد لهالعيون ياالمروح :148r:

وانا اسررررع للفندق وقلت بكيفه أمي تسانه صادزه لاتجي :puzzled:

شوي ألا انا اشوفه قدامي وافقع ضحككككك

وتقول وش بتس تضحكين ؟؟ << ذبحته الشفايه :qannaj:

قلت إذا وصلنا أقولتس ..


.


عيون السروق / حج مبرور وسعي مشكور .. تقبل الله منكم

الباكستاني اشوى من البنقالي :7ayyoh:

على الأقل مسلمين ..




.
.



جزاتس الله خير ويتقبل منا ومنكم



شكرا على المرور الكريم ولاهنتي

[عيون السروق]

ايس فيه نفرات أنتا كلام بنقالي باكستاني ايس هادا :148r:

انتا كلوه مخ كربان


باكستاني نمبر ونَ




ما ادري وش تقول بس ذكرتن بمسبوعة الابو واللي فزع لي اثريك مثل حتسيهم :)





الا على الطاري منهو البنقالي يا بالمختصر :)

تسني أعرفوه :wallah_hoo: ريال


مالك لوا ريال مهو بنغالي يقولون ترجع اصوله لكوريا الشماليه :)







وهذي صورة ريال الكوري للتأكيد :)



http://www.moq3.com/img/up112007/C0i94408.jpg







وجزاك الله خير ويتقبل منا ومنكم صالح الاعمال




تسلم ولا هنت على المرور يالكنبيوتر

[AL-SAAD]

هههههههههههههههههههههههههههههههههههه



اشوى انها جت على كذا

[عيون السروق]

:7ayyoh:




اجل تقول اشوا انك جت على كذاا :)




من كلمتك مبين عليك صاير معك موقف ابلى من موقفي :3ajeeb:




اجل نتحراك تكتب موقفك على احر من الجمر << يارجل يمكن ماصار معوه شين وشنوحك مستعجل :a:






تسلم ولا هنت على المرور الكريم