أطنشهم وإلا أطيعهم [الأرشيف]

الجازي

01-01-2008, 13:40

وصلني على إيميلي في الهوتميل :)

رسالة من كم شخص واصلتهم من جون هينيرد وهارون لوبيز :) يقولون فيها <<< صارت قصيدة :) :

عزيزي مستخدم 'الهوتميل'،
بسبب الاندفاع المفاجئ للناس بالاشتراك بخدمات 'الهوتميل'، نعتقد أن اغلب العناوين البريدية بلا مصادر. لذا، خلال شهر واحد فقط، سيتم حذف أي عنوان بريد الكتروني (إيميل) لم يستلم هذه الرسالة التحذيرية. رجاء أرسل هذا البريد الإلكتروني لكي نتأكد من أنك ما زلت تستعمل هذا الحساب. نسعى من خلال ذلك للكشف عن المستخدمين الحقيقيين 'للهوتميل'. لذا إن كنت لا تزال تستخدم حسابك في الهوتميل قم بإرسال هذه الرسالة الى كل مستخدم للهوتميل تعرفه وإلا فسيتم إلغاء حسابك من خدمات الهوتميل.

السّيد جون هينيرد
إدارة 'هوتميل'

تحذيز!

أنظمة خدماتنا تأخذ بالازدحام! لذا عليك إرسال هذه الرسالة إلى عشرين (20) مستخدم على الأقل. بالرغم من أن هذا العدد يبدو كبيراً إلا أننا بحاجة لمعرفة المستخدمين الحقيقيين لخدمات 'الهوتميل'. في حال امتناعك عن إرسال هذه الرسالة التحذيرية لأكثر من عشرة (10) أشخاص سيتم إلغاء حسابك في 'الهوتميل'. ومعذرة على الإزعاج. الرجاء القيام بذلك وإلا فسيتم إلغاء اشتراكات أغلب أصدقاءك، كما لا يحق لك إرسال الرسالة للشخص الذي قام بإرسالها لك.
مدير خدمات 'هوتميل'
هارون لوبيز

وبصراحة أنا مادخلت مزاجي ,, عجزت أقتنع بمصداقيتها ,, أحس فيها تلاعب ,, لأن طريقة التحذير غبية وبدائية ومالها سنع ,,

يعني يا أرسلها لعشر أشخاص يايحذفون حسابي !!؟ ياخي منة الله ولا منة خلقه :)

والا وش رايكم أنتم !!؟

شموخ

01-01-2008, 14:20

طنشيهم :thumb: مدام فيها تهديد بعد

يتمنون علينا عز مثل ماقلتي منة الله ولا منة خلقه :)

خليهم يحذفونه ولو منك عناد فيهم ماراح ارسل لهم شي :)

تحياتي
شموخ

ولد الياور

01-01-2008, 14:57

بالله تطنشهم لان هذي الرسالة وصلتني من شهرين

و طنشتها ومايطلع بيدهم يسوون شي

rooose2تحياتيrooose2

ابن جشعم

01-01-2008, 17:01

ماظن شركة مثل الهوتميل ترسل هالشي هذا بصفه رسميه <<< اجل يمزحون معه :solh:

طيب هل المرسل قسم المسانده والدعم حق الهوتميل او بأسم اشخاص ؟؟

هل الرساله وجدتيها بالجنك ميل او بالوارد ؟؟ رسايل الشركة ماتروح للجنك ميل لأنه بتاعهم وهم ابخص..

افضل حذف الايميل وكأن شي لم يكن ..

انا جتن رساله امس وتقول الرساله بمناسبه راس السنه ترك فزت بـــ مليونين وخمسمية الف دولار وراسلنا من شان نسلمك المبلغ !!!!

تشااااااااااااااااااااااو

الجازي

01-01-2008, 18:10

طنشيهم :thumb: مدام فيها تهديد بعد

يتمنون علينا عز مثل ماقلتي منة الله ولا منة خلقه :)

خليهم يحذفونه ولو منك عناد فيهم ماراح ارسل لهم شي :)

تحياتي
شموخ

التطنيش الله لايعوق بشر :thumb:

بس ودي أعرف وش وراهم ؟؟

تتوقعين إنها نصب واحتيال :) وإلا ناس من جيميل حاقدين على هوتميل ويبون يكسرون سوقه عشان كذا سووا هالحركة اللي تنفر المستخدمين من الهوتميل وتخليهم يهاجرون لغيره مثل ردة فعلي :)

كل شيء جايز في هالزمان ,,

بس تسان السالفة مؤامرة على الهوتميل يبيلي أحط عند قتس خبر عشان يتدارك عمره :qannaj:

يسلمو شموخة على مرورك الحلو

الجازي

01-01-2008, 18:12

بالله تطنشهم لان هذي الرسالة وصلتني من شهرين

و طنشتها ومايطلع بيدهم يسوون شي

rooose2تحياتيrooose2

أنا مطنشتهم بس هالعالم اللي ماطنشوهم وغثوني برسايل التحذير وش السواة بهم shlwee7

يعطيك العافية أخوي ولد الياور

الجازي

01-01-2008, 18:15

ماظن شركة مثل الهوتميل ترسل هالشي هذا بصفه رسميه <<< اجل يمزحون معه :solh:

طيب هل المرسل قسم المسانده والدعم حق الهوتميل او بأسم اشخاص ؟؟

هل الرساله وجدتيها بالجنك ميل او بالوارد ؟؟ رسايل الشركة ماتروح للجنك ميل لأنه بتاعهم وهم ابخص..

افضل حذف الايميل وكأن شي لم يكن ..

انا جتن رساله امس وتقول الرساله بمناسبه راس السنه ترك فزت بـــ مليونين وخمسمية الف دولار وراسلنا من شان نسلمك المبلغ !!!!

تشااااااااااااااااااااااو

المرسلين أشخاص مضافين عندي في القائمة يعني زميلاتي وربعي :) ومضمونها نص رسالة من إدارة الهوتميل ومدير خدماتها ,,

أما سالفة الجوائز أنا أبشرك صارت ثروتي ماتبعد عن بل قتس :)

بس ما أحب أحتسي ,, النعمة زوّالة :)

المشرف العام

01-01-2008, 19:58

عمّتنا : الجازي

طنشيهم وتعالي عندنا خوذي بريد على سيرفر شمر وريّحي بالك :)

كان تبين مجاني shammar.net روحي يم الواجهه الرئيسيه وخلي الخيول على حجاجك الايسر وتيامني يوم الدخول للبريد وفيه ايضاحات كثيره هناك ، بس املك نص البريد والباقي لشركه ثانيه يحق لهم الدعايه هناك

تبين على السيرفر الرئيسي بالاسم المختصر shmmr.net نملك البريد بالكامل ، ارسلي الايميل اللي تبين وتقدرين تاخذينه من الاوت لوك وريّحي بالك ، إذا انتِ تحبين مايفوتك شيء حولي بريدك الخاص بالهوتميل شمر ويجيك لحد عندك

/

غير هيك عروض ماعمّ تحصلي :d:

ريال الفسحه

01-01-2008, 21:27

بس تسان السالفة مؤامرة على الهوتميل يبيلي أحط عند قتس خبر عشان يتدارك عمره

:solh::solh::solh::solh::solh::solh::solh::solh::solh::solh::solh:

هذي كذبة اخترعها بعض الي مايخافون الله من الناس الملقف
وقاموا بإرسالها لزملائهم ومن عندهم بالايميل والي مسيكين
على باب الله يكزه للي عنده :315r:

اتركيهم هالنصابين بعدين لو انه الشركه ما خلت زميلتك
ترسل لتس تسان بزر واحد ارسلو لخلق الله كله

والا الشركه واقفتن على فزعاتنا :315r:

ملامح شمري

02-01-2008, 13:12

فيها تلاعب ,, لأن طريقة التحذير غبية وبدائية ومالها سنع ,,

. . .

المطنوخ

02-01-2008, 15:58

هذي هينه يالجازي

البلا نوبات تجيني رسايل من ايميلي!!

تخيلي يعني القى رساله عندي ويوم افتشه ليا المرسل ايميلي!

هذي وشلون

عجايب بنت الشايب

02-01-2008, 21:28

خذي العلم من عجايب > الله الله

روحي سوي ايميل ثاني أو ارسلي من ايميل ماتبينه

وشوفي وش يصير بوه >> متعوده على التجارب

:d:

)).... طحياتي ....((

http://www.arb-up.com/files/arb-up-Dec1/rkT42541.gif

الجازي

04-01-2008, 12:12

عمّتنا : الجازي

طنشيهم وتعالي عندنا خوذي بريد على سيرفر شمر وريّحي بالك :)

كان تبين مجاني shammar.net روحي يم الواجهه الرئيسيه وخلي الخيول على حجاجك الايسر وتيامني يوم الدخول للبريد وفيه ايضاحات كثيره هناك ، بس املك نص البريد والباقي لشركه ثانيه يحق لهم الدعايه هناك

تبين على السيرفر الرئيسي بالاسم المختصر shmmr.net نملك البريد بالكامل ، ارسلي الايميل اللي تبين وتقدرين تاخذينه من الاوت لوك وريّحي بالك ، إذا انتِ تحبين مايفوتك شيء حولي بريدك الخاص بالهوتميل شمر ويجيك لحد عندك

/

غير هيك عروض ماعمّ تحصلي :d:

والله

العروض مغرية جداً shlwee7

للي ماسجل عندكم :)

أما أنا فسبق وسويت لي بريد شمري :) مسميته باسمي القديم :) بس مدري ليه تركته !!؟ <<< أنا متأكدة إنه كان فيه سبب بس نسيت وشو :)

يبي لي أسجل باسم الجازي عشان أصير عمة رسمية في الموقع :goooood:

مشكور يابو سلطان على هالعرض المميز

ماقصرت

الجازي

04-01-2008, 12:18

:solh::solh::solh::solh::solh::solh::solh::solh::solh::solh::solh:

هذي كذبة اخترعها بعض الي مايخافون الله من الناس الملقف
وقاموا بإرسالها لزملائهم ومن عندهم بالايميل والي مسيكين
على باب الله يكزه للي عنده :315r:

اتركيهم هالنصابين بعدين لو انه الشركه ما خلت زميلتك
ترسل لتس تسان بزر واحد ارسلو لخلق الله كله

والا الشركه واقفتن على فزعاتنا :315r:

والله ما أستبعد ,, لأنهم خابرينا راعين فزعات :)

هو بصراحة الشركة واقفتن على فزعتي أنا لأنهم متعودين مني مثل هالمواقف المشرفة :)

بس عاد تصير السالفة فلة وكلن يرسل عشر إنذارات لربعه !! هذي اللي فيها إن !!

الجازي

04-01-2008, 12:21

. . .

^
^
^
على مايبدو إن هالنقط ترمز للتأييد والمساندة

شكرا لك مستشارنا الكريم

الجازي

04-01-2008, 12:27

هذي هينه يالجازي

البلا نوبات تجيني رسايل من ايميلي!!

تخيلي يعني القى رساله عندي ويوم افتشه ليا المرسل ايميلي!

هذي وشلون

طيب وش يرسل لك ؟؟ <<<<< أبوتس يالشفاية :)

هذا الله يسلمك إيميلك عنده انفصام بالشخصية فيصير يحاتسي روحه على إنه إيميل ثاني :)

الله يعافيكم ولايبلانا بس ,, تسانكم يالفلاليين صرقعتوا بالعالم حتى إيميلاتكم ماسلمت منكم :qannaj:

الجازي

04-01-2008, 12:30

خذي العلم من عجايب > الله الله

روحي سوي ايميل ثاني أو ارسلي من ايميل ماتبينه

وشوفي وش يصير بوه >> متعوده على التجارب

:d:

)).... طحياتي ....((

http://www.arb-up.com/files/arb-up-Dec1/rkT42541.gif

وليه التعب والتجارب !!

خليني أسأل هاللي أرسلوا لي وش صار لهم عقب ما أرسلوا <<<<< زولة عملية :thumb:

ياحبي لتس ياعجوبة لو تدرين :d: