ادخل يا فواز الغسلان انت و مشعل الغفيلي

[H5536H]

:za3lan:السلام عليكم يا فواز الغسلان الله يهديك انت ومشعل الغفيلي ليش تحذفون مواضيعي يا اخي حتى انا اشوف عندكم اخطاء في قصة الشيخ ساجر والشيخ ساجر شيخ قبيلتي ومن حقي اذا شفت احد اخطاء قصة ساجر لازم اصلحها له لتوضيح بس مو علشان شي ثاني مثل ما انتم فاهمين والله انا ما جبت شي من عندي هاذي القصة حقت ساجر يكون في علمكم من قصاصين شمر مو من عندي انا او اي عنزي والسديري لما كتب قصة ساجر قال انه اخذها من قصاصين شمر الكبار وهذا الكلام مو انا اللي جبته من عندي وارجو انكم ما تحذفون الكلام اللي اكتبه انا حتى القصائد اللي تقولون انها لحسن التبيناوي حنا ردينا عليها بالشعر المعاصر
واذا كنت مو مقتنع تعالي ما سنجر وانشاء الله ابي اقنعك على شان ما تقول انت تكتب بالمنتدى على شان تسى لشمر انا اقول تعالي ماسنجر بيني وبينك يا تقنعني يا اقنعك
وانا ما عندي شك بشمر وبطولاتها بس الكلام اللي كتبته بس للتوضيح وابي اقولك شي انت كتبت قصة ساجر الرفدي ما له وما عليه بس والله العظيم واللي رفع السماء لو ساجر عليه شي الا يقولون لنا اهلنا بس والله انتم ظلمتم حظكم في ساجر حتى البيت اللي تقولون ان التبيناوي قاله انا احلف على القران الكريم انه ما قاله التبناوي واليكم بيت الشعر

يا ماحلا يا خليف كان انت زعلان موض الجبين وبنت ساجر عرايا

يا الغسلان عندي قصيدتين رد على القصيده اللي تقولون انها لشاعر التبيناوي وارجو منكم انكم تقرأئها انت ومشعل الغفيلى واذا كنت ما تبي ارسلها عن طريق المنتدى انا حاظر عن طريق المسنجر و في رد ثاني على قصيدة البقعاوي اللتي تقولون انه رد على قصيدة الشيخ ساجر


واتمنى ما اكون طولت عليكم وشكراً انتظر منك الرد يا فواز الغسلان انت او مشعل الغفيلي

[مشــــعل]

حياك الله يا H5536H
مستعدين الاخوان يناقشونك بالموضوع اللي انت تبي
واصلا مابيننا وبينك شي عشان نحذف مواضيعك
وقبيلة عنزه غنيه عن التعريف والشيخ ساجر الرفدي من ابطال الجزيره
لا انا ولا غيري نقدر نجحده او نخفي بطولاته

لكن اهم شي ياخي الكريم الاسلوب ..!!
سجل معنا قبلك بفتره بناخين لك شملاني عندما ماقتنع بكلامنا
جمعنا بلنا شتمه:)

لذلك اخي حياك الله ان اقنعتنا كان بها
وان اقنعناك كان بها ...
وان لم يقتنع اي من الطرفين .. تبقى اخ كريم نحترمك

لكن فيه نقطتين ودي توضحهن لنا :
الاوله ارسلته لك على الخاص حقت عبدالله الفيصل اضنك تعرفه ..؟
والثانيه : شلون شعار معاصرين يردون على شعار ماتو لهم سنيين ..؟

[خلف الرويتع]

مشعل الغفيلي الله يعطيك العافيه رد رائع من شخص رائع

نعم نحن نحترم جميع القبائل وهذه مضايف شمر مفتوحه للجميع نحترم العضو المحترم ونحذف رد السفيه والنقاش مطلوب وماحد يزعل من النقاش وعنزه اجواد ومهم حدث بيننا من حروب فهم غالين علينا والحروب حدثه بين فخوذ شمر يعني ماهي غريبه بس اهم شي قول الصحيح وعندم نجد مايستدعي الرد والدفاع عن شمر فالحمدالله الشواهد كثيره والاجواد ماماتو

[فواز الغسلان]

اخوي العزيز حياك الله وياهلا فيك بمنتداك00

وبالامس القريب حذفنا ردود لبعض الاخوه الاعضاء من شمر عندما وجدنا ان النقاش قد خرج عن

سلوك الحوار المفيد فليس الامر كونك من بني وايل طيور شلوى او من غيرها من القبائل00

فالشخص اذا كانت له وجهة نظر في اي موضوع واي حادثه فله كل الحق بطرح وجهة نظره هنا دون

تمييز بين افراد اي قبيله ولكن ان يكون الحوار بماتمليه علينا عادات وتقاليد قبائلنا التي ندافع عنها

وبذلك يكون الحوار مفيدا وموضوعيا ومعتمدا على الادله والشواهد الواضحه00

ويشهد الله ثم الاخوه الاعضاء هنا انني كم ناقشتهم لكي اثبت انتصار عنزه في موقعه من المواقع

وليست شمر وهذا منهج يمليه علينا ديننا واخلاقنا وضمائرنا00

واما ان ياتي الشخص هائجا غاضبا ويبدى يكيل الاتهام هنا وهناك فهذا لن يفيده في ايصال وجهة

نظره بوضوح ولن يتقدم العقلاء بالرد عليه بل سيخرج له من يكون ارفع منه صوتا ولسانا وبذلك

يكون المنتدى فوضى ونحن لانقبل بذلك لانه موقع عزيز بسياسته ورجاله00

وكم من رجل يظن انه يدافع عن قبيلته وهو بالحقيقه يسئي لها بطريقة حواره وكلماته القاسيه0

وانا اليوم هذا كنت ساعه كامله مع الشيخ نايف بن مجلاد نتناقش بطريقه وديه واخويه حول التاريخ

والثقه متبادله بيننا وكل شخص يريد ان يستفيد من الاخر وليس معارضا له00

والبارح نفس الشي كنت قرابة الساعه مع الاخ خلف الفقير ونتحدث بنفس هذه المواضيع والحمد

لله فنحن وعنزه اصبحنا اعمام واخوال وقبيله واحده بلا عداوه ولا بغضاء 00

وانت بيننا اخ كريم لك كل الاحترام والتقدير كواحد منا واذا ناقشت اجعل نقاشك مع اخ لك وسيثبت

لك الوقت والحقائق ان هذا المنتدى يسير على اسس حياديه ونزيهه بتعليمات الاخ المشرف العام

وتعاون الاخوه جميعا00 ولكي اثبت لك ذلك هذه قصيده قلتها انا قبل سبعة اشهر في بني وائل:





ليش تفرح ياغناتي يوم طال وقوفي=ويوم شفت الدمع لاجلك بالخفى ذرافي
اعترف لك في لهيبن يشتعل في جوفي=وان قلبك بالمحبه ماحلب لي صافي
شلت قلبي في عيونن داعجه وردوفي=وزولك اللي بالعذارى في جماله وافي
لك من لباس العذارى في حلاه صنوفي=تودع القلب المعنى بالحلا رجافي
عندلن بك عن خواتك بالوصايف نوفي=بس زينك من طبوعك يالغلا ينعافي
صرت مثل اللي طريحن والقدم مشنوفي=طاح من ناسن سلاحه بندقن وشلافي
في قيوضن حر ناره للحشاء ذايوفي=في صحاصيحن سروحه دوم ماتنشافي
حوله ذيابن فعوله بالعرب معروفي=من سمعها في هروجي صاح بي ياكافي
كيف تلعب في خفوقن صاحبه مكتوفي=لين صرت اطرد غرامك بالقوايل حافي
ليت لي من نسل وايل من يعرف ظروفي=لاجل اشوف الخيل تمشي بالرجال اسلافي
ماكرن فيه الحرار اللي تجيك صفوفي=والوجع برماح وايل يالعشير اضعافي
لانخيت اولاد وايل لاتسوق حلوفي=شلفهم هدت رجالن كان راسه جافي
مجدهم في نجد كله ظاهرن للشوفي=مثل ظلع طويق زامي فوق ماهو خافي
في جبال الطيب تنقش رسمها بحروفي=وهم علاج اللي زبنهم والطبيب الشافي
هم حرارن باللوازم بالمراجل توفي=اصغر الويلان طيرن ينزل المشرافي
اشقرن خلا الحباري دمها مغروفي=لاصفق صيده يشادي صفقة الخطافي
هم شموسن مايجيها في سماه كسوفي=وفي سباق الطيب وايل صعب ماتنطافي
ياسباعن بالملاقاء ينقلون حتوفي=واطرف الويلان رجلن بالفعول سنافي
يابحور الطيب كله ياغناة ضعوفي=ياسباعن بالملاقاء تاصل الاطرافي
من ظلم حظه بوايل كذبهم مكشوفي=ومن يناطح خيل وايل فاعرف انه هافي
المعادي جفن عينه بالقهر مطروفي=راجحن ميزان وايل والعداة خفافي
مامدحت فعول وايل ناقصن مصروفي=بس احب اللي كرمهم يارجال اصنافي
من سهر للضيف كنه بالسهر مكلوفي=مايساوي من لياله بالشتاوي غافي
مثل مشعان السرايا مايهاب جروفي=ومثل ابن مجلاد يقلط والعداة احلافي
او خلف ذيب الغداري لاوطاك جنوفي=او عقاب اللي خيوله بالعرب تنخافي
ومثل ساجر بالحرايب ساتر الغطروفي=لاضرب وجه المعادي غصب يعطي قافي
له شلافن بالمعادي ترتوي وسيوفي=وله قلوبن للمجاور بالشتاوي دافي
هم ربيع اللي يجيهم ضايقن ملهوفي=وكل ثوبن زان وايل بالمراجل ضافي
لبسهم ديباج عزه والردايا صوفي=وكم حريبن صار دمه سايرن وكافي
صعب اعد اجواد وايل لو مليت رفوفي=وكل شيخن له بربعه باللزم ميقافي
وياعنودي لو خفوقي عندكم مخطوفي=وايلي يسوى حلاتك واسكن الخصافي

[H5536H]

الله يعطيك العافيه يا فواز الغسلان وصح لسانك على القصيده الحلوووووووه انشاء الله راح يجيك الرد عليها

[H5536H]

:3ajebni: