عارضي والزقم شامي

[صلفيق ابو قناة]

عارضي والزقم شامي


يا حمود أنا عارضي شابي=طرد الهوى جزت أنا منه
ما غير وضاح الأنيابي=هذاك مني وأنا منه

عارضي كامل المواصفات لولا طول الحنتس وارتفاعه مع انخفاس الشفة العليا للداخل وهذا ما يشكك الي يشوفه ان فيه عردز شامي مع أني أظن الأمر لا يعدو طفرة جينية يعزو المختصون حدوثها لزيادة أو نقص بعض الهرمونات المتأتية من بعض المواد الحافضة وعمليات التهجين والتغيير في المصادر النباتيه والحيوانية للتغذية.

ركزوا الله لا يهينكم على يعدو ويعزو ومتأتيه ولا تهون الأنكى ترى ما كل يوم يمرنكم بالفلة:)

العارضي هذا قصته مع أخوكم أبو قناة قصة:3ajeeb:

هذا طالت عماركم/ن<<الدقة مطلوبة:)
رحت بهالخميس للكويت (الشويخ) أدور لي قطع غيار وكنت مستعجل أبي أرجع قبل تسكر الورشات ويوم خلصت من الجوازات السعودية والكويتية وتوي متعدي بوابة الدخول الا هكالولد متلطم ما تظهر الا عويناته الي تقول فتوق فروة قال معك يالأخو قلت والله يارجل مستعجل قال ما أعطلك ويفطن علي ابن خر الذيب (حالفٍ ماخذ على الطرقي ريالة) قلت حياك:7ayyoh:

ومن رتسب وأصبحه بالخير قلت والله يهالمدن الصغيرة ما تنفع بسبع المذاهب تسيف كل ما تبي لك قطعه لسيارتك كود تطرش ، لا والأنكى من ذلك ان هالهنود يسكرون من عصر الخميس ولا يفتحون ورشهم الا السبت <<ذهين أبيه يقدر عجلتي ولا يعطلن:thumb:
قال لا يفتحون سلوم بهالفايت صلح سيارته بالليل وبيوم خميس بعد:a:<<حسبي الله عليك أنت وسلوم من أوله تسذيب الله يستر من تاليه:za3lan:

سكتنا شوي يوم قام يتمتم وتقل بالسالفة شتام ولعن قلت خير يا رجلshlwee7
قال ما يجي ورى النسوان خير ، مانعتن من السفر بنت الذينا على شان تسم دينار نفقه ، لا وبعد تبي تشاركن ببيتي ألي والله ما تفرح به لو على جثتي وهو يهل لي الشريط من طق طق الى سلام عليكم :)

قلت والله ان طريقة هالمحاكم بمنع السفر للي عليهم قضايا زينه ، وانت ان شالله قضيتك هينه ادفع له المطلوب خاصة ان لك ولد منه قال ادفع له سم والولد الي منه مابيه !:3ajeeb:

ويطري علي قول حميدان الشويعر

ليا جا ثور يخطب بنتك=فاضرب رجله وقله قف
والله ما يسوى ملكتها=ولا يسوى قرعٍ بالدف
يظهر بنتك من بيتك=ويذوقها جوع وحف
ان سلمت من ضربه بيده=ما سلمت من بف وتف
يروحن حيلٍ وملاط=ويجن لقحٍ ومردف
فوصاتي لكل مرة تبلى بمثل هالعاقة الي ما ياخذ باحسان ويفارق باحسان انه لا تردد بالمطالبة بحقه عن طريق المحاكم لأن اللئيم ما يعطي حقوق الغير الا بشكاوي وطلايب

المهم قربنا للشويخ وأتحرى انه يتصل بأحد على شان يجيه يمار ماش ، قلت ترن يا خويك مامن دلالة وعجل بعد لكن وش رايك أودزف حدا هالتكاسي الي منا كثرهن يوصلنك وأنا أروح أخلص شغلي ، قال لا لا هذي اللفة وأنا أعصب توي بصفط وأنزله ويطري علي ابن خر الذيب مرة ثانية<<صار لي عقوبه:) ، وأنا أمشي قال ايه من هالإشارة ومن اشارة لإشارة لدوار وفرفرة بهالحارات مرٍ يمين ومٍ يسار(مرٍ نبهرها ومرٍ بلاشي:)) وأحيان فوق تحت ليما جينا بيته عسى مهو بيت حديهم ، وهو لك يفتح الباب ويدزفي تقل مار نازلن من له تكسي سبيع الأبو ، قلت له يا رجل وصف لي المخرج عقب هالحوسه أبي أحسسه بالذنب مار ظني انه بليد ، وتوه يبي يوصف لي من صدقه الا أنا دازه وأنا أطبخ من داخل:148r:




جاهمٍ من صبح ربي بلا ريوقي=للشويخ وناوي أرجع بضحوية
قبل يعرض لي عوينات السروقي=ويخِّرن لا رحم أبو ميته وحيه
من ركب قلت إله لا تفتق فتوقي=واعذرن من لفتن لوهي شويه
عجل يبن الناس ودي باللحوقي=بالورش لا تضيع أوقاتي عليه
قال حاضر ثم تمتم له نشوقي=يلعن ويشتم ويفتخ في يديه
قلت خير وودي لسانه أبوقي=قال وين الخير والحرمة أذيه
جيت ابطرش قالوا الدرب مغلوقي=الطليقة رافعة ضدك قضية
نفقته متأخرة والها حقوقي=السكن بينك وبينه بالسويه
قلت دامه حق وموثق وثوقي=اعطها، قال أعطيه حوض المنية
النسا نكبة ونشبة بالحلوقي=وأطيب النسوان لو فكرت حية
خبل من عاملهن بلطف ورفوقي=والحظيظ الصمل لا هذي وذيه
قلت هن أجناس والجيزة وفوقي=وكان حظك شين فالنية مطية
وقمت ألمح للنزول بكل ذوقي=يالخوي مادل واضيع بشبر ميه
مار هالتكسي حليل ولك يلوقي=قال لالا! هذي اللفة هنيه
ولفلفة ودوار وشاره وتحت فوقي=لين جينا مثبره بالعارضية
وانسل بلا حتسي وأقفى كالسلوقي=دون شكر وكني مسوي جنيه
قلت في نفسي ومن أقصى خفوقي=واهنيك في فراقه يا اجوديه
أشهد انه عله وشومٍ وعوقي=للمره وانسابته وحتى خويه
شوف وجه العنز واطمع بالغبوقي=يا مدور للبن بالعارضية

[ريال الفسحه]

هههههههههههههههههههههههههههههههههههههههه ههههههه





اقفى تقل سلوقي خخخخخخخخخخخخخخخخخ


ياولد هاللي بالطريدز ماودك تركبهم ابد ولاودك تاقف
لمخلوق واذا صرت انت متعطل ..تقول ليه هالناس
ماتوقف لي وين النخوه :315r:










مثبت يابعدي وصح لسانك قصيده كذا :thumb:









رائع يابوقناة:goooood:

[ماجد علوان]

هههههههههههههههههه



ابوقناه عز الله ماودك توقف للي يشرووون


ياعمي ينشبووون تقول هم الي موقفين لك



واذا تعذرت منهم وش الي يفكك



يزعل عليك كنك انت الي محتاجله



مافيه احد طاااح بهالمواااقف كثررري



بس يركب معك واحد صاحي احسن
من واحد مجنوون وينشب بحياتك



ويكرهك بدنياك ووودك تنزل وتعطيه السياره وترجع تاشيره






ابووو قناة لاهنت ع هالموووضوع
وصح لسانك



تقبل ودي واحترامي

[منصور الغايب]

هلا وغلا ....


مبطين عن مثل هالنادرات ....


عسى الله لا يحرمنا منه ..

الا شخبار ابن خر الذيب :)


لاهنت يابوقناة ...

ومرة ثانية وصنا وحنا ندزلك قطع الغيار بمسج بدال لا تتعنى وتجي ....









ثانيا لاجيت الكويت عطنا خبر خل نقوم معك بالواجب ... :)

[صلفيق ابو قناة]

هههههههههههههههههه

شبلاكم الله لا يبلى تقول طرمان يالفلالية ما غير تسرخ بهالتشكرات بليّا حتسي :3ajeeb:

لا لا هالشغل ما يصير بنوب ولا ترى بسحب موضوعي وأبيعه تفريد:thumb: بحط نصفه بالعام والنصف الثاني بمضيف الشعر :)
^
^
يا رجال اركد لا يفكون رباطه ولا يرده الا الصفحة الثانية هذا تسان ما رمسوه ورى الجال الي يذكره سعدون العواجي:)
قصيتهن حتى انهن حودرني ***مع جال مايرجع ذهيبٍ غدابه :3ayyen_khair:

المهم الله الله بالاستعباط والاستنباط والتعليقات الي تمسح الاحباط ترى الهم طاويني واقرب قريبٍ مجافيني وأدور سعة الصدر عندكمroooose

[الجازي]

^
^
^
هههههههههههاي

هالرد صراحة عن موضوع :)

ياشين لاكتبت موضوع والعالم نايمة :)


بس تبي تعرف السبب

أنا أهقى إنه التثبيت <<<<< وحدة غايرة :)

ترى التثبيت يخلي الموضوع طاير فوق ماينشاف :)

يعني عليك بريال فسحة تراه مستقصدك :)

لي عودة بإذن الله

[عجايب بنت الشايب]

يابري حــــــــــــالي ..


عز الله .. انك شفت من هالرخوم عينه .. حيه ..


مير الطيبين .. والطيبات بيسفهونه .. ( ماهم معطينه وجه )


أمـــــــا في حالة .. أن كانت مرته .. ( قرمه وراعية غنم ) :)

فهذا له . حلين أذا الله بلاها فيه ..

أمـــــا بتشوفه متسنع وراكب الصراط المستقيم . وصايرن أرجل منك :7ayyoh:

أو انه .. بيتوسد قبره .. وبنكتب عليه . ( مات والسبب رخامته ) :3ajebni:



بعدين بهالزمن لا تنصدم ولا شيء ..

صرنا نقول يالله سلم سلم ..


وأغلب هالجيل .. تربى عند مربية وشغالات .. وفي طفولته ماطب ديوانيات الرجال ..

يعني وش تبيه يسوي .. يوم كبر ,, وقالوا له : صير رجال وخالط الرجال ..

وهو مايعرفهم shlwee7 من صغره ..


ومن شب على شيء شاب عليه ..


من زمان .. ماتشوف هالورعان يلعبون بالحوش والرجال بالمجلس .. لأ تلقى الورع صافن جنب ابوه

هاللحين الأبو نفسه مايبي ورعه .. جنبـه .. أصلاً .. يقول له رح مع الورعان ..



مااقول الا الله المستعان بس


وبيض الله وجهك على هالسالفه ..


واعمل خير وأرميه بحر ..


ولا تظن أن كل العرب قرم ..شرواك





لاهنت ولاتهت





)).... طحياتي ....((

http://www.arb-up.com/files/arb-up-Dec1/rkT42541.gif

[شامان]

ذكرتني والله بواحدن خذيته من الجوازات وانا طالع من الكويت الوكاد قلت وين قال قدام مدري قدام وين ويوم مرينا الافق قلت اوقف نصلي ،، قال يا الله نزلنا وصلينا ركعتين قبل الصلاة نتسنن نتحرا الجماعه يا مار انا خلصت والاخ للحين يصلي التفت اطالع فيه والا الاخ تقول سارق شي بس يتلفت وهو يصلي يوم بحرت بالوجه عدل والا سبحان الله مابوه اي نور مظلم قلت ايه هذا اللي يبي يخاويني بس يقول قداااااام ( اشوا ما طرى علي ابن الذيب ) ،، يوم رديت للسياره قلت امشي واخليه والا اتحراه الوكاد وصل قلت اسمع تقبل الخط الله لا يهينك انت الصلاة ما تعرفه يعني ما تعرف الله انت وراسك تبيني أمن على روحي بهالطريق وطردته .

ثاني مره اطلب منه اثبات وسيرة ذاتية وعنوان بيتهم قبل كل شي

[الأصيل]

هههههههههههههههههههههه

خخخخخخخخخخخخخخخخخخخ

رررررررررررررررررررر ( هذي ضحكه جديده مديل 2008 ):315r:


كتبت لك شكر ،، ونت تستاهل شكر كثر مغثتك من هكا الرفيدز:mabrook:



يالله حيووووووووووووووووووووووه



حيا الله عشيرنا الغايب :d:







أنا الأصيل

أبوثوب ،، خاف إنك نسيتن يابوقناه:315r:






أقسم بالله إنك رووووووووووووووعه وقصيدك رووووعه:thumb:







النسـا نكبـة ونشبـة بالحلوقـي
وأطيب النسوان لو فكرت حيـة




تسمعن ياعجز ،،،

تشوفن

هذا أبوقناة اللي يقوله :315r:





السالفه منازينه

والقصيده مناأزينه ( صيغة تفضيل من : منازينه ):3ajeeb:


ولكن


يخي ترا الجهرا مهي بعيده عن العارضيه:148r:

ولنا حق إننا نشوفك شوف ونبتهج بمشاهدة قناتك الموقره








لله درك:315r:












طنخان

إقظب هالرجال لايهج






والله يخلي هالسياره اللي احتاجت لقطع الغيار علشان يجيب هالموضوع:315r:

[عيون السروق]

ههههههههههههههههههههههههههههههههههههه




قبل يعرض لي عوينات السروقي
....................................ويخِّرن لا رحم أبو ميته وحيـه


ابو قناه اول شين وشنوحك علي وش انا عاملن لك :148r:




ثاني شين ليه ما تعلم شلون تعبث بالمسجل وانت داعسن على البانزين

علشان ماتودزف لاحد :goooood:



ثالث شين وش ثالث شينوه ابي اتنخااا بالشعار الا يهجدونك بلك قصيدتن مار اصبر علي :)










والا اقول تدري شلون اقضبه تراه جتك مني وانا سرقاااان :3ajeeb:







جيتك يابو قناة فاكن سبوقي ...... ابي اوصيك لك كم وصيه

الاوله لاتعرضن تراني حموقي ...... والثانيه بعد احمّق شويه

والثالثه اجيك بقلبن صدوقي ..... واقول مدزي بك يازين هالسويّه




صح لساني ولا يهون الربع :)








عشت ولاهنت اخوي ابو قناه على ماجلبت لنا من قصة وقصيده تفرح العدو و لا تسر الصديدز





:3ajeeb:

[ريتاج]

خخخخخخخخخخخخخخخخخخخخخخخخ

صراحه ياأخوي مايستاهل انك توصله المفروض جادعه من الدريشه وداعسه:puzzled:

رفع ضغطي ياملي يامرته كانه مظلووومه له الجنهn)

مشكووور على هالمووضووع الرائع.........وصح لسانك على هالقصيده

الى اللقاء.........

[صلفيق ابو قناة]

هههههههههههههههههههههههههههههههههههههههه ههههههه





اقفى تقل سلوقي خخخخخخخخخخخخخخخخخ


ياولد هاللي بالطريدز ماودك تركبهم ابد ولاودك تاقف
لمخلوق واذا صرت انت متعطل ..تقول ليه هالناس
ماتوقف لي وين النخوه :315r:










مثبت يابعدي وصح لسانك قصيده كذا :thumb:









رائع يابوقناة:goooood:

هلا والله بذيبان

اي والله يفلان أقفى دون لا سلام ولا كلام:za3lan:

لا ولي دابل تسبدي انه لزم علي بالعزيمة أول ما رتسب معي مار يوم توكد من عجلتي واني مستحيل أمر تطمن وجرجرن لين أوصلته مهدومه ، ولا هكالوجه الي شفت لو عنده احتمال لوهو بسيط اني من الممكن اني أعازم له تسان نزل من لمحت له بالنزول:)

لا هنت على التثبيت يالزعيم:thumb:

[صلفيق ابو قناة]

ههههههههههههههههه

ابوقناه عز الله ماودك توقف للي يشرووون

ياعمي ينشبووون تقول هم الي موقفين لك

واذا تعذرت منهم وش الي يفكك

يزعل عليك كنك انت الي محتاجله

مافيه احد طاااح بهالمواااقف كثررري
بس يركب معك واحد صاحي احسن
من واحد مجنوون وينشب بحياتك

ويكرهك بدنياك ووودك تنزل وتعطيه السياره وترجع تاشيره

ابووو قناة لاهنت ع هالموووضوع
وصح لسانك

تقبل ودي واحترامي
يا هلا ومرحبا بماجد علوان:)
طرى علي ماجد سرحان فيد الـ BBC :)

أجل من كثر مواقفك مع هلي يأشرون تنصح بتطنيشهم :3ajeeb:
طرت علي سالفة يومك تقول بعضهم كأنهم هم الي موقفين لك:)
هذا واحد من الربع يقول يوم جيت أعبي بانزين بالمحطه بطرف حفر الباطن الا هكالغليم يسلم علي قال ما تبي لك خوي للدمام يقول يمار أنا فعلاً أبي الدمام قلت ألا والله حياك يقول واروح للبقالة يوم رجعت للسيارة الا به أربع شباب ثلاثة ورى وهو بجنبي قدام ، يقول كشيت منهم بس استحيت لا أنزلهم بعد ما وافقت لرفيدزهم الي كنت أحسبه لحاله:za3lan:
يقول يوم مشينا شوي قالوا الي بالخلف لخويهم شغلنا المسجل وهو يشغله يمار شريط قصيد قالو يا شيخ أعمى عيونا الغبار منين جايب هالشريط يقول وهو يقوم يقلب الشرطان يدور على مزاجه وأنا تقول سواق عندهم وكل ما شغلوا شريط ضحكوا عليه يوم ارتفع ضغطي بس مال بهم حيلة هم أربعة وأنا حتى سلاح ما معي يقول وأسبط لين وصلنا الصداوي وأنا أصفط قالوا شعندك قلت أبد سلامتكم أبي أمر لي رجال هنا ربع ساعة وأجيكم مار أنزلوا هنا ، قالوا ما يصير يا شيخ نمر معك قلت مستحي من الرجل لي معه موضوع خاص قالوا أجل ما يحتاج ننزل شنطنا خلهن معك بس لا تبطي قلت الي تبون يقول وهم ينزلون ، يوم نزلوا وأنا لك ألف تسني أبي داخل الديرة يوم أبعدت عنهم شوين وأنا لك أتناوش شنطهم وأحطهن عندي وألف عليهم يوم صرت بجنبهم وأنا لك أحذف الشناط عليهم يمار نثار ملابسهم مالي الرصيف وأدزه وما آاقف الا بالدمام:)

حياك الله يبو علوان:7ayyoh:
ونبي منك تبسط ببعض هالمواقف هنيا ولا تجمعهن لنا بموضوع يمكن تعنونه بـ (التأشيرة بين العلقم والشيرة)<<ما يعرف من الحلا الا الشيرة:thumb:

[صلفيق ابو قناة]

هلا وغلا ....

مبطين عن مثل هالنادرات ....


عسى الله لا يحرمنا منه ..

الا شخبار ابن خر الذيب :)


لاهنت يابوقناة ...

ومرة ثانية وصنا وحنا ندزلك قطع الغيار بمسج بدال لا تتعنى وتجي ....

ثانيا لاجيت الكويت عطنا خبر خل نقوم معك بالواجب ... :)

النادرات أكيد أنكم مبطين عنهن لأني مبطي مازرتكم:thumb:<<أبوك يالغرور:)
يا هلا وغلا يا منصور الغايب
جابك الله دامك من أهل الكويت أبي أنشدك عن ديرة سبيع الأبو العارضية وشَّم أهله؟
شكرا لكريم مرورك أخي منصور

[صلفيق ابو قناة]

^
^
^
هههههههههههاي

هالرد صراحة عن موضوع :)

ياشين لاكتبت موضوع والعالم نايمة :)


بس تبي تعرف السبب

أنا أهقى إنه التثبيت <<<<< وحدة غايرة :)

ترى التثبيت يخلي الموضوع طاير فوق ماينشاف :)

يعني عليك بريال فسحة تراه مستقصدك :)

لي عودة بإذن الله

هالحين ههههههههاي وأنا أقول الهم طاويني:za3lan:
جزاك الله خير يالجازي وين التضامن؟<<التضامن في رفحاshlwee7

ألا هقوتك ريال الفسحة مستقصدن بهالتثبيت:a:

أنا منا مرتاحله منذ مبطي وحاس انه مستقصدني ويدور علي الزلات بس ما توقعت ان توصل به المواصيل انه يثبت موضوعي :148r:

لكن منه لله الظالم








الي ما يحب خفاف الدم الي من نمونة ريالووووووووووه:thumb:

لا هنتي يالجازي وانتظر العودة المنتظرة بس لا تكون عودتك لموضوعي الي بالفصيح:thumb:

[الكنبيوتر]

:mabrook: عليكم السنه الجديده


ررررررررررررررررررررر <<<< مو هذي ضحكة 2008؟؟

ذكرتن مرة كنت طالع من الخفجي وماشي للجبيل ويوم وقفت عند محطة البنزين اللي دون التفتيش الا واحد وقف جنبي بسيارته ويسلم وانا أقول :7ayyoh: بس ما أعرفوه المهم قال وين يالأخو دربك ؟؟ قلت أمر قال ماتبي لك خوي للدمام قلت أنا دربي للجبيل قال مو مشكلة الجبيل زينه وهو يلتفت للسيت اللي ورا :thumb: وهم ينزلون أربعة ولا معهم لا شنط ولا شي قلت يالله سترك ويركبون السيارة بسرعة قلت الله يستر لا و الأدهي أن واحد لابس ثوب نوم خخخخخخ ورايح للدمام بس أنا بررت له موقفه على أساس أن الوقت كان ليل :solh:

المهم وحنا بالطريق سوالفهم أطعجني ويا لبا قلبك وتتن وضحك ويبون يشغلون شريط مسجل بس أشوا اللومينا الجديدة مابه مسجل بس سيدي :3ajeeb: أي والله

وش تبون أخرته عند التفتيش طلع ماعندهم أثبات وبغيت أروح فيها لكن الله ستر اللي بالتفتيش طلع شمري :7ayyoh: ومشاني


نصيحة لا توقف لأحد إذا منت مشتهي والأ مندبله تسبدك :)

أبو قناة ممكن سؤال؟؟؟ <<< هذا بحد ذاتوه سؤال














أكيد قلت أسأل










على أي قمر بث قناتك ؟؟ لأنه أحس أنك طالع من الأرشيف :goooood:

[أبوطروق]

أبوقناة والله انك ظالم هالمسيكين
الحين الرجال بلشان بهالنسره اللي دابلتن تسبده ومانعته من السفر وانت بلشان بلك قطعة غيار

ياخي خف الله وقدر ظروف الناس


(ياكثركم ياهل الخفجي سيتي)

:

[صلفيق ابو قناة]

عذراً على التأخير:za3lan:

والله اني مستحي منكم وخجل من تأخري ولكن لعلكم تعذروني مهو لأني معذور ولكن لأن صدوركم شمالية :7ayyoh:

سبب تأخري أني كنت في مهمة انسانية عند جيرانكم بالمضيف العام وسأعود لكم ولردودكم الرايقة قريباً:)

تريونا:thumb:

[صلفيق ابو قناة]

يابري حــــــــــــالي ..


عز الله .. انك شفت من هالرخوم عينه .. حيه ..
أنا أشهد


مير الطيبين .. والطيبات بيسفهونه .. ( ماهم معطينه وجه )
ألا اغديهم يسجنونه:)


أمـــــــا في حالة .. أن كانت مرته .. ( قرمه وراعية غنم ) :)
الغنم يهل الغنم غثت مطيره**جعلها بالذيب ولا تروح تمامي
وا عسى ماهيب زينات الدريرة**ذود مردين العدا وقت الزحامي



فهذا له . حلين أذا الله بلاها فيه ..

أمـــــا بتشوفه متسنع وراكب الصراط المستقيم . وصايرن أرجل منك :7ayyoh:

أرجل مني:a:

سبه :za3lan:
مدحه :)
سبه :za3lan:
مدحه :)
سبه :za3lan:
مدحه :)
سبه :za3lan:
مدحه :)
سبه :za3lan:
مدحه :)

أشوى صارت مدحه:mabrook:


ولا تظن أن كل العرب قرم ..شرواك

شرواك الزين وفالك الملايين:7ayyoh:

مرور ولا أروع من عجايب بنت الشايب:goooood:

تقبلي شكري وتقديري

[صلفيق ابو قناة]

ذكرتني والله بواحدن خذيته من الجوازات وانا طالع من الكويت الوكاد قلت وين قال قدام مدري قدام وين ويوم مرينا الافق قلت اوقف نصلي ،، قال يا الله نزلنا وصلينا ركعتين قبل الصلاة نتسنن نتحرا الجماعه يا مار انا خلصت والاخ للحين يصلي التفت اطالع فيه والا الاخ تقول سارق شي بس يتلفت وهو يصلي يوم بحرت بالوجه عدل والا سبحان الله مابوه اي نور مظلم قلت ايه هذا اللي يبي يخاويني بس يقول قداااااام ( اشوا ما طرى علي ابن الذيب ) ،، يوم رديت للسياره قلت امشي واخليه والا اتحراه الوكاد وصل قلت اسمع تقبل الخط الله لا يهينك انت الصلاة ما تعرفه يعني ما تعرف الله انت وراسك تبيني أمن على روحي بهالطريق وطردته .

ثاني مره اطلب منه اثبات وسيرة ذاتية وعنوان بيتهم قبل كل شي
هههههههههه

يا هلا والله بشاامااان

أجل تقول أشوى ما طرى عليك ابن الذيب يوم نويت طردته:)

بس ترى خويك هذا لقطة :goooood:

مثل هذا تقدر تعلم به الدعوة:) تعلم الحلاقة بروس القرعان:)

يعني تصير داعية وتقوم تعطيه من هالدروس هذا يجوز وهذا ما يجوز لين تاصلون وتصير ابن الذيب والقرني في آن واحد :goooood:

حياك الله ياشامااان

[صلفيق ابو قناة]

حيا الله عشيرنا الغايب :d:




أنا الأصيل

أبوثوب ،، خاف إنك نسيتن يابوقناه:315r:

يا هلا وغلا:hala1:

الله مير يحييك ويبدزيك ويكثر عوانيك:goooood:

من ينساك يالأصيل بهالشرتا الي تقص العظم:goooood:






أقسم بالله إنك رووووووووووووووعه وقصيدك رووووعه:thumb:

الله لا يهينك يعني أنفع أشارك بالنسخة الجاية من مسابقة المليون:thumb:








النسـا نكبـة ونشبـة بالحلوقـي
وأطيب النسوان لو فكرت حيـة

تسمعن ياعجز ،،،

تشوفن

هذا أبوقناة اللي يقوله :315r:


انفض ثوبك يبو ثوب مهو أنا الي قلت:3ayyen_khair:

قالها الي شاربه صفر محلوقي**يوم نشبت في نحره الغشمرية
ولا انا أقول انهن زهرٍ يشوقي**والزهور ابهن كذا:thumb: وابهن كذيه:puzzled:







السالفه منازينه

والقصيده مناأزينه ( صيغة تفضيل من : منازينه ):3ajeeb:


ولكن


يخي ترا الجهرا مهي بعيده عن العارضيه:148r:

ولنا حق إننا نشوفك شوف ونبتهج بمشاهدة قناتك الموقره
غالين ياهل الجهراء بس كني كشيت منكم شوي يوم قال لي راع العارضية ان القسيمة الي طالعتن له جنوب الجهراء:za3lan:



الأصيل ومرور بطعم الزنجبيل :goooood:



وعلى قولة الجهراوي بدر صفوق يوم خلص تعليق ولا يدري وشيقول قال أنا أحبك من مبطي:goooood:
<<بس أنا صادز:thumb:

[صلفيق ابو قناة]

ابو قناه اول شين وشنوحك علي وش انا عاملن لك :148r::3ajeeb:
ههههههههههههههههههههههههههه

ألا أنت منين طلعت لي يخي واجلي منا منزلك عند بيتكم بالعارضية:)

يا هلا والله ومرحبا بعيون السروق:)

يا فلان لا تجيني كلك ترى رفيذزي عوينات السروق وأنت عيون السروق<<فيه فرق:3ajeeb:




ثاني شين ليه ما تعلم شلون تعبث بالمسجل وانت داعسن على البانزين

علشان ماتودزف لاحد :goooood::3ajeeb:
والله انه خطةٍ منا زينه بس المشكلة ما عندي مسجل عندي سي دي:goooood:






جيتك يابو قناة فاكن سبوقي ...... ابي اوصيك لك كم وصيه

الاوله لاتعرضن تراني حموقي ...... والثانيه بعد احمّق شويه

والثالثه اجيك بقلبن صدوقي ..... واقول مدزي بك يازين هالسويّه

صح لساني ولا يهون الربع :):3ajeeb:

أي باله صح لسانك وتطلقن من السبوق تسرعانك وافطن عن هالبرد لوغدانك:thumb:

خلاص بترك حتى النظول على شانك بس يفلان ليه تشمت بي وتقول مدزي وين حسك المرهف ووين مشاعرك الفياضة ووين سوق شرق حسبنا الله علاه:315r:

تسلم وتدوم وشكرا للمرور الكتير مهضوم

[صلفيق ابو قناة]

خخخخخخخخخخخخخخخخخخخخخخخخ

صراحه ياأخوي مايستاهل انك توصله المفروض جادعه من الدريشه وداعسه:puzzled:

رفع ضغطي ياملي يامرته كانه مظلووومه له الجنهn)

مشكووور على هالمووضووع الرائع.........وصح لسانك على هالقصيده

الى اللقاء.........

أضحك الله سنك

يا هلا ومرحبا بريح حايل

شكراً للمرور العذب

سلام

[صلفيق ابو قناة]

ذكرتن مرة كنت طالع من الخفجي
أنت بعد طالع من الخفكي:a:

يخي كأن أشوف ان السر بأهل الخفجي؟ بس هقوتك رشيد ولا هل الكيلو:)



وماشي للجبيل ويوم وقفت عند محطة البنزين اللي دون التفتيش الا واحد وقف جنبي بسيارته ويسلم وانا أقول :7ayyoh: بس ما أعرفوه المهم قال وين يالأخو دربك ؟؟ قلت أمر قال ماتبي لك خوي للدمام قلت أنا دربي للجبيل قال مو مشكلة الجبيل زينه وهو يلتفت للسيت اللي ورا :thumb: وهم ينزلون أربعة ولا معهم لا شنط ولا شي قلت يالله سترك ويركبون السيارة بسرعة قلت الله يستر لا و الأدهي أن واحد لابس ثوب نوم خخخخخخ ورايح للدمام بس أنا بررت له موقفه على أساس أن الوقت كان ليل :solh:

المهم وحنا بالطريق سوالفهم أطعجني ويا لبا قلبك وتتن وضحك ويبون يشغلون شريط مسجل بس أشوا اللومينا الجديدة مابه مسجل بس سيدي :3ajeeb: أي والله

وش تبون أخرته عند التفتيش طلع ماعندهم أثبات وبغيت أروح فيها لكن الله ستر اللي بالتفتيش طلع شمري :7ayyoh: ومشاني
يا زين الشمري زيناااااااااااااااااه خاصة اذا لقيته بمكان قليلين به الشمامرة تلقى امبير الفزعة ضارب عنده للأتش:thumb:

أجل بغيت تروح فيها ياحليلي أنا من المغثة وجاي:)



أبو قناة ممكن سؤال؟؟؟ <<< هذا بحد ذاتوه سؤال



أكيد قلت أسأل



على أي قمر بث قناتك ؟؟ لأنه أحس أنك طالع من الأرشيف :goooood:
على قناة جريبستان :315r:

شكرا لمرورك العذب وتعليقك الرايق أخي الكمبيوتر

سلام

[صلفيق ابو قناة]

يا هلا والله وغلا ببو طروق عشير أبو عارف:)

ألا ما عينته تسني فاقده !

أبوقناة والله انك ظالم هالمسيكين
الحين الرجال بلشان بهالنسره اللي دابلتن تسبده ومانعته من السفر وانت بلشان بلك قطعة غيار

ياخي خف الله وقدر ظروف الناس


:
يا رجال لو شفت هكالهديفة الي انا شفت تسان ما حنيت عليه وظلمت هالأجوديه بقولك نسرة!

أجل شاحن لا يعطي مصروف لولده:za3lan:

ألا ما ودك نخطبه لك تسانه خذت نصف البيت منه :goooood:

منور يبو طروق:hala1: